معزوفات على الكمان للأستاذ عادل صموئيل

[عمرو الهنداوي]

استاذى ازى حضرتك عندى سؤال بخصوص الة الكمان
ما هو سر هذة الالة؟ فى انها تكون من الالات الاساسية فى الفرقة التى لا يمكن ان تسغنى عنها الفرقة؟ ما فى كمان ما فى فرقة حتى فى الموسيقا الغربية برضو الموضوع كدة.
ليه الناس بسرعة بتنجذب لتقاسيم وصوت هذة الالة اكتر من اى الة تانية؟
ليه ام كلثوم وحليم لا تمر لهم حفلة دون صولو كمان؟
هل فعلاا الكمان هو اقرب الة لصوت الانسان انا مش عارف بس ساعات احس انه الكمان فيه شىء غامض يستطيع جذب القلب والاذن بسرعة اكثر من اى الة موسيقية اخرى؟
هل الكمان يستطيع تقديم جملة موسيقية لاتستطيع اى الة تانية تقديمها؟
ما هو سر هذة الالة؟ طبعا اعرف انه العازف له دور لكن كمان طبيعة الة الكمان فيها حاجة غريبة
بالتوفيق

[عادل صموئيل]

عزيزى عمرو هنداوى
اسئلتك المشتاقة عن آلة الكمان جت لى على الجرح
سمعت ياعمرو ام كلثوم لما قالت : ولما اشوف حد يحبك يحلالى اجيب سيرتك وياه ؟
انا اعشق الكمنجة والكمنجة فيها اسرار خطيرة وفيها حياة يعنى اى آلة موسيقية اخرى تحس انها جماد ومش اى اى آلة موسيقية بس
الموجودات على الكرة الارضية تنقسم الى انسان وحيوان ونبات وسائل وجماد وكل الموجودات التى انت تعرفها ولكن تلك الآلة الساحرة انا فى رفتها من خمسين سنة وتأكدت انها ليست جمادا ولكن فيها حياة ولكن تتوقف على الانسان الذى يتعامل معها هو الذى يجعلها تنبض بالحياة وهو الذى يجعلها وتخدعه بأنها جماد مع انها تنبض بالحياة وانا اكتشفت سر الحياة التى فيها
ولكن الموضوع اكبر من الحديث فى رد فى مكان جانبى منزو ى قد لايراه الكثيرون ولكن الكمنجة تستحق ان اكتب عنها مقالا خاصا واعدك بكتابته قريبا واشكرك جزيل الشكر انك فتحت هذا الموضوع وانا ارحب بصداقتك

[Sami Dorbez]

شكرا اخي استاذ عادل على هذا الابداع
احساس واضح في العزف هذا عادي وجميل في نفس الوقت لان الالة اصبحت جزء من كيانك..