فى بيت الالاتى

[عفاف سليمان]

المشاركة الأصلية كتبت بواسطة حسن كشك

قالوا انتو فين نيجى نسلم عليكم
قلنا احنا فى باسوس
قالوا ... معلش تهنا لقينا نفسنا فى 6 اكتوبر
فزوره للاخت عفاف

ماشى يا عم حسن باشا كشك
امرى لله طالما راح نقول فوازير
اقولك اخى محمود سعد
اقول للجميع
انا كنت جايه هذه المقابله لالتقى بهذه الصحبه الجميله التى تمنيت ان اراهم ولكن قدر الله وما شاء فعل
بدايه تكرمت على الاستاذه الام الحنون مدام ناهد فى مكالمتى حتى اجى الى الاستاذ محمد الالاتى وقلت لها ساستئذن زوجى واجيب الاولاد اذا هو لم يستطع المجىء معنا ونأتى
وقد كان اخذت حماده الكبير ومى وتركت ايمن مع توتا القطه لانه مش بيحب يتركها لوحدها فى البيت
ووصلنا الى عبود لنسئل عن الطريق وقالوا لنا من اول شبرا الخيمه فى طريق ادخلوا النفق يمين فى شمال
وفعلا وصلنا للنفق
خماده ابنى ياماما الراجل قالى ادخلو يمين ثم شمال
انا اقوله ايوا احنا اهه دخلتا يمين يبقى نطلع على كده
على طول
قالى يا ماما غلط
انا قلت لك صح
وطلعنا من النفق
وكانت طلعه ما يعلم بيها الا ربنا
ههههههههههههههههههههههههههه
لقينا نفسينا ماسكين اول طريق مصر اسكندريه الزراعى
وفين ماشيين بالعربيه اننا نلاقى اى فتحه ولا الهوا
وطبعا فضلنا ماااااااااااااااشين يجى كام كيلوا حلوين كده
واخيرا لقينا فاتحه ورجعنا الكام كيلوا الحلوين
ودخلنا طريق ظننا انه الصحيح
اتضح انه الطريق الدائرى وطبعا الدائرى فين وفين لما هتلاقى منفذ رجوع يعنى اجبارى
وخد عندك كمان يجى نصف ساعه
وبدء الرعب يدب فى قلبى والله هذا ما حصل لى
وفين لما لقينا فتحه
وبعدها بدل ما ندخل صح دخلنا الى
اول طريق مدينة 6 اكتوبر
هههههههههههههههههههههههه
والله كان يوم كل اللى شفناه انا والعيال
الطريق الدائرى وطريق مصر اسكندريه ومدينه 6 اكتوبر
واخيرا وصلنا الى فتحه لميدان لبنان ولانها تقرب لبيتنا فقلت له
خلاص كفايه الحمد لله على كده بس وصلنا للبيت بالسلامه
المغرب قرب يؤذن وعلمت من د أنس انهم سوف يتحركون بالمغادره بعد اذان المغرب
يعنى لو حاولنا ناخذ الطريق تانى من اوله ممكن يكونوا مشيوا
وصدقونى والله رجعت بخيبة الامل وانا فى غاية الزعل
وكلمت الاستاذ عم محمد الالاتى اعتذر له لانى معرفتش اوصل
بس كان المفروض انى اذهب ورا اى عربيه رايحه للطريق عم محمد الالاتى واكيد كان هيبقى افضل
او على الاقل كنت تواصلت معهم بالموبايل فى الطريق
لكن افتكرت نفسى ناصحه وشطوره
وكل ما اقول خلاص قربننا نوصل
الاقينا دخلنا فى طريق والله ما يعلم بيه الا ربنا
وعماله افكر يا ترى هقول لهم ايه وانا داخله كده
هسلم عليهم ازاى
وهقول اى كلامى ايه وعماله افكر فى اللقاء
لكن فعلا لم يأن الاوان
وكل شىء بامر الله سبحانه
واكيد المره الجايه هبقى اركب مواصلات ارحم
دانا كنت فى فيلم الطريق للرعب
هههههههههههههههههههههههههه
والله كل ما الاقى العربيات الكبيره المقطورات اترعب واقول يارب استر نوصل بالسلامه
والحمد لله
قدر الله ماشاء فعل
وتحياتى للجميع واتمنى ان اراكم على خير
اختكم عفاف