معزوفات على الكمان للأستاذ عادل صموئيل

[عادل صموئيل]

الاخت الفاضلة منال
اشكرك من كل قلبى على حفاوة استقبالك لفنى المتواضع
كما اشكرك من كل قلبى على كلامك الجميل الذى ينبع من احاسيس مرهفة لفنانة
فأنا اعشق الموسيقى كما اعشق الكلمة وكلماتك الجميلة التى اشكرك عايها هى اهداء لكل عضو للمنتدى يمر على االمضوع ويسمع العزف ثم ينعم بالكلمات الجميلة فالعصر الحديث كما هو محروم من الفن الجميل هو ايضا محروم من الكلمات الجميلة
من زمان لم اقرأ كلمات جميلة مثل كلماتك
انا موسيقار اكاديمى درست فى كلية التربية الموسيقية وهناك خلال عشرات المواد الموسيقية درسنا تاريخ الفن على مدى العصور المختلفة فعندما يزدهر الفن تزدهر معه جميع الفنون الاخرى كالكتابة والشعر والرسم وحتى فنون العمارة لأن ازدهار الفن يرفع الذوق فيجعل المواطن يقبل على الفنون الاخرى بنهم ويرفض الهابط منها واقول لحضرتك المحترمة قصة قصيرة طالما انتى متذوقة للفن ايه رأيك فى المطرب عادل مأمون ؟ بدون اسمع ردك ستقولين فلتة من فلتات الزمان وصوت رائع واداء جميل لن يتكرر ولن يجود الزمان بمثله هل تتخيلى يا استاذتى الفاضلة ان عادل مأمون لمذا لم يصب ما يستحق من الشهرة والمجد ( وانا عزفت معه ومع كل نجوم زمن الفن الجميل كلهم كلهم بلا استثناء وانتى سعودية وانا عزفت مع كل كبار المطربين السعوديين فترات طويلة ) الرد يا سيدتى الفاضلة ان صوت عادل مأمون الرائع كان يشبه صوت عبد الوهاب فلم يتقبله الجمهور الواعى المتذوق آنذاك وايضا بتحليلى التاريخى عندما تهبط الفنون يهبط كل شىء حتى محلات المأكولات تطبخ اى شىء ( لأنهم لايتذوقون وسيأكلون اى شىء ) ويختلف كل شىء انا كنت زمان اقود سيارتى احس بالهدوء والامان فى القادة اليوم احس بتهور السيارات بجانبى والطيش والرعونة والعصبية فى القيادة ودرست السبب زمان كانوا اثناء القيادة يسمعون عبد الحليم ومن كان معه
واليوم يسمعون مايسمعون والصوت يدخل فى الوجدان ويفعل فيه ما يفعل
اشكرك من كل قلبى مرة ثانية
وبالنسبة لطلبك الذى اشكرك عليه انا تحدثت فى الموضوع مع الاستاذ الكبير محمد اآلاتى الذى وعدنى مشكورا بأتخاذ الازم الذى اتمنى ان يكون صفحة منفصلة لأعمالى التى ستكون كثيرة جدا لأنها جاهزة للتنزيل فوراً ولكن اتمنى ان يكون شكل هذه الصفحة مثل الصفحة التى نحن فيها اى ان يكون يعنى ان يكون كل موضوع منفصل وليسوا وراء بعض فى موضوع واحد حتى يتسنى لى الرد كما قلتى كل رد حسب قول من قال
آسف للإطالة ولكن كلماتك الجميلة المشجعة شجعتنى ان اتكلم كثيراً
مع اطيب تحياتى

[الألآتى]

أنا بستناك ياأستاذ عادل أن تتحفنا بأعمالك الرائعة ولا تتوقف .. لأننا لن نشبع ...

أما بالنسبة لتجميع أعمالك فى موضوع واحد .. فهذا شئ سهل وميسور بإذن الله ..

وبخصوص ترتيب المشاركات فى الموضوع المجمع .. فهذا ليس بيدى .. لأنه يخضع لأمور تقنية خاصة بتاريخ المشاركة .. ولا أستطيع التدخل بإعادة تنظيم هذه التواريخ ..

سأبدأ بإذن الله فى تجميع الأعمال فى موضوع واحد منذ الأن ..

[محمودسعد]

بارك الله فيك ايها الاخ الجميل الرقيق الحساس واسمح لي ان اضع صوتي علي هذه الموسيقي العذبه

[محمودسعد]

اخي الحبيب وزميلي العزيز وهذا لانك قلت كلام يدل علي الحرمان فعلا في هذا الزمن المحروم
لقد ذكرتني بنفسي مع الاحتفاظ بالفارق فانت استاذ كبير وعملت مع امهر وارقي واشطرالعازفين وانا كنت من المستمعين لهذا الفن الجميل في زمنه الجميل
ارجوا منك انك تشاور نفسك في مساله الايقاعات هذه وتحلها بطريقه الاستاذ الالاتي فهو محروم من زمااااااااااااااااااااااان وماصدق لقي ملاذ للمحرومين من الفن الاصيل المحترم
وهو يكيف اموره واحنا كمان كمطربين محرومين ولقينا اللي يعوضنا في سماعي واي مزيكه بتترفع كل مطرب فينا بيحب يغني عالمزيكه او يركب صوته من خلال برنامج او برامج كما قال استاذي الالاتي
ومع ان الميزان ماشي ايه مليون الميه بالبلدي ومع ذلك نحن نطلب منك ان تستعين بما هو متاح من الايقاع حتي تمتع نفسك وتمتعنا وتخلينا نغني اللي مانحلمش نغنيه فانت استاذ وفنان محترم
وانا اسف للاطاله وعارف انك معذور في حكايه الايقاع دي فتسعين في المائه من الايقاعيين الحاليين بتوع راقصات وبتوع تك تك تك وبس ومفيش دوم واللي مالوش دوم حالته تغم
يااستاذ
انا احييك كثيرا كثيرا كثيرا

[عادل صموئيل]

الزميل العزيز الاستاذ محمود سعد
اشكرك من كل قلبى على ردك المشجع الجميل
انا عايز اقول لك انى خلال اكتر من عشرين سنة عزفت فى الفرقة الماسية من سنة 70 يعنى عشت مع عبد الحليم مثلا 7 سنين
ومع كل نجوم الصف الاول وحتى العرب مش المصريين بس وخلال تلك الفترة تعايشت مع كل الملحنين عن اقرب اقتراب ممكن لفترات طويلة وكنت صغير وغاوى موسيقى مش باشتغل عشان الفلوس المهم انى حاولت انى اشرب كل الاساليب
يعنى بالحتكاك مع عبد الوهاب لما تسمعنى اعزف اغنية لعبد الوهاب بتخبل انه موجود معايا انت عارف لو سمع حرف هو مش عامله ممكن يضربنى بحاجة وكذلك السنباطى وبليغ والموجى وكمال الطويل وكلهم وكمان انا بكتب نوتة يعنى كنت اكتب لهم الالحان يعنى اتولد على ايدى الحان كتير شربت ادائهم
والناء ايمها كان لايف يعنى المطرب مه الفرقة تخيل حضرتك ام كلثوم اللى انا حافظ كل كلمة قالتها وشاربها هل كان من الممكن تغنى على شريط وتلبس الهيدفون ؟ اقول لك استحالة ولا عبد الحليم ولا فايزة ولا نجاة ولا ولا ..
ليه ؟ لأن اليقاع السابق تجهيزه بيبقى زى القطار بيحكم المؤدى سواء كان المطرب او انا بالكمان وتعالى ركز تركيز شديد فى اى اغنية ايامنا او قبلنا بشوية تلاقى الايقاع ممكن فى اماكن يبطىء او يسرع او يقعد شوية
اقل لك اكتر لو سمعت اى لازمة اغنية بتكون سريعة وبعدين تلاقى لازمة الانتظار كنا بنكررها ساعات 20 مرة وبالذات مع فريد الاطرش وتلاحظ انه هو بيبطأ بأيده ويخلينا نعيد لحد ما يحس بالسرعة اللى هو عايزها دلوقتى والمذهل ان السرعة اللى هو عايزها دلوقتى ممكن بكره نفس اللحن فى حفلة تانية هو عايزها اسع سنة صغيرة او ابطأ بأختصار كل مبدع من دول لو اديته رتم ثابت حايضبعه يخليه بيجرى يلحق الدوم ممكن مايعرفش يغنى واللحن نفسه برضه سرعته مش على مترونوم ولكن السرعات بتتفاوت
انا كنت اعزف مع عمالقة الايقاع حسن انور وحسين معوض ومحمد العربى ولو تلاحظ انهم بيمشوا مع المؤدى مش بيسحبوه على سرعتهم هم يعنى ممكن جملة عايز ابطأ ساعتها ذوقى كده تلاقيه معايا لكن لو هو ماحسش بيا ممكن اقع
فيه جملة شهيرة قالتها ام كلثوم عن ابراهيم عفيفى عازف الايقاع القديم معاها ( وطبعا للأسف انا كنت صغير جدا ايامه ماشفتهوش شخصيا ) لكن زملائى اللى اشتغلوا جنبه حكوا لى عنه كتير قالت ام كلثوم ابراهيم عفيفى بيسترنى والكلمة دى كبيرة جدا
ام كلثوم ايقاعها مضبوط مش حا تقع لكن لما مزاجها تبطأ فى حتة او تسرح فى حتة او تصدر اى تصديرة من اى نوع يعنى طويلة او قصيرة على طول كان يلحقها وكل حركة ليها عنده علاج مش ممكن تحس ان فيه شىء يعنى افرض انسجمت وسخنت وبعدت عن الوحدة كان يديها دمين ورابعض يعدلوا اى شىء
والاخوة الاعزاء لاحظوا ان الوحدة بتاعتى مضبوطة وناس قالوا على الشعرة طبعا من الشغل مع العظام جدا اكيد انا اتعديت منه
بس فيه سر خطير لو دققت فى عزفى حاتحس انى بعزف زى المطرب الاصلى ( لأنى بحس انه شايفنى وبخاف منه واعمل حسابه زى زمان لأنى عمرى ماحسيت انهم ماتوا لأنهم عايشين معانا طول النهار يعنى كل دقيقة الراديو بيقول لى احن حنا اوعى تغير وتفسد اللى علمناه لك ) لو ركبت ايقاع على معزوفاتى ممكن يفرق فى اماكن كتير
ونفس المشكلة هات نفس الاغنية لأم كلثوم بتاعتها ومعزوفتى وركبت عليهم ايقاع كمبيوتر حتلاقى حايفرق معانا انا وام كلثوم فى نفس المكان لأن انا بعزف بأحساسها هى عشان كده تحس ان عزفى حلو لأنى صادق زيها بالظبط
آسف للإطالة ولكن انت فتحت موضوع يحتاج كلام اكتر من كده كتير وانا تحت امرك فى اى مناقشة والف شكر تانى

[صلاح السويفي]

المايسترو ..مايسترو

مايفوتناش نشكر حضرتك ياأستاذ محمد أبو المحروس حسام

أن أفردت موضوعا مستقلا للأستاذ عادل ..

فهو بكنوزه يستحق ..ولك عميق احترامي أستاذ محمد

[الألآتى]

أشكرك ياعم صلاح .. يامتابع ..

أما بالنسبة للأستاذ عادل .. فهو يستحق بالتأكيد أن تكون مشاركاته فى موضوع واحد لسهولة البحث والإستماع والإستمتاع .. بدلاً من تناثرها فى أنحاء القسم ..

شكراً مرة أخرى ..

[عادل صموئيل]

احبائى
اقدم لكم رائعة من روائع ام كلثوم وعبد الوهاب
انت الحب
ولست ادرى لماذا لم تنل هذه الاغنية حظا من الشهرة مثل باقى الحان عبد الوهاب لأم كلثوم وتغيب عن اسماعنا كثيرا مع انها جميلة جدا
واليوم ابعثها من جديد ارجو ان تسعدوا بها وقد حاولت ضغطها على قد ما اقدر حتى لا احمل على المنتدى مساحة كبيرة
اقدم لكم وصلة غنائية 54 دقيقة . اقدمها لمن يستحقون المجهود ويقدرون الفن الجميل واعدكم بتقديم القادم الكثير
ولا انسى انا اشكر كل من رد على المواضيع ولايخفى عليكم مدى سرورى بالتشجيع من من يقدرون الفن فذلك عندى اغلى من كنوز الدنيا لأنى بعد سنين طويلة فى احتراف الفن مازلت هاويا

[بشيرالأنس]

أستاذي الكريم. شكرا على هذه الرائعة الكلثومية. سيذي أنا لست بدارس موسيقى لكن أذني لا تخني في جمال الأصوات.عمل رائع. يمكن أن أختلف الرأي مع أحبائي لكن والله أفضل هذه الأعمال بذون زيادة أي إقاع أسمع أنين الكمان سروره وأحزانه وأنا في طرب لايصور ياأستاذ.
تقبل مني كل الحب والتقدير.

[الألآتى]

حبيب قلبى عادل باشا ..

قررت أن أرد عليك قبل أن أسمع العزف .. لأنى متأكد أنى سأسمع شيئاً جميلاً ورائعاً كالعادة ..

وسأرد عليك مرة أخرى بمشيئة الله بعد السماع والتلذذ ..