لما انت ناوى تغيب

**حسن كشك** · #1 11/04/2008, 01h58

وبعدين معاكى يالولو
انت بتجرى ورا ذكرياتى ليه
اغنيه رائعه واختيار رائع
طيب ما تقولى لنا عن ذكرياتك عن الاغنيه
ولا هى مجرد اغنيه
لما اشجعك يالولو واقولك ذكرياتى مع الاغنيه
اغنيه لها ذكريات تنتابنى (حينا فحينا )
على راى ام كلثوم
فقد كنت ارتاد مكان معين فى فتره معينه
كان المكان جميلا تملؤه المحبه والذكريات
وانا الذى هجرت ذلك المكان ولم اعد اليه
مطلقا .... وفى احدى الليالى وقد مر هذا
المكان بخاطرى - سمعت هذه الاغنيه
فاحسست ان ذلك المكان قد ارسل لى هذه
الاغنيه .... مجرد شجن وتبقى الاغنيه
ويبقى المكان الذى لم اعد اليه مطلقا
وتبقى الذكريات
كلمات الاغنيه - ابسط ماتكون وابدع ماتكون
خاصه
لما انت ناوى تغيب على طول
مش كنت اخر مره تقول
طيب كانوا هيعملوا ايه لو قلت ... هايودعونى
ولا يمسكوا فيا ولا يحاولوا يغيروا رأى استقر
لا الغياب على طول مقدمات افضل
قولى بقى يالولو

**هاله** · #2 11/04/2008, 22h45

اقتباس:

المشاركة الأصلية كتبت بواسطة حسن كشك

وبعدين معاكى يالولو
انت بتجرى ورا ذكرياتى ليه
اغنيه رائعه واختيار رائع
طيب ما تقولى لنا عن ذكرياتك عن الاغنيه
ولا هى مجرد اغنيه
لما اشجعك يالولو واقولك ذكرياتى مع الاغنيه
اغنيه لها ذكريات تنتابنى (حينا فحينا )
على راى ام كلثوم
فقد كنت ارتاد مكان معين فى فتره معينه
كان المكان جميلا تملؤه المحبه والذكريات
وانا الذى هجرت ذلك المكان ولم اعد اليه
مطلقا .... وفى احدى الليالى وقد مر هذا
المكان بخاطرى - سمعت هذه الاغنيه
فاحسست ان ذلك المكان قد ارسل لى هذه
الاغنيه .... مجرد شجن وتبقى الاغنيه
ويبقى المكان الذى لم اعد اليه مطلقا
وتبقى الذكريات
كلمات الاغنيه - ابسط ماتكون وابدع ماتكون
خاصه
لما انت ناوى تغيب على طول
مش كنت اخر مره تقول
طيب كانوا هيعملوا ايه لو قلت ... هايودعونى
ولا يمسكوا فيا ولا يحاولوا يغيروا رأى استقر
لا الغياب على طول مقدمات افضل
قولى بقى يالولو

ده الكلام ده كله على مكان انت هجرته .......طيب هعديها
اما بقى عن كونك لو كنت قلت كانوا على هيعملوا ايه فدى بقى فيها كلام كتير
اقل مافيها يعرفوا اسبابك مش تسيبهم كده وكانهم شيئ لاقيمه له لازم زى ماقدرت المكان ده واحترمنى لازم اقدره انا كمان واقول على الاقل اسباب ابتعادى مش اسيبه كانه ولا حاجه
اما ذكرياتى انا بقى فانا ماعنديش حد يستحق اقوله لما انت ناوى تغيب على طول مش كنت اخر مره تقول لانى اللى يعمل كده معايا فهو بالنسبه لى ولا شئ بمعنى كلمه ولا شيئ مش كمان اسال ليه هو انا هتحايل على اللى عاوز يبعد لا طبعا المركب اللى تودى وكفايه كده بقى

**منال** · #3 12/04/2008, 00h25

عزيزتي الغاليه : لولي
فعلا الأغنيه جميله وفيها جرس حزين وحس عال,,احببت كلماتها وما تحمل من روح بين السطور ووقفت عند تلك الكلمات طويلاً في تأمل وتفكر في ابعاد ومعان تلك العاشقه وما اشتمل حزنها من شكوى وأنين وتوجع لهذا الغائب الذي غاب بلا سابق إنذار
لما إنت ناوي تغيب على طول ,, مش كنت اخر مره تقول
انا مع تلك العاشقه التي بكت وتألمت ولكن لو قال لها لكان افضل
من أن يغيب فجأة في كومه الدنيا وهي بحال يرثى لها من الكمد والحسره والقلق ,,وهي في انتظار وهم من سراب وهي تبني قصورا من رمال ,, وتحلق بتلك الأحلام الورديه في سماء ملبده بالغيوم وقد لا تمطر ابداً..
يعني كنت تقول؟..فلو جاء وشرح ظروفه واسبابه التي تمنعه من التواصل وتعيق اكتمال الحلم والتتويج,,,لكان اخف على قلبها من وطء خيول العذاب والآلام,, وهي تصبر نفسها وتتثبت بأمل لا يجئ ولا يعود,,وهي في سهر وسهاد وشدة وفراق وشوق وابتعاد وهجر وعناء...فلو جاء وقال لكان ارحم لوجدانهاوحتى تقطع الشك باليقين وتفكر في حياتها وتغلق صفحه الماضي وايضا تغلق ذلك الباب وترمي بالمفتاح في اعماق البحار... وترى اشراقه الفجر الجديد ....
حقا اشعار محمد المنعم رائعه رقراقه تسري رقتها في اعماق الروح..تأخذك في حاله من الهدوء الوجداني العميق..
وكذلك محمد عبدالوهاب مبدع ومتميز
اشكرك يالولي على هذ الذوق الرفيع
وانتظر الأستاذه الكرام بالنقد والتحليل.
عزيزي يالولي , اين الرابط؟؟
ودمت سالمه وموفقه إلى خير

**حسن كشك** · #4 12/04/2008, 09h44

يالولو
ليه كدا بس
وايه عرفك مايمكن انا حاولت افضل فى المكان وعملت اللى فوق طاقه البشر عشان افضل اجى المكان وطبعا المكان بالسكان مش هاكذب عليكى - لكن تعملى ايه لما يفيض بيكى - لازم تمشى ومن غير مقدمات واسباب - لانك لو قلت هايحصل عتاب ووعود وتحمل الم من جديد وعود لاتصدق ولا تنصان - على راى ام كلثوم - اذا فراق للمكان بلا عوده ولا انذار ( جديد ) وطبعا لما غبت شعر المكان بقيمتك لما كنت فيه - وكان لازم من السؤال للفراغ لان السؤال هنا ليس لاحد موجود ولكن بعد الشعور بالغياب - ثم الانتباه لطول الغياب - ثم هنا فى مرحله الاستفسار - وياتى بعدها مرحلة التشوق - واخيرا الياس والنسيان - وتبقى الاغنية مجرد سؤال فى الفضاء الخالى لايسمعه احد وايضا لن ياتى رده من احد

الاخت منال
طبعا كلنا نقيس الاغنيه حسب حالتنا نحن ومواصفاتنا - واعجبنى تحليلك وشرحك واحساسك بالكلام لكن الاغنيه لها مائه حاله وكل منا يضع نفسه دائما فى مكان المظلوم - مجرد احاسيس تفرضها اصولنا الداخليه
وهاهى كانت تجربه صحيحه وحيه انت والاخت لولو اخدتم جانب الضحيه - ليه مش عارف - مع ان ممكن جدا تكون اللى سابت المكان واحده ( سيده انسه ) وليس رجلا وان الرجل هو من يقول ( لما انت ناوى تغيب على طول مش كنت اخر مره تقول )

**نورا نجم** · #5 12/04/2008, 10h14

كل يوم الواحد بيحس انه مش بيعرف يسمع من الاغاني الجميله والزوق الراقي للاخت لولي بجد حلو جدا
بس يا ريت يا استاذ حسن تختار لينا مقطع جميل ونسمعه عن قريب في موضوع المقاطع الابداعيه
مجلـــة سـمــاعـــي العدد الأول أبريل2008
sama3ynews.ueuo.com

**حسن كشك** · #6 12/04/2008, 15h07

اقتباس:

المشاركة الأصلية كتبت بواسطة نورا نجم

كل يوم الواحد بيحس انه مش بيعرف يسمع من الاغاني الجميله والزوق الراقي للاخت لولي بجد حلو جدا
بس يا ريت يا استاذ حسن تختار لينا مقطع جميل ونسمعه عن قريب في موضوع المقاطع الابداعيه
مجلـــة سـمــاعـــي العدد الأول أبريل2008
sama3ynews.ueuo.com

حاضر يانورا هانم
وانا كنت مشغول الفتره الماضيه شويه - لكن فيه مقاطع كتير هانزلها قريب
هيه بتذاكرى والا ايه

**هاله** · #7 12/04/2008, 23h31

اقتباس:

المشاركة الأصلية كتبت بواسطة نورا نجم

كل يوم الواحد بيحس انه مش بيعرف يسمع من الاغاني الجميله والزوق الراقي للاخت لولي بجد حلو جدا
بس يا ريت يا استاذ حسن تختار لينا مقطع جميل ونسمعه عن قريب في موضوع المقاطع الابداعيه
مجلـــة سـمــاعـــي العدد الأول أبريل2008
sama3ynews.ueuo.com

لا كتير اوى الكلام ده عليا يانورا
كلكم هنا اصحاب ذوق رائع فعلا
انا بس بكتب الاغانى اللى بحبها وبحسها وبس مش اكتر

**عصفور طاير** · #8 13/04/2008, 16h27

أجمل ما في هذه الأغنية يا لولي هي ما تقدمه من طرب.. حيث استطاع محمد أفندي عبدالوهاب من خلال نبرته الشاكية في هذه الأغنية أن يصيب نياط القلب.. وفي اعتقادي أن تلك الأغنية من نفس الفصيلة الوجدانية لـ"مين عذبك".. وهي مفعمة أيضا بالشكوى والضعف.. ويبدو أن سمة الحب في هذا الزمن الغابر أنه كان يعني إظهار الضعف والوهن الشديد تجاه الحبيب.. وأغلب أغاني المرحلة كانت تؤكد ذلك المعنى وتكرسه.. ولكنها بالطبع كانت تطريبية بامتياز..

سقى الله تلك الأيام ورعاها.

وأحييك على اختياراتك

**اسير النغم** · #9 19/04/2008, 09h13

اشكرك يأخت لولي على الاغنيه الجميله جداً

وعلى فكرة استاذنا عبدالوهاب اذا لم تكن عندك دكتوراه في السمع لاتستطيع ان تسمع عبد الوهاب

وفي نفس المرحله غنى عبدالوهاب اغاني بنفس الطريقة مثل ( بالك مع مين ياشغل بالي )
( وياناعساً رقدت جفونه) لكن في سوأل ايه اللي عجبكي في الاغنية -اللحن- الكلمات - الصوت - ام الاغنيه كلها . بصراحه .

لما انت نااااااااااااوي لما انت ناااااااااوي لماانت ناااااااااااااااااااااااااااوي .

**هاله** · #10 19/04/2008, 17h41

اقتباس:

المشاركة الأصلية كتبت بواسطة اسير النغم

اشكرك يأخت لولي على الاغنيه الجميله جداً

وعلى فكرة استاذنا عبدالوهاب اذا لم تكن عندك دكتوراه في السمع لاتستطيع ان تسمع عبد الوهاب

وفي نفس المرحله غنى عبدالوهاب اغاني بنفس الطريقة مثل ( بالك مع مين ياشغل بالي )
( وياناعساً رقدت جفونه) لكن في سوأل ايه اللي عجبكي في الاغنية -اللحن- الكلمات - الصوت - ام الاغنيه كلها . بصراحه .

لما انت نااااااااااااوي لما انت ناااااااااوي لماانت ناااااااااااااااااااااااااااوي .

الشكر لحضرتك استاذى الفاضل
ويمكن اللى عجبنى فى الاغنيه هو الاحساس النابع من عبدالوهاب بالكلمات وطبعا بالاضافه للكلمات واللحن او بمعنى ادق الاغنيه كشئ متكامل