لما الهلال يحضن صليبه
أيه يعيبه
يا خفافيش الظلام
إحنا ف وئام
بس إرحلوا عنا و غيبوا
الهلال حاضن صليبه
يا اللى جاى بدين جديد
إبعد بعيد ...
الحب بينا عنيد
هاتهزنا جايز
هاتهدنا ده محال
و راهنى لو عايز
يا اللى عماك المال
إن إنت مش فايز
مهما طموحك طال
***
طول عمرنا أحباب بجد
نصلى جمعه نصلى حد
و فرحنا أو ترحنا
طول عمرنا يداً بيد
طردنا مستعمر زمان
عشنا ف أمان و بنينا سد
يدأً بيد
طول عمرنا أحباب بجد
روق علينا .....يا أخينا
ساعة ماسال الدم حرر رمل سينا
حد فيكوا يقولنا
كان دم أحمد ولا مينا
و ف بور سعيد فاكرين أكيد
ما فرقوش مابين مارية أو أمينة
يا وطن .. يا شعب واحد
لما تيجى المحنة يرفع كفه فوق
لرب واحد
كف أحمد زى أسعد زى ماجد
الصلاه لله
و الإيمان لله
اللى بيثلث على صدره بإيديه
و اللى راكع و اللى ساجد
يا وطن .. يا شعب واحد
التاريخ كان واحد
و الألم كان واحد
و الإله لو واحد
يبقى مصيرنا واحد
__________________
دى فضفضة من قلم رغم الألم ... حسَّاس
مهموم بِهَمْ الناس
يمكن تضيئ كلمته ... العقل جوة الراس
المصير الواحد
العرض الشجري