أعمال من تنفيذ الفنان محمد الآلاتي

[الألآتى]

شكراً لأخى ماندولين على الإضافة والمعلومات ..

هو بالفعل إيقاع أقصاق .. وقد إستخدمه عبد الوهاب بشئ من التصرف .. والأجمل أنه إنتقل للمصمودى الصغير بكل حرفية ..

[عادل صموئيل]

اخى العزيز محمد الآلاتى
اشكرك على هذا العمل الجميل والذى تميز انك جبت الازمة بس مش الكوبليه كله عشان تسلط الضوء على المصائب الموسيقية والبلاوى اتى فيه
اول ماقريت طرحك للموضوع والردود انا وانت عارف انى لى نظرة على اى صورة من زاوية تانية غير اللى بيشوفها حد تانى
انا سرحت بخيالى فى عبد الوهاب واللى انا خبزته وعجنته وعرفت خباياه عارف تخيلت انه لو كان عايش وقرى الكلام اللى كتبتوه والتحليل لأبتسم ابتستمة الدهاء والخبث الموسيقى بتاعته لأن كلامكم الجميل ده حايخليه يحس انه عمل حاجة او وصل للشىء اللى هو عايز يعمله لأنه كان بيحب يعمل الشىء المتميز اللى مش حايعمله حد غيره
يعنى كتير كنا فى البروفات هو عامل لحن جملة 4/4 وينتقل ل جملة 3/4 اى ملحن عادى بيتكل على عازف الايقاع الشاطر اللى بيديك النقلة مضبوطة لكن عبد الوهاب كان بيحب يحط مصيبة فى النقلة ما حدش يتخيلها عشان يبقى عبد الوهاب
انا فى مرة اتخانقت مع موسيقى عمل نقلة كده وقال هو العادى بتاعها كده جننى وجبت له الشريط واقنعته لو عبد الوهاب عمل النقلة عادى كده زى ما الناس بتعملها يبقى مش عبد الوهاب لازم يعمل فيها ولو تكة صغيرة مختلفة
انا شفته كان بيقعد مع عازف ايقاع فطرى يشرب منه ايقاعات غريبة من اللى مش متداولة وبعدين يروح لواحد اكاديمةى يقننها له ويتفهمها اكاديميا تتحط ازاى عشان لما يخرج من ايقاع عادى للإيقاع الغريب ده يعمل نقلة تخلى الموسيقيين يتجننوا وتبقى نقلة متفردة ماحدش يجرؤ يعملها بعد كده
اشكرك الف شكر وفى انتظار المزيد من الاببداع

[MUNIR MUNIRG]

دي فص ماس مصفي
الالاتي بك......
انت ....... جواهرجي

[غواص النغم]

أحب أقول إن هذه الأغنية هي أحسن أغنية بالنسبة لي لعبدالوهاب وام كلثوم
اشعر عند سماعها أنني في عالم ملون جميل
مع انها في رأي مظلومة ولم تأخذ حقها كفاية
يعني مهما اسمعها لاأمل سماعها
شكرا لكم على هذا التحليل والردود الجميلة
كل عام وانتم بخير

[هشام سليمان]

ياللى فنك خلى كل الليله حب ياللى عزفك صحى دقات كل قلب
يامسهرنا طول الليل يا آلاتى زى ورده دايما تسعد اوقاتــــــــى

[جابر الحسيني]

زمان كنا بنسمع و نتذوق و نستمتع لكن الآن حنبتدي نفهم كمان، مشكور أستاذ الألاتي على الشرح الجميل.
و أريد أن أسألك عن اللازمة الموسيقية للكوبليه الأخير لأغنية و دارت الأيام هل استعمل فيها عبد الوهاب نفس الحل للخروج من مشكل ما في اللحن.

كما أشارك الأخ غواص النغم قوله بأن ليلة حب أغنية رائعة لكن جد مظلومة و لم تأخذ المكانة اللائقة بها، رغم أن ـ و هذا رأي شخصي ـ الكوبليه الأخير لم يرق إلى مستوى ما سبقه من غناء في نفس الأغنية، نفس الملاحظة على دارت الأيام، أعتقد بأن ذلك قد يعود إلى كون ملحني أم كلثوم كانوا مجبرين على تلحين ثلاث كوبليهات في الوصلة الواحدة كما جرت عليه العادة آنذاك لذلك كانوا يجدون صعوبات في إتمام اللحن كما بدأوه. أنا لا أقول هنا بأن الألحان لم تكن جميلة بل أقول بأن الكوبليهات الأخيرة لبعض الأغاني لم تكن في مستوى الكوبليهات التي سبقتها، و هذا طبعا لا ينفي عنها كونها هي أيضا جميلة و استمتعنا بها.

[بشير عياد]

المشاركة الأصلية كتبت بواسطة غواص النغم

أحب أقول إن هذه الأغنية هي أحسن أغنية بالنسبة لي لعبدالوهاب وام كلثوم
اشعر عند سماعها أنني في عالم ملون جميل
مع انها في رأي مظلومة ولم تأخذ حقها كفاية
يعني مهما اسمعها لاأمل سماعها
شكرا لكم على هذا التحليل والردود الجميلة
كل عام وانتم بخير

أيه يا منعم ؟؟
هل قرأت كتابي قبل أن يخرج للنور ؟؟
ما هذا التوافق العجيب بين ذوقينا ؟؟



و ... يا آلاتي ... روعة الروعة ، وصدق من قــــــال " إدّي العيش لخبّــــــازُه " ... أحيِّيك ، وأقدِّرُ العلمَ والموهبة .

[الألآتى]

المشاركة الأصلية كتبت بواسطة بشير عياد

يا آلاتي ... روعة الروعة ، وصدق من قــــــال " إدّي العيش لخبّــــــازُه " ... أحيِّيك ، وأقدِّرُ العلمَ والموهبة .

الشكر كل الشكر لأستاذى وكبير الشعراء الأستاذ بشير عياد ..

إنه لفخر لشخصى الضعيف أن أنال هذا الشرف .. أشكر لك كلماتك الرقيقة الراقية ..

[محمودسعد]

هكذا هو انت
فنان بكل ماتحمله الكلمه من معني
مفسر موسيقي ومعلم وصدقني بلا مبالغه او كلام ردود وطبعا الكلام ده بتاع المجاملات مش بتاعنا ومش موجود هنا في سماعي اساسا
انا بتعلم منك ياصديقي العزيز
وبفهم اللي مش بعرف افهمه منك انت وباستفيدوباتعلم بجد
انت فنان نادر
وربنا يخليك ياحبيب قلبي ياممتع