إبداعات الشاعر رائد عبد السلام - الصفحة 5

**رائد عبد السلام** · #41 21/07/2008, 15h54

أختي الماردة
شكرا علي رشاقة عبارتك ... وبديع ردك
العزيزة لولي
الحمد لله إن فيه حاجة في الدنيا عجبتك ..والحمد لله إنها كانت قصيدتي
نور المنتدي (د : أنس)
والله واحشني وأقسم علي ذلك..
أما تعليقك فهو وسام علي صدر أي إنسان فما بالك إذا كان التعليق لواحد من مريديك
ربنا يخليك لينا .( ردي حسب الترتيب ..والمقامات محفوظة طبعا )
أخي معاذ
شكرا علي ذوقك ...ألف شكر

**هاله** · #42 22/07/2008, 21h48

اقتباس:

المشاركة الأصلية كتبت بواسطة رائد المصري

العزيزة لولي
الحمد لله إن فيه حاجة في الدنيا عجبتك ..والحمد لله إنها كانت قصيدتي

الكلام ده ليا انا ا / رائد
انا قلت ان الدنيا مش عاجبانى ؟
طيب دى حلوه خالص وجميله خالص والحمد لله
هى صحيح لاتخلو من المنغصات لكنها حلوه اكيد " هو حد قالك انى متشائمه لاسمح الله وللا حاجه "

**ريما** · #43 23/07/2008, 01h11

استاذ رائد بجد تحفه اوى

واحلى حاجه ان الصفصافه دى وانا بقراها فكرتنى بحجات كتير

كانت حلوه فى حياتنا ضاعت وبنفس الطريقه اللى ضاعت بيها الصفصافه

**رائد عبد السلام** · #44 15/12/2008, 11h13

مراسيم وداع
********

تسلم إيديك
ياللي من قلب الظلام
طلّت علينا من عينيك
شمس الكرامة بعد طول الاحتجاب
الله عليك
الله يسلّم أمّ جابت للحياة ...زين الشباب

علي جبينك باشوف
بسمات ألوف
من العطاشي والجياع
والصارخين في جحور بلادهم ...بالتياع
والمشتاقين ياخدوا بتارهم ... م اللي باع

- ياللي إنت مضروب بالنعال
إقبل هدية شعب قاسي
وليلُه طال
هوّ سؤال :
فيه أحلي من ضرب الجزم ....مراسيم وداع !!؟
حتة بتاع ....
بيخوض في أكفان العرب
ويلُغّ ف دماء الضحايا ....
والمحروسين حكامنا من بير العدم
بيقدموا ليه التحايا ....
ياللي إنت مضروب بالنعال
إلي الجحيم ..... زفّوك
وبالنعال ...... ضربوك
الله يلعن ...(.....) !!
ماهو برضه كان زيك
وياما ف دماء العرب بلْبَط ْ...ولَغّ
وماكانش ف إيدينا .....بُلَغْ !!

**سمعجى** · #45 15/12/2008, 22h35

[quote=رائد عبد السلام;257895]

تسلم إيديك
ياللي من قلب الظلام
طلّت علينا من عينيك
شمس الكرامة بعد طول الاحتجاب
الله عليك
الله يسلّم أمّ جابت للحياة ...زين الشباب

تـَرِبَت يَدَاك ،،،

يسلم فـُمَّك يا شاعر
و ربنا ما يحرمنا من وطنيتك

**جرامافون** · #46 15/12/2008, 23h00

اقتباس:

هوّ سؤال

فيه أحلي من ضرب الجزم ....مراسيم وداع !!؟

الله عليك

**صباح2015** · #47 15/12/2008, 23h30

تسلم يأمير الشعراء بعدد كل حرف
كتبته
وكل كلمة قرآتها
يا أستاذ / رائــــــــــــد
يا رائــــــــــــــــع
مع وافر شكرى وتحياتى ،،،،

**أشرف المخزنجى** · #48 16/12/2008, 00h03

هذه اليد الأبية ............ من تليفزيون البغدادية
ضربت النعل المؤجج....... كطلقات البندقية
ردت الروح الحبيسة ........فى البلاد العربية
رفعت الرأس الكسير .........من الذل والعبودية
إلى عنان السماوات ........ وإنطلقت تهفو جلية
سلمت يداك يافتى ........سلمت الأرض العراقية

**NAHID 76** · #49 16/12/2008, 11h21

بسم الله الرحمن الرحيم
الاستاذ الفاضل رائد المصرى
تسلم يمينك وينصر دينك
الاستاذ اشرف المخزنجى
الله الله
ايوه كده ربنا يبارك فيك
تحياتى

**فؤاد** · #50 16/12/2008, 11h34

سيكتب الله لك السلامه فأنت مهد الحق والشهامه وانت للحرية المثل
( شارع الأمل )
الشاعر صالح جودت