ليه خيالك .. وأعمال أخرى

[عفاف سليمان]

المشاركة الأصلية كتبت بواسطة سمير حسين

.. طبع الهوى ..

طبعك غريب ليــــــــه يا هـــــوى
زى الزمن مالــــــــــــوش أمـــان
تفـْــرحنــا مرة فى ساعة هـَـنــــا
وكتــــــــير تنسينــــــا اللى كــان
فتحت ليــه بـــــاب فرحنــــــــــــا
وسقيتنــــا من كاس الحنـــــــــان
طبعك غريب ليـــــــــــه يا هــوى
غـــدار وآسى زى الزمــــــــــــان
...
كتير يا قلبى دوبنــــــا ف هواهم
وهــــــــان عليهم حبنــــــــــــــــــا
والقلب يامـــــــا حن ليهـــــــــــــم
نسيوا وفاتونا لوحــــــــــــــــــدنا
وصبرنا على غـــــــــــــدر الهوى
قلنــــا ناصيبنــــا وبختنــــــــــــــا
فتحت ليه بـــــــاب الهنــــــــــــــا
وليــــــــــه بهـــــواهم عشمتنـــــا
طبعك غريب ليـــــــــــــه يـا هوى
غــــــدار وآسى زى الزمـــــــــان
...
صُــــــــبرنا كتــــير وها نستنـــــا
الحب يـــــوم يسأل عنـــــــــــــــــا
يمكن حبايبنـــــــــــا اللى راحـــوا
الشوق يقــــــــــــــــربهم منـــــــــا
والحب يسعـــــــد قلبنـــــــــــــــــــا
ما أنت لغــــرامهم خدتنـــــــــــــــا
أعطف علينــــــــــا يا هـــــــــــوى
واسقينــا من كاس الحنـــــــــــــان
فرحنــــــــا تانى بقــُــــــــــــــربهم
خلينا ننسى غـــــــدر الزمــــــــان
طبعك غريب ليــــــــــــــه يا هوى

...

ما هو ده طبع الهوى
يوم يبكيك
ويوم يهنيك
ويوم يطير النوم
من عينيك
هو ده طبع الهوى
يفرح قلبك ليله
ويبكيك ليالى
وتقول خلاص
القلب هيبقى من
هواهم
خالى
تلاقى فجأه الهوى
فتح لك الف باب وباب
وفى لحظة شوق وغرام
يصد فى وشك الهوى الباب
لا تعرف ان كان موارب
ولا فيه امل
ولا تروح وتنسى
ماهو ده
طبع الهوى
يحير قلوب العاشقين
يباتوا الليل سهرانين
ساعتهم تعدى عليهم
ايام وسنين
لا عارفين
يكملوا بالهنا حبهم
ولا عارفين يقولوا
خلاص
احنا ناسيين
اخى الشاعر الرقيق
****سمير****
يارب تكون عجيتك مداخلتى
اللى كتبتها الان
ارتجالا والله وليس تنسيق
اتمنى لك مزيدا من الابداع
ارق تحياتى لك وللجميع
دمت لى وللجميع بخير
اختك عفاف