مصر أمى
كلّ عايش فيكى راحل
مهما طوّل عمره يامه
وانتى حا تعيشى المراحل
من هنا ليوم القيامه
,,,,
كلّ ايد تتمدّ ليكى
واللا ّ محنة تمرّ بيكى
ياخد المولى بايديكى
تطلعى برّ السلامه
,,,,,
ارمى حملك ياصبيّه
والتقيل خليه عليّه
ماحنا قـدّ المسؤليّة
فى الرجوله و الشهامه
,,,,
كل ظالم فكره خانه
واللا غرّه فى يوم زمانه
تمنعيه يرجع مكانه
رجعة الشوم والندامه
,,,,,
واللىّ يوم حبّ يعاديكى
واللا يضغط يوم عليكى
يلمح النظرة ف عنيكى
ينسى طعم الابتسامه
,,,,,
عرفت يامصر انّ أنتى
بحرى وشراعى وسفينتى
عايشه حرّه زىّ مانتى
ثروتك عزّه وكرامه
,,,,,
عاش هلالك عاش صليبك
يمنعوا الشدّه تصيبك
من زمان مكتوب نصيبك
فى التحدّى تعيشى يامه
,,,,,,
ياللىّ خلفتى الرجال
خلفه صالحه من حلال
يرفعوا راية النضال
تسلمى ليوم القيامه
,,,,,
مصر أمىّ
العرض الشجري