واترص اترص يا ورق الفل

**علاء طه ياسين** · #1 05/08/2009, 16h45

....
البنت الحلوة وعدتني
وعدتني كتير
وعدتني بحب مفيش زيه
ولا في الأساطير
وانا قلبي معاها كما العصفور
يحلم بالهوا والسما والنور
ويطير في بلاد العشق يطير
وحلمت كتير
....
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
....
ضحكتها نغم والبسمة شروق
وخجل بيدوب في سواقي الشوق
واترص اترص يا ورق الفل
وياست الكل
من عندك تبتدي يا حبيبتي
أحلي المشاوير
....

علاء

**عفاف سليمان** · #2 05/08/2009, 17h36

اقتباس:

المشاركة الأصلية كتبت بواسطة علاء طه ياسين

....
البنت الحلوة وعدتني
وعدتني كتير
وعدتني بحب مفيش زيه
ولا في الأساطير
وانا قلبي معاها كما العصفور
يحلم بالهوا والسما والنور
ويطير في بلاد العشق يطير
وحلمت كتير
....
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
....
ضحكتها نغم والبسمة شروق
وخجل بيدوب في سواقي الشوق
واترص اترص يا ورق الفل
وياست الكل
من عندك تبتدي يا حبيبتي
أحلي المشاوير
....

علاء

والله يا استاذ علاء اكيد اكيد
ربنا راح يكرمك وقريبا ان شاء الله
انت فعلا تستاهل كل خير
ويارب يرزقك بملحن جميل
يلحن الكلمات الجميله دى
تحياتى لاحساسك وقلبك وقلمك المبدع
لك خالص التحيه والتقدير
وربنا يسعدك كما تسعدنا باغنياتك الجميله
بس يارب لما ربنا يكرمك تبقى تفتكر اخواتك هنا فى سماعنا الجميل
الله يسعدكم جميعا
وكل وقت وانتم بالف خير
اختكم عفاف

**علاء طه ياسين** · #3 05/08/2009, 18h09

يارب يخليكي يا أخت عفاف

ويحفظك
علي كلامك الحلو ده

دانتم هنا الصحبة الجميلة ..
واللمة ..
وقعدة المحبة ..
ربنا يقدرنا ونقدر نسعد الجميع بكلمة حلوة ..

يمكن شعر الحب والعواطف ..
يجيب نسمة هوا جميلة ..
في زحمة الحياة ومشاكلها ..

.
..
...
....
و
....
...
..
.
بلاش تضحك في وشي
وتسيبني أدوب وتمشي
ودموعي تبل رمشي
وافضل مشتاقة ليك
...
بلاش تقوللي حاجة
انا ما تحملشي حاجة
وباصدق أي حاجة
تعلق قلبي بيك
....
لك مني أجمل التمنيات بحياة سعيدة ..
وراحة بال ..

علاء

**سعدالشرقاوى** · #4 05/08/2009, 18h15

شقيق روحى/علاء باشا ياسين
علىّ النعمه لحّنتها وبأغنيها
ومش عايزين ملحنين
انت المرّه دى مش ح تجيبها البرّ
أغنية فعلا محتاجة تطلع فى كبد الجو
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
يعنى البراح اللى فى العين بترفرف فيه العصافير
كفايه عشان عينى بترف ياحبة عينى
تسلم ياسيد الاغنية
الله ينور

**علاء قدرى** · #5 05/08/2009, 18h44

اقتباس:

المشاركة الأصلية كتبت بواسطة علاء طه ياسين

....
البنت الحلوة وعدتني
وعدتني كتير
وعدتني بحب مفيش زيه
ولا في الأساطير
وانا قلبي معاها كما العصفور
يحلم بالهوا والسما والنور
ويطير في بلاد العشق يطير
وحلمت كتير
....
البنت كما نجماية بليل
بتغيب وتسيب فيضان مواويل
وضفيرة شعر ومربوطة
بشريطة حرير
والهوي مقادير
وانا قلبي معاها غزال عطشان
وعنيها تقول نهر وبستان
في براحهم بترفرف عصافير
....
ضحكتها نغم والبسمة شروق
وخجل بيدوب في سواقي الشوق
واترص اترص يا ورق الفل
وياست الكل
من عندك تبتدي يا حبيبتي
أحلي المشاوير
....

علاء

اخى الشاعر الغنائى علاء
تحية لك على الكلام الجميل المرح الذى يشع من اغانيك العذبة؛ ولكن لى ملحوظة موش عليك لكن على اخواتنا فى المنتدى اللى دايما ينصحونك بالصبر حتى تقع اغانيك فى ايد ملحن فاهم ؛ وانا اقول لهم ولك بكل صراحه ووضوح
احنا هنا فى المنتدى احسن من اى ملحن بلغة السوق ؛ الطريق فى سوق الاغنية الان ممهد للكلمات السفيهة ؛ وانواع الخضار و الفاكهة و السمك السمك؛ و العنب العنب ؛ و البلا البلا ؛ لو تعرف تكتب ده توكل عل الله ؛ وان ماكنشى انتظر حتى يتحسن ذوق و احساس الناس ؛ وتاكد انك ساعتها على الطريق الصحيح ؛ اما الان فيكفى انك بتكتب شعر فى المنتدى لشعراء زيك ؛ لن يخدعوك ؛ وتقبل نصحهم فهم يحبوك ؛ وخير لك من اتجد سميع واحد بيفهم خير لك من الف اصم
تقبل تحيات اخوك علاء

**علاء طه ياسين** · #6 05/08/2009, 19h18

حبيبي
شقيقي التوأم
سعد الشرقاوي

تسلم وتسلم عيونك الغاليين ..
ياغالي ..
وحشتني .. ووحشتني ردودك ..
ومادام يا سيدي تعرف تلحن وتغني ..
سايبني ليه طيب ؟
....
الوردة دي مني ليك

علاء

**علاء طه ياسين** · #7 05/08/2009, 19h28

أخويا وصاحبي
علاء قدري

تصدق بالله .. قول لا إله إلا الله ..
أنا لا حاسس إني شاعر ولا حاجة ..
ووالله بتخجلوني بكلامكم الحلو ده ..
وزي ما قولت في ردي علي الأستاذة عفاف ..
أنا لقيت في المنتدي أهل وصحبة ..
وناس والله مش فيه زيهم في الأدب والذوق والرقي في التعامل ..
وأنا ليا الشرف إني اتعرفت بيكم ..
ومنتدي سماعي بقي زي بيت العيلة الكبير ..
نتجمع فيه ..
ونقعد القعدة الحلوة ..
وانا كبرت وسطيكم ..
والكل هنا صاحب فضل عليا ..
والفضل لله أولا وأخيرا ..
اقبل مني الزهرة دي
وحتة غنواية صغيورة ..
.....
الوعد والقسمة كدا
نعشق عيون بالشكل دا
نمشي ف هواها ألف ميل
وياخدنا ليل من بعد ليل
نعمل عشانها المستحيل
وبرضه مننولشي الرضا
الوعد والقسمة كدا
....
أخوك
علاء

**Tarek Elemary** · #8 05/08/2009, 22h35

القسمة تِغْلِب و النصيب
و السهم لو يُخرج يصِيب
و الكلمة عنوَّان الأدب
لو تجرحك ................
............ مالهاش طبيب

**عفاف سليمان** · #9 06/08/2009, 03h05

اقتباس:

المشاركة الأصلية كتبت بواسطة علاء قدرى

اخى الشاعر الغنائى علاء
تحية لك على الكلام الجميل المرح الذى يشع من اغانيك العذبة؛ ولكن لى ملحوظة موش عليك لكن على اخواتنا فى المنتدى اللى دايما ينصحونك بالصبر حتى تقع اغانيك فى ايد ملحن فاهم ؛ وانا اقول لهم ولك بكل صراحه ووضوح
احنا هنا فى المنتدى احسن من اى ملحن بلغة السوق ؛ الطريق فى سوق الاغنية الان ممهد للكلمات السفيهة ؛ وانواع الخضار و الفاكهة و السمك السمك؛ و العنب العنب ؛ و البلا البلا ؛ لو تعرف تكتب ده توكل عل الله ؛ وان ماكنشى انتظر حتى يتحسن ذوق و احساس الناس ؛ وتاكد انك ساعتها على الطريق الصحيح ؛ اما الان فيكفى انك بتكتب شعر فى المنتدى لشعراء زيك ؛ لن يخدعوك ؛ وتقبل نصحهم فهم يحبوك ؛ وخير لك من اتجد سميع واحد بيفهم خير لك من الف اصم
تقبل تحيات اخوك علاء

اخى الاستاذ علاء قدرى
لم اقصد فى ردى على اخينا الاستاذ علاء ياسين اى من الملحنين بتوع اليومين دول
اى شىء كان لكن كان قصدى ملحنين يفهموا معنى الكلمه واللحن الاصيل زى اللى فى سماعى او غيره من الاذاعه ولم اقصد بتوع اللحظه الوقتيه وينتهى اللحن وتتنسى الكلمه
وانا هنا فى المنتدى بكتفى بالردود حتى على الاقل اخى الاستاذ علاء ياسين بيرد على مشاركتى له كتر الله خيره
وربنا يصلح حال الجميع ودائما من المرموقين
تحياتى للجميع باسعد الاوقات
اختكم عفاف

**علاء طه ياسين** · #10 06/08/2009, 10h24

أخي الشاعر الكبير
طارق العمري

خير الكلام ما قل ودل
أوجزت فأعجزت

لك مني كل الحب والتقدير
علاء