إلى الأخ حسن كشك بمناسبة تعريب اسمه
عَـرَّبوك يا حسن
ضحكوا عليك بكلمتين و عَـرَّبوك
بُكرة تندم و تقول يا ريتني
عَـرَّبوه عَـرَّبوه
حاجة صفرا و شرَّبوه
فاضل ايه راح تعملوه
دا الجدع غلبان يا هووه
إسمه كان ..
( ماركة ) تتحدى الزمان
تعرفه كل الشعوب
روس و تـُرك و أمريكان
يا ضياع جوجل و ياهو
بعد إسمك .. ضاعوا تاهوا
زيّ عَيِّل تاه ..
ومش لاقيين أبوه
عَـرَّبوه .. عَـرَّبوه
يا سيناكي يا ملاكي
رحت فين
السما بقى لونها كاكي
ومصر لابسة توب حزين
بس تـَارَك
مش حاتنساه الشعوب
نور نهارك
يمحي أحزان الغروب
ناس تروح .. و تيجي ناس
كاس و يتبدِّل بكاس
و اللي باقي ..هُوَّا إسمك
كل حرف .. و للأبد
محفور في جسمك
يا سيناكي
يا ملاكي
رد: قطرات من مداد قلم الشاعر السمعجي كمال عبد الرحمن
العرض الشجري