أقولك سر ؟
محتاجلك
برغم إنك
سبب حيرتى وتعذيبى
مكنتش أظن
لو أقابلك
فى ظرف دقيقه هتغيبى
يا نور عينى
ولا بعدك ولا قبلك
فيه حد أقوله يا حبيبى
يا كل العمر
أنا مسامحك
فسامحيلى بقه عيبى
أقولك سر ؟
بدعيلك وبتمنى
أشوفك يوم وأحكيلك عن الأشواق
أنا والله يا عمرى
راح أستنى
وأكتبلك بكا عينى
وصمتي فـ جنة العشاق
ولو غبتى
نسيتى فـ يوم ما كان بينا
رسالتك ليا يا عمرى تكون ترياق
راح أقراها
وأعيد قرايتها وأتأنى
وأرجعلى واكون مشتاق
ولا هيأس
ولا هخرج من الجنه
ولا هفهم بإن الوقت وقت فراق
...
أقولك سر ؟
وصلتنى
نقط غنوتها بكتنى
أقولك سر
حضنتنى
أنا حسيتها حضنتنى
لكنه يا قلبى
حضن مغيب مسكتنى
ألمها صعيب وخانقنى مموتنى
أقولك سر ؟
إذا تغيبى
كأنك روح وسابتنى
يا نور عينى
يا ساكنه بين شرايينى
أنا خايف لتنسينى
واخاف اكتر
أحن لحضنك أتمنى
عن المخاليق تدارينى
فألقاكى بعيد شطك
ولا مجداف ولا مركب يودينى
واجازف وانزل الميه
وأغرق أموت وانا بردد وحشتينى
وحشتينى
وحشتينى
وحشتينى
أقولك سـر ؟؟
العرض الشجري