[جابر الحسيني]

المشاركة الأصلية كتبت بواسطة abuzahda

موضوعك حلو خالص يا عم كروان

بس ياريت تكلمنا عن الحيرة في الغناء الشرقي ، باعتبار إن الحيرة هي "سقف" العذاب
بدليل إن عمنا رامي كان دايماً بيعبر عن الحيرة "بين عذابين"
زي "ياطول عذابي" اللي بلغ من تمكنه إنه يعيد مناقشة نفس الموضوع (ومن زاوية مشابهه)
في "دليلي احتار"
ومن جرأة "الثلاثي الذهبي" رامي- السنباطي- أم كلثوم ،
إنهم يشاركوا في إبداع "صياغة نفس القضية" المعضلة

وقتها تحتار : أي الضنى تختار
1- بعد الحبيب؟ (ولو انه يطول)! و انت ياقلبي كلك أماني
ولاّ
2- لقاه؟ (و الصبر قليل)! و العمر يجري ساعة التداني
؟

و النبي حد يقد يختار بينهم يا عم كروان

أنا حبيتك خالص يا كروان 19

في الأول كنت باهمل الكلام و بركز على اللحن و الصوت و الأداء ...
لكن بعد هذا الشرح و التحليل الجميل الغريب (عليا)
العيون حتتفتح على حاجات ثانية كانت غايبة عني أو ماكنتش واخد بالي منها
تعظيم سلام لشاعرنا و ناقدنا أبو زهدة
دون أن أنسى طبعا تحية الدكتور الفاضل اللي فتح الموضوع و جرجر معاه كل الناس اللي عدوا قبلي عشان يطلعوا ما في الجراب