لما تبقى وحيد فى حُزنك و الفرح دايماً مشاع
و أما همك يبقى وزنك و الأسى ملو الشراع
على فين مركب حياتك ترسى غير شط الضياع؟
دفتى مش ملك إيدى لما موج البحر هاج
و القلوع زى الضلوع ضَامَّة قلب مالِيه صِراع
الغلط بقى هو صح ... اللى إشترى زى اللى باع
و اللى نام زى اللى قام و اللى قال الحق جاع
عندها لازم تفكر لما عقلك ينبسط آخر مزاج
تسوى آيه الدنيا دية مهما زاد طولها إتساع؟
آخرة المشوار هانرحل زى غيرنا بدون وداع
مش هايبقى إلا ذكرى وصفها حسب الطباع
يا إمَّا تبقى ذكرى حلوة
يا إمَّا تبقى بيت زجاج