أعمال من تنفيذ الفنان محمد الآلاتي

[الألآتى]

أغنية

راجع بتسأل

كلمات : مأمون الشناوى

ألحان : بليغ حمدى

غناء : نجاة

تسمعونها من تنفيذ العبد لله

وبصوتى إللى عاجبكم .. مش عارف ليه .. غريبه

[mohamedafify]

حبيبى ابو حسام اللة ينور عليك غنوة جميلة والتوزيع جميل واحساسك فيها حلو انا اول مرة اسمعها ودورت عليها فى المنتدى مش لقيها ربنا يوفقك يا باشا مع تحياتى محمد عفيفى

[رائد عبد السلام]

الله ....الله ....الله
يا أستاذ محمد
روائعك حتخليني أقرأ المعوذتين
ربنا يحفظك يا أستاذ ياكبير
الأغنية دي بالذات ...أنا متأكد إن كل محبيك
ح يعلّقوا عليها بشكل خاص
لإن إحساسك فيها
خاص جدا ...جدا ...جدا
مش باقولك ياعم محمد...
شكلك بتحب جديد !!
يسلم صوتك العبقري
وأداءك الأكثر من عبقري

[الألآتى]

المشاركة الأصلية كتبت بواسطة رائد عبد السلام

شكلك بتحب جديد !!

المشاركة الأصلية كتبت بواسطة محمودسعد

عشان انت فعلا كما قال العزيز رائد ؟
بتحب جديد؟؟

كده إنتم حاتودونى فى داهية .. لأن المدام بتقرا الكلام ده ..

[سمعجى]

آاااه يا ( أَلـْبي )

من غير ما تئول و تعيد
بتحب جديد ،، دا أكيد

يا نعومة ( عُرَبَك ) و حنان ( حِسّك )
لازم فيه ( شووء ) بـِيْمِـسَّك

جايز ما تصرحشي بحُبّك
جايز بتخبّي ف قلبك
بس اللي انا متأكـّد مِنـّه ،،
إن السِّت ام حسام ،،،
حاتلِبَّك


أمتعتنا و أذيت نـَفسَك يا مسكين

[الألآتى]

نتكلم جد شويه بقى ..

الكلام الحلو بتاعكم ده .. كتير عليا قوى .. وكتير على أى واحد ..

وبصراحه هو ضد طبيعتى المتواضعه ..

المفروض إنى أفرح وأزأطط .. لما أقرا كل الكلام الجميل ده ..

وخصوصاً إن بعضكم مطرب محترف .. زى الأستاذ محمود سعد المطرب المخضرم .. والأستاذ محمد عفيفى المطرب إللى لازق لى .. وعايز يغنى على أى موسيقى أعملها .. إنشاالله ريان يافجل ..

وحبيبى وبلدياتى الأستاذ رائد .. الشاعر الكبير ..

وصديقى الأستاذ منعم .. إللى ورايا فى كل مشاركة .. وبيساعد كمان معايا ..

أما صديقى الجديد محمد حمدان .. والذى أرحب بصداقته من كل قلبى .. فلم يترك كلمة حلوة لغيرى ..

كل ده كلام جميل .. ولكن

هل تعتقدون ياأصدقائى أن الدنيا كلها ناس حلوه زيكم .. بالتأكيد هناك ناس مش عاجبهم شغلى ولا صوتى .. وهذا أمر طبيعى .. فلن أعجب كل الناس ولن أرضى الجميع .. هذه أمور يجب أن نراعيها ونعمل حسابها ..

كلامكم الجميل ده سلاح ذو حدين .. هو شئ يفرحنى ويسعدنى بالتأكيد .. ولن يصيبنى بالغرور ( أعوز بالله من الغرور ) .. وفى نفس الوقت يوغر صدور البعض ضدى ..

مش المطلوب أن أكون جلياط وقليل الذوق حتى أطلب منكم تخفيف كلامكم .. ولكن يجب أن نراعى الرأى والرأى الأخر .. بدون تجريح طبعاً ..

وأحب أن أؤكد للمرة المليون .. أننى أعرض لكم هذه الأعمال بغرض مشاركتكم لى فى أغانى أحبها .. وليس لعرض صوتى ..

فأنا لم ولن أفكر يوماً أن أكون مطرباً .. من الجائز أن أكون ملماً بمواصفات المطرب .. من حيث الأداء وعفق المقام وحرفية التصدير والتلوين .. ألخ ..

ولكنى بالتأكيد لا أملك حلاوة الصوت .. فصوتى صوت ملحن وليس صوت مطرب ..

أرجو أن تراجعونى فى موسيقاى ومدى حرفية التنفيذ .. والإبتعاد بقدر الإمكان عن تقدير حلاوة الصوت ..

أرجو ألا أكون قليل الذوق عندما طلبت منكم هذا الطلب ..

وفى النهاية أشكركم جداً جداً على رأيكم وكلماتكم الرائعة .. التى تشجعنى دوماً على بذل المزيد من الجهد والتدقيق فى الإختيار ..

[غواص النغم]

المشاركة الأصلية كتبت بواسطة mohamedafify

حبيبى ابو حسام اللة ينور عليك غنوة جميلة والتوزيع جميل واحساسك فيها حلو انا اول مرة اسمعها ودورت عليها فى المنتدى مش لقيها ربنا يوفقك يا باشا مع تحياتى محمد عفيفى

إختيار جميل واحساس ممتاز وجو التوزيع رائع
تمشي مع الليل
والصوت طبعا مافيش كلام رائع وصوتك جميل
و اه والليالي كلها ذابت على نار البعاد
صديقي المطرب الجميل محمد عفيفي تفضل هنا بصوت نجاة


وهنا الأغنية مع تعليق عمار الشريعي وتحليل الأغنية

[محمد حمدان]

المشاركة الأصلية كتبت بواسطة الألآتى

أغنية

راجع بتسأل

كلمات : مأمون الشناوى

ألحان : بليغ حمدى

غناء : نجاة

تسمعونها من تنفيذ العبد لله

وبصوتى إللى عاجبكم .. مش عارف ليه .. غريبه

استاذنا الفنان المتألق دائما
الاستاذ محمد الالاتى
حبيب الكل وانا احدثهم بس شايف ورايا
كتيبه كامله منتظره السماح لها للمثول بين
يديكم للتعبير عن الحب والاحترام لشخصكم
ثم الاعجاب بفنكم الراقى فعلا

ياسيدى المطرب محمد الالاتى

الاغنيه طالعه من اعماق اعماق الاعماق
يعنى من جوه نخاشيش القلب
يعنى من الحته اللى بيطلع منها ضحكى وبكايا
خصوصية الاداء وعمق الاحساس فعلا عاليين
جدا فى هذه الاغنيه
والفن ايه غير احساس
يا فنان يا كبير
اغنيه جميله فعلا
وصوت من دهب

[محمودسعد]

راجع تسأل صوتك عاجبني وعاجبنا ليه؟
عشان انت فعلا كما قال العزيز رائد ؟
بتحب جديد؟؟
هو ده الكلام بقي المفيد
لان الحكايه مش حكايه صوت حلو بس لالالالا
احساس جميل وتوزيع عميق واداء مبتكر وذكي
وراجع تسال ليه بنحبك
تسلم ايديك اللي عزفت وودانك اللي وزعت وصوتك اللي غني وقلبك اللي وصل
احسنت ياكابتن كباتن الغناء النادر
واللاعبون وراءك متحفزون
يالا ياعفيفي ؟
وانا كماااااااااان

[ريما]

يا عم محمد ايه الجمال دا بجد تحفه غير كدا انا اول مره اسمعها

بجد جميله اوى وصوتك فيها مش مطرب خالص مش مطرب بالمره