لقاء فى منزل دكتور الباز - الصفحة 2

**حسن كشك** · #11 10/01/2011, 01h10

صور بلا تعليق

**حسن كشك** · #12 10/01/2011, 01h22

صور بلا تعليق

**حسن كشك** · #13 10/01/2011, 01h29

صور بلا تعليق

**خليـل زيـدان** · #14 10/01/2011, 01h36

بسم الله ماشاء الله
لقــاء جمــيل

**حسن كشك** · #15 10/01/2011, 01h47

صور بلا تعليق

**حسن كشك** · #16 10/01/2011, 01h52

صور بلا تعليق

**حسن كشك** · #17 10/01/2011, 02h01

صور بلا تعليق

**حسن كشك** · #18 10/01/2011, 02h19

كان لقاءاَ جميلا قصيراً .... دافئاً .... هادئاً جداً ....
وكان مضيفنا الكريم الدكتور الباز .... يريد اسعادنا بأى شكل ... فعرض علينا اسطوانات عليها اغان لم نسمعها من قبل ...ومقاطع موسيقية لأم كلثوم ... لم يسمعها احدا قط ..... وتحدث الجميع وتناقشنا وتبادلنا المعلومات .... وافاض علينا الاستاذ الموسيقار عادل صموائيل بذكريات رائعة .... واما المايسترو محمد الالاتى ... فإكتشفنا انه لم يعزف لنا اى مقطوعة موسيقية على الاورج ... بل كان مصاحباً وبكل تواضع ... لعزف الاستاذ عادل ... وكم كان تفاهمها رائعاً وهم يعزفان .... والسبب فى ان المايسترو لم يعزف ... انه ترك الساحة كاملة لابداعات الاستاذ عادل ... ولم يشأ ان يقطع عليه حبل ابداعاته لأنه وجد الاستاذ عادل فى حالة ابداعية ويريد ان يزيد ويزيد .... وبتواضع الكبار ترك له الساحه تماما ليقول مايشاء ويعزف مايشاء ... كم انت كبير يامايسترو الاتى ..... وكم انت مبدع يا استاذ عادل .... وكان هناك مطربان .... فى غاية الابداع وحلاوة الصوت والجمال ... ظهرا فجأة ومن غير تنبيه .... ومن غير مناسبة .... انهما ... المطرب الكبير الاستاذ حسن كشك ..... والمطرب الكبير الاستاذ غازى الضبع .... ياسلام ربنا مايحكم عليكم تسمعوهم ... ولولا المجاملة لكرشونا من البيت .... لكن كان هناك مطرب اخر يغنى فى سره فى الخفاء .... انه المهندس محمد على ....المطرب الكبير المستحى ..... وايضا شارك الكل بالغناء .... وحاول الاستاذ محمود العيادى ان يمسك الايقاع ... لكن لم يجد اى شئ يستطيع استعماله كطبلة... لكن المره الجاية ها يعمل حسابه فى رق ...
وفى حوالى الحادية عشر مساء قمت للانصراف ... وذلك لسبب جوهرى ... حيث انى نسيت رخصة القيادة ورخصة السيارة فى الاسماعيلية ... وطبعاً الاحوال فى البلد مشدوده شويه ... فكان لازم ننصرف لنحاول الوصول الى الاسماعيلية فى وقت مبكر لنتفادى اللجان والكمائن البوليسية ... لأننا لو اتمسكنا فى لجنة .... كنا هنبات فى العمبوكه لغاية مايعرفوا احنا مين .... لكن الحمدلله ربنا سلم ووصلنا الاسماعيلية ... ونحن نسترجع تلك السهرة الجميلة الرائعة
شكرا للدكتور الباز على استضافته الكريمة .... وشكرا لكل من حضر من الاخوه ... وشوقا لكل من لم يحضر

**الألآتى** · #19 10/01/2011, 02h44

كم كان اللقاء جميلاً وحميمياً ودافئاً ..

شكراً ياعم حسن على مجموعة الصور الرائعة .. هكذا يكون المصوراتى .. واخد باله من كل التفاصيل

ولن أعيد وأكرر ماقاله حبيب قلبى حسن كشك .. فقد كانت المجموعة متجانسة تماماً ..

وإن كان ينقصنا العديد من الأخوة الأعزاء .. لكن كل واحد وظروفه ..

أستاذنا ومضيفنا الدكتور محمد الباز .. فرح بنا وسعدنا به .. وتواجدنا فى صومعته العزيزة .. يجب أن يؤرخ له

فالجو العام يوحى بالأصالة والرقى .. كم كان دفء المشاعر جميلاً وواضحاً

أستاذى رؤوف باشا المسيرى .. أنتهز هذه اللقاءات لكى أراه وأجلس معه .. وأتمتع بصحبته .. تحس إنك قاعد مع راجل إرستقراطى من بتوع زمان ( باشا بقى )

حبيبى القناديلى .. محمد على .. مهندس فى السمع والتذوق الراقى .. لما يسخن وينجلى .. تسمع منه حاجات جميلة

أسد الإسماعيلية .. الذى لم يجلس طيلة اللقاء .. رايح جاى .. يتفرج على مقتنيات الدكتور الباز .. ويصور هنا وهناك

ماقعدش على حيله .. قلبه أبيض بشكل وحش .. ياريت الكل يعرفه من قريب ..

فنان الإيقاع والزمن الجميل .. عمى محمود العيادى .. أعتبره مكسب كبير وألآتى خطير .. وأكاد أحسد الإسماعيليه عليه ..

فنان الماسية الكبير وأستاذ الكمان المرعب .. الأستاذ عادل صموئيل .. تمتعنا وسعدنا بتواجدنا معه وجهاً لوجه

سمعنا منه معزوفات رائعة وذكريات جميلة لم نكن نعرفها .. لم تأتينى الجرأه لأعزف فى حضرته ..

صاحبته قليلاً فى بداية اللقاء .. ثم تركت له الملعب .. لكى أستمتع مع الأخرين بعزفه وحديثه الشيق

أخى وحبيبى أبو فارس .. غازى بك الضبع .. على رأى حسن كشك .. القعدة ماتحلاش من غيره

بيفتح مواضيع وإستفسارات تفيد الجميع .. مابيقعدش ساكت راخر .. دينامو

العالم بقى إللى ماجاتش .. الدكتور عصمت النمر .. والفنان محمود سعد .. وحبيبنا الحاج عادل السيد

الدكتور عصمت النمر .. هو الذى إقترح اللقاء .. وأكد عليا أن أبلغ حسن كشك ومحمود سعد .. وبرغم ذلك لم يحضر ..

محمود سعد .. غالباً كان نايم .. كالعادة ..

عادل السيد .. مش عارف عذره .. لكنه بقاله فترة مش مظبوط .. مش عارف ماله .. ربنا يصلح الأحوال

**محمود العيادى** · #20 12/01/2011, 00h37

ليله جميله ماحنساها فاتت و عمري ماانساها .... ليله .. اما ليله ياسلام ... سهره ممتعه و جميله و كانت عباره عن ليله ثقافيه فنيه و ليست سهره اي كلام لكن سهره حكايه و نبتدي الحكايه .... طبعا الاسد حسن باشا كشك صديق عمري و زميلي في العمل قاللي فيه لقاء عند الدكتور محمد الباز و حياه النبي ماصدقت في الاول لكنه اكد الميعاد و كان يوم الجمعه ... قبل دخولنا القاهره اتصل الاستاذ محمد الالاتي و قال انا في انتظاركم في باسوس علشان نروح مع بعض و طرنا شوقا اليه و التقينا و توكلنا علي الله الي الهرم عند منزل الدكتور محمد الباز و قبل مانطلع اتصل الفنان عادل صمويل و قال انتظروني نطلع مع بعض و قد كان و من اول طله و طلعته البهيه ووقاره الجميل كان استقبال حافل من صاحب الدار الدكتور الباز و شعرت كانني اعرفه من زمان مع انه اول لقاء بشخصه الكريم و قليلا و حضر كده واحد برنس بصحبه واحد برنس هو البرنس انا اعرفه من قبل كده لكن الباشا اول مره اتشرف و اتعرف المهم طلع الباشا الاستاذ روؤف المسيري و البرنس صاحب البشره السمره و كتله من الاحترام و الذوق و فنان عي حق ربنا و هو المهندس محمد علي و شويه و هل علينا الولد الشقي و الشاب الوسيم الظريف المثقف فنيا جدا ابوفارس ياسين الضبع و بدات السهره اقوال و نوادر و معلومات و ضحكات و همسات لغايه ما استاذنا عادل صمويل طلع الكمنجهه بدأت السهره الفنيه بالعزف الجميل ودارت الايام و انسجاما غنينا جميعا زي ما حسن قال لكن يكفيكوا شر الاصوات و محمد الالاتي فاتح الاورج و منتبه تماما لعزف الكمان الجميل و بعدين دخلنا علي التراث الغنائي الجميل من مقتنيات الدكتور الباز علي جرامافون و صوته و لا اروع من كده .... ده كان الشكل العام للسهره و لكن انطباعي انا عن شخوصها و افرادها اولا الاسد غني عن اي شهاده مني لان مين هايشهد للعروسه و الاستاذ محمد الالاتي ده فنان مالوش حل طيب قوي و ابن حلال و شهم و قلبه كبير قوي بيحب الناس كلها و انا شخصيا بحبه قوي .. و الفنان الكبير العظيم عادل صمويل ده مش بس عازف ده استاذ و حكاء مالوش حل وواثق من فنه و دي اهم حاجه عنده ... قطعه السكر و خفيف الدم و الروح ابوفارس ياسين الضبع انا اعتقد ان مش ممكن يكون لقاء ناجح و غازي مش موجود و نيجي بقي ووسعوا السكه للادب الجم و الاحترام و البسمه الجميله و الواحده اللي علي ايده ( الرتم ) مظبوطه تماما و هو حبيبي المهندس محمدعلي و طبعا زي ما قلت في الاول كان الباشا المسيري منور السهره قليل الكلام لكن وجوده فيه اشعاع لروحه الفنيه و تعليقاته في مكانها .... و صاحب الكرم الحاتمي حامي التراث الجميل الدكتور محمد البازالله عليه و علي جماله لما يسمع الاسطوانه و تشوف حالته الفنيه متوحد مع الاغنيه و موسيقاها ووهابي ابا عن جد زي ما قال ... مش عارف اشكره ازاي علي حسن استضافته ... حقيقي اللي مجاش اللقاء فاته نصف عمره لاني لا اعتقد ممكن تكرر بالحلاوه دي ....يارب تدوم المحبه علي طول الايام .