” اللي حبّك يا هناه “
أحمد رامي وزكريا أحمد ( 1939 )
*****
اللي حَبّك يا هناه * في نعيمه أو شقاه
*****
نور عيونك في فؤاده * يضْوي في ليلة سهاده
إنْ راعيتي له وداده * في بعـاده يـا هنـاه
*****
وان سمع كلمة تراضيه * والا شافك بتراعيه
ينسى همّه واللي فيه * من شقـاه يا هناه
*****
تبعـدي يسبَـح خيـاله * في اللي قلتيه واللي قاله
يلقى حاجة تسرّ حاله * يهـدا بـاله يـا هنـاه
*****
وان هجرْتي قال تجني * بكره تصفَى وترضَى عني
نعمة الهجر التمني * يـا نعيمـه في شقـاه
__________________
” ما ٱستحَقَّ أن يُولَد مَن عاش لِنفسِه فَقَطْ “
رد: كلمات الاغاني وشرح المعاني
العرض الشجري