إيقاع الموت

[سمعجى]

المشاركة الأصلية كتبت بواسطة دعاء الشريف

بعد السلام والتحية

طبعا مش حينفع اقول ولا كلمة بعد كل الزملاء الرائعين ما قالوا
بس أنا حبيت احييك يا شاعر بطريقتي واحققلك كمان امنية
قريتها وعجبتني جدا كالعادة .. زي كلامك وشعرك وتعبيراتك الرائعة
وبصفتي تخصص قصاقيص
مالقتش مكان انسب من هنا عشان ارفع فيه حاجه عزيزه عليه جدا

ده أول دليل طبع في تاريخ الوطن

وانت بتقول :

يا سلام يا سلام و الله و رجعِت لِيَّام
خــُد لك أجازة م الزحمة اللي ما بتعرفشي رحمة
إنسىَ الفاميه و الألوميتال و عيش في الأيام العال
ناس قلوبها صافية مش بلاستيك بلا قافية
بُص على الوشوش واضحة من غير رتوش
دنيا و فيها براح مش إنسان مستباح

يا مين يرجعني .. و هناك يضيعني .. أعيش في دنياهم
كدابة أيامنا .. صادقة يا أحلامنا .. سيبوني ويّاهُم
آه يا زمان عَدَّى .. و سابني للشِدة ..
و نساني .... و نـَسَاهُم !

صفحة الشعراء في دليل مصر سنة 1889

.. بصدق ده مكانك الحقيقي كشاعر كبير يشرف وطنه ..

ودي زي ما تقول كده رشوة علني علشان تمتعنا بمزيد من أشعارك الرائعة

شكري العميق للاستاذ/ ghazyeldaba السبب في امتاعنا باشعار الشاعر
كمال عبد الرحمن

.. تحياتي ..

رشوة مقبولة يا مدام دعاء

و الله زىّ ما بيقولوا ( أخجلتم تواضعنا ) .. و حضرتِك شهادتك في حقي بعشر شهود ،، لأنك فنانة ظاهراً و باطناً ..

ظاهراً ، بنوادر و مقتنيات و أنتيكات ( سينييه ) لا تقدر بمال ، و غير مسبوقة لعيني و خيالي
و فنكِ في هذا ، يكمن في الحيازة،،، و ذائقة الإختيار ،،، ثم العرض

أما باطناً ، باعتبار أسلوبِكِ المتماسك المبتهج المنسّق ، الذي اختيرت ألفاظه بعناية و حِس ٍ راق ..


أشكرك على الإخراج الفني الذي ( أقحمني ) بين الكـُبَراءِ و عِليةِ الشعراء .. و أحمدُ اللهَ أن توفــَّاهُم ، و إلا كنتُ من الهالكين !!

أشكركِ جزيلاً أيتها المتألقة
و تحياتي لزوجـِكِ الذي يمتعنا في صمت النبلاء

بالمناسبة ، توقيعِك رائع ، ممكن أستلفه يومين :

أنا راح أمـــوت .. دي قضيه منهيـه

بالخوف.. بصمتي .. بالقـدر ..سيان

المسألـــة مش موتــــــه شرعيــــة

المشكلـــة .. ازاي امــوت انســـــان