محمد حسن 1946 - 17 ديسمبر 2017

[abuaseem]

عرق الحياء

لحن و غناء محمد حسن

كلمات علي الكيلاني

*******
مازال عرق الحياء في جبهتي ومازلت نعرف
مازل ما نبخل نهار بغيرتي ولا الوعد نخلف
مازال عزمي في غايته ما يرد
لونفرقه بين الجبال ايسد
ومازلت للأصل الشريف انعد والأشراف تعرف

مازال عرق الحياء في جبهتي ومازلت ننده
بويا هني وينام ساعة غيبتي والسر عنده
مازلت للحمل الثقيل انشيل
نطوي الوطا نخبر في نجم سهيل
ومازال هلنا يقرنوا عالخيل والخيل تعرف

مازال عرق الحياء في جبهتي ومازلت نعرق
ومازال الاصحاب يتمنوا رفقتي و الاصحاب تفرق
مازال بيتي بالحياة مليان
ومازلت ما نقدر نهين انسان
مازلت ما نشبع احدا الجيعان
ولونموت ما نروي احدا العطشان
والاصحاب تعرف

مازال عرق الحياء في جبهتي ومازلت نفزع
مازلت مانقدر نرد في كلمتي والناس تسمع
مازلت لا طال النهار انجود
وان لمت تلقاني نعم موجود
ومازلت نا خال العيون السود
والعيون تعرف

مازال عرق الحياء في جبهتي مازلت نلفا
مراهن على فارس ايجي هو لولي والخيل خلفه
مازلت في عيون الاحباب حبيب
ولثارنا لاول خصيم طليب
قلبي نقي ونيتي تقول حليب
الاحباب تعرف
*******