قد تكتب الاقدار مصائر الامم والشعوب
لكن اجمل التاريخ هو ما تخطه الشعوب
بارادتها الحرة
------------
شمس النهار
------------
شمس النهار بتغيب .. والحلم لسه غريب
واقف على الابواب .. يسأل عن الاحباب
ويسطر المكاتيب
------------
يا مصر يا ام الخال .. عالخد والدمعة
غنيت لك الموال .. ليه بس موش سامعة
وفى كل دير ومقام .. ولعت لك شمعة
------------
قلبك هواه ميال .. والحب فيكى عجيب
عشقك ظنون وخيال .. ومجافية كل حبيب
ومفرحة العزال .. وراضية بالمحاسيب
------------
ولدك شباب ثوار .. والثورة حق ودين
قايدة قلوبهم نار .. والصبر فيها حزين
على كل دم وتار .. على كل نوح وانين
------------
نفسك تشوفى النور .. نورت لك قنديل
ولما جانى الدور .. قدمت دمى دليل
عالحب والاخلاص .. وصبحت بيكى عليل
------------
وسقيت غيطانك كاس .. شهد وجعلته سبيل
وزرعت لك احلام .. على درب لسه طويل
آخره أمل بسام .. وشمس طالعة قريب
وشمس طالعة قريب
UUUUUUUUUUUUUUUUUUUUUUUUUUU
شمس النهار
العرض الشجري