صديق من العـالم الآخــر....!!

[علاء طه ياسين]

السيدة التي تهز جدائل النخل فتتناثر العطور هنا وهناك..
رغد

الاتصال بعالم الجن غريب جدا .. وله قوانينه العجيبة ..
وشيوخ العالم ده أغرب ..
الشيخ أحمد ..
له بنت متجوزة ف بلد جنب بلدنا .. والطريق ليها محفوف بالخطر ..
الموت بيترصد اللي ماشي فيه .. سوا نهار أو ليل ..
الوقت صيف .. الجو خانق ..
عيدان الذرة بترتفع في الجو أطول من قامة الرجل ..
المهم الشيخ أحمد قرر يزور بنته ..
أخد مراته ومشي في الطريق ده هو وهي ..
لما اتوغلوا شوية في الطريق .. الحاجة سعدية مراته خافت ..
قالت له يا شيخ أحمد انا خايفة والطريق طويل ومفيش صوت ولا حس .. نعاود ع البيت تاني ..
قال لها وهو بيضحك وانتي مفكرة ياحاجة اننا ماشيين لوحدنا
قالت له أمال ايه ..
قالها فيه اللي ماشي معانا .. اظهري
وفجأة ظهرت عبدة سودا (جنية)
أول ماشافتها سعدية .. صرخت يالهوي .. وخافت وكانت حالتها بالبلا ..
الشيخ أحمد قالها متخافيش دي بتحرسنا ..
سلمي عليها
الحاجة سعدية مدت ايدها تسلم .. ورجعت ايدها بسرعة مع صرخة تانية ..
قالتلي بعد كده وهي بتحكيلي إنها صرخت لأن ايد العفريتة كانت طرية زي حتة العجين
الشيخ احمد قال للعفريتة خلاص امشي انتي فاختفت زي ما ظهرت
وكملوا الطريق لبنتهم وزاروها ورجعوا
طبعا العفريت كانت بتحرسهم طول السكة رايحيين جايين
(الحكاية دي علي لسان المرحومة الحاجة سعدية زوجة المرحوم الشيخ أحمد)
علي فكرة الشيخ أحمد له حكايات كتير نبقي نحكيها كل ما الوقت يسمح ..
وعلي فكرة برضه الشيخ أحمد لم ينجب أولاد ذكور
كان كل ولد ذكر يتولد له الجن يموته ..


الست الهانم
رغد

عارفة طول عمري بادور علي العفاريت علشان ألاقي العفريت اللي يقوللي شبيك لبيك ولغاية دلوقتي مش لقيته ..
أتمني لك العافية والسعادة
قبل ما افوتك وامشي
لو عجبتك الحكاوي دي ننزل بيها موضوع مستقل
بس بشرط
تشتركي معايا


علاء طه ياسين


..