لقاء مع الأستاذ الشاعر بشير عياد - الصفحة 2

**غواص النغم** · #11 24/11/2008, 10h43

احلى تحية للجميع
بصراحة انا ماعملتش الا الواجب
ولا اشعر اني قمت بمجهود قد استحق الشكر عليه
واعتبر نفسي اكثر الخاسرين لعدم تواجدي او قربي لمكان تنفيذ وتسجيل الحلقة
واستمتاعي بكلام الشاعر الجميل المتواضع والكريم أ.بشير عياد مباشرة
فالشكر يجب ان يوجه له لقبوله الدعوة
وكل التقدير والاحترام لكل من الآنسة ريما ((مجهود في التسجيل واضح جدا))
وكذلك لصديقي السلاموني الجميل
أما الذي جعل الحلقة رائعة وأخرجها باحترافية فهو الأستاذ اللماح والمتذوق الموسيقي الموسوعة أبو حسام

له كل التقدير والإحترام

**abuzahda** · #12 25/11/2008, 01h18

اقتباس:

المشاركة الأصلية كتبت بواسطة ريما

اولا ازيكو وجينالكو بحلقه جديده يا رب تعجبكو

واسمحولى اكون انا اول رد دا بعد اذنكو يعنى

بصو قبل ما تسمعوا الحلقه اقول كلمه حق بس

وبعدين اسيبكو تسمعو الحلقه براحتكو

بشكر اولا الاستاذ محمد الالاتى بجد تعب جدا فى الحلقه دى

وانا شخصيا بعتبره هو بطل الحلقه دى او الجندى المجهول زى ما بيقولو

الشكر التانى هيكون لمنعم بجد تعبناه معانا فى موضوع الاعداد

وانه يلملنا اكبر قدر من الاسئله

تالت شكر باه لاستاذ بشير طبعا اعتقد كنت انا مستمعه وكان الصراحه مريحنى جدا

كان بيقول لوحده من غير ما اجى جنبه كان بيقر ويعترف من غير اى ضغوط

وفى الاخر بجد بقول لاستاذ محمد الالاتى ميرسى تعبين حضرتك كدا دايما

**ريما** · #13 14/01/2009, 18h57

السلام عليكم

ازيكو وعاملين ايه وطبعا بشكر كل الناس

اللى دخلت ردت 000ميرسى يا جماعه على زوقكو

ويا رب يكون البرنامج لسه ليه نفس الشعبيه

هتسالوا باه انا دخله ليه ويا ترى داخله علشان حلقه جديده

ولا لا 000اقولكم اولا انا دخله زهق مش لاقيه حاجه اعملها

فى سماعى قلت ادخل 00اى نعم الموصلات كانت زحمه

بس ربنا وفق والحمد لله ودخلت

ثانيا قلت ادخل اعمل دعايه للبرنامج لان الصراحه بنرتب لتلت

حلقات احلى من بعض وهيكونو مفاجأه فعلا فى المنتدى

من الاخر تلت حلقات جامدين بس قولوا ان شاء الله يكملوا

ثالثا باه كنت اتفقت مع محمد افندى السلامونى مشرفنا الجميل

واخويا الصغير اننا وقت الركود ننزل بورق الحيطة اقصد ننزل بالكواليس

بتاعت الحلقات ونعيشكو معانا لحظات الاعداد ولحظات التسجيل الفاشله

وعلشان كمان الصراحه نغيظكو

ونوريكو قد ايه اللحظات دى كانت جميله

ومتهايلى كانت كمان احلى من الحلقات نفسها ايه رايكو ننزل بالكواليس

ونشغل البرنامج شويه لحد ما الحلقات تكمل ولا نخلينا فى الحلقات كفايه عليكوا

**ريما** · #14 14/01/2009, 19h37

اقولكم ادى عينه من الكواليس

وكانت تجربه مايك مع استاذ محمد الالاتى

قبل فكره التسجيل لايف

ويا رب تعجبكو

**فؤاد** · #15 14/01/2009, 20h11

اقتباس:

المشاركة الأصلية كتبت بواسطة ريما

اقولكم ادى عينه من الكواليس

وكانت تجربه مايك مع استاذ محمد الالاتى

قبل فكره التسجيل لايف

ويا رب تعجبكو

ياااااااااااااااااااااااااه

بعكس متخيلتك ياست ريــــــــــــــــــــما
ده بعد ماأستمعت الي التسجيل
ايه الرقه دي وأيه الكسوف ده
ده حضرتك بتبلعي الكلام بلع من الكسوف
أوعي أنا بهزر
والله انت في مخيلتي زي قلمك ( بتلذغي لذغ )
بس الحمد لله بعد ماأستمعت الي صوتك موش راح أخاف منك أبداً
روحي ( أمشي ياعني )
(( ربنا ماينشفلك حبر القلم اللي بتكتبي بيه ))
لا دي مقولة أستاذ عندنا
شكراً علي البرنامج
برنامج حلو

**محمد حمدان** · #16 16/01/2009, 21h39

اقتباس:

المشاركة الأصلية كتبت بواسطة ريما

ثانيا قلت ادخل اعمل دعايه للبرنامج لان الصراحه بنرتب لتلت

حلقات احلى من بعض وهيكونو مفاجأه فعلا فى المنتدى

يا ست ريما الله يخليكى يا أختى

خلاص روحنا طلعت و اتغظنا بما فيه الكفايه وسلمنا ورفعنا الرايه البيضه وكل الالوان كمان
فين الحلقات
فين الحلقات
فين الحلقات
ولا هي دعايه فشنك من بتاعة ابو بلاش كتر منه و خلاص على ما تفرج ؟ ولا فيه حلقات ولا حاجه؟ ولا هى الكاميرا الخفيه؟ايه الحكايه بالظبط؟؟؟ ياعالم ياهوه حد يرد علينا

**M O H A M E D** · #17 16/01/2009, 23h23

أخي العزيز محمد حمدان

أهلاً أهلاً .. نورت الصفحة
ما زلنا بنجهز في الحلقات الجديدة .. يعني لا هي دعاية فشنك ولا حاجة
تقدر حضرتك تسمتع للحلقات الموجودة .. و يهمنا رأيك

تحياتي و احترامي لك

**محمد حمدان** · #18 17/01/2009, 06h29

اقتباس:

المشاركة الأصلية كتبت بواسطة محمد السلاموني

أخي العزيز محمد حمدان

أهلاً أهلاً .. نورت الصفحة
ما زلنا بنجهز في الحلقات الجديدة .. يعني لا هي دعاية فشنك ولا حاجة
تقدر حضرتك تسمتع للحلقات الموجودة .. و يهمنا رأيك

تحياتي و احترامي لك

استاذنا الكبير / محمد السلامونى
اشكرك على الرد السريع والصفحه منوره بأصحابها
ولكن لى ملاحظه بسيطه
اولا انا عارف و متأكد انكم بتجهزوا فى الحلقات الجديده
وانها على مستوى راق جدا
ثانيا لما قلت دعايه فشنك كانت على سبيل المزاح ليس اكثر
ولا انتم ما بتحبوش الهزار ؟
ثالثا انا استمعت الى الحلقات و الى التسجيل الاخير اكثر من
مره و هو شىء مشرف لذا كانت لهفتى على اى حلقات جديده
وتابعت المشاركات من ص1 الى ص 7
شكرا
محمد حمدان

**عفاف سليمان** · #19 16/04/2009, 11h15

بجد بجد بجد
رااااااااااااااااااااااائع
الاستاذ بشير وحضراتكم يا سلااااام
منتهى الروعه والله
اخيرا سمعنا الاستاذ بشير

ولونى جئت متأخره على هذا الموضوع
لكن والله انا سعيده بكل ما قدمتموه من هذه الكنوز اللى كانت مستخبيه فى المنتدى
يمكن الواحد بيشوف المشاركات الكتابيه
لكن الصوتيه تفرق بردوا بتحس انك قريب من الشخصيه اكثر
وتقدر تستشف منها اللى بتقوله او عايزه تقوله\وهذا ما نجده فى حوار الاستاذ بشير
عقبال يارب ما نشوف كمان يبقى اللقاء صوتى ومرئى
اكيد دى هتبقى خطوه جميله جدا
وربنا يوفقكم جميعا الى ما فيه الخير واسعاد الناس
وتحياتى لكم جميعا
وكل وقت وانتم اسعد حال واهنىء بال
اختكم عفاف