[quote=عصفور طاير;293967]
اقتباس:
المشاركة الأصلية كتبت بواسطة abuzahda
يسلم النسج يا باشا وتسلم إبرتك
وعشان الاستفزاز جاب نتيجة عبقرية كده.. فخد دي كمان.. برضه تركيبة من بتوع زمان، وبرضه على قد ما قُسُم 
الله الله يا بدوي جاب اليُسرى
وابو زهده دا عم الشُعرا
يغزل حروف بدهب صافي
ومن السما تجيله قوافي
يزرع بأشعاره فيافي.. وتطرح خُضره
الله الله يا بدوي جاب اليسرى
وابو زهده دا عم الشعرا
**
قيد للمعاني قناديلها
وارسم زهور على مناديلها
تفوح بعطرها سنابلها.. بأفكار حرة
الله الله يا بدوي جاب اليسرى
وابو زهده دا عم الشعرا
**
راصدك لأيام وليالي
تكتب وتقرا كلام عالي
وتغلّي في دماغنا يا غالي.. واحنا الفقرا
الله الله يا بدوي جاب اليسرى
وابو زهده دا عم الشعرا
**
سيد أديبنا الأدباتي
كَنَداوي من أصل حاراتي
شاعر بناسه وحَكَواتي
م الماضي جيّ بروح بكره
الله الله يا بدوي جاب اليسرى
وابو زهده دا عم الشعرا
|
الحلو المِحْلِوْ الحالي
عمّي جمال فتحي
"الشُغل" جاهز يا عمنا من يومها .... بس ( تاني بس ؟! )
بتقول حاجة يا عم جمال ؟
بس سماعي كان معاندني اليومين (قصدي الإسبوعين) اللي فاتوا
و النهاردة لقيت الأمور متظبطة ، قلت امسّي على أسراب عصافير طيرانات فضاءاتك يا غالي
( مدد يا سيدي احمد يا بدوي)
الله الله يا بدوي جاب اليُسرى
و جمال ، أمير ابن الأمرا
يُشرق بصُبحُه المتعافي
تُسْكُب ، شموسُه النور طافي
يا دنيا ، بالنور اتشافي ، جالِك بُكرة
الله الله يا بدوي جاب اليسرى
و جمال ، أمير ابن الأمرا
**
يا قلبي ، بالحضن ، قابلها
شمس المعاني ، و غني لها
جمال ، خيوطها بيفتلها ، دفا و مسرّه
الله الله يا بدوي جاب اليسرى
و جمال ، أمير ابن الأمرا
**
جمال ، كلامه بيحلالي
كإنه نوِّلي أمالي
يارب يا زمان تهنى لي بقعده فـ شُبرا
الله الله يا بدوي جاب اليسرى
أو في دمنهور بلد الأمرا
**
أصل الغريب ، زي حالاتي
مهما بيزْعَق و يهاتي
البُعد بيزيدُه يوماتي
من خنئة الهجرة المُرّة
الله الله يا بدوي جاب اليسرى
و سامحني يا جمال عـ "المُرّة "
__________________
أستغفِرُ الله العظيم وهو التوّاب الرحيم
رد: قطرات من مداد قلم الشاعر السمعجي كمال عبد الرحمن
العرض الشجري