[سعدالشرقاوى]

المشاركة الأصلية كتبت بواسطة علاء طه ياسين

شوفتك جاية ف عز الليل
متخبية في آه موال
شايلة القمر العالي مراية
حاطة الغيم فوق كتفك شال
عشت وشوفت مسافة ردك
بين دمعاتي وقسوة صدك
ياللي القلب ف قبضة يدك
شايل أحلي كلام يتقال

انا خليتك تاخدي المعني
من أحاسيسي وتدي معاني
والأيام طول ماانتي معايا
محسوبة يا حبيبتي ثواني
بينا حدود وسنين ضوئية
والأحلام برضك وردية
وغناوي الشوق مستنية
ترجعي دنيا حبيبك تاني


علاء ياسين

والله هما كلمتين
اذا فعلا كان فيه ناس مطربين وملحنين
يجوبون المنتديات للبحث عن افضل الكلمات
فلا احلى ولا اجمل من كده
رغم زعلى منه لكن هو ده علاء طه
وهاهى اغانيه
وابداعاته