هذه تتمة القصيدة
رَبّْ الْعْبادْ مُهَيْمنْ آمَنْ هايْمينْ
وَانْشا اللّي يْليقْ مْعانا
وَعْنا بْكُلّْ ما يَعْنانا
قْواتْنا وْمانا غيرْ حْدانا انْشا هْوانا
هَيْمَنْ مُولْ الْاكْوانْ سيدي عَنْ كُلّْ دْقايَقْ الدّْقايَقْ تَحْقيقْ مْعاني
عَزيزْ كيفْ حَتّى وَصْلوهْ الْواصْلينْ
عَزيزْ لاَ اللّي يوصَلْ لُه
وَلاَمَنْ اِيقْدَرْ يَبْلَغْ لُه
وَللّي تْقَرّْبوا مَنْ فَضْله
وَالْكُلّْ اِيحْتَجْ له وَعْلوهْ عْله وْلاَ مْثَل لُه
سَطْعْ الْوَهَجْ مَنْ يْشارَاتْ النّورْ اللّي فْكُلْ صيفاتْ اللهْ الْغاني
جَبّارْ حينْ يَجْبَرْ عَنْ فَعْلْ الْفاعْلينْ
عَنْ كُلّْ ما يْريدْ جْبَرْهُمْ
وَالْكُلّْ ما قْضى يَسََّرْهُمْ
وْلْما مْقَدّْره سَيَّرْهُمْ
جَبَّارْ مَنْ جْعَلْهُمْ دونْ غْرَدْْهُمْ مَنْ نْفَعْهُمْ
طَوْعْ لْلأَمْره اِلى بْأَمَرْ لَنّه جَبّارْ جَلْ شانُه شَرْقَتْ فَ كْناني
وَمْنَ الأسْماالْمُتَكَبِّرْ آسامْعينْ
صيفة مْنينْ شَرْقَتْ فيَّ
وَجْلاتْ كُلّْ غَبْشْ عْلِيَّ
ظَهْراتْ لي الْكَبْرانِية
وَللّي عْلا عْلِيّا وَالْطَفْ بِيّا وْحَنْ فْيّا
يَتْكَبَّرْ في عْماقْ قَلْبي عَسّاكْ اللَّهْ مَن ابْدَعْ تَكْويني وَنْشاني
خالِقْ اُبارئْ الْخْلاقْ مُصَوِّرْ الَّلكْوانْ
وما فَ الْكَوْنْ مْنَ الاْكْوانْ مَنْ ما يَدْهَلْ الادْهاني
خَالَقْ لَخْلاَيَقْ كُلْها بْتَقْديرُه يالَخْوانْ
بَارئْ بْدَعْها كيفْ رادْها فَ التَّقْديرْ الــــــــسّاني
خالِقْ اُو بارِئْ آهْلي وْمُطَوِّرْ اُو في آنْ
ما شَغْلوشي عَنْ شي فْ مابْدَعْ لَجْليلْ الْوَحْداني
خالَقْني فَ التَّقْديرْ هاكْدا كيفْ أنا إنْسانْ
بارأْني ليهْ الْحَمْدْ وَالشّْكُرْ مولايا وَنْـــــــشاني
وَالْيَبْداعْ اَوْ الْخَلْقْ ماحْتاجوا ايْـنَ وْلاَأَنْ
وَفْكونْ او فَيَكونْ تايْهينْ عْقولْ الْــــــــــفَطّانْي
مَنْ يَبْداعاتْ الله كُلّْ مانَظْراته لَعْيَـــانْ
وَما لاراتْ عْيانْ فايقْ اللّي شافَتْ الاَعْيانــــي
سُبْحانْ الْخَلاّقْ الْعْظيمْ هاتَفْ بِها الّلْسانْ
سُبْحانْ الْخَلاّقْ الْعْظيمْ خافَقْبِها وَجْدانـــــــي
سبْحان الْخَلاَّقْ الْعْظيمْ تَسْبيحة مَنْ سَكْْرانْ
سابَحْ في بَحْرْ مْنَ الْعْتيقْ ما مْعَتقْ فَدْنانـــي
مَحْنَتْ نَفْسي مَنْ شي مْجادْبة فَ:الضَّيْ وْديجان
تَعْلا بِيا تَعْلا وْحينْ تَنْزَلْ بِيّا مَنْ ثانــــــــــــــي
ونا هَذْ الْمَرّة مْزاوَكْ فْـأياتْ الرَّحْمانْ
اللّي فَصْحَتْ لي عَنّْها الإشاراتْ فْتَمْعانـــــي
الاسماء الحسْنى
رد: من روائع شعر الملحون
العرض الشجري