أعمال من تنفيذ الفنان محمد الآلاتي

**محمد حمدان** · #1 02/01/2009, 09h43

اقتباس:

المشاركة الأصلية كتبت بواسطة الألآتى

ربنا يخليك ياأستاذ محمد .. أشكرك على الكلمات الجميلة المشجعة ..

فى الحقيقة هذا صوتى بدون أى رتوش أو تغيير .. وليس صوت حسام ..

وأعتقد أن تصورك هذا جاء من طريقة الأداء التى لاتتناسب مع سنى ..

أخى العزيز : إن طريقة غنائى تعتمد فى المقام الأول على الخبرة الطويلة فى عالم الموسيقى .. طريقة الإلقاء .. تنظيم التنفس أثناء الغناء .. أداء العُرب والحليات .. وليس على الصوت الحلو بالتأكيد

يا استاذى العزيز الفنان الاصيل/ابو حسام

و الله اعلم جيدا انه صوتك الجميل
ولكننى قصدت المداعبه تعبيرا عن حلاوة الصوت و نقاوته ما شاء الله وللعلم اننى لا اعلم سن حسام ابنكم اساسا بارك الله لكم فيه وفى العائله الكريمه كلها
ولا تحرمنا من اعمال اخرى على هذا المستوى
الراقى
وللعلم انك ذكرتنى بصوت عبد اللطيف التلبانى.

اخوك محمد حمدان

**ريما** · #2 02/01/2009, 15h36

للاسف مش عارفه احمل الاغنيه علشان اسمعها

بيقولى انى لم اسجل من 15 يوم فغير مسموح ليا بالتحميل

اظهار انهم مش عارفين انى ريما طب بذمتك يا استاذ محمد حد ميعرفش ريما

بس عمتا متاكده ان الاغنيه بصوتك هتبقى تحفه كالعاده انت عارف انى بحب صوت

حضرتك اللى غير مطرب بالمره

منتظره باه السيرفر بتعكو يتعرف على ريما علشان احمل الاغنيه واسمعها

ويا مسهل 0000كرسى هنا يا بنى وواحد كباتشينو برغوه خلينا ننتظر

**سمعجى** · #3 02/01/2009, 15h43

الله عليك يا بو حسام ،،،

أزيد على قسم أخي محمد حمدان قسماَ ،، فواللهِ أشجيتني و أمتعتني ،،

حَـدّ قال لك إني باحب حـَدّ قال لك ؟!

و لا كتر الشوق في قلبي بان عليـّا ؟! ( دَنا اللي باقول )

حَدّ قال لك إني باحبك ؟!

**غواص النغم** · #4 02/01/2009, 17h19

رائعة يا أبو حسام فعلا
اختياراتك جميلة جدا
وصوتك رائع جدا في كل ماتختاره من اغان
حتى وشك حلو عليا عجبتني جدا بالرغم ان التوزيع كان جديد فيها
ياريت لو تسمح ترفع لنا الموسيقى للأغنية حد قالك
علشان نجرب نتعلم منكم ازاي الغنا ممكن نضع صوتنا عليها برضه
تحياتي

**الألآتى** · #5 02/01/2009, 19h50

اقتباس:

المشاركة الأصلية كتبت بواسطة غواص النغم

ياريت لو تسمح ترفع لنا الموسيقى للأغنية حد قالك
علشان نجرب نتعلم منكم ازاي الغنا ممكن نضع صوتنا عليها برضه

تحياتي

حاضر يامنعم .. من عنيا ..

إليك موسيقى الأغنية .. وغنى ياعم براحتك ..

**غواص النغم** · #6 02/01/2009, 19h56

اقتباس:

المشاركة الأصلية كتبت بواسطة الألآتى

حاضر يامنعم .. من عنيا ..

إليك موسيقى الأغنية .. وغنى ياعم براحتك ..

الف الف الف الف شكر
ههههههههه
إنت اللي حتغني يامنعم
ربنا يسعدك ويهنيك

**محمودسعد** · #7 03/01/2009, 10h16

اولا عاوزاقوللك يامحترم شويه كلام
هو انت ليه بتستفزني بكلمه صوتي اللي مش مطرب
ليه كده ؟
بتغيظني يعني ولا ايه
دانت بتعمل معانا كلنا واجب انت مش واخدبالك منه والله بتكلم جد
يااخي فيه مننا كتير وانا منهم ماكناش واخدين بالنا من اغنيه ما وعلي غفله نلاقيك رافعها بتوزيعاتك انت نقوم نحملها ونسمعها ونحفظها منك انت وانا شخصيا فيه ا غا ني ماعرفتهاش كويس من اصحابها وعرفتها منك انت ؟؟. وصدقني انا بقول الحقيقه
انت لما بتغني بتطربني انا شخصيا لا ومش بتغني اي حاجه
دانت فظيع؟
وبتختار اغاني ياسلام عليك يااخي اغاني اغاني ؟ مش اغا ني كده وعديها لالالالا دانت بتغني اغاني علي كل لون وصوتك لايق فيهم كلهم وبتوصلها لينا علي خيرمايرام يبقي ناقص ايه تاني بقي ويعني هم اللي صوتهم احلي منك عملوا ايه احسن منك
انت حبيبي وصديقي واخي واستاذي ومعلمي وملهمي وصاحب مدرسه فريده من نوعها ومش موجوده الا نادرا
اطال الله في عمرك ومتعك بالصحه والعافيه ونفرح وتفرح معانا بحسام ومحمد
ياصاحبي ياواحشني

**الألآتى** · #8 03/01/2009, 18h31

اقتباس:

المشاركة الأصلية كتبت بواسطة محمودسعد

هو انت ليه بتستفزني بكلمه صوتي اللي مش مطرب
ليه كده ؟
بتغيظني يعني ولا ايه

لما أنا ابقى مطرب ياعم محمود .. تبقى إنت إيه .. بتاع بطاطا ؟؟

ماتخللى الطابق مستور ..

وبعدين بالنسبة للإختيارات إللى بتعجبك .. تصدق إنى وأنا بختار .. بتبقى حضرتك فى خيالى .. وبادعى إن إختيارى يعجبك ..

عموماً .. إستنى الأغنية القادمة .. مفاجأة ..

**شكيب الفرياني** · #9 03/01/2009, 19h08

أخي الآلاتي كل سنة وانت بخير وصحة وسعادة
مشكور على هذه الأغنية الحلوة أنا شخصيا كنت أجهلها
وكالعادة السنباطي دائما متميز في جمله وانتقالاته اللحنية وقدرته العجيبة على الباس الكلمات حلتها اللحنية المناسبة
أما تنفيذك فلا يحتاج اي كلام طبعا
دمت مجتهدا ومحبا للموسيقى والفن الجميل

**الألآتى** · #10 03/01/2009, 21h36

اقتباس:

المشاركة الأصلية كتبت بواسطة azifo_alayl

أخي الآلاتي كل سنة وانت بخير وصحة وسعادة
مشكور على هذه الأغنية الحلوة أنا شخصيا كنت أجهلها
وكالعادة السنباطي دائما متميز في جمله وانتقالاته اللحنية وقدرته العجيبة على الباس الكلمات حلتها اللحنية المناسبة
أما تنفيذك فلا يحتاج اي كلام طبعا
دمت مجتهدا ومحبا للموسيقى والفن الجميل

تصور إنى كنت أنتظر تشريفك ياأستاذ شكيب ..

لأن رأيك يهمنى جداً .. وأشكرك عليه .. ويسعدنى بالتأكيد أن أكون عرفتك على أغنية لم تكن تعرفها .. فالأغانى المجهولة كثيرة .. وأتمنى أن يكون لى دور فى البحث عنها وتعريف الناس بها ..