تحليلات سيادة الرئيس ـ أبو على

[سيادة الرئيس]

موجوع وقف ع السور يتفرج على بحيرة بجع
و يشوف الوز إللي رايح و يشوف الوز إللي رجع
و يشاهد إللي ع الميه عايم و إليي ف الضله هجع
و يتعجب على البط إللي بيعلم ولاده العوم و الدلع
منظر صحيح يفرح . . . لكن ما يشفيش م الوجع

[سيادة الرئيس]

عارف يا طويل العمر يعني إيه سحابة صيف ؟
غمامة فايته ف السما زي الشهاب و الطيف
و كل واحد في الحياه . عابر سبيل . أو ضيف
و العمر واحد . . لو كان ع السرير أو بحد السيف

[سيادة الرئيس]

يا قلم ياللي بتبني إسم و بتزلزل عروش
بلاش تشك الرسم لأنهم ما بيتوجعوش
و بلاش تكلم سكان القبور و التوابيت و النعوش
لأنهم . . . . . . . ما بيسمعوش

[سيادة الرئيس]

من تراب الأرض يا ابن أدم . و من صلصال . و من نطفه
ناموس بيحكمك . . ما فيش حاجه اسمها صدفه
و زي المركب ما بتقمشي من غير المجداف و الدفه
ما فيش سلام يتحقق من غير الحب و الألفه