كلمات الاغاني وشرح المعاني

[doctorluxor]

حيرت قلبي معاك
أحمد رامي
رياض السنباطي
**********
حيرت قلبي معاك
وأنا بداري واخبي
قولي اعمل ايه وياك
ولا اعمل ايه ويا قلبي
بدي اشكي لك من نار حبي
بدي احكي لك ع اللي ف قلبي
وأقولك ع اللي سهرني
وأقولك ع اللي بكاني
واصور لك ضنى روحي
وعزة نفسي مانعاني
**********
يا قاسي بص في عنيا
وشوف إيه انكتب فيها
دي نظرة شوق وحنية
ودي دمعة بداريها
ودا خيال بين الأجفان
فضل معايا الليل كله
سهرني بين فكر وأشجان
وفات لي جوه العين ضله
وبين شوقي وحرماني
وحيرتي ويا كتماني
بدي اشكي لك من نار حبي
بدي احكي لك ع اللي في قلبي
وأقولك ع اللي سهرني
وأقولك ع اللي بكاني
واصور لك ضنى روحي
وعزة نفسي مانعاني
**********
ياما ليالي
أنا وخيالي
أفضل اصبر
روحي بكلمة يوم قلتهالي
وابات افكر
في اللي جرالك واللي جرالي
وأقول ما شافش الحيرة عليا
لما باسلم
ولا شافش يوم الشوق في عنيا
راح يتكلم
وارجع واسامحك تاني
واحن لك وألقاني
بدي اشكي لك من نار حبي
بدي احكي لك ع اللي في قلبي
وأقولك ع اللي سهرني
وأقولك ع اللي بكاني
واصور لك ضنى روحي
وعزة نفسي مانعاني
**********
خاصمتك بيني وبين روحي
وصالحتك وخاصمتك تاني
وأقول ابعد يصعب على روحي
تطاوعني لا يزيد حرماني
حافضل احبك من غير ما أقولك
إيه اللي حير أفكاري
لحد قلبك ما يوم يدلك
على هواي المداري
ولما يرحمني قلبك
ويبان لعيني هواك
وتنادي ع اللي انشغل بك
وروحي تسمع نداك
أرضى اشكي لك من نار حبي
وأبقى احكي لك ع اللي في قلبي
وأقولك ع اللي سهرني
وأقولك ع اللي بكاني
وأقول يا قلبي ليه تخبي
وليه يا نفسي مانعاني
**********

[doctorluxor]

دليلي احتار
أحمد رامي
رياض السنباطي
**********
ما بين بعدك وشوقي إليك
وبين قربك وخوفي عليك
دليلي احتار
تغيب عني وليلي يطول
وفكري في هواك مشغول
أقول امتى أنا وانت
حنتقابل مع الأيام
ولما القرب يجمعنا
أفكر في زمان بعدك
واخاف يرجع يفرقنا
وأقاسي الوجد من بعدك
وبين بعدك وشوقي إليك
وبين قربك وخوفي عليك
دليلي احتار وحيرني
**********
ولما ألقاك قريب مني
وأقول البعد تاه عني
أشوف عينك تراعيني
وقلبي من لقاك فرحان
واشوف بينك وبين عيني
خيال البعد والحرمان
واخاف لاتفوت ليالينا
واهيم في بحر أشجاني
وتتبدد أمانينا
وأقاسي البعد من تاني
وأقول امتى أنا وانت
حنتقابل مع الأيام
وبين بعدك وشوقي إليك
وبين قربك وخوفي عليك
دليلي احتار وحيرني
**********
أخاف في البعد توحشني
واخاف في القرب تتركني
قريب مني تناجيني
وطيف بعدك يخايلني
بعيد تناديني
وطيف قربك يشاغلني
لا انا باصبر على بعدك
لحد ما عنيا ما تسلم
ولا بافرح في يوم قربك
واخلي الفرحة تتكلم
وأقول امتى أنا وانت
حنتقابل مع الأيام
وبين بعدك وشوقي إليك
وبين قربك وخوفي عليك
دليلي احتار وحيرني
**********
يا ريتك حلم في جفوني
أنام وألقاك واعيش وياك
وآخر طيف أشوفه انت
يا ريتك فجر في عيوني
أنام واصحى على فرحة
وأول صورة أشوفها انت
وبين صورتك وبين طيفك
أعيش والقلب متهني
مش افضل كل ما اشوفك
أخاف ترجع تغيب عني
وأقول امتى أنا وانت
حنتقابل مع الأيام
وبين بعدك وشوقي إليك
وبين قربك وخوفي عليك
دليلي احتار وحيرني
**********

[doctorluxor]

عودت عيني على رؤياك
أحمد رامي
رياض السنباطي
**********
عودت عيني على رؤياك
وقلبي سلم لك أمري
أشوف هنى عنيا
في نظرتك ليا
وألقى نعيم قلبي
يوم ما التقيك جنبي
وان مر يوم من غير رؤياك
ما ينحسبش من عمري
**********
قربك نعيم الروح والعين
ونظرتك سحر وإلهام
وبسمتك فرحة قلبين
عايشين على الأمل البسام
وإن غبت يوم عني
أفضل أنا وظني
يقربك مني
ويبعدك عني
واحتار في أمري معاه ومعاك
وإن مر يوم من غير رؤياك
ما ينحسبش من عمري
**********
لو كنت خدت على بعادك
كنت أقدر أصبر واستنى
واسهر على ضي معادك
لما الزمان يجمع بينا
أبات على نجواك
واصبح على ذكراك
واسرح وفكري معاك
لكن غلبني الشوق في هواك
وإن مر يوم من غير رؤياك
ما ينحسبش من عمري
**********
زرعت في ظل ودادي
غصن الأمل وانت رويته
وكل شيء في الدنيا دي
وافق هواك أنا حبيته
ومهما شفت جمال
وزار خيالي خيال
انت اللي شاغل البال
وانت اللي قلبي وروحي معاك
وإن مر يوم من غير رؤياك
ما ينحسبش من عمري
**********
ويوم ما تسعدني بقربك
ألاقي كل الناس أحباب
ويفيض عليا نور حبك
أقول ما فيش في الحب عذاب
الحب كله نعيم
لا فيه عزول بيلوم
ولا فيه حبيب محروم
يا ريت يدوم للقلب صفاك
وأقضي طول العمر معاك
ده ان مر يوم من غير رؤياك
ما ينحسبش من عمري
**********