(خانة الديانه)
أغنيه
ساعة قلبى أمّا حبّك
من يوم ماسكنت ريحى
ماراعاش يومها انىّ مسلم
وانت ياحبيب مسيحى
والنيل اللىّ سقانا
والوطن اللىّ حمانا
لولا خانة الديانه
ماعرفت ف يوم جروحى
,,,,,,
طول عمرى معاك وقلبى
دايما لهواك يميل
رغم الحب اللىّ شيلته
على جسر المستحيل
عايزين ليه يبعدونا
وعن بعض يفرّقونا
وقدرنا انّ هوانا
رابط روحك بروحى
,,,,,,
وساعات يسألنى قلبى
ازاى محروم يعيش
راضى بحكم الشريعة
والحب ماينتهيش
وكفايا أحسْ بيك
أو أطـّمن عليك
عايزين ليه يبعدونا
وعن بعض يفرّقونا
لله سلمت أمرى
ونسيت فى هواك جروحى
,,,,,
الناس بتلوم عليّه
والقلب ماهش فى ايدى
وهواك فى نور عنيّه
وحبّك ساكن وريدى
ماقدرش استغنى عنــّك
مصريّه وحتـّه منــّك
شالى المنقوش بفنـّك
والورد اللىّ ف طروحى
,,,,,
خانة الديانه
رد: خانة الديانه
العرض المتطور
