حصر لمفقودات ام كلثوم

[samirazek]

من مفقودات عام 1942
انا وانت ..وانت وانا
كلمات محمود بيرم التونسى - الحان زكريا احمد
انــــــــــــــــــــــــــا وانت ....وانت وانـــــــــــــــــــــــــا
انا وانت
كل من يعشـــــــق ياعذابه....فى الهوى ترميـــــه مقاديره
وانقضى المكتوب ولا نابه....غير عذاب يخطر فى ضميره
صبح وبات متألم شــاكى.....ويبات ويصبح حيــران باكى
واللى نال عهده والزمان.....ساعده وانكتب ســـــــــــعده
انا وانت
كل من يعشـق يا مراره.....من اســاه وجــــواه وجروحه
ان صبر يصبرعلى ناره....وان بكى يبـــــكى على روحه
لا الدمع يطفى النار فى ضلوعه..ولا الأمل نـــــــاله بدموعه
واللى فى جنه نالهاواتمنى....وانتشــــــــى وغنـــــــــى
انا وانت
قوللى انا وانا اقـــــــولك...تانى انا وانت واكمــــــل لك
الغرام غــــــنوه انغامها....بس انا وانت نفهــــــــــمها
اللى سمع يسمع على قده...واللى فهم يفهم على قصـده
واللى انشــــــاها واللى ....غنــــاها وفق معنـــــــــاها
انا وانت
لما انا وانت غنيــــــنا....غنت الدنيا حوالينــــــــــــا
والنغم من بدعه وحسنه....اســـكر البلبل على غصنه
والغرام جنــه وقصورها...لى انا وانت وزهــــــورها
اللى يســـــقيها واللى.....يرويها واللى يجنيــــــــها
انت وانت

[samirazek]

من مفقودات عام 1939
ايه أسمى الحب
كلمات محمود بيرم التونسى - الحان زكريا احمد

أيه أسمى الحب انا ماعرفشى........ده باينه شيىء ما يتوصفشى
ناس يقولوا الحب ده يحنـــن.......كل قاسى القلب ويطمــــــــــن
ويقولوالنــــــا ناس ده يجنن...... وكلام الأتنيـــــــــن مايكدبشى
ايه اسمى الحب انا ماعرفشى
وقالوا لنا الحــــــب ده بلوى.....تســــرقنا ســــكرته الحـــــــلوه
ودواه الصبر يا الســـــلوى......وعالأتنيــــــــــــن انا ماقدرشى
ايه اسمى الحب انا ماعرفشى
ايه اقول والحب ده يحيـــر ....من سـاعه لســاعه يتغيــــــــــــر
آهو مره صبــــــــر بيمرر.....وآهو مــــــــرة حلو انا مانكرشى
ايه اسمى الحب انا ماعرفشى
ايه اقول عالحب ياخواننـا....اللى بيقولوا عليه جنــــــــــــــــــه
مافتحنا بابها ودخلنــــــــا....ولقينـــــــا شيىء ولا بيدومشــــى
ايه اسمى الحب انا ماعرفشى
ايه اقول عالحب آه يانى.....اللى تشـــــــــــعلل ناره فى ثـوانى
قد ايه لوعنى وكــــوانى....على عينى وبرضه انا ماباتوبشــى
ايه اسمى الحب انا ماعرفشى
ماقدرش آقول قولوا انتــم...اللى داق الحب ميـــــــن منــــــكم
وفرحـــــكم ولا حزنــــكم....احتـــــار انا ولا ماحتارشـــــــــى
ايه اسمى الحب انا ماعرفشى

[بشيرالأنس]

الله على جمال هذه الكلمات. أتخيل الست تغنيها في حفل بداية الستينات مثلا بنفس طريقة ـ الحب كده ـ ياعظمة على عظمة على عظمة

[samirazek]

من مفقودات عام 1931
غصبن عنى
كلمات حسين حلمى المناسترلى - الحان زكريا احمد
الليل يطول ويكيــــــدنى ......والفجر فاسى بيضنينى
وبلبل الصبح يزيــــدنى......انيــــنه من جنس انينى
يبقى يغنــى والدمـــــع....... بيفيض من عيــــــنى
غصبن عنى
صبرت قلبى اللى شبكنى....وقلت مهـــــلا يا جفونى
الحب مارضيش يطاوعنى ...والشوق غلب قلبى وعينى
خيب ظنـــــى ورجعت.....للنـــــــــــــوح يواســينى
غصبن عنى
ليه يا غرامى بتألمنى.....وتهرب النـــوم من عينى
عملت ايه بتعذبنــــى.....وتســـــيبنى للنار تكوينى
ليه تأسـرنى واقاسى ....من ســـــهد جفــــــــونى
غصبن عنى
مين يقدر ينصـــفنى....غير الحبيب اللى ضنــانى
يبعد شجونى ويرحمنى...ويشفى قلبى اللى رمانى
كان يســعدنى والدمع.....يبـــــعد عن عيـــــــنى
غصبن عنى

[samirazek]

من مفقودات عام 1941
وقفت اودع حبيبى
كلمات احمد رامى - الحان فريد غصن


وقفت اودع حبيــــــبى...... والدمع حاير فى عينـــى
اكتم اســــــايا ونحيبى...... خايف تبانله شـــــجونى
اصــــــعب عليـــــــــه......وأشـــــــــوف عينيـــــه
فيها الأســـى والحنين.......يخونى صوت الأنيــــــن
اقوله عاللى ضنى حالى....لما خطر بعـــــده فى بالى

بس امللى العــين منه.....قبـــل ما أبعــــــد عــــــنه
حـــــرمت روحـــــى.....فى عـــــــــــز نــــــــوحى
يشوف دموعى بتشكيله...نـــــــــــــار الأشــــــواق
يسمع لســانى بيحكيله.....وجـــــــــد المشــــــــتاق

ودعتــه من غير ماتكلم....وفوتته والروح بتســــلم
لما بعدت عنــــــه قليل....حبيت اشـوفه قبل الرحيل
بصيـــــــت ورايـــــــا....ابكـــــــــــى هوايـــــــــا
لقيت خياله من بين......دموعى عمال يغيـــــــــب

والكـــــــون مرايــه.....فيـــــــــــها اســـــــــــايا
والشمس رايحه تبكى ...معايــــــــــا وقت الغروب
صعبان عليا فراق الكون ...ساعة ماودعت حبيبى
هى حزينه وقلبى حزين...فايت من الدنيــا نصيبى

ياطيرياسارىساعة المغيب ...رايح تلاقى انس الحبيب
تقابله بين الغصـــون....والليل نســـــــيمه عليل
وتزيد عليك الشجون ...تنعم بنجـــــــوى الخليل
تنـــــاغيه تداويــــه....وانت مهـــــــــــــــــنى
وانا روحى فيـــــــه....ويبعـــــــــــــد عنـــــى

[samirazek]

ومن المفقودات ايضا اول اسطوانه سجلتها فى مشوارها الفنى عام 1922 ايام كانت تلبس العباءه والعقال ..كانت من الذكر الدينى مجهولة المؤلف (غالبا الأمام الشبراوى):

مولاى كتبت رحمة الناس عليك......فضلا وكرما
المرجــــع والمآل والكل اليـــك.....عربــا وعجما
مالى عمل يصلح للعرض عليك....بل صار عدما
فارحم ذلى ووقفتى بيـــن يديك.....ان زل قدماى

[بشير عياد]

يجب أن نتفق على أن كتاب أخينا المهندس عاطف المولد يعد من أهم المراجع التوثيقية لأعمال السيدة أم كلثوم ، وهذا لا يمنع من وجود بعض الملاحظات عليه في عدد من التواريخ ، وهذا الكتاب يعد من أهم مراجعي في كتابي ـ الذي لا يريد أن ينتهي ـ عن جماليات النص الكلثومي ، وقد تحدثت مع الأخ / العاشق الرهيب لفن أم كلثوم عاطف المولد ولكن لم نلتق إلى الآن ، وهو من السميعة الذين لهم ذكريات خاصة فقد حضر عشرات الحفلات لكوكب الشرق
أما أغاني المناسبات الملكية فإنني أعتبرها أكبر سـُبـّة في جبين فن أم كلثوم وشعرائها وملحنيها ، لا أقول ذلك لكوني ضد هذا الشكل من الغناء فهو من موروثات العرب منذ العصر الجاهلي ، ولكن أقوله لرداءة ما قدموا ، وفي كتابي قلت : " لقد نافقوا ، ولكنهم لم يـُحسنوا النفاق " ، وأعتقد أن هذا الباب ( باب المفقودات ) سيكون من أهم الإضافات إلى نصوص الكتاب ، ولتكونوا سببا جديدا في تأخير صدوره ، فقد بدأت العمل فيه منذ نوفمبر 1997 ولا أدري متى أنتهي ، وقد تخطيت حاجز الألفي صفحة ، وفي كل يوم تظهر معلومات جديدة وأسرار جديدة تجعلني أحذف وأضيف ، وقد يئست بالفعل ، ومنذ ستة أشهر لم أكتب فيه سطرًا جديدًا ، فقط أصحح وأضبط ، وأرجوكم أن تدعوا لي فقد تعبت

[محمد يحيى العزايزة]

أغنية بعنوان " باسم مين " سنة 1961 عن الانفصال بين سوريا ومصر
وهي من كلمات أحمد شفيق كامل
واللحن أظنه لرياض السنباطي لأن بصمته واضحة عليه
، وكلماتها تقول:
باسم مين يا خارجين ع الشعب قمتم باسم ميــن ؟
باسم إسرائيل والاستعمار وباسم المأجورين
والا باسـم الشـعب والشعـب البـطل منكم بريء
مستحيل تفريق قلوب المولى جمعها ف طريق
يا خارجين ع الشعب قمتم باسم مين ؟
غضبانين من إيه ومن مين الغضب يا مخدوعين
غضبانين م النصر بعد النصر للشعب الأمين
والا من مجــد العروبة اللي انـتشر في العالمين
م المسـاواة .. م العـدالة .. م المحـبـة غضبانين
مستحيل تفريق قلوب المولى جمعها ف طريق
يا خارجين ع الشعب قمتم باسم مين؟
شعبنا الواعي اللي من سوريا لوادي النيل حدوده
راح يحطَّم كل فتنة ضد أمجاده وخلوده
شعبنا دايماً ح يحرس وحدته ويفرض وجوده
إسمعوها وسمعوا المستعمرين
مستحيل تفريق قلوب المولى جمَّعها ف طريق
يا خارجن ع الشعب قمتم باسم ميــن ؟

[ADEEBZI]

ffffff

[رضا رشيد]

الأستاذ الفاضل : سمير عبد الرازق

فى صفحة رقم 6 مشاركة رقم 51 ... ذكرت سيادتك أن :

البعد طال والله عليا

ياهل ترى فكرها فيا

من المفقودات ... وعند بحثى فى المكتبة .. وجدتها ضمن أغانى الست ...

سأرفعها حالا فى أغانى ثومة ( حرف الألف ) ..

تحياتى ...