أخطاء نادرة في النص الغنائي - الصفحة 22

**هشام سليمان** · #**211** 16/10/2008, 01h04

بص يا استاذ حسن انت لو عايز نخليها تنفع ماشى الحال احنا صحاب ولازم منختلفش بس مش هاقول لك اصحاب ازاى
بس هو قال السبت فات (اذن منقضى) والحد فات (يبقى شرحه ) لو بالليل يوم الاحد ولو 11 ونص 12 يبقى ده يوم الاحد
ولو الساعه 12 بالليل على بال ما هو كان غنى الاغنيه كان بقى يوم الاثنين الصح ايه بقى (هو غلط فى الحساب )
أأقصد كاتب الاغنيه وهو رحمه الله سمع كلامه وغناه كمان وسلم لى بقى على محمود العيادىويا ريت تبقى تجيبه وتيجى

والعبد يقرع بالعصا واللبيب بالاشاره يفهم

**tarab** · #**212** 16/10/2008, 01h38

الرد من الاستاذ Talab في المشاركه رقم 3 في هذا الموضوع.............

http://www.sama3y.net/forum/showthread.php?t=237

في يوم الزفاف, دعى عبد الوهاب العديد من الفنانين و من بينهم محمد عبد المطلب, و ما كانت عظيمه مفاجئة الحاضرين حي غنى طلب أغنية "السبت فات و الحد فات" و كأنه كان على علم بقضية سفر عبد الوهاب إلى دمشق....و لسبب إحترامه للحياة الخاصه و عدم إحراج عبد الوهاب أمام الجميع , أبدل طلب كلمة "الاربعاء" في أغنيته بـ كلمة "التلات" و بقي الامر مستورآ....ـ

**رضا رشيد** · #**213** 16/10/2008, 09h46

الأخوة الأفاضل
الأستاذ .. هانى .. الأستاذ .. جابر الحسينى
دكتور . حسن حافظ .. أخويا .. أبو على ( كشك )

أغنية ( السبت فات .. والحد فات )
غناها الراحل .. محمد عبد المطلب يوم الأحد فى أى وقت .. يعنى الصبح .. أو الظهر .. أو المساء
لأنه قال ...

السبت فات .. ولاحد فات .. وبعد بكرة يوم التلات
يعنى ( السبت فات .. وماحدش فات )
يبقى كدة المشكلة أتحلت ..
أيه رأيكم؟؟؟

تحياتى ...

**د أنس البن** · #**214** 16/10/2008, 13h03

دا إيه الفتوح دا يا أستاذ رضا
أنا كده اتطمنت على صحتك
تفسير جميل ومقبول خاصة أن كبار الفنانين وخاصة أرباب الفن الشعبى والموال كانوا يستعملون مثل هذه التخريجات اللغويه كثيرا ويتلاعبون بحروف الكلمات مما يعطى جمالا للموال أو الغنوه واستعراضا لإمكانات المؤدى ومقدرته

**د.حسن** · #**215** 16/10/2008, 13h21

أولاً : حمداً لله على سلامتك أخى أ. رضا
يعز علىّ فى أول مداخلة بعد الشفاء أن أختلف معك !!
إسمعوا طِلب .. فيه سكون على اللام فى كلمة (إلحد)
ولو كانت و(لا حد) فات .. كان تبقى اللام عليها فتحة
ومعروف عن أبو نور إن تشكيل الحروف عنده واضحة
مُش عارف .. عرفت أقرّب أنا عاوز أقول إيه ؟
مع كل الإحترام .. المقصود هو يوم الأحد
ومافيناش م الزعل ياابو أحمد
ثانياً : نورت المنتدى
مع تحياتى

**غواص النغم** · #**216** 16/10/2008, 13h40

الأغنية دي من زمااان وانا صغير محيراني جدا
وبعدين فهمتها كده:
الراجل مستني ميعاد حبيبه
جالس يعد الأيام يوم الأحد بالليل قال
السبت فات والاحد اهو فات كمان فاضل له ايه ساعة او ساعتين اكيد فات
((طبعا واحد بيغني شعبي عايزينه يقول
هو الاحد لسه فاضل ساعة او على حسب التأريخ والتوقيت احنا بقى بقينا يوم الأثنين صباحا
يعني الكل عارف انه حتى لو الإنسان سهر حتى الفجر ولم ينم بعد انه لسه في يوم الأحد
واليوم يبدا بعد ماالشخص يصحى من النوم ويلاقي الصبح نور))
باختصار الأغنية على حسب التوقيت الشمسي وليس القمري

تحياتي

**جابر الحسيني** · #**217** 16/10/2008, 14h19

اقتباس:

المشاركة الأصلية كتبت بواسطة د.حسن

أولاً : حمداً لله على سلامتك أخى أ. رضا
يعز علىّ فى أول مداخلة بعد الشفاء أن أختلف معك !!
إسمعوا طِلب .. فيه سكون على اللام فى كلمة (إلحد)
ولو كانت و(لا حد) فات .. كان تبقى اللام عليها فتحة
ومعروف عن أبو نور إن تشكيل الحروف عنده واضحة
مُش عارف .. عرفت أقرّب أنا عاوز أقول إيه ؟
مع كل الإحترام .. المقصود هو يوم الأحد
ومافيناش م الزعل ياابو أحمد
ثانياً : نورت المنتدى
مع تحياتى

تمام يا د. حسن نفس الملاحظة كانت عندي و حضرتك قلتها قبل مني، فيه كمان الكسرة تحت الواو يعني وِ لحدّ فات بمعنى يوم الأحد، لو كانت و لا حدّ فات كانت حتبقى الفتحة على الواو و تبقى وَ لا حدّ فات.
و ترحيب مجدد برجوع أ. رضا رشيد، اللّي باعتقد إنّها كانت محاولة جميلة منّه لإزالة التوتر اللّي حصل هناك فوق في أعلى الصفحة. :good:
مع خالص تحياتي.

**رضا رشيد** · #**218** 16/10/2008, 14h38

الحبايب .. والأخوة الكرام
أنا كان قصدى فقط .. ( فض الأشتباك ) .. على رأى الأستاذ .. جابر الحسينى
وكمان كنت عايز أعود زى زمان ( أشارك معاكم )
دكتور .. أنس
دكتور .. حسن
الأستاذ .. جابر
الأخ .. عبد المنعم
والمنتدى كله
على رأى وردة

وحشتونى

**حسن كشك** · #**219** 16/10/2008, 16h41

اقتباس:

المشاركة الأصلية كتبت بواسطة هشام سليمان

بص يا استاذ حسن انت لو عايز نخليها تنفع ماشى الحال احنا صحاب ولازم منختلفش بس مش هاقول لك اصحاب ازاى
بس هو قال السبت فات (اذن منقضى) والحد فات (يبقى شرحه ) لو بالليل يوم الاحد ولو 11 ونص 12 يبقى ده يوم الاحد
ولو الساعه 12 بالليل على بال ما هو كان غنى الاغنيه كان بقى يوم الاثنين الصح ايه بقى (هو غلط فى الحساب )
أأقصد كاتب الاغنيه وهو رحمه الله سمع كلامه وغناه كمان وسلم لى بقى على محمود العيادىويا ريت تبقى تجيبه وتيجى

والعبد يقرع بالعصا واللبيب بالاشاره يفهم

قبل الرد فى السبت والاحد
تعالوا اعرف حضراتكم بصاحب هذه المشاركه .... يمكن ماخدوتش بالكم منه
إنه المهندس هشام سليمان الاسماعيلاوى
.... ومن مبدعى ومطورى السمسميه وعازف محترف لها ....وبالمنتدى موضوع عنه وبه صورته ... على الرابط التالى

http://www.sama3y.net/forum/showthread.php?t=45702

وسيبك بقى ياسلوم من السبت والاحد ... وقول هاترفع ايه من معزوفات السمسميه لاخوانك فى سماعى ويلا كمل الموضوع اللى انا فتحته عنك ... وهجيلك انا ومحمود العيادى ونشوف حضرت لنا ايه عشان ترفعه لمنتدى سماعى

**حسن كشك** · #**220** 16/10/2008, 16h46

اقتباس:

المشاركة الأصلية كتبت بواسطة رضا رشيد

الحبايب .. والأخوة الكرام
أنا كان قصدى فقط .. ( فض الأشتباك ) .. على رأى الأستاذ .. جابر الحسينى
وكمان كنت عايز أعود زى زمان ( أشارك معاكم )
دكتور .. أنس
دكتور .. حسن
الأستاذ .. جابر
الأخ .. عبد المنعم
والمنتدى كله
على رأى وردة

وحشتونى

بص ياعمنا رضا
انت تقول اللى تقوله .... واحنا هنقول امين
حتى لو قلت السبت فات والاحد فات والاسبوع كله فات
حتى لو الثعلب فات وفى ديله سبع لفات
يبقى كلامك صح
الحمدلله على السلامه