ليه خيالك .. وأعمال أخرى

[عفاف سليمان]

المشاركة الأصلية كتبت بواسطة سمير حسين

.. لا بتبعد ولا بتقرب ..

لا بتبعـــــــد ولا بتقـــــــــرب
ولا بتسيبنى ف حــــــــــــالى
ومحـــير قلبى ف حبـــــــــــك
والشوق سهــرنى ليـــــــــالى
لا بتبعد ولا بتقرب
...
مرة أشوفك جـــــاى عليّـــــــا
والبسمة الحلـــوة ف عنيــــك
ولما إيـــــدَك تيجى ف إيديــا
أشوف الفرحــــة من حواليك
قلبى ساعتهــــــا بيطمــــــنى
وأنت عـــــواطفك بتكــــلمنى
وف لحظة ألاقيك تهرب منى
طب عــــــايز إيه ما تفهمنى
لا بتبعد ولا بتقرب
...
مُش طريقــــــــة حب ديّــــــه
لما أسهــــــر أفكر فيــــــــــك
أنت تبعـــــــد عن عنيـــــــــه
وكل يــــوم أسأل عليـــــــــــك
ما تيجى أنا وأنت ياغـــــالى
لا نفكــــــر تـانى ف بُـكـــــره
ولا نسهر تـــانى ليــــــــــالى
لا بتبعد ولا بتقرب

اخى الكريم الشاعر الرقيق
(((الاستاذ سمير)))
كلمات رقيقه وجميله
وسلسه
بس اقولك
هو ده حال المحبين
يتقابلوا ويتواعدوا
ويتخاصموا ويتباعدوا
يتصالحوا ويفترقوا
هو ده دائما حالهم
وزى ما بيقولوا
فى الخصام
بيجى الصلح اكيد
وفى البعاد
بيتلاقوا من جديد
يبقى شويه كده
وشويه كده
هو ده طبع الهوى
البعد والاقتراب
ولما تحس انك ملكت الكون
تلاقى نفسك
ماسك الهوى
زى عبد الحليم كده
لك وللجميع ارق التحيه والتقدير
اختك عفاف