هذه الأبيات من تأليفى
أنا شاعر
أنا شاعر بكتب عامية فلاح وبيجرى ف دمى الطين
وبحب الكلمة المصرية وبحب التونسى وعمى جاهين
وبحب الأرض المروية شجر الجميز وبنات ماشيين
صفصاف ع الترعة الفضية ستات وبتغسل ف المواعين
أنا شاعر وبحب بلادى وبحب كلام الأبنودى
فنان وكلامى كلام هادى والقمح مرعرع على عودى
مبقولشى كلام انسان عادى والشعر أكيد سر وجودى
أنا شاعر وطريقى قوافى وبحس بأى كلام يتقال
أبيات الشعر سكن دافى وموسيقى بترقص جوا خيال
شعر العامية على كتافى موزون على أيد واحد زجال
_____________________
كنت كتبت وألفت كتيرجدا مثلا كتبت عن الدجالين وقلت
أنا مش دجال ولا شيخ أعمال
وبيطلع من بين ايدى بخار
وبخاف يا لطيف من كل خفيف
متلبش عايز رقصة وزار
وخلاصة القول دا عمل معمول
وانا شايف منه عذاب ومرار
رحت لعراف ملفوف بلحاف
بيقولوا عليه فنان ف الكار
يشهق ويبخ الشهقة ترخ
حفيظ الله هو الستار
وضربنى بسوط قام راسى مخبوط
ولقيت الجرح بينزف نار
قالى المجنون جسمك مسكون
وبفضل اديا وربك طار
وطلعت جريت وسمعت صويت
ولاقيت نسوان عماله تنهار
الخ الخ
نسيت الباقى
_____________
من كتاباتى ايضا عن مصر
مصرى أصيل
بقول فيها
أنا مصرى أصيل وكلامى جميل
وحروفى حروف العربية
وبحب النيل ونجوم الليل
ونسايم طايرة فى عصرية
وفى جزء اخر
جدى الفرعون كان هاوى فنون
وأثاره كتير وف كل مكان
ينحت ف صخور داير ما يدور
تطلع من ايده الصخرة جنان
-------
ومن ضمن ما كتبته هذه الكلمات
اوعى تفكرى انى بحبك انى بموت ف عنيكى السود
دنا مسلم يا حبيبتى بصلى لى شريعة ولى حدود
مش ممكن اسيب اللى ورايا وافضل اقسملك ع العود
يعنى خلاص مشاكلنا اتحلت وانت خلاص اخر العنقود
وف لبنان والقدس وسوريا استرجلنا بقينا اسود
والمسلم هيوحد صفه ضد اللى ما يتسموا يهود
يمكن يمكن لو نتوحد الأشواق ف قلوبنا تعود
ونلاقى الأطفال بتغنى لنبينا الغالى المحمود
والبحر الميت يتنفس يعنى هيبقى دا يوم مشهود
والعربى ف افريقيا واسيا يمشى طريقه مش مسدود
واللى يقول الله ومحمد يشهد ان الله موجود
لازم الأقصى يكون ف ضلوعة مش ملزوق على باب وعامود
يمكن يمكن لو نتوحد الأشواق ف قلوبنا تعود
______________
أخر شئ كتبته عن انفلونزا الخنازير على طريقة شعبان عبد الرحيم
أنا شاعر بكتب عامية فلاح وبيجرى ف دمى الطين
العرض الشجري