عم الجناينى

**عفاف سليمان** · #1 20/01/2011, 01h30

عم الجناينى
فرجنى على بستانه
ورانى جميع ازهاره
دى ورده حمرا جميله
ودى فله ريحتها زينه

...

ودا نرجس شكله خطير

والياسمينه عليه هطير

عم الجناينى

سقانى ترياق الحياه
وطيرت زى الفراشه فى سماه
وبقيت اشم من كل ورده
ريحه حلوه وانا متأخده
فرحانه بالجناين اللى
منورانى
والريحه الحلوه اللى
معطرانى
عم الجناينى
استنى عليه شويه
خلانى فى السما طايره
ومسك شبكته وصادنى
ورمانى بره حديقته
قبل ما تعدى ثوانى
عم الجناينى
شفت فى بستانه
ازهار
اشكال و الوان عقلك يحتار
دوخت انا من الانبهار
وفرحت وقلت هكبش لى تانى
شوية ورد على فل وياسمين
ولسه بقول يارب يا معين
لقيتنى بره وقلبى حزين
ملحقتش اقطف ورده
تزين
لى شعرى وفستانى
عم الجناينى
بره الحديقه رمانى
ونسى انى فراشه ممكن
تحلق تانى
على جناين حلوه
وربانى
صنع المولى فى الكون
بيلالى
وهطير وهشم
من هنا ورده
ومن هنا فله
ولا هيقدر
يطردنى تانى
عم الجناينى
من خواطرى
اختكم عفاف

**عفاف سليمان** · #2 20/01/2011, 06h17

يا سلام
لو كنت فراشه
كان زمانى فى السما طايره
اشوف جمال الكون والوانه
وبديع صنع الله فى اكوانه
لا حد يقدر يقفل عليه بابه
ولا حد يقولى كفايه عليكى كده
هيبقى الكون كله ليه
اطير فيه وانا متهنيه
لحد ما يجى اجلى ومش باديه
بس اكون شفت صنع الرحمن حواليه

لك خالص تحياتى
دمت لى وللجميع بخير
واشكرك على مرورك الجميل
ارق الاوقات
اختك عفاف

**ام مدحت** · #3 20/01/2011, 11h19

الله على لغة الفراشة البرئه
التى تحب استنشاق العبير
ولا تعرف سياسة القمع والمكافحة
جانب معنوى فى قمة الروعة
القيتم عليه الضوء
بكلماتكم الرقيقة
اختى الغالية
الاستاذة عفاف سليمان
كل تحياتى وتقديرى

**NAHID 76** · #4 20/01/2011, 16h40

بسم الله الرحمن الرحيم
أختى الحبيبه عفاف
يا زهره الأيديوليز
مقطوعتك جديده وفكرتها مبتكره
وحلوه المعنى والريحه كمان
تجلى تجلى وتعلمى ديما
وبالمناسبه بئه زهره الأيديوليز زهره لا تنبت إلا على قمم الجبال
يا عاليه المقام
تحياتى مع زهره من القرنفل الأحمر وزهره جلديولس من حديقتى تحيه لكى

**ليلى ابو مدين** · #5 20/01/2011, 22h46

أختي الغالية عفاف
إيه الجمال ده كله؟!
وإيه الإبداع ده ..كانت مستخبية فين الحاجات الحلوة دي
أيوه كده طلعي كل الخواطر الحلوه ومتعينا بيها
وبخفة دمك المعهوده وكلماتك اللي زي السكر
والشهد ومع عم الجنانيني والفراشة الراقيه نعيش شوية في جو بديع ولا في الأحلام

ويا سلام يا ســـــــــلام
ده كلام ولا في الأحلام
كلام جميل شفـــــــاف
قالتهولنا الست عفاف

مع أطيب تمنياتي لكِ بالتوفيق وفي إنتظار خواطر أخرى
أختك ليلى ابو مدين

**عفاف سليمان** · #6 22/01/2011, 00h25

اقتباس:

المشاركة الأصلية كتبت بواسطة ام مدحت

الله على لغة الفراشة البرئه

التى تحب استنشاق العبير
ولا تعرف سياسة القمع والمكافحة
جانب معنوى فى قمة الروعة
القيتم عليه الضوء
بكلماتكم الرقيقة
اختى الغالية
الاستاذة عفاف سليمان

كل تحياتى وتقديرى

غاليتى الجميله
وبنت البلد الاصيله
والشاعره المستنيره
الغاليه
الست ام مدحت
اسعدتنى كلماتك الرقيقه
التى دائما تشجعنى
على المحاوله
للكتابه
واتمنى لك السعاده
ولجميع اسرتك الجميله
واتمنى ان تحلق فراشتى
فى عوالم اخرى
حتى ترى وتشاهد
كل ما خلق من صنع الرحمن
لك غاليتى خالص التحيه
والود والتقدير
اختك عفاف