ـا رب هــوِّن ♫ محمد السلاموني

**M O H A M E D** · #1 31/08/2008, 22h56

تجربة على قدي .. توكلت على الله و رفعتها
بهديها لأصدقائي و لكل الأعضاء

يا رب تعجبكم
و كل عام و أنتم بخير ، و رمضـان كريـم

** يا رب هوِّن **

يا رب هوِّن .. يا رب سلم
عالِم بحالي .. أنـــا بتـــألم
لو لسه باقي العمر شئ .. اجعلني أمشي في الطريق
طريق و لا حد بيمشي فيه ، إلا اللي تاب و عاد إليك
سامحني على كل شـــئ
ساعدني أكون عبد مطيع
لا تسيبني اتوه و لا تسيبني أضيع
اهديني يا رب العالمين

محمد السلاموني

**ريما** · #2 31/08/2008, 23h04

ايه يا سلامون دا تلاته فى واحد يا جدع

بجد تحفه والكلمات ملهاش حل

تسلم دماغك يا سلامون

**M O H A M E D** · #3 01/09/2008, 13h23

ألف ألف شكر يا ريما على مرورك العطر

و الحمد لله إنها عجبتك

و رمضان كريم

**unicorn** · #4 01/09/2008, 21h30

برافو يا سلامون
كلام جميل و هادى و خاشع
و شعر سليم و موزون و جيد الصنعة
اللحن رائع و مناسب للكلام اوى
و بيتصاعد مع الكلام بمنتهى التوافق
وصوتك مفاجأة يا سلامون
جميل بدون موسيقى او مؤثرات
و تسجيل الصوت ممتاز لولا انه عالى شوية
هدية رمضانية جميلة يا سلامون
يا ريت تطلع باقى الدرج
و تدوقنا
شكرا يا سلامون

**الألآتى** · #5 02/09/2008, 03h55

أنا مش حاأرد ياسلامونى .. ولا حاقول رأيى ..

رأيى تسمعه عملى فى المرفقات ..

**غازي الضبع** · #6 02/09/2008, 06h19

ولو إني لسه ما سمعتهاش
لإني ماحمّلتهاش
بس أكيد روعة
لإنك فنان جميل يا سلاموني
وأنا دلوقتي مشتاق أسمع هذا العمل الجميل
وخصوصا بعد ما ضاف إليه المايسترو لمساته السحرية
تحياتي ومحبتي

**غواص النغم** · #7 02/09/2008, 11h06

اقتباس:

المشاركة الأصلية كتبت بواسطة الألآتى

أنا مش حاأرد ياسلامونى .. ولا حاقول رأيى ..

رأيى تسمعه عملى فى المرفقات ..

كنت متوقع الخطوة دي منك يا فنان ياكبير
والحمدلله ظني طلع صح
والاغنية بقت احلى واحلى بموسيقاك الجميلة

وطبعا اي كلام عن السلاموني حيتفهم انه مجامله بس انا قلت له من قبل انه مشروع مبدع
واخيرا
شفنا لك تجربة في سماعي
رمضان كريم

**محمودسعد** · #8 25/02/2010, 03h28

ياعم محمد ياسلاموني
ده مش مجرد رد

تصدق
هاتصدق ان شاء الله
كل مادخل امنتدي اثناء المحنه اللي ربنا مايعودها اللهم امين
كان احلي واجمل شئ بشوفه
يارب هون
عنوان جميل يخفف العبء عن كاهلي واغنيه ارتاح عندما اسمعها
اشكرك من كل قلبي

**mohamedafify** · #9 28/02/2010, 14h19

اية الجمال دة يا محمد سلامونى منتهي الجمال عارف انا حسيت انى بسمع محمد حمام اللى غنى بيوت
السويس الله ينور بجد لسة شايفها النهاردة حاجة رائعة
مع تحياتى محمد عفيفى

**Ahmed Anwar** · #10 28/02/2010, 15h20

جميل جدا
كلام جميل
صوت جميل
لحن جميل
موسيقي مضافة بأحترافية ودقة وأتقان
تعاون جميل من محبين

والنتيجة
أمتاع للجميع
بارك الله فيكم