متمكن .... لا أحب الإستماع إليه

[صوت الموسيقى]

ام كلثوم- نجاة - عبد الحليم-عبد المطلب

من الجديد: اليسا - محمد ثروت- محمد الحلو

لسه عندى كتير لو افتكرت حد منهم هرجع تانى

[جرامافون]

أستاذي العزيز عمرو بك

طيب أنا من امبارح مستنيك عشان أعرف هتفاجئنا بإيه

تقوم تكسفني كده وماتقولش

طيب لو خايف بجد على قميصك قوللي على الخاص

وسرك في بير مسعود .. مش هقول لحد

أخي العزيز الفاضل والنشيط ا.اسلام
بصراحة ما لا يعجني في اي مطرب متمكن
هوه المغالاة التي يحدثها محبيه حوله لدرجة

ممكن تكرهك فيه بدون ذنب للمطرب المسكين

ومطربين زمان احب اغانيهم وليس شخصياتهم
ما عدا محمد عبد الوهاب الذي احبه لشخصه
وده ميمنعش ان له بعض الاغاني اللي المفروض
تترمي من الشباك .. لانه مستحيل طبعا يقعد
نصف قرن يعطي عسلا مصفي بلا أخطاء لكنه
في مجمله شخصية متفردة تستحق الدراسة علي
المستوي الشخصي بجانب الموسيقي
واي مطرب تحبه او تكره
فيعود الفضل الاول والاخير
لثلاثة
محمد عثمان - سيد درويش - عبد الوهاب
لانهم همه اللي صاغوا وبلوروا وعرفونا
ببساطة بالظبط يعني ايه اغنية
واضحك كثيرا عندما اسمع صديقا لي يقول
انا بحب عبد الوهاب ومبحبش سيد درويش
او بحب زكريا ومبحبش عبد الوهاب
باعتبرها نوع من الكوميديا
واخيرا وبصراحة
كل المطربين لهم اغاني معينة
رائعة وليس كل اعمالهم طبعا
واخيرا
يبقي مطربا متمكنا شامخا متفردا مغردا مدندنا ومن كتر حبي فيه
مش طايق احبه وهو النابغه صاحب معلقة
(أنا بكره اسرائيل)
ومؤلفها طبعا أمير شعراء

مدرسة التوكتوك

(عاجبك كده .. اهو القميص اتقطع )

[سيادة الرئيس]

بصراحة كنت خايف أكون لوحدي في الموضوع لكن ما شاء الله رجاله و مش بتخافو أيوه كده كل واحد حر في ودنه

أما الشباب إللي قالوا ( ع المتغطي ) يا ريت تخدلكوا جرعة شجاعة زيادة و تقولوا
و ( إللي يعرف أبوكوا يروح يقول له )

تحياتي لكل من أثرى الموضوع بمداخلاته الرائعة

[فؤاد]

المشاركة الأصلية كتبت بواسطة سيادة الرئيس

عمرو بك

قطع قمصان و لا يهمك

أه مدام كده الواحد يتكلم وهو مطمن أوكي الواحد يقدر يتكلم دلوقتي!
أنا بصراحة بكل صراحه عندي 6 فنانين بيكسرولي الرقبه ( كلام باللهجه الليبيه ) وهم :
بالنسبه الي أنا
الثنائي القديم ( نجاح سلام ووديع الصافي )
الثنائي الوسط ( لطيفه و أصاله )
الثنائي الجديد ( محمد الحلو و علي الحجار )
و
و
و
عليا التونسيه

[صوت الموسيقى]

المشاركة الأصلية كتبت بواسطة فؤاد عبد الحميد

تكمله،،،،،،
عندما أستمع الي المطربه عليا التونسيه
بأفتكر اللي يغني دلوقتي وبيقول
كوكو واوا كووو واووووا
وعلي طول بفتكر الست أصاله
بس أصاله بتقول
كيكي واوا كيكيكي واوا

مشكلة اصالة ( حتى البومين مضيا) هى الاستعراض المبالغ فيه لامكانياتها الصوتية على حساب الاحساس .... فكانت اشبه بصندوق اجوف يحدث ضجيجا... بس دلوقت حاجة تانية واللى مش مصدقنى يسمع اغنيتها الجديدة: نص حالة

[فؤاد]

المشاركة الأصلية كتبت بواسطة صوت الموسيقى

مشكلة اصالة ( حتى البومين مضيا) هى الاستعراض المبالغ فيه لامكانياتها الصوتية على حساب الاحساس .... فكانت اشبه بصندوق اجوف يحدث ضجيجا... بس دلوقت حاجة تانية واللى مش مصدقنى يسمع اغنيتها الجديدة: نص حالة

أول حاجه في حد سامعنا ولا شايفنا يعني الجو خالي

طيب أنا حاولت أسمع للست أصاله ، وفعلاً أستمعت واستمعت وفي يوم في أغنيه جديده ألا وهي ( قد الحروف ) وفعلاً أستمعت الي الأغنيه أول مقطع رائع وكانت قمه في الطرب وثاني مقطع أبداع وتقول مو أصاله والمقطع الثالت
بدأت تقول كعادتها ...... كيكي واواوا كيكيكيكي واوووا
بجد ياصوت الموسيقي بجد
أنا ماشي في حد بره ؟

[جرامافون]

أهوه ... ورايا رجاله يكلوكو أكل

البلبلة المغردة
ويا ويل اللي يقول غيركده

ست الكل فتحية أحمد

معلش بلاش أنت يا حمو اصلك عصبي
(دي عينه من الرجالة)

[صالح الحرباوي]

أرى أنه من الطريف أن يختار المشاركون أكثر واحد لا يتحمولون
سماعه و مشاهدته (واحد و بسّ)
و بما أن أستاذنا العزيز الشاعر بشير عياد تحدث عن الشكل أيضا
أبدأ أنا باختيار
حكيم
الذي أرى فيه قمة التكلّف و الفبركة
و أقول أنه متكلف في صوته و أدائه، و كأنه يحاول تقليد صوت ولد صغير ....
و أنا ملاحظ أن صوته عند الكلام مختلف عن صوته في (الغناء...)
و متكلف في تعبيره و قسمات وجهه عندما يغني
متكلف في حركاته و تهريجه الراقص
متكلف في أدواره التي مثلها
هذا عن الشكل...أما المضمون فحدث و لا حرج
و على سبيل المقارنة مثلا، فإن عدوية وهو مطرب شعبي أيضا،
حافظ على أكبر قدر من البساطة و الإنضباط في أداءه ..... و لا أرى أي داعي للمقارنة
مع عمالقة الفن الشعبي و المونولوج القدامى

[بشير عياد]

أخي الحبيب م / صالح الحرباوي
على ذكر الأخ حكيم ، أقول إنني حضرت له عدة حفلات ـ أو أفراح ـ ( لايف ) ، وكنتُ قريبا منه وهو يغني ، وكنت أدقق في ملامحه وحركاته ، أحيانا أشعر أنه طفل بريء طيب ، وأحيانا أشعر أن فيه " كلب عضـّه من لسانه " ، وبالرغم من ذلك أحب له عددا من الأغنيات ، يمكن لطرافة موضوعها مثل " إفرض " ( لا أتذكـّر غيرها ) وهي من الأعمال التي تعجبني ( كفكرة وصياغة لهذه الفكرة ، وكذلك " الكليب " الذي شاركته فيه المواطنة أميرة فتحي وواحدة معاها ) .
أما أطرف تعليقاتي على هؤلاء فكانت في باب " تلاكيك " بمجلة " كاريكاتير " ( 1990 ـ 1999 ) ، وأذكر أن الفنان الكبير مصطفى حسين ـ رئيس التحرير ـ أمرني بإعادة نشر جملة كتبتها عن إيهاب توفيق الذي ظللت أكتب فقرة خاصة له في كل عدد لمدة ثمانية أعوام متصلة ، أما الجملة التي أعدنا نشرها فقد قلت فيها : " عندما أستمع إلى إيهاب توفيق أشعر أنه يغني من خلال كـــُــوز " !!

[رايا]

المشاركة الأصلية كتبت بواسطة بشير عياد

" عندما أستمع إلى إيهاب توفيق أشعر أنه يغني من خلال كـــُــوز " !!

استاذ بشير انت بالجملة دى جبت
الخلاصة
الموضوع دا حلو اوى
وبيكشف خفايا الاذواق
وكويس ان لغاية دلوقتى محدش قال
حاجة عن شادية