متمكن .... لا أحب الإستماع إليه

[M O H A M E D]

إيه الموضوع الجامد ده

بالنسبة لي و اللي خاطر على بالي دلوقتي

فايزة أحمد
خصوصاً في بداياتها

فريد الأطرش
و بالذات لما يتسلطن !!

محمد رشدي
بدأت استسيغ صوته في بعض اغانيه

عبد الحليم حافظ
من صغري و صوته مش بيملى وداني

فيروز
رغم جمال صوتها لكن مقدرش اسمعها اكتر من نص ساعة ،
يمكن لإني مش بحب اكتر من السكريات

أصالة
بتزعق و تصرخ مش بتغني

محمد منير
في حاجة غلط مش بستسيغها في صوته

محمد فؤاد
بتخنق لما بسمعه

إيهاب توفيق
أخنف

لطيفة
يا لطيف ! لازم اطفي الراديو لو جت لها اغنية
و بسبب الحكاية دي فاتتني اغنية لقنديل ما سجلتش منها الا 19 ثانية بس !

أي مطرب تسول له نفسه و يغني لقنديل

كفاية كده أحسن

[ريما]

الفكره جميله فعلا نفضفض باه

عن نفسى برغم عشقى لورده قديم الا انها

بتثير غضبى فى اى اغنيه جديده ليها من اول بتونس بيك

وانا كمان بمبحبش اشوفها وهى بتغنى زى استاذ بشير

فريد الاطرش الا بعض قليل من اغانيه

عبد الوهاب بردو الا بعض قليل من اغانيه

اى مطرب من جيل قبل عبد الوهاب وام كلثوم

بعض اغانى كتير من عبد الحليم

ايهاب توفيق باه كفيل بانه ينرفزنى اول ما يبدا يغنى واكون لمحته بس صدفه

محمد ثروت واصاله وبعض اغانى انغام

اى مغنى باه او مغنيه جت بعد جيل انغام ومحمد منير بمعنى جيل الكليبات كله

من الاخر باه يا جماعه اعترف انى اساسا مش غاويه اسمع اغانى

ودى السر اللى كنت مخبياه ممكن اعقد شهور من غير ما افكر

اسمع اى اغنيه وان طالبت وسمعت بفتح منير او ورده قديم او فيروز او نجاه وبس

دا ان سمعت اصلا

[غازي الضبع]

أما أنا لو قلت مين اللي مابحبش أسمعه رغم إنه متمكن جدا
فيه ناس كتير هايزعلوا مني ..
أولهم المهندس محمد علي ، ومحمد السلاموني

[Islam Eidrisha]

أستاذي الغالي غازي الضبع
لقد كنا سويا نكتب في نفس الوقت وربما كان هناك همزة وصل روحانية بيننا
فكتبت ما كنت أخشاه فأنا ثالثهم.
رأيك يا غازي باشا ع العين والراس
تحياتي لك ولكل الأساتذة في منتدانا الغالي

[NAHID 76]

بسم الله
سيادة الريئس
اولا شكرا على موضوع حضرتك ذو الفكرة الجديدة والجميلة لاننا تكلمنا على كل ما نحب
وان شاء الله لن تكون وحدك وربنا ما يجعلك وحدك ابدا
ثانيا حضرتك شفت اد اية البعبعة
اما ما ابعبع بة فهى

الست اصالة
وانغام
على الحجار
لطيفة
وطعا اى جيل اخر لا استمع الية
اما رائ الاديب بشير عياد فاعجبنى جدا تعليقا وموضوعا
اصالة لما تغنى اخرج من البيت
والعجيب كل العجب الى اندهشت لة هو رائ الاخ الفاضل اسلاممم
اندهشت بجد
وعلى رائ السيد غازى لولا اختلاف الاذواق لبارت الكاستات والمغنيات

موضوع شيق وجديد
تحياتى

[جابر الحسيني]

هناك شيء آخر نسيت أن أذكره في تدخلي الأول، و هو ظاهرة التقليد اللتي بدأها عادل مأمون من زمان في رأيي هذا المغني لا يعدو أن يكون سوى مقلد بارع لعبد الوهاب الذي وجد فيه من يؤدي بدلا عنه أغاني فيلم ألمظ و الحامولي، هذه الظاهرة اللتي عادت لتطفو على السطح مرة أخرى في السنوات الأخيرة مع عبده الشريف متقمصا ببراعة دور عبد الحليم حافظ و فؤاد الزبادي في دور عبد المطلب (رغم أن لو طلب سمعو كان طخ نفسه بطبنجه) و أخونا صفوان بهلوان في دور عبد الوهاب مش عارف إسم بهلوان عائلي أو لقب عشان التقليد الماهر.

هؤلاء "المطربون" لم يأتوا بإضافة جديدة يعني بيعيدوا الأغاني زي ما هي نفس التوزيع الموسيقي و نفس الأداء حتى الصوت مشابه لأصوات أصحاب الأغاني الأصليين ففي الأغنية الغربية هناك ما يسمى reprise أو cover يعني إعادة إنتاج الأغنية لكن بتوزيع جديد و بأداء متميز و مختلف و بلمسة شخصية تكون واضحة تجعلك تحس و كأنك بصدد الإستماع لعمل جديد لا علاقة له بالعمل الأصلي و قد تجد لنفس الأغنية 20covers كل واحد يختلف عن الآخر، أعتقد بأن هؤلاء المقلدين بعيدون كل البعد عن هذا ، و سبب نجاحهم و انتشارهم أعتقد إنه بيرجع لذكاء منظمي حفلاتهم الذين استغلوا حنين الجمهور لزمن الطرب الجميل يعني بيقولك كده : إنت فاتك زمن كان بيغني فيه حليم و كان نفسك تحضر سهرة من سهراته إتفضل آدي عبده الشريف نسخة طبق الأصل و اعتبر كإن حليم هو اللي بيغني قدامك و صفق و اعمل هيصة و قول الله يا عبد ... نفس الشيء بالنسبة لعبد المطلب قصدي فؤاد الزبادي و الأخ بلياتشو .. بهلوان أقصد.

[غواص النغم]

أهلا بكم
طبعا الموضوع جميل وجريء
واحد الأصدقاء شاور لي على الموضوع
طبعا علشان لقيت انا فيه حوالي 3000مشاركة فاتتني بالمنتدى
واول ماقريت الموضوع فرحت جدا لان هذا الموضوع لاتوجد فيه مجاملة
بالنسبة لي انا
تعرفوا ليه انا بحب منتدى سماعي؟
لأنني احب كل الذي فيه من مطربين ومطربات ومغنيين ومغنيات ومونولوجيستات
وطبعا احب سعاد حسني
وبدون مجاملة
طبعا توجد اغنيات من مطرب محبوب لا احبها ((حاليا))ممكن بعد شوية احبها
وده حصل معايا في عدة اغنيات
حاولت اتذكر من الذي لا احبه فلم اجد
ممكن يكون ماهر العطار او محمد رشدي ((لكن وجدت انه عندي اغاني بحبها لهما))
يعني
بما ان لكل مطرب جمهور ومعجبين وانت لاتحبهم ..لماذا لاتحاول ان تستمع اليه من جديد
مثلا كنت لا احب سماع محمد عبدالمطلب ((لان سني كان صغير فلا اعتقد ان طالب في الابتدائي يحب ان يستمع لطلب ده صوته رجالي وكله قوة لو سمعه واحد في كجي وان ح تصيبه سكتة قلبية))لكن لما كبرت عشقت صوته وسماعه
حاولت ان اسمعه وسمعته واعجبت بفنه
وانا الان بحاول في اغنية حاول تفتكرني ومداح القمر ممكن ممكن اعجب بهما
على فكرة ريما انا كنت عارف انك ماتحبيش تستمعي لأغاني
ارجوكم
نحن نتكلم عن الاصوات الموجودة في سماعي
لطيفة واصالة وايهاب وشعبان وهاني والحجار هل هم موجودون في سماعي
؟؟؟؟
اعتقد ان عدم وجودهم في المنتدى هو اكبر من اي تعليق قد يقال
على فكرة ا.بشير عياد كان رئيس تحرير مجلة كاريكاتير ..فطبعا لازم تكون عنده كل الاعداد
وياريت بما انه عنده اسكانر يبعث لنا كام عدد وشوية صور كمان له ولعبدالوهاب محمد وكل اللي يجبه كويس
تحياتي

[جرامافون]

ما حدش ليه دعوه بالست ( فتحية أحمد )

إنتوا عندكوا إخوات بنات برضه

يا جمااااااااااااااعة
اوعوا حد يقرب من ست الكل
الكروانة البلبلة مطربة القطرين
(فتحية أحمد)
ولا يهمك يا عمي
أنا متحزم بجنزيرين علي وسطي
ومعايا كازلاك تحت البلوفر
ولو الموضوع كبر العيال مخبيهم في القهوة اللي جنبينا
حنولعها وننط من الشباك
ونغير هدمونا بسرعة ونرجع ناخد العزاء ونعيط
علي الضحايا

[صوت الموسيقى]

المشاركة الأصلية كتبت بواسطة غواص النغم

ارجوكم نحن نتكلم عن الاصوات الموجودة في سماعي لطيفة واصالة وايهاب وشعبان وهاني والحجار هل هم موجودون في سماعي؟؟؟؟

اعتقد ان عدم وجودهم في المنتدى هو اكبر من اي تعليق قد يقال

عزيزى منعم اولا حمدلله على السلامة ووحشتنا جدا...ثانيا بقى حتة انه كفاية انهم مش فى المنتدى فدى اسمحلى اختلف معاك فيها... لأن المنتدى يختص بالحاجات القديمة و النوادر بس... يعنى الجديد الكويس مش موجود هنا لأنه جديد مش لأنه وحش ودى بالذات كانت موضع نقاش طوييييييييييييييييل مع العزيز غازى و القدير أ. الالاتى...كذلك الاعمال الغربية يعنى بيتهوفن ملوش مكان هنا رغم انى طلبت ده اول دخولى المنتدى هل معنى ده ان بيتهوفن فاشل وكفايه انه مش موجود فى المنتدى وعدم وجوده ده اكبر من اى تعليق يقال؟؟؟

انا من رأيى انه طالما مش بنرفع ملفات تحمل على السيرفر و الحكاية مجرد ذكر اسماء يبقى كل واحد يقول الاسامى اللى فى نفسه... على الاقل نتعرف على ذوق بعض اكتر...

الف الف حمد لله ع السلامة مرة تانية و الف الف شكر لسعة صدرك الغالية

[غواص النغم]

المشاركة الأصلية كتبت بواسطة صوت الموسيقى

عزيزى منعم اولا حمدلله على السلامة ووحشتنا جدا...ثانيا بقى حتة انه كفاية انهم مش فى المنتدى فدى اسمحلى اختلف معاك فيها... لأن المنتدى يختص بالحاجات القديمة و النوادر بس... يعنى الجديد الكويس مش موجود هنا لأنه جديد مش لأنه وحش ودى بالذات كانت موضع نقاش طوييييييييييييييييل مع العزيز غازى و القدير أ. الالاتى...كذلك الاعمال الغربية يعنى بيتهوفن ملوش مكان هنا رغم انى طلبت ده اول دخولى المنتدى هل معنى ده ان بيتهوفن فاشل وكفايه انه مش موجود فى المنتدى وعدم وجوده ده اكبر من اى تعليق يقال؟؟؟

انا من رأيى انه طالما مش بنرفع ملفات تحمل على السيرفر و الحكاية مجرد ذكر اسماء يبقى كل واحد يقول الاسامى اللى فى نفسه... على الاقل نتعرف على ذوق بعض اكتر...

الف الف حمد لله ع السلامة مرة تانية و الف الف شكر لسعة صدرك الغالية

اولا الله يسلمك
ثانيا بماذا تفسر تواجد المطرب احمد إبراهيم بالمنتدى؟
والكل يعرف احمد ابراهيم من اي جيل من المطربين
ثالثا اعتقد ان كلامي وتعليقي عن عدم تواجدهم هو ملخص لكل من لا احب ان استمع اليه من المطربين والمطربات بمعنى ان الذين لا احبهم ليس لهم مواضيع خاصة بهم في المنتدى ..انا بقى اللي في سماعي بحبهم واللي بره منه لا احبه ((الا سعاد حسني ))وهذا من اهم اسباب حبي لسماعي ولا اعتقد ان مساحة السيرفر هي التي تمنع تواجدهم بالمنتدى ولو كانت مقتنع بعكس كلامي فهذا طبعا رايك واحترمه
رابعا :
تحياتي