[quote=عصفور طاير;291959]
اقتباس:
المشاركة الأصلية كتبت بواسطة abuzahda
وعشان زمان الوصل في دمنهور دي، وفي أجواء ذكرى ميلاد العم بيرم، خد دي يا عم سيد..
بس على قد ما قُسُم..
يعني أنا بس بالعب دور المستفز ليك ولكيمو عشان تجودا علينا بغيثكما الشعري..
خد يا سيدي :
الأوّلة آه.. والتانِية آه.. والتالِتة الله
**
الأوّلة كيمو، وقلنا الشعر له ناسه
والتانية سيد، بيفرز م الكلام ماسه
والتالتة إحنا، عرفنا الفن واحساسه
**
الأولة كيمو وقلنا الشعر له ناسه، ومقاماته
والتانية سيد، بيفرز م الكلام ماسه، ومعناته
والتالتة إحنا عرفنا الفن واحساسه، وشرباته
**
الأولة كيمو وقلنا الشعر له ناسه ومقاماته، وموهبته
والتانية سيد، بيفرز م الكلام ماسه ومعناته، بتجربته
والتالتة إحنا عرفنا الفن واحساسه وشرباته، ولعيبته
**
الأولة منتدانا بالمعنى يتزيّن.. وبالأعضاء
والتانية فن وأصالة وعلم مش هيّن.. غير الأخلاق
والتالتة غاوي السمَع عاشق وما يبيّن.. بين العشاق
**
الأولة شُعرا تُقال صيّاغ كلام
والتانية دول فنانين أصحاب مقام
والتالتة غذوا القلوب عشق وغرام
**
الأوّلة آه.. والتانِية آه.. والتالِتة الله
|
****
الأوّلة آه.. والتانِية آه.. والتالِتة الله
*
الأوّلة سيدي و عمي كمال ، ابوس راسه
و التانية ، طاير و إسمه جمال ، جناح ناسه
و التالتة ، فرس الكلام يختال ، جيمي ساسُه
*
الأوّلة سيدي و عمي كمال ، ابوس راسه و غنواته
و التانية ، طاير و إسمه جمال ، جناح ناسه و إخواته
و التالتة ، فرس الكلام يختال ، جيمي ساسُه بروْضاته
*
الأوّلة سيدي و عمي كمال ، ابوس راسه و غنواته ، و ابوس طيبته
و التانية ، طاير و إسمه جمال ، جناح ناسه و إخواته و حبِّبْتـُه
و التالتة ، فرس الكلام يختال ، جيمي ساسُه بروْضاته ، و زاد هِبْتـُه
*
الأوّلة دنيانا بالمغنى بتدندن و بالخـُيلاء
و التانية همّا خيّالة بتتفنن و خِيلها فضاء
و التـَّالتة كمال و جمال ، و هتجنن من الأسماء
*
الأوّلة قالوا كمال بتعني : تمام
و التانية جمال رمشين يرموا السلام
و التالتة أصبَحت ادوب حتى العظام
*
الأوّلة آه.. والتانِية آه.. والتالِتة الله
* * * * *
يا 
عمي جمال ...
الكانفاه بتاعتك كبيرة و مزحومة بالألوان
(وتقولـّي : على قد ما قسم !- لما قسمت وسطي)
و انا "الخيط" عندي قصيّر
و "الإبرة" بتشكشك صوابعي
و "النضـّارة" مش شايفة "الغـُرَز"
(شوف الحِجج يا جدع !)
معلش لو ما عجبتكش ...
عمّي كمال "شغـَّال" تنظيم اليومين دول ...
أول ما تشوف البلدوزر جاي ، إرميها في الصندوق اللي ورا
__________________
أستغفِرُ الله العظيم وهو التوّاب الرحيم
رد: قطرات من مداد قلم الشاعر السمعجي كمال عبد الرحمن
العرض الشجري