الى المبتدئين والمتوسطين فى كتابة النوتة الموسيقية

**عمرو الهنداوي** · #1 28/08/2008, 21h23

استاذى عادل اسف لم ارى صورة النوتة فى الاول الا الان كاملة

على العموم انا سمعت كلامك وحملت الاغنية وبدات اكتب حتى انهت المقدمة الموسيقية كما قولت واعتمدت على نفسى تماما وسماعى فقط ولم انظر الى اى تدوين ودى اول مرة اكتب من سماعى فقط فاعذرنى على الاخطاء فا دى اول مرة ومنتظر كل تعليقات حضرتك بكل حب

وربنا يستر بقى

**الألآتى** · #2 29/08/2008, 11h59

أستاذ عادل ..

تماشياً مع دروسك .. وتنشيطاً للقسم وللدروس ..

إسمح لى أن أساهم ( كطالب فى مدرستك ) .. وأضع لك تكملة النوت الخاصة بأغنية ( حيرت قلبى ) ..

وفى إنتظار تعليق حضرتك والتصحيح إذا كان هناك خطأ ..

**عادل صموئيل** · #3 29/08/2008, 13h08

ما اقدرش عليك انا يا استاذ محمد
اديك 12 على عشرة لأن الرقابة ما بتسمحش بأكتر من 12 على عشرة

**الألآتى** · #4 29/08/2008, 15h57

اقتباس:

المشاركة الأصلية كتبت بواسطة adel2000masr

ما اقدرش عليك انا يا استاذ محمد
اديك 12 على عشرة لأن الرقابة ما بتسمحش بأكتر من 12 على عشرة

ربنا يخليك ليا ياعم عادل .. ياكبير المدونين .. إحنا نروح فين من علمك .. ربنا يزيدك كمان وكمان ..

وياريت تستمر فى دروسك الشيقة .. وأنا متابع معك بإذن الله ..

**Hisham Khala** · #5 01/09/2008, 16h25

الأخوة الأعزاء
أنا كنت عايز أكتب في موضوع النوتة المبسطة و النوتة بالحليات و الزخارف ( النوتة ب Articulations ) و أنا شايف أن اللحن ممكن يبقي بسيط و به Articulations لتعبير أفضل عن اللحن و إضافة حياة إلى اللحن ، كذلك ممكن اللحن يكون صعب في العزف و مافيهوش Articulations ، و بالتالي تبقي المشكلة مش في ال Articulations و لكن المشكلة في نسيج اللحن نفسه ، و كثير من الألحان الصعبة ممكن تبسيطها ، و ألحان كثيرة بتختلف لما تكتب لآلة أخري مثلاً كونشرتو تشاردز للكمان (موتسارت) عندما تم كتابته للماريمبا أو الفيبرافون أختلف كثيرا مش عشان السرعة فقط و لكن عشان ال Articulations و منها الجليساندو (Glissando) مناسب للكمان أكثر.
الخلاصة:
• بساطة اللحن أو صعوبته يعتمد أساساً على نسيج اللحن ، و كثير من الألحان الصعبة ممكن تبسيطها مع المحافظة على التيمة.
• ال Articulations تعطي حيوية و إحساس للحن.
• ال Articulations غالباً لا تكون سبباً لصعوبة اللحن لأن عند تدريس ال Articulations بيتم التدريب على أدائها و لكن قد يكون بعض أنواع ال Articulations مناسب لبعض الآلات عن آلات أخري ، فما هو مناسب للكمان ليس بالضروري أن يكون مناسباً للترمبيت.
مثال على أهمية ال Articulations باستخدام لحن بسيط (Camptown Race) :
اللحن بدون أرتيكيولاشن:

اللحن مع الأرتيكيولاشن:

مرفق ملفين صوتيين لتوضيح الفرق

**الألآتى** · #6 03/09/2008, 12h08

دكتور هشام ..

اسف لتأخرى فى الرد .. بصراحة .. لقد تضاربت الأفكار فى رأسى .. ولم أعرف بما أرد .. وكيف أناقش وجهة نظر حضرتك ..

الواضح أن وجهة نظرك تتفق إلى حد ما مع وجهة نظر الأستاذ شكيب .. فهو يفضل إضافة الحليات والزخارف للنوتة حتى يتوحد العزف .. وهى بالطبع وجهة نظر جديرة بالإحترام ..

وهناك وجهة النظر الأخرى .. والتى يتزعمها أستاذنا عادل صوئيل .. حيث يرى أن النوتة يجب أن تكون مبسطة وخالية من الحليات بقدر الإمكان .. على أن يتم إضافة الحليات والزخارف أثناء البروفات وحسب رؤية الملحن أو الموزع ..

إخوانى الأعزاء وأساتذتى .. لقد فاتنا شئ مهم ونحن نتناقش فى وجوب وضرورة الحليات من عدمها فى النوتة ..

الدكتور هشام خلف .. يتحدث عن التدوين الغربى ..

والأستاذ عادل صموئيل يتحدث عن التدوين الشرقى ..

هناك إختلافات جوهرية بالتأكيد فى الطريقتان ..

المدون الغربى لا يترك صغيرة أو كبيرة بدون تدوين .. الزخارف , الحليات .. ألخ

أما المدون الشرقى فى كثير من الأحيان .. يكتب الميلودى فقط .. ويترك كل شئ للقائد والبروفات ..

وأعتقد أن وجود الحليات والزخارف الكثيرة فى النوتة .. ومايتبعها من رموز ومصطلحات .. سيعمل على تشتيت نظر العازف .. وخاصة إذا أضفنا المصطلحات الأخرى مثل الإعادة والسينيو والكرونا والأقواس و و .. ألخ ..

يمكن أن نمسك العصا من المنتصف .. بعض الحليات البسيطة .. ونكملها أثناء البروفات ..

ولا تنسوا ياأساتذة .. أن هذا الموضوع موجه أساساً للمبتدئين والمتوسطين .. كما أراد الأستاذ عادل ..

وليس شرطاً أن المتلقى يكون دارساً أكاديمياً .. أو يكون درس الأرتيكيولايشن .. فهذا خارج عن نطاق موضوعنا ..

عندى كلام كتير .. ولكنى سأرجأه للقادم من المناقشات ..

**عادل صموئيل** · #7 03/09/2008, 18h26

اشكرك يا اخى الحبيب الاستاذ محمد
لقد وفرت على كلام كتير كان ممكن ان يأخذ صفحات
انا اساس موضوعى المبتدئين والمتوسطين
واتكلم من خبرة عملية تحدث لى كل يوم فأنا مازلت اعمل موجه اول فى وزارة التربية والتعليم وباقى لى فى الخدمة سنتان إلا شهر واعدهم بالدقيقة عشان اخلع واحاول اقعد فى مكان هادىء اصطاد سمك قبل السمك هو كمان مايخلص
انا كل يوم اقابل مدرسين يقرؤون السطر فى اسبوع تخيل انا لو جيت عملت له فى مازورة فنكيشة يعنى حلية تحتوى على 6 او 7 تقاسسم داخلية للنوار اول لنطباع حايحس انها ام 44 حايتسرع ويخاف لكن انا فى الحلية لو كتبت له المازورة سادة سهلة وقلت له نقولها كده حايبقى فى منتهى السعادة فى رأيك اى الطريقتين احسن نفسيا انا عارف حاتقول ايه
كان من اهم العناصر اللى بخليك تحس بتميز عزف الفرقة الماسية انك تعزف وانت مسترخى والورقة امامك سهلة مافيهاش مشاكل شكلها زى الورد تفتح النفس بعدين ييجى الملحن يعزفها على العود مرتين يقول انا عايزها كده بعدين بتعزف وانت مستريح مش مترقب زى قيادة السيارة فى الطريق الصحراوى بتبقى شايف دائما الطريق مفتوح امامك مسافة 20 كيلو وفاتح السرعة وانت مستريح على الكرسى ومش متوقع اى مفاجئات بعكس لو طريق زراعى والزراعة على جانبيه كثيفة مس ممكن تبقى ريلاكس لازم تكون متربص لأن ممكن من وسط الزرع تطلع لك اى حاجة وفى الفرقة الماسية مع انها كانت احسن فقة فى قراءة النوتة لكن الكتابة كان بتكون زى ما قلت احساسك انك سايق فى الطريق الصحراوى حتى لما تسمع العزف تحس ان الموسيقى ده شاربقهوته وسيجارته ومدلع نفسه طبعا فيه ملحوظة خطيرة لو العلامة الصعبة او التفعيلة دى كانت من سياق الحن يعنى من نسيج الجملة لازم تتكتب مهما كانت صعوبتهايعنى مش قصدى خالص نكتب السهل بس لأن الجملة لو فيها تفعيلة صعبة وبسطناها طبعا حاتهد الجملة انا قصدى زى ما انت قلت كفاية على العازف السنيوهات وعلامات المرور والمخالفات اللى ممكن تحصل

**ابونارا** · #8 20/12/2008, 11h51

السلام عليكم

في الحقيقة انا معجب بهذا المنتدى جدا بكل ما فيه من اعضاء متميزين
انا في الحقيقة اريد ان اتعلم كيف اقرأ النوتة اي انيس اريد ان ابدأ من الصفر
انا اعشق اله العود وعندي عود واعزف بعض الاشياء بشكل سماعي
ولكن اريد من ان ابدا من الصفر على النوتة فاريد من اي احد متخصص في العود او يتمكن من تعليمي من الصفر ان يفيدني وهذا اميليomkolthom_momo@hotmail.com
شاكرا لكم تعاونكم وجهودكم الجبارة

**سينو9** · #9 26/12/2008, 02h31

استاذنا الكبير /عادل صموئيل
شكرا جزيلا على المجهود الذى تبذلة فى منتدانا العظيم
انا لم اكتب نوت قبل اليوم لاكنى اقرأها ارجوا قبل كتابة النوتة التعرف عليها :-
1-مفتاح صول المفاتيح الاخرى
2-حالة الاحرف الموسيقية من (بيمول اودييز.....الخ)وفى هذا اسئلة كثيرة فمثلا عندما يكون الحجاز مصور من على درجة (دو)يكتب فى بداية النوتة (مى)بيمول وعلى اسطر النوتى توضع علامة (البيكار) فلماذا لا تلغى علامة البيمول فى بداية النوتة ؟
3-الميزان 2/4 و4/4 و10/8 ....الخ
ارجوا توضيح هذة الامور ولك جزيل الشكر

**وعدالعيون** · #10 23/08/2009, 04h32

انا محرجة انى اطلب منكم انى اكون طالبة منكم لانى عمرى ما تعودت اقرا النوتات الا بهذا الشهر على الرغم انى بعزف اورج منذ 6 سنوات لكن ساحاول انى اكتب نوتة لاى موسيقي قد عزفتها مسبقا (حسب تعليمى المبتدئ بالنوتة ) و مراعاة لانى علمت نفسي بنفسى
سؤال بسيط منكم انا ضعيفة في السماعى بمعنى انة صعب على عزف اى مقطوعة اسمعها الا نادرا جدا فهل هذا دليل على انى غير ماهرة بالعزف ام ماذا؟؟؟؟