[ام مدحت]

فاصل ونواصل
(قوليلى يامّه) اغنيه
,,
قوليلى يامّه قوليلى
قوليلى مرّه
أقعد فى البيت ويّا حماتى
واللا أطلع برّه
,,
دى حماتى عليّه يامّايه
دايما تدّلع
بكلام مايكونش على هوايا
والزّاى يتبلـّع
مش عارفه ليه لمّا تشوفنى
م الغيظ بتولـّع
من يوم مادخلت على ولدها
وكأنىّ ضرّه
,,,,,
ماعملتش حاجه وعجبتها
وماهش طايقانى
تسأل فى الأوّل على رأيى
وتيجى مخالفانى
وتغير وتخبىّ على ولدها
انها كرهانى
وانا شايله ف قلبى وباتحمّل
فى العيشة المرّه
,,,,,
لو شافت كوحله فى عيونى
تفضل تهاتى
وتقول لى ودّى ياضنايا
وبسرعه هاتى
على نفس الحاله يامّايه
عايشين ليلاتى
خللاتنى الجاريه وانا أصلا
مولوده حرّه
,,,,,
وباقول أهو بكره حايتعدّل
بختى ونصيبى
وانا لازم أصبر واتحمّل
علشان حبيبى
وبرغم التعب اللى ف قلبى
محيّر طبيبى
هاقعد فى البيت ويّا حماتى
مش هاطلع برّه
,,,,,