عبد العظيم محمد : ملحن في القلوب - الصفحة 2

**mody anwar** · #1 07/02/2013, 13h33

اقتباس:

المشاركة الأصلية كتبت بواسطة إيمانيات

مشكلة والدي في حياته و مماته الخلط بينه و بين الملحن
الكبير عبد العظيم عبد الحق ، رحم الله كلاهما

أختى الفاضلة إيمان كريمة العظيم العبقرى عبد العظيم محمد (رحمة الله ورضوانه عليه) أختلف مع حضرتك فى موضوع الخلط بين الموسيقار عبدالعظيم عبد الحق و المرحوم والدك فالفرق بينهما كبير جدا مع إحترامى للموسيقار عبد العظيم عبد الحق لكن ألحانه وأسلوبه مختلفان تماما عن أسلوب الوالد (رحمة الله عليه) فألحان عبد العظيم عبد الحق تكاد تتشابه كلها وهذا ربما يعود إلى أن معظمها ذات طابع دينى أما العبقرى عبد العظيم محمد فلا أستطيع أن أصف ألحانه أو أقول أن لها طابع معين من أى نوع فليس بينها أغنية تشبه غيرها بل كل أغنية تمثل عملا جديدا مميزا يفاجئنا بعبقريته وإن كان يمكن أن أصف أسلوبه فى التلحين فيمكن وصفه بأنه أسلوب تصويرى أو تعبيرى تقوم فيه الموسيقى بترجمة الكلمات والتعبير عنها وتصويرها بشكل رائع حتى تكاد الموسيقى تتحدث بدلا من الكلمات وتكاد ترى المطرب وما يحدث له وكأنه فيديو كليب وأروع مثال على هذا هو أغنية دوامة للرائعة (نازك) والتى يتجلى فيها الأسلوب التصويرى للأغنية بطريقة عبقرية تجعلنى لا أمل من سماع هذه الأغنية آلاف المرات الأغنية دى أول مرة سمعتها خلت جسمى يقشعر بصراحة مش عارف أعبر عن روعتها لأنى مش خبير فى الموسيقى لكن أذكر إن الموسيقار عمار الشريعى (الله يرحمه) عمل لها تحليل موسيقى يوصف بيه جمالها فى برنامجه الجميل غواص فى (بحر النغم) سمعت الحلقة دى من حوالى أكتر من 15 سنة لكن فاكرها لدلوقتى والأغنية دى كانت السبب الرئيسى فى إعجابى بالعبقرى الراحل ومتابعتى لأى شىء من أعماله بمجرد ما أسمع إسمه ألاقى حواسى كلها تركز مع الأغنية عشان أشوف الراجل العبقرى ده هيعمل إيه, وبعدها سمعت أغنية (فى قلبى غرام) للمطرب الجميل محمد عبد المطلب ومش قادر أوصف إنبهارى بجمالها لأنى قبل ما أسمع الأغنية دى كنت أعتبر عبد المطلب مجرد مطرب شعبى لا أكثر لكن لما سمعتها لقيته بيغنى عاطفى بشكل مش معقول محدش قدّم عبد المطلب بالشكل الرائع ده زى عبد العظيم محمد شىء مش معقول تلاقى صوته فى حالة صعود وهبوط متفق مع الكلمات الجميلة بشكل مستحيل حد يقدر يعمله بالجمال ده يعنى بجد الأغنية دى صنعت من عبد المطلب مطرب عاطفى رائع
ومن حوالى خمس أو ست سنين سمعت أغنية عند بيت الحلو للمطرب الرائع (كمال حسنى) من ألحان العبقرى عبد العظيم محمد إنبهرت بيها وزاد إعجابى بعبقرية عبد العظيم محمد فى الأغنية دى وخصوصا نهاية الكوبليه التانى لما بيقول (بيصالحنى لما تبقى راضى عنى ويخاصمنى لما تحرمنى رضاك) وشوفوا إزاى لحّن كلمة (رضاااااااااك) وهو بيختم الكوبليه بشكل مذهل, الكلام عن إعجابى بعبقرية عبد العظيم محمد شرحه يطول, أعتذر عن التطويل وسوف أرفع مع المشاركة أغنية كمال حسنى عند بيت الحلو نسخة مختلفة عن الأغنية الموجودة فى الموقع ومختصرة عنها شوية لكن رائعة أما بالنسبة لأغنية دوامة فأنا لقيت حلقة (غواص فى بحر النغم ) اللى بيحللها فيها عمار الشريعى هنا فى المنتدى وده الرابط بتاعها إسمعوها واحكموا بنفسكم
http://www.sama3y.net/forum/showpost...6&postcount=38

**fahdj1** · #2 20/04/2013, 04h39

انا معلوماتي أن الملحنين الثلاثة الذين اختلفو مع ام كلثوم ورفضو أن تتدخل في تعديل الحانهم هم احمد صدقي وعبدالعظيم عبدالحق وعبدالعظيم محمد ولذلك امتنعو عن التلحين لكوكب الشرق وهذة معلومات مؤكدة من مؤرخين مصريين

**إيمانيات** · #3 20/04/2013, 10h34

أنا طبعا ماعرفش او اقدر أؤكد ما حدث مع أبي
هوه صحيح الكلام ده هوه كان المفروض لحن شيء غريب
تغنيه أم كلثوم و عملت بروفات و حبت تغيير في اللحن
و طبعا عمك عبد العظيم محمد صعب عليه الفن
و رفض فما كان منها انها غنت لملحن أخر
فأعطى أبي اللحن للرائعة سعاد محمد التي غنته
بدون معرفتها بالقصة كلها ، و لم تطلبه كوكب الشرق
في أعمال أخرى جميل أن الفرسان الثلاثة دول
ثبتوا على مبدأهم ، بس على فكرة ام كلثوم طلبت
والدي ليلحن لابن اخيها و لا اعرف اسمه لكنه غنى
من تلحين الوالد و هذا كلامه الله يرحمه

**إيمانيات** · #4 11/05/2013, 22h27

الأخوة اعضاء منتدى سماعي الكرام

لو حد فيكوا سمع اغنية محمد منير الجديدة
مالك خايفة ليه ؟ ممكن يؤكد ما احسسته او ينفيه

اللزمة الموسيقية التي تتبع كل كوبليه هل تشبه

او تكاد تكون متطابقة للزمة أغنية عايدة الشاعر
افتح لي الشباك تلحين الوالد
يا ريت تفيدوني افادكم الله

#5 24/02/2014, 12h05

من أجمل ما قدمته المطربة الكبيرة بصوتها المميز وأدائها الرائع

سوزان عطية

يا آل بيت رسول الله (عليه الصلاة والسلام)

كلمات : مصطفى الشندويلي

ألحان : عبدالعظيم محمد

**ابراهيم فلبس** · #6 25/01/2024, 08h49

السلام عليكم
لم يدرج فى الفهرست اغنية كفاية كفاية للفنانه ورده
خالص تحياتي

**رضا المحمدي** · #7 03/05/2009, 18h59

أختي ايمان
اعتذر على أسئلتي المتكررة
هناك اغنية
لمدحت صالح
جميلة جدا
بعنوان
عيونك الرحيل
موجودة بالمرفقات
لحنها قريب جدا من طريقة صياغة الوالد لالحانه
فهل لديك أي معلومات ان كان العمل يعود اليه؟؟؟؟؟

**hussamabbas** · #8 01/08/2009, 18h18

اقتباس:

المشاركة الأصلية كتبت بواسطة hussamabbas

السادة الاعزاء
لم استطع ان اجد اغنية الاستاذه سعاد محمد ولحن الاستاذ عبد العظيم محمد : على بابك و هي من روائع الاغاني الدينية

ارجو التفضل برفعها

كنت قد طلبت في رسالة سابقة اغنية الاستاذ عبد العظيم محمد و الاستاذة سعاد محمد "على بابك"

و قد و تم رفعها مؤخرا في صفحات سماعي "نجوم الطرب - سعاد محمد" و هذا هو الرابط

http://www.sama3y.net/forum/showthre...?t=367&page=19

و اتقدم بخالص الشكر للاستاذ الفاضل الذي قام برفعها و كلي ثقه ان هناك كثيرين كانوا في انتظار هذا الابتهال الرائع

**إيمانيات** · #9 15/09/2009, 21h37

اسعدتني كثيرا بعثور أحد الأعضاء عليه و و وضعه هنا من قـِبلك أستاذ حسام

فكانت مناسبة جدا لروحانيات الشهر الكريم

جزاك الله كل خير

**عاصم المنشاوى** · #10 25/01/2010, 19h57

الاستاذة الفاضلة /ايمان
ونعم الحب والوفاء الجميل للراحل العظيم عبد العظيم محمد
سيدتى
اتمنى ان اجد لديك نوت موسيقية للراحل الجميل
للاغانى الاتية :
سبحانه او "على بابك" لسعادمحمد
"فى قلبى غرام" لمحمد عبد المطلب
و"بالسلامة ياحبيبى" لنجاح سلام
وياسلام بقى لو نوتة "مش كفاية تقول بحبك " لفايزة احمد التى غنتها سنة 1962 .
ارجو ان تصلك رسالتى لأن اخر مشاركة لحضرتك كانت السنة اللى فاتت من 8 شهور.
وارجو ايضا معلشى ح تتعبى وتدورى عليهم
المرحوم السبب انه عامل جواهر ودرر وعبقريات فعلا اتظلم فيهم والناس مش بيصدقوا لما اقوللهم انه دى ألحان الفنان عبد العظيم محمد ....
عاصم المنشاوى مرشدسياحى ومبتدئ فى الموسيقى.