اغنيه سكن الليل

**غازي الضبع** · #1 02/03/2008, 11h45

أهو كده أنا فهمت :
القصيدة جائت على تفعيلة الرمل : يعني كانت بتتغنى على البلاج
سبب خفيف : بتاع رُبع كيلو مثلا ( يمكن حمله )
الحرف الساكن : أكيد أحسن من اللي مش لاقي سكن
بحر الـ دوبيت : ماهو طبعا لو هايسكن يبقى هايسكن في البيت
البحر الـ 16 : بعد البحر ال15 على طول .. يعني على ناصية ال 17 كده .. ويقرب لبحر الظلمات

اللي هاموت واعرفه بقى إيه ( الأخفش ) ده

أنا عارف كل حاجة بس مدكن

نهارك جميل يا بو يوسف

**سمعجى** · #2 02/03/2008, 12h03

الأخفش دا راجل غاوي يصطاد خفافيش

يقال ( تداركهُ الأخفش ) ، فالأخفش هو عالم لغوي ، أضاف بحراً من بحور الشِعر إلى ما انتهى إليه الفراهيدي ..

تدارك مين ؟! .. تدارك الخليل بن أحمد الفراهيدي ، واضع علم العَروض ، أى موسيقى الشِعر ..

تداركه بإيه ؟! ببحرٍ جديد ، أضيف إلى ال15 بحراً الذين وضعهم
الخليل ، و لذا سُمي هذا البحر ال16 بال ( متدارك ) ، و تفعيلته
إسمها ( فاعلن ) ، و قد تأتي على الوزن ( فعِلُن ) أو ( فعْلُن )

و عايز تطلع دكتور !!
إبقى قابلني لو فلحت

**سمعجى** · #3 03/03/2008, 00h47

أبو حسام ( حبيبي في الماضي و الحاضر و المستقبل )

أنا أقدر .. و انت اللي زارع جناين قلبي بالحب !

غازي باشا هو اللي بيلعب في الكوبْس ، و خفت عليه أحسن يتكهرب

آل يعني هَضَم المصطلحات الموسيقية ، و داخل علي مصطلحات
العَروض ..

و ربنا يكفينا جميعاً شر ( المصمودي الكبير )

**حسن كشك** · #4 05/03/2008, 02h06

يا اخت لولو
مفاجأة ليكى ولبعض الاعضاء هنا
نازك وهى بتغنى
سكن الليل
وفى لحن مختلف تماما عما غنته فيروز
وستسمعيها اليوم على
راديو كشك
اهديكى اغنية نازك سكن الليل وهو على الرابط ده
http://www.sama3y.net/forum/showthread.php?t=454&page=6

**نورا نجم** · #5 05/03/2008, 23h41

ايه الجمال ده
ايه الدلال ده
مش معقول كله ده
فن وشعر ومشاعر وفن فناني مش ممكن يا جماعه
سمعت الاغنيه كتير ويامه واول مره احس اني اول مره اسمعها
بعد كل الكلام اللي اتكتب عنهاولا التعليق النحوي الجميل
يا جماعه حد يديني درس عربي ارجوكم
لولي
حرام عليكي ربنا يسمحك ويزيدك من نعيمه عليكي ويوفقك في اختيار افضل كمان وكمان
وكلمي حد من المسؤلين في موضوع الدرس ده

**عادل محمد** · #6 06/03/2008, 15h50

أصدقائى ، مساء الفل عليكم جمبعا
بعد أن تصفحت الأهرام والمصرى اليوم وشاهدت أخبار الجزيرة واتغميت ، رجعت الى أيكتى حتى أستعيد توازنى ، فقرأت حواركم واستعدت توازنى والحمد للة .
أولا نمسى على الأخت لولى صاحبة الفرح .
منذ ان ولدت اغنية سكن الليل سمعتها عشرات وعشرات المرات ، وقرأتها شعرا أيضا عشرات المرات ، ولكن هنا جاء شاعرنا الجميل كمال بك عبد الرحمن و -أضاف - فى تعليقة الأول جمالا على جمال وابداعا على ابداع .
ولكن جاء الأخ منير -وقلب الترابيزة - وها أنا أسمع القصيدة بصوت نازك ولحن مختلف .
وأنا هنا أسألكم جميعا : لو لم يكن عبد الوهاب قد ابدع هذا اللحن السمائى الكونى وصدح بة هذا الصوت الملائكى ، وسمعناة فقط بصوت نازك وبلحن من لحنها ، هل كنا سنتحاور كل هذا الحوار ؟ هل كانت ستقترن مع الأخ حسن فى زكرياتة البعيدة والجميلة والحزينة أيضا والتى جعلتة يحاكى شاعر المنتدى ؟ هل كانت ستأتى الى سمع الأخت سامية وهى تسبح فى ملكوت السماوات ؟
- اذن : الموسيقى أولا والصوت المطرب ثانيا ( فى الأغنية ) ويأتى الكلام فى المرتبة الثالثة .
قد تكون الأغنية يا جارة الوادى أو همسة حائرة أو جبل التوباد أو سكن الليل وقد تكون ولة يا ولة لعبد الغنى السيد أو ع الحلوة والمرة ، أو حبك نار بعدك نار قربك نار ، نار يا حبيبى نار ( التى اعشقها ) .
أخيرا ، كم اكرة بحور الشعر ولا أفهمها ولا عايز افهمها وكم اعشق الشعر ، كما أننى لا أعرف الفرق بين مقام البياتى والكرد ولا عايز اعرف ، وكم اعشق الموسيقى .
تحياتى لكم جميعا واعذرونى وجعت دماغكم .

**الألآتى** · #7 06/03/2008, 19h51

اقتباس:

المشاركة الأصلية كتبت بواسطة عادل محمد

كما أننى لا أعرف الفرق بين مقام البياتى والكرد ولا عايز اعرف ، وكم اعشق الموسيقى .

العزيز الأستاذ عادل ..

لقد قلتها من قبل .. إننى أحسدكم على سماعكم المجرد للأغانى والأعمال الموسيقية ..

فالمستمع العادى يسمع الأغنية ويستمتع بها ويعيش مع كلماتها وموسيقاها .. كلٌ حسب ظروفه وخياله ..
لكن المستمع مثلى يستمع للأغنية بأذن الناقد .. فعندما أسمع أى عمل غنائى أو موسيقى .. تتجه أذناى ( رغماً عنى ) إلى المقامات والتحويلات والأوزان .. ومدى تمكن الملحن من أدواته .. ألخ .. وبذلك يضيع عليا الإستمتاع المجرد بالأغنية .. هل عرفت الأن أخى عادل أن المعرفة سلاح ذو حدين ..

**عادل محمد** · #8 06/03/2008, 23h03

[B][SIZE="6"][COLOR="Blue"][CENTER]ياااة أخيرا يا أخى عبرتنى ورديت عليا

نعم يا اخى الكريم المعرفة سلاح ذو حدين وبيت الشعر للاسف مش متأكد منة ،

ذو العقل يشقى فى النعيم بعلمة وأخ الجهالة في الشقاء ينعم

أظنة صح كدة وأظنة للمتنبى أو يصححهولى أستاذ المنتدى وهو عارف نفسة أو صاحب أخف دم وشاعر من ساسة لراسة وهو برضة عارف نفسة .
سعدت بردك جدا يا أخ الألاتى .