طلبات نوتة أ / عادل صموئيل الجزء الثانى

[عادل صموئيل]

احبائى
اقدم لكم اغنية سيد درويش

العربجية

مع اطيب تحياتى

[عمرو الهنداوي]

أستاذ عادل شكراُ على تنويت أغنية الناي المحترق .. أنا أول مرة في حياتي أسمعها بصراحة .. بس دي أغنية جميلة فعلا .. ومش عارف محرم فؤاد غنيها أزي هي مش شكل الأغاني بتاعته خالص .. اللحن حاسه اللي عمله فريد الأطرش لأسمهان .. يبدو أنه مدحت عاصم كان متأثر بأسمهان وفريد .. اللحن شبه أغنية دخلت مرة في جنينه لأسمهان حتى نفس الإيقاع تقريبا ونفس المود..

[كمال العرباوي]

[SIZE="5"]السلام عليكم

الأخ الذي طلب نوتة يا حبايبي يا غاليين[COLOR="Blue"]

هي موجودة سلفا

http://www.sama3y.net/forum/showpost.php?p=613605&postcount=171

[wahidfarid]

انا عارف إنها موجودة و لكن مش عجباني و شخصيا انا احب اعزف نوتات استادنا عادل و لو انه يرى انها مكتوبة كويس فلا داعي لكتابتها مجددا و اشكرك لاهتمامك اخي العرباوي

انا شفت نوتة ياحبايبى ياغايبين انا كمان مش عاجبانى اول حاجة الميزان 4/4 مش 2/4 وبعدين حسيت انى ضايع فيها وانا بقراها لأن انا متعود على طريقتى اللى بدون بيها واللى اتعلمتها من الفرقة الماسية واللى الفرقة الماسية علمتها لكل فرق العالم العربى يعنى كانوا بييجوا مصر وندون لهم بطريقتنا ولقوها اسهل وشكلها احسن وصاروا يستعملوا نفس الطريقة ان شاء الله ادونها
مع اطيب تحياتى عادل صموئيل

[عادل صموئيل]

احبائى

اقدم لكم اغنية فريد الاطرش

قدام عينيا

للعلم .. انا كنت متاخر فى كتابتها لسبب ..... مش الموضوع انها مش عاجبانى .. المسشكلة فى ان فيها كمية كبيرة من الادليب وذلك مما يظهر فى اغانى كتير لفريد الاطرش ... والادليب نوعين نوع بيبقى سهل او محدد ونوع بيبقى صعب جدا ومستحيل كتابته بالدقة المطلوبة يعنى فريد الاطرش بيستعرض عضلاته ... ومشكلة الادليب عموما انه ما ينفعش يقرأ من النوتة لابد ان يكون العازف حافظة كويس جدا ويعزفه سماعى بأحساسه ... يعنى هذه الاغنية مثلا ... فيه تميز فيا انا شخصيا عشان مش بكتب النوتة بالفلوس .. يعنى بكتب اللى اسمعه وخلاص .. ولكن عشان بحب اللى بعمله وبكتبه من اجل الفائدة للجميع او لأكبر قدر من الناس اللى لا اعرفهم ولكن حبا فى الفن ولوجه الله ... انا بشغل مخى اوى اوى وبفكر .. ببتخيل يوم تسجيل هذه الاغنية ... ومن احساسى باففرقة اللى بتعزف ... يعنى حصلت غلطة صغيرة جدا خليتنى احس انه حافظين بيعزفوها سماعى مش بيقروا نوتة ... لأنهم لو بيقروا نوتة ماكانت الغلطة دى حصلت او كان فريد خلاهم يعيدوا الجملة تانى ويحذوا الخطأ ... بعدين فريد كان متسلطن اوى اوى اوى اوى ... ودى بتبقى مزعجة جدا جدا فى التدوين ... الموزون كمان .. يعنى بيطول فى حروف وبيعمل تجويد .. وبرضه انا بحاول استخلص اللحن الاساسى عشان يبقى حاجة ممكن تتقرأ ... بس حتى لو كانت الفرقة امامها نوتة ... فى الادليب بيبقى اما مكتوب كلمة موال ...يعنى فريد حافظ اللى حايغنيه والفرقة بتعزف معها م اللى بيقوله بيسموها فى السوق بيترجموا او بيونسوا المطرب .. واذا كان شىء مكتوب مش ممكن حيكون مكتوب بالدقة المتناهية اللى انا كاتب بيها ... يعنى هنا الكمبيوتر بيدينى امكانية انى اسمع اللى كاتبه واضبطه على اد ما اقدر لأن ممكن ناس تحاول تقراه بس طبعا عشان مش موزون بيحتاج مهارة اعلى شوية فى القراءة وياسلام لو انت حافظ الادليب الحفظ حايساعدك كتير فى انك تطلع الادليب زى ماهو معمول
مع اطيب تحياتى

[wahidfarid]

استاد عادل ياريت نوتة قدم عينيا حجاز كار كرد و شكرا


اخى العزيز
اليك النوتة
مع اطيب تحياتى عادل صموئيل

[عادل صموئيل]

احبائى
اقدم لكم اغنية فريد الاطرش

ياحبايبى ياغايبين

مع اطيب تحياتى

[وائل علوي]

استاذي واخي العزيز عادل
كم انت معطاء وكريم بأخلاقك وفنك
ادعو الله ان يمدك بالصحه والعافيه على قدر ماتسعدنا
ايها الرجل الطيب

[عادل صموئيل]

احيائى
اقدم لكم اغنية من العيار التقيل جدا
تحفة ليلى مراد

سنتين وانا احايل فيك

الاغنية دى بالطبع انا ماعزفتش فيها لأنها كانت قبلى بكتير .. بس طبعا بالخبرة اقدر اتخيل انى كنت قاعد معاهم بسجلها .. فيه شىء ملفت للنظر ( وانا دايما بحكى حاجات ماحدش غيرى بيقولها ) الاغنية دى كانت بعد اعتزال ليلى مراد فترة مش قليلة ... او نقول انقطاعها عن العمل بعد ماانت بتعمل عدد كبير من الافلام وبطلت درو البنت الصغيرة وانتقلت الى المرأة الناضجة .. لما تشوف كمية السلطنة .. يعنى تمثلها بمصارع فى فترة تعطله كان بيختزن كمية كبيرة من قوته ... يعنى الاغنية ( مع انها صغيرة او 3 كوبليهات نفس اللحن ) بس عملت فيها كمية سلطنة تخليك تاخد كل اللى بيعنوا دلوقتى وتولع فيهم .. يعنى هذه هى ليلى مراد العملاقة ... لفت نظرة حليات .. بالذات فى موسيقى الكوبليهات الكمنجات كانت بتقول حاجة ... انا جيت على جنب حاولت اكتبها معرفتش اكتبها ... مع انى فاهم التفعيلة واعرف اعزفها لكن اكتشفت مش ان انا معرفتش اكتبها ولكنها ماتتكتبش .. ورجعت الى ايام العمالقة ... يعنى بعد مانقول الجملة من النوتة عشر مرات نستوعبها كويس اوى يقول انا عايزها كده ويقولها ببقه ان مكانش معاه عود .. طيب معرفتش اكتها ليه لأنها اقوى من كل العلامات الايقاعية الموجودة ولو حاولت اكتبها حاتكسر الميزان وحاتطلع مش هى برضه ... دى انا بتركها ( وانتم عارفين رأيى فى الحليات ) انا بتركها للعازف اللى يقدر يقولها سماعى ... لأن الحلية حتى لو اتكتبت ان لم تكن من صميم الجملة لو اتكتبت حاتعرقل العازف من صعوبتها ... وفيه معلومة مهمة جدا برضو .. الحلية اللى بتبقى من صميم الجملة لازم اتكيها وبتبقى كتابتها فى المتناول لأن طالما من صميم الجملة بتبقى داخل إطار الميزان قد تكون مجنونة احييانا او فيهاجموح احيانا لكن فى اطار الميزان ... وللعلم برضه ان الكمبيوتر حمار مش بيفكر يعنى لو كانت خارج اطار الميزان مش حايكتبها ولو تحايلت عليه عشان يكتبها مش حايعزفها او حاييجى عندها ويعرج
اطيب تحياتى

[بكر محمد دحدولي]

الله الله يا استاذ عادل . تسلم ايدك و شكرا جزيلا على هذه تحفة اللرائعة و نتمنى ان نرى المزيد :emrose::emrose::emrose:

[خليل سليم]

شكرًا وتقديري الكبير لك أستاذ عادل المحترم بخصوص الاعمال القيمة الكبيرة التي تقدمها والتي كان اخرها لفريد الأطرش وليلى مراد وحفظك الرب

[wahidfarid]

استاد عادل بعد التحية و التقدير اود اشكرك من كل قلبي على نوتة ياحبايبي يا غايبين و على نشاطك و عطائك في سبيل الفن و الحقيقة الحمل اصبح تقيل عليك بعد وفاة الاستاد نزيه محمد الله يرحمه و غياب الاساتذة طارق، نقولا مرجية و محمد السويفي عن المنتدى ربنا يكون في عونك و يطول في عمرك


احنا بنعمل اللى بيمليه عليه ضميرنا
انا عملت لك نوتة قدام عينيا من درجة الدو زى ماطلبت فى المكان اللى انت طلبتها فيه شفتها ؟
مع اطيب تحياتى عادل صموئيل

[عادل صموئيل]

احبائى

اقدم لكم اغنية فيروز

لا تسألونى ما اسمه حبيبى

مع اطيب تحياتى

[وائل علوي]

احيائى
اقدم لكم اغنية من العيار التقيل جدا
تحفة ليلى مراد

سنتين وانا احايل فيك

الاغنية دى بالطبع انا ماعزفتش فيها لأنها كانت قبلى بكتير .. بس طبعا بالخبرة اقدر اتخيل انى كنت قاعد معاهم بسجلها .. فيه شىء ملفت للنظر ( وانا دايما بحكى حاجات ماحدش غيرى بيقولها ) الاغنية دى كانت بعد اعتزال ليلى مراد فترة مش قليلة ... او نقول انقطاعها عن العمل بعد ماانت بتعمل عدد كبير من الافلام وبطلت درو البنت الصغيرة وانتقلت الى المرأة الناضجة .. لما تشوف كمية السلطنة .. يعنى تمثلها بمصارع فى فترة تعطله كان بيختزن كمية كبيرة من قوته ... يعنى الاغنية ( مع انها صغيرة او 3 كوبليهات نفس اللحن ) بس عملت فيها كمية سلطنة تخليك تاخد كل اللى بيعنوا دلوقتى وتولع فيهم .. يعنى هذه هى ليلى مراد العملاقة ... لفت نظرة حليات .. بالذات فى موسيقى الكوبليهات الكمنجات كانت بتقول حاجة ... انا جيت على جنب حاولت اكتبها معرفتش اكتبها ... مع انى فاهم التفعيلة واعرف اعزفها لكن اكتشفت مش ان انا معرفتش اكتبها ولكنها ماتتكتبش .. ورجعت الى ايام العمالقة ... يعنى بعد مانقول الجملة من النوتة عشر مرات نستوعبها كويس اوى يقول انا عايزها كده ويقولها ببقه ان مكانش معاه عود .. طيب معرفتش اكتها ليه لأنها اقوى من كل العلامات الايقاعية الموجودة ولو حاولت اكتبها حاتكسر الميزان وحاتطلع مش هى برضه ... دى انا بتركها ( وانتم عارفين رأيى فى الحليات ) انا بتركها للعازف اللى يقدر يقولها سماعى ... لأن الحلية حتى لو اتكتبت ان لم تكن من صميم الجملة لو اتكتبت حاتعرقل العازف من صعوبتها ... وفيه معلومة مهمة جدا برضو .. الحلية اللى بتبقى من صميم الجملة لازم اتكيها وبتبقى كتابتها فى المتناول لأن طالما من صميم الجملة بتبقى داخل إطار الميزان قد تكون مجنونة احييانا او فيهاجموح احيانا لكن فى اطار الميزان ... وللعلم برضه ان الكمبيوتر حمار مش بيفكر يعنى لو كانت خارج اطار الميزان مش حايكتبها ولو تحايلت عليه عشان يكتبها مش حايعزفها او حاييجى عندها ويعرج
اطيب تحياتى

اخي واستاذي الفاضل عادل
انا عاجز عن الشكر لمجهودك وسرعة تلبيتك لطلباتنا المتراكمة
ربنا يقويك اخي العزيز
وياريت نسخه على الري اكون ممنون لك
مع خالص احترامي وتقديري لشخصك الكريم

اخى العزيز اليك النوتة
اطيب تحياتى عادل صموئيل

[wahidfarid]

شكرا استاد عادل على نوتة قدام عينيا على درجة الدو

[منذر44]

كلمة شكرا لا تكفي عطاء بلا حدود
هدايا بالجملة ولهذا انا اطمع في تدوين اغنيتين من اروع اغاني موسيقار الاجيال عبد الوهاب
وهما احب عيشة الحرية واقبل السعد
مع اجمل تحياتي

[عمرو الهنداوي]

أستاذ عادل ليه لم يتم التعاون بين رياض السنباطي وعبد الحليم حافظ؟ وحتى لو كان لكل واحد منهم الناس اللي بيشتغل معاهم بس .. طيب أزي حد في حجم رياض السنباطي مايفكرشي يلحن لعبد الحليم أو عبد الحليم نفسه يطلب من رياض لحن ولا ماكانش في انسجام مابينهم .. طيب أم كلثوم كان لها دور سلبي في كده؟

[سليم العباس]

كل الشكر و الإمتنان أستاذ عادل على تدوين أغنية فيروز (لا تسألوني) بشكل خاص و جميع التدوينات السابقة بشكل عام ، هذه التدوينات التي تساهم بكل تأكيد بإغناء المكتبة الموسيقية العربية بنوتات احترافية مبسطة تجعل قراءة الموسيقا متعة بعد أن كان معظمها أشبه بمتاهة أو لغز ممل. وكما يقال: أهم من الهدية هو طريقة تقديمها.
أتمنى أن أقرأ ردك حول سؤال الأخ عمرو الهنداوي عن أسباب تعذر اللقاء بين السنباطي و عبد الحليم و أضيف لها سؤالاً: هل كانت ألحان السنباطي هي الأعمق (إن صح التعبير) بين نظرائه؟
و شكراً.

فى كل اغانى الزمن الجميل ماتقدرش تقول انهو احلى جملة او انهو اغنية اعمق ... يعنى بيبقى استايل بتاع الملحن واندماجه مع المطرب ... يعنى ممكنلحن زى خسارة خسارة صغير وسهل وبعمل تأثير زى لحن كبير ... لأن الموضوع زى الفواكه مثلا .. كل نوع له قيمته ... وانا شفت بعينى اولا كان الملحن لو حس ان جملة شبه جملة تانية كان بيغيرها فورا .. واحيانا كان هو مش واخد باله كان حد م الفرقة بينبهه يروح مغيرها فورا ..وده الشىء المهم جدا جدا اللى بيخليك تميز اى اغنية من اغانى الزمن الجميل من اول ما تبتدى لن مالهاش شبيه ... لذلك كل ملحن وله ذوقه وله جمهوره ... زى مثلا لما يكون لك 3 اصدقاء بيعزموك على الغداء بإستمرار لما بتروح عند اى حد منهم بتبقى متوقع نوعية الطعام اللى حايقدمه
مع اطيب تحياتى

[عادل صموئيل]

ردا على اخى العزيز عمرو هنداوى
برضو من وحهة نظرى وقرائتى للى شفته وللى كان ممكن يحصل قبل ان الشتغل معاهم
عبد الحليم كان متعود على ملحنين معينين يعنى الموجى وبليغ وعبد الوهاب وكان زمان منير مراد ومحمود الشريف
رياض السنباطى حسب ما ان عرفته كان انسان مش اجتماعى يعنى من البيت للشغل ومن الشغل للبيت مش بيخرج يقعد فى اجتماعات ولاقعدات من اللى كان بيعملها عبد الحليم .. يعنى عبد الحليم كان بيسهر مع شلة .. او قول كان بيحب لو اتيحت الفرصة يسهر مع هذه الشلة وبالطبع فى الوسط الفنى كلمة شلة يعنى شغل يعنى اللى بيقعدوا مع بعض بيشتغلوا مع بعض ... وبعد فيلم ابى فوق الشجرة ... ونقول اشمعنى قلت ابى فوق الشجرة .. أخر فيلم عمله عبد الحليم والفيلم بيحتاج اغانى كتير فى سنة واحدة ... اما بعد الفيلم كان عبد الحليم بيعمل اغنية واحدة فى السنة وكانت اما بليغ او الموجى او عبد الوهاب ... واللى كانموجود او اللى انا شفته ان الاغانى دى بتكون معدة مسبقا ... اقصد فى السهرات او القعدات .. بيكون حد من الشلة بيشتغل فى اغنية وسمع حليم منها حتة وعجبته وحجزها للسنة الجاية واغنية تانية حجزها للسنة اللى بعدها ... او كذا اغنية زى يامالكا قلبى يعنى مكمن يعملها مع اغنية تانية وهكذا .. اقصد يعنى كان عنده جدول بحاجات حايعملها لمدة كذا سنة قدام .. يعنى لولا وفاته كان عمل من غير ليه وبعدها كان بليغ مجهز هو اللى اختار واللى غناها هانى شاكر من بعد ... من ضمن الاحتمالات ... ان حليم ابتدا بلون يغلب عليه الصبغة الموجية شوية ... وحتى لما عبد الوهاب عمل فوق الشوك فى البدايات كان برضه فى نفس الخط يعنى تحس انها اللون الى عبد الحليم رسمه لنفسه ... كان لون السنباطى تقيل بالنسبة لجمهور عبد الحليم ... بس كمان كان فيه مشكلة حصلت بين حليم وام كلثوم فى اوائل الخمسينات وام كلثوم كانت قطار يعنى بيدوس اى حد ... يعنى فاكرين قصة اسمهان لما القصبجى لحن لها وام كلثوم حذرته ان ما يعملش لها الحان ولما القصبجى استخسر اسمهان انه ما يعملش لها كمان كذا لحن ( ودول دلوقتى بيعتبروا من كنوز الموسيقى العربية يعنى لون مختلف جدا عن اغانيها التانية ) وانا مش فاهم ام كلثوم مابتحبش اسمهان ليه مع ان لونها كان يختلف عن لون ام كلثوم تماما وكانوا حاجة زى خطين مش ممكن يتلاقوا ... يعنى كان زمان فيه منيرة المهدية وحت ام كلثوم تقريبا مسحتها واحتلت مكانها ... بس كان فيه سبب ... منيرة المهدية كانت سوقية اوى يعنى اقرب لعالمة منها الى مطربة كبيرة ... وكان فيه جمهور مثقف جدا جدا فى الوقت ده لما ابتدت ام كلثوم تتعرف سابوا منيرة المهدية وجريوا ورا ام كلثوم وده اللى عمل لها المكانة الكبيرة دى .. لكن عمر ما اسمهان كانت حاتدخل فى نظام ام كلثوم زى ماقلت دى حاجة ودى حاجة تانية خالص ... من الممكن تكون ام كلثوم منعت السنباطى يتعامل مع عبد الحليم وبالطبع ام كلثوم بتعتبر روح الحان السنباطى يعنى لو غضبت عليه زى ما غضبت على القصبجى وقاطعته لكان السنباطى مات ..... يعنى فيه سر او حاجة انا شفت وعشت واشتغلت فى جزء كبير منها ... كان السنباطىاى لحن بيعمله لأى حد غير ام كلثوم ... كان بيجيب فرقة ويسجله تانى بصوته .. لأنه كان مش بيقتنع بحد 100% غير ام كلثوم يعنى لما اى مطربة تانى بتسجل لحن من الحانه كان بيحس ان فيه شىء ناقص ومكانش بيستريح إلا لما يسجل اللحن بصوته والتسجيلات دى موجودة ... او يكون السنباطى شاف اللى حصل للقصبجى وخاف ... وبرضه فيه النظرة الثاقبة اوى اوى للعبقرى السنباطى ( ودى من عندى انا ) انت لو سألتنى كخبير من هو عبد الحليم او ايه اللى عمل عبد الحليم وحطه بسرعة فى الصدارة ومانزلش منها لحد آحر لحظة ... حقول لك الاختراع العبقرى اللى اسمه عبد الحليم اللى صنعه محمد الموجى وبالذات محمد الموجى القديم ... يعنى ظالم وبتقول لى بكره ويامواعدنى بكرة انا بحس ان دول هم عبد الحليم ... اما اللى بعد كده يعنى عبد الوهاب وكمال الطويل وبليغ بناء اتعمل على الاساس اللى عمله محمد الموجى ... بعبقرية السنباطى قال انا ملك مع ام كلثوم ايه اللى يدخلنى فى قطاع تانى .. فهمتوا صقدى ؟ يعنى كان فيه مثلا شادية احلا اغنيها مع منير مراد .. ليلى مراد مع احمد صدقى ... الملحن العبقرى بيشتغل فى المنطقة اللى يبقى فيها الملك ... والله اعلم مع اطيب تحياتى

[عادل صموئيل]

احبائى

اقدم لكم احد اغنى الفنانة شادية هى اننطلبت منى وحبيت انزلها لكم

آه يالمونى

ورجاء الدعاء للفنانة الكبيرة شادية لأنها حاليا تمر بأزمة صحية شديدة
مع اطيب تحياتى

[وائل علوي]

اخي واستاذي الفاضل عادل
انا عاجز عن الشكر لمجهودك وسرعة تلبيتك لطلباتنا المتراكمة
ربنا يقويك اخي العزيز
وياريت نسخه على الري اكون ممنون لك
مع خالص احترامي وتقديري لشخصك الكريم

اخى العزيز اليك النوتة
اطيب تحياتى عادل صموئيل
الهي يطول في عمرك ويمتعك بالصحه والعافيه على قدر حبك لاسعادنا

[عمرو الهنداوي]

شكراً أستاذ عادل صموئيل على رد حضرتك .. بس طبعاً خسارة كبيرة أنه السنباطي والعندليب لم يتعاونوا في عمل
مشترك .. هو يبدو انه كان الأمر محتاج طرف ثالث يتدخل لإقناعهم بالعمل مع بعض لمصلحة الفن زي ما عمل الرئيس جمال عبد الناصر مع أم كلثوم وعبد الوهاب .. أنا اتفق مع حضرتك انه أسمهان وأم كلثوم خطين مختلفين .. أنا اعتقد انه الفن خسر كتير بسبب الحسابات الشخصية بين الفنانين والصراع على " الأنا"..

طيب أستاذ عادل صوت زي سوزان عطية ظهرت في وقت ما بعد رحيل عبد الحليم وأم كلثوم وكانت الساحة فاضية نوعاً ما من الاصوات الشابة الجديدة وكان بليغ ما شاء الله نجم قوي وكان في خالد الأمير والموجي والطويل ومحمد عبد الوهاب والسنباطي .. ليه ما حد عمل لها لحن قوي أو تبناها موسيقياً زي ما عمل بليغ مع ميادة وعفاف راضي .. هي تقريباً مالهاش غير أغنية واحدة مشهورة اسمها "تتاقل بالمال" وأغنية وطنية هي على لحن موسيقى هدية العيد (الجزء الشرقي -البياتي) لمحمد عبد الوهاب.. يعني أزي صوت زي كدة وسط هؤلاء العمالقة وتطلع بأغنية واحدة من كل الموال ده ..

كان أيه الخلل من وجهه نظر حضرتك؟

من وجهة نظرى السوق هو اللى بيتحكم فى الاعمال الفنية يعنى عبد الوهاب نفسه كان عرضة للموضع ده بمعنى ... مرة واحد سأله احنا استمتعنا جدا بمجنون ليلى وحضرتك قلت ان القصيدة او العمل الشعرى له بقية وممكن تتلحن حضرتك مالحنتهاش ليه ... قال انا مش بلحن من نفسى يعنى لازم حد يطلب منى الحن وانا الحن .. بمعنى حد بيدفع فلوس ... والمنتج هو اللى بيتحكم مين يغنى ومين ما يغنيش ... يعنى هو اللى بيتعاقد مع المطرب ... كان زمان فيه الاذاعة بتنتج اغانى بس كان معظمها اغنى فاشلة كان بيهرب منها كل من الملحنين والمطربين والمؤلفين وحتى العازفين ... ليه .. لأن كان فيه ميزانية سنوية وانت عارف ان دى حكومة وفيها روتين وتخلف طبعا ... الميزانية دى كانت تنتج اغنية واحدة فقط زى نبتدى منين الحكاية مثلا ... بالطبع ما ينفعش فكان لازم الميزانية تتقسم على خمسين اغنية والكل بيقبض ف كل اغنية ملاليم ... فكانت نصيب المطربين المعتمدين فى الاذاعة بس مالهمشحظ من الشهرة زى احمد سامى مثلا واسماء كتيركان الملحن لما بياخد ملاليم بيعمل لحن سريع كده ويخلص طبعا كان بيبقى لحن مالوش طعم وكلهم ملحنين صغيرين اوى طبعا .. وكانت الاغانى دى بتتذاع فى الفترة الصباحية اللى مفيش عليها اقبال كبير من المستمعين يعنى عمرها ماكانت بتتذاع فى السهرات مثلا وسوزان عطية من المؤكد انها عملت اغانى من دول بس بالطبع الشرائط متلقكة فى مكتبة الاذاعة ونادرا ما بتدخل فى قوائم الاذاعة .. بس بالطبع سوزان عطية كانت صوت له مميزاته يعنى مثلا اد اصالة خمسين مرة ... واقوى من كل الاصوات الموجودة حاليا ... بس حظها وحش ... وانت لما تتكلم عن الحظ الوحش تعالى اقول لك عن الكورال او الكورس اللى كان مع محمد عبد المطلب مثلا ... يعنى 3 رجال و3 سيدات ... لما تسمعهم فى حفلات عبد المطلب .. كان اى حد فيهم مطرب مطرب يعنى بمصطلح زمان ... ( لأن المصطلح ده دلوقتى بقا مضروب يعنى ) بس حظهم وحش ما لقوش حد يعمل لهم اغانى او يشغلهم ... واقول لك على سر ... لو حد بيغنى ومعاه فلوس او عنده حد مكمن يصرف عليه كان بيوصل ... يعنى عندك المطربة التونسية لطيفة اول اغنية عملتها كان اسمها ارجوك اوعا تغير ... هى صوتها حاد جهير او شرشوح يعنى ... مش الصوت اللى زى نوعية سوزان عطية ... بس رشت رشة جامدة على اللى بيعملوا خريطة الاغانى فى الاذاعات ... يعنى وقتها كنت تمشى فى الشارع اى قهوة مشغلة راديو تمسع الاغنية دى طول النهار واشتهرت بالطريقة دى
مع اطيب تحياتى

كل التحية والتقدير

[altaifi]

احبائى

اقدم لكم احد اغنى الفنانة شادية هى اننطلبت منى وحبيت انزلها لكم

آه يالمونى

ورجاء الدعاء للفنانة الكبيرة شادية لأنها حاليا تمر بأزمة صحية شديدة
مع اطيب تحياتى

شكراً لحضرتك يا استاذ عادل على النوتة .. وندعوا للفنانة شادية بالشفاء العاجل .. وبالفعل حسب ما وصلني بأنها تمر بأزمة صحية حرجة .. وحاب اطلب نوتة غاب القمر يابن عمي للفنانة شادية .. وشكراً

[وائل علوي]

استاذ عادل تحية طيبة لحضرتك
ياريت لو تحط اغنية ( خايف اقول اللي في قلبي) في الطابور
لما لها من جمال ووزن في تراثنا الشرقي
وعلى فكرة حضرتك كتبت المقدمة بتاعتها من فترة طويلة وما كملتهاش

برجو من حضرتك تكتبها على مقام الحجاز كار كرد
كما هي في الفيديو ادناه
انا وجدتها تغنى على اكثر من طبقة ودايما انا بفضل المقام الاصلي الي تلحنت عليه الاغنية
ولو حابب حضرتك بعد الكتابة تنزلها بأكثر من طبقة كما عودتنا اكيد هنكون سعداء
مع خالص شكري وتقديري
اخوك وائل
اخى العزيز
اولا كل الاغانى اللى انت بتسمعها حجاز كاركورد دى 95% منها بتبقى كرد يعنى من رى والفرقة بتنزل طبقة صغيرة يعنى فيه حاجات نادرة اوى زى اسألأ روحك اصلها حجاز كاركورد وانت لما تسمعها حتلاقى الفرقة نازلة طبقة صغيرة وتسمعها انت من سى بيمول اما الرابط اللى انت منزله العازف ممكن حلو بالنسبة لكم لكن ما ينفعش يتكتب منها لأن عنده نغمات كتير مش صريحة يعنى انا عليز تسجيل للأصلى بتاع عبد الوهاب مع اطيب تحياتى عادل صموئيل

https://www.youtube.com/watch?v=Jvq5txHSiFM

[عادل صموئيل]

احبائى
اقدم لكم اغنية من العيار التقيل اوى لشادية والموجى

غاب القمر يابن عمى

مع اطيب تحياتى

[qusay.qq]

[/S
أستاذنا الفاضل عادل صموئيل أشكرك على المجهود الكبير الذي تقدمه لنا , أنا لأول مرة أريد أن اطلب منك وطمعا بكرمك وسعة قلبك نوتة مقدمة / ميس الريم /للسيدة فيروز وهي من ألحان زياد الرحباني وأكن لك من الشاكرين .

https://www.youtube.com/watch?v=EEKjnx6l5Mo

هذا رابط مقدمة ميس الريم...و اكرر شكري لك ولهذا المنتدى الرائع .

[SIZE="4"]الاخ العزيز
الرابط الى انت مقدمه ده موزع ومش ممكن يتعزف ألا من النوتات الاصلية عند الموزع ده اولا اما ثانيا اظن ان ده توزيع جديد لزياد الرحبانى وقد قام بتشويه المل الرائع يعنى انا سمتعه مش فاهم منه حاجة وممكن اسمع الرابط ده عليه اللحن الاصلى وحس بالفرق
https://www.youtube.com/watch?v=81GF8baht7c

[تامرتامر]

مساء الخير استاذنا الكبير عادل صموئيل المحترم يسلمو ايدك على التدوين الرائع ياريت من بعد اذنك حضرتك تتكرم علينا اذا بسمح وقتك بتدوين أغنية وردة الجزائرية (ياحبيبي بحبك صدقني) كل الحب والتقدير الله يديمك وطول عمرك رابط الاغنية https://youtu.be/l2N-2CzxJNc

[qusay.qq]

[/S
أستاذنا الفاضل عادل صموئيل أشكرك على المجهود الكبير الذي تقدمه لنا , أنا لأول مرة أريد أن اطلب منك وطمعا بكرمك وسعة قلبك نوتة مقدمة / ميس الريم /للسيدة فيروز وهي من ألحان زياد الرحباني وأكن لك من الشاكرين .

https://www.youtube.com/watch?v=EEKjnx6l5Mo

هذا رابط مقدمة ميس الريم...و اكرر شكري لك ولهذا المنتدى الرائع .

[SIZE="4"]الاخ العزيز
الرابط الى انت مقدمه ده موزع ومش ممكن يتعزف ألا من النوتات الاصلية عند الموزع ده اولا اما ثانيا اظن ان ده توزيع جديد لزياد الرحبانى وقد قام بتشويه المل الرائع يعنى انا سمتعه مش فاهم منه حاجة وممكن اسمع الرابط ده عليه اللحن الاصلى وحس بالفرق
https://www.youtube.com/watch?v=81GF8baht7c
أستاذنا الجليل عادل صموئيل أشكر لإهتمامك ...هذا الرابط بدون توزيع..أرجو منك تدوينه
https://www.youtube.com/watch?v=81GF8baht7c
ولكم جزيل الشكر

[المنير]

السلام عليكم
الأستاذ الجميل عادل صموئيل :كيف حالك؟ أتمنى أن تكون بخير. المرجو تدوين اغنية عبد الحليم "يا ليالي العيد". عاجلا إذا أمكن. لاحظوا كيف وظف بليغ حمدي أيقاع الظرافات للموشحات في هذه الأغنية.
لك مني جزيل الشكر.

[عادل صموئيل]

احبائى
اقدم لكم اغنية محمد عبد الوهاب

خايف اقول اللى فى بالى

مع اطيب تحياتى

[altaifi]

احبائى
اقدم لكم اغنية من العيار التقيل اوى لشادية والموجى

غاب القمر يابن عمى

مع اطيب تحياتى

كل الشكر والتقدير والتحايا العطرة لشخصك الكريم على سرعة تلبية طلبي للنوتة .. وما تبذله من مجهود في تلبية طلبات الأعضاء ..

[عادل صموئيل]

احبائى
اقدم لكم من روائع الرحبانية

مقدمة ميس الريم

اطيب تحياتى

[wahidfarid]

استاد عادل احييك على هدا النشاط و العطاء المستمر
ماشاء الله عليك

[qusay.qq]

احبائى
اقدم لكم من روائع الرحبانية

مقدمة ميس الريم

اطيب تحياتى
كل الشكر والتقدير لتلبية طلبي أستاذنا العظيم عادل صموئيل ..أطال الله بعمرك ودمت ذخراً لنا ولجميع أحبابك...شكراً جزيلاً .

[عاصم المنشاوى]

استاذنا الجميل/ عادل بك

والله كنت لسه على بالى ...كنت فى الأوبرا وعديت على مكان ما ....كان بيبقى فيه نوت موسيقية ...وكان كله عذاب وملل عشان تحصل على نوتة من الموظفين الحكوميين هناك...وأفتكرت لما الأستاذ "عزت شحاتة" قال أن الأستاذ / عادل صمويل ...رحمنا من وشوشوهم العكرة ولا الحوجة ليهم....

أستاذنا...طبعا الفنانة شادية ...كلنا بندعو لها بالرحمة على قد ماأسعدتنا ....هنا بقى فيه سؤالين:
رغم انها من مطربين الصف الأول ...ألا أنها نادرا ماشوفنا ليها حفلة مع الفرقة الماسية ...دايما صلاح عرام أو غيره...هل هى كانت بتفتح لهم باب رزق مثلا...متعاطفة معاهم...؟
السؤال التانى : عن صديقك الراحل / منير مراد...
برغم مواهبة المتعددة وموهبته فى التلحين وعنده شوية جمل لحنية حلوة ....ماكانشى شغال كتير فى ايام عبد الناصر
- كام اغنية لعبد الحليم على استحياء كده ...هل التغييرات السياسية الأقصائية فى الستينات بسبب ديانته هى دى السبب وهى دى اللى ظلمته...؟ ودى حاجة .. هو مالوش ذنب فيها ...بدليل انه اشتغل شوية حلوين ايام السادات مع هانى شاكر وشريفة فاضل ومها صبرى وغيرهم...

لو ليك مزاج او عجبت حضرتك الأغنية دى لشادية ومنير مراد وفتحى قورة ...ياريت تنوتها وعلى مهلك ...
هى من أغانيها الخفيفة العاطفية أستايل منير مراد

اخى العزيز
الاول كلامك الجميل اسعدنى جدا جدا ... طبعا اى حد خبير بيشنغل فى مجال وبالذات لما يكون بيقدمه لوجه الله مش مقابل مال .. بيشغل مخه اوى فى كل اوجه المميزات والسلبيات ... طبعا انا عارف كويس جدا صعوبة الحصول على النوت من اى مكان او مشكلة كل مكان ايه .. بالنسبة للأوبرا .. اولا عشان تدخل تقابل حد وتتكلم معاه فى الموضوع انك عايز نوتة ده مش اى حد يعنى لازم يكون حد معروف لهم زى مجدى الحسينى يعنى مثلا ... يقدر يقابل الموظف المختص المسؤول عن مكتبة النوت الموسيقية العربية .. ويخليه يصور له نوتة ... او حد يكون واصل اوى جوا الاوبرا وياخد تأشيرة من الاستاذة الدكتورة ايناس ( اللى انا عايز اقابلها ومش عارف مواعيدها ) .. وبعدين ان حتى حصلت المعجزة وقالوا لك شبيك لبيك المكتبة ملك ايديك حتلاقى عندنا هنا فى سماعى انا منزل لكن نوت اكتر م اللى هناك 100 مرة لأن هم بيجيبوا النوتة بالطلب حسب ما يحتاجوها ف حفلة ... يعنى مثلا اغنية وتعالا شوف بتاعة غايزة احمد ( على سبيل المثال ) لو مفيش مطربة طلبتها وكتبواهالها او اخوها من نوتاتى هنا عمرك ماحتلاقى النوتة دى .. وان لقت النوتة حاتبقى مكتوبة بالطريقة الاحترافية اوى اوى بتاعة زمان وبالقلم طبعا واى مبتدى حيلاقيها طلاسم مايعرفش يقراها ... بس عايز اسألك على حاجة هل كل مجموع النوت اللى انا كتبها دى تعتبر صدقة جارية يعنى ممكن ربنا يدخلتى الجنة ؟؟ اتكل عليكوا يدعوا لى يعنى ؟
اما للفننانة شادية انا عمرى ما شفتها ف حياتى إلا مرة واحدة فقط كنا معزومين على عشا وجت قعدت جنبى على الترابيزة واتكلمنا واد ايه كانت لذيذة ومتواضعة الكلام ده كان سنة 1977 ... هة كانت بتشتغل دايما مع فرقة عبد العظيم حليم ... وبعدين اخدها فرقة حمادة النادى .. واعتقد كانت الفرقة الماسية مش بتحب تشتغل معاها هى وصباح .. لأن صباح كانت بتيجى من لبنان قبل الحفلة بيوم وبتعمل بروفة واحدة على يجى عشر اغانى وبتجيب معاها نوت مكتوبة بخط لا يقرأ ومتصورة من نوتة متصورة قبل كده 90 مرة وبيحصل ارتباك ف الفرقة لأن مش شايفين النوت كويس ويخافوا طبعا لايغلطوا وشادية اعتقد كانت كده .. اما منير مراد كان فيه حرج مش ع اليهود السابقين بس فى الكام سنة بتوع عبد الناصر ولكن كان على كل الاجانب اللى طفشوا او طفشوهم وقتها من مصر وخسرنا كتير اوى يعنى اجنا كنا من سنة 1950 لحد سنة 1955 فى حى الفجالة وانت داخل من شارع رمسيس .. كان تحت بيتنا بقال يونانى ... وما ادراك بالبقالة اليونانية ... يعنى هم ملوك الزيتون الاسود وزيت الزيتون وانواع الجبنة والبسطرمة فى العالم ... وكان عددهم كبير كانوا عاملين مستعمرة فى القاهرة والاسكندرية وعشان كده كانوا بيستوردوا البقالة من اليونان ... ومش عايز اقول لك احنا مستحملين الزيتون الاسود اللى معمول فى مية نار ازاى بعد ماطفشوا الناس دول ... ايام عبد الناصرؤ كان فيه تعصب شوية .. اتفك ايام السادات على اساس انهم بقوا مسلمين من زمان وبمزاجهم يعنى ماحدش ارغمهم ... بس بينى وبينى اسوأ حاجة فى الدنيا ربط الفن بأى تفرقة عنصرية من اى نوع .. يعنى لو الاخوان كانوا استمروا فى حكم مصر كان زمانى دلوقتى ممنوع من التدوين ان مكانوش حرقوا كل النوت اللى انا مدونها وحذفوها من كل المنتديات مع اطيب تحياتى

[سليم العباس]

شكراً أستاذ عادل على التدوين الممتاز لموسيقا مقدمة مسرحية ميس الريم ، و بالمناسبة أرجو أن تدون لنا موسيقا للرحابنة بعنوان ( دبكة المحطة)
و شكراً لحضرتك.

[وائل علوي]

احبائى
اقدم لكم اغنية محمد عبد الوهاب

خايف اقول اللى فى بالى
مع اطيب تحياتى

ربنا يكرمك دنيا واخرة اخي عادل ويسعدك على قد مابتسعدنا ويبارك في صحتك وعافيتك
اخوك وائل علوي
مع اطيب تحياتي

[عادل صموئيل]

احبائى

اقدم لكم من اعمال الرحبانية

مقدمة مسرحية المحطة ( دبكة المحطة )

مع اطيب تحياتى

[salhi_haithem]

السلام عليكم
أستاذ عادل شكرا جزيلا لما تقديمه لنا من تحف و درر و متشكرين لمجهوداتك و برجاء أستاذ عادل لي طلب ملح لأغنية لست قلبي لعبد الحليم (أنت قلبي) رائعة كامل الشناوي و أرجو أن تمتعنا و تسعدنا بهذه الأغنية كما سبق و أتحفتنا بأغنية حبيبها لست وحدك حبيبها لنفس المؤلف و بـــــــرجـــــاء و شكرا
و حاولت أتصل بيك هاتفيا لكي أتطمن عليك و على صحتك لكن لم أتحصل عليك, وهو نفس الرقم لم يتغير؟
أخوك المتابع الوفي هيثم


اخى العزيز
الرقم كما هو لكن انا لا استعمل الموبايل كثيرا واتركه فى غرفتى واتجول فى البيت
ان شاء الله ادن الاغنية
مع اطيب تحياتى

[سليم العباس]

كل الشكر أستاذ عادل على تدوين موسيقا دبكة المحطة للأخوين رحباني.:emrose:

[عادل صموئيل]

احبائى
اقدم لكم اغنية من العيار التقيل واهديها لأخى العزيز المنير
اغنية عبد الحليم حافظ وبليغ حمدى

ياليالى العيد

الاغنية دى ممكن ماحدش يعرفها غير اهل المغرب فقط لأنها معمولة خصيصا للمغرب ولجلالة الملك المرحوم الملك الحسن الثانى رحمه الله .. طبعا فيها شغل متميز بيبدأ من الايقاع فى المقدمة
فيه ملحوظة ان فيه اغانى كتيرلكل العمالقة لكن مش معروفة وده سببه انها كانت بتتعمل لدولة معينة او لإذاعة دولة معينة وتعتبر محلية .. لكن مع وجود النت والدنيا كلها اتفتحت على بعض ابتدت الروائع دى تنتشر
انا منزل لكم ملف صوتى للأغنية طبعا عشان اللى ما سمعهاش يعرفها
مع اطيب تحياتى

[منذر44]

الله الله يا استاذ عادل اغنية رائعة وتدوين رائع
عندما سمعت هذا اللحن الرائع احسست بروح بليغ حمدي تنساب بين النغمات كما ان اداء عبد الحليم محلق في الفضاء

شكرا لكل من ساهم في اخراج هذه التحفة الفنية للنور للخلود

[عادل صموئيل]

احبائى
انا دايما لما بسمع حاجة حلوة بحب انزلها لكم

اليكم

تتر مسلسل حب للإيجار التركى

مع الملف الصوتى للى مايعرفوش الجملة جميلة اوى
مع اطيب تحياتى

[عادل صموئيل]

احبائى
اليكم اغنية من العيار التقيل جدا ونادرة جدا انا شخصيا اول مرة اسمعها
اغنية لمحمد عبد الوهاب

اقبل السعد

دى اغنية وطنية بالطبع ماحدش يقدر يحدد اتعملت امتى ... بس انا لما دققت فى الكلمات لقيت ان بيمدح فى الحاكم اوى وانه من سلالة كبيرة ... وده كان من الصفات اللى بيمدحوا بيها الملك فاروق .. يعنى لازم تقول انه ابن الاكرمين ... ومن نقاء التسجيل انا اقول انه بعد سنة 1947 او 1948 ... لأن فى مطلع الاربعينيات كان التسجيل بيبقى ردىء ومشوشر من الاسطوانات الحجارى القديمة وحتى كمان بيبقى فيه قفلة وش للوجه الاول من الاسطوانة لازم يقطع عندها او يكرر حاجة مالهاش لازمة ويعمل قفلة ...لكن واضح من النقاء انه مسجل على شريط ... انا قبل التدوين اهم حاجة لازم اتأكد من البيتش ... يعنى النغمة اللى بكتب منها الاغنية او الدرجة ... ولازم اتأكد منها كويس وعندى برنامج صغير اسمه بيانو بيطلع لك ع الشاشة كى بورد بسمع جزء من اللحن واتأكد من نغمة البداية وعند بداية الجملة اللى على الايقاع بادى من نغمة صول ... والمقام كرد على النواه ... بعد ماخلص الاغنية لقيته قافل على نغمة دو وكرر الجملة بتاعة المقدمة واللى هى نفسها موسيقى الكوبليهات وكل مرة كنت بعمل سينيو ... بالطبع اى حرف فى الاغنية لازم اتأكد منه لقيت بادى الجملة من درجة دو ... بالطبع اسقط فى يدى .. لأن حسيت انى ماشى غلط وبسرعة جبت الاغنية من الاول وتأكدت انها من صول ... طيب ازاى يبدأها من دو ... وبعدين هو عمل مقام حجاز كاردورد وعزف الجملة وبعدين قفلها يعنى مش قاصد يوصل لحاجة ده بالعكس عمل شىء مخالف للقواعد ... يعنى هو كان ماشى كرد النواه الطبيعى انه يقفل كرد النواه ... ولكن طبيعة معرفتى بعبد الوهاب انه لازم يعمل فى كل اغنية اختراع او شىء بيحرص عليه عشان الفرقة تقول بصوت عالى ما يساوى كلمة wooooooooooooooow بالعربى فيه شى مهم لما تشوف النوتة فيها ادليب وبعدين على الايقاع ... الجملة بتبدأ واسعة وعريضة كتبتها على سرعة 90 وكانت ماشية .. لما دخلنا على نهاية الجملة فيه حلية .. بس مش حلية زخرفة يعنى ممكن اتجاهلها والعازف وهو بيعزف بيعملها .. ولكن حلية من صلب الجملة وبتتكرر زى ماهى ... ملحوظة حليات الزخرفة لما بتتكرر العازف ممكن بيعمل حاجات تانى .. لكن لما تتكرر زى ماهى بيبقى اللحن كده وبالطبع ما اقدرش اتجاهلها ... استمريت فى المذهب اكتب وفى سرعة 90 لحد ما جيت عند المازورة لقيتها حاتبقى صعب اوى اوى والهواة مش حايعرفوا يقروها علما بأن المحترفين عادى جدا ... توقفت وعملت نسخة جديدة من الملف وعملت طريقتى فى التبسيط ( مدرسة عادل صموئيل ) وكتبت من اول الايقاع بسرعة 130 ... نظرا لن اللحن كله صعب بعد كده وفيه تفعيلات دقيقة فى سرعة 90 حاتبقى علامات معقدة ولكن فى سرعة 130 حاتبقى سهلة جدا وانا طبعا يهمنى الللحن من اوله لآخره يتعزف .... فيه حاجة تانية كمان ... انا مش بكتب اللحن وخلاص ولكن هو رايح لمين او مين يستفيد منه ... اللحن ده بالنسبة للمحترفين .... مالوش قيمة ولا يساوى شىء ... لأن المحترف بياخد حاجة يشاغل بيها او يعمله ف حفلة وده اغنية وطنية قديمة وللملك فارق وعمر ماحد يطلبها او يعزفها ف حفلة ده ناهيك على ان ماحدش يعرفها اصلا .... لكن اللحن ده من وجهة نظرى حرام طبعا ماحدش يعرفه يعنى اى جملة واحدة لعبد الوهاب كنز فكيف يكون الحال لما تكون اغنية معمولة للملك ( شغل ملوك يعنى ) وكل ما جلالة الملك يتبسط كل ماتكون النفحة تقيلة ... واصرارى على ان ادونه بالدقة المتناهية لأن فيه تكويلات خطيرة ... يعنى لو الفرقة الماسية كانت حاتعزفه مع عبد الوهاب كان مش مهم الدقة المتناهية اوى اوى لأن المطرب شغلته الغناء ويعمل زى ماهو عايز لكن الدقة المتناهية لازم تكون فى اللزمات اللى الفرقة بترد عليه ... لكن هنا انا التزمت بالدقة المتناهية من اول اللحن لآخره عشان توثيق اللحن اتمنى يعجبكم وبالطبع لازم تسمعوا الملف الصوتى عدة مرات قبل االشروع فى العزف وهو موجود فى الطلب للنوتة وانا دونت منه
مرفق مع النوتة الاصلية نوتة تجربة عشان تعرفوا الفرق
مع اطيب تحياتى

[منذر44]

استاذ عادل اقبل السعد علي وعلى عشاق الفن الاصيل بهذا الانجاز الرائع
لا بد ان فنان الاجيال عبد الوهاب لو كان بيننا الان لشد على يديك وبارك جهدك
شكرا لك من القلب لتخليدك الفن الاصيل وتلبية طلبات عشاقه
مع اجمل تحياتي
وهذا رابط اغنية اقبل السعد لمن يحب
http://www.sama3y.net/forum/attachment.php?attachmentid=390003&d=1509767133

[المنير]

السلام عليكم
أخي و أستاذي الغالي عادل صموئيل: و الله لو جئت إلى المغرب لاستقبلناك استقبال الرؤساء. و الله لن انسى لك هذا الجميل ما حييت.
اخى العزيز اشكرك لذوقك وخيرك سابق

مرسل ملف مضغوط فيه الملف الانكور ميدى ولكن خلى بالك الانكور مش بيغنى النغمات الشرقية ومش بنرجع السنيو
مع اطيب تحياتى عادل صموئيل
ملحوظة مرفق ملف للثلاث اسطر الاولى بسرعتهم الطبيعية لأهم بسرعة 130 وباقى الاغنية بسرعة 90 ولو عملت السرعة 130لأختلفت سرعة كل الاغنية لذلك حبيت انزل الثلاث اسطر الاولى لوحدهم


أرجو منك الفايل midi.

[كمال العرباوي]

صباح الخير استاذ عادل

وجدت رابط يوتوب لأغنية أقبل السعد

يزعم صاحبه انها عام 1945 بمناسبة زيارة الملك السعودي سعود بن عبد العزيز


https://www.youtube.com/watch?v=ObgFstDBCoY

[عادل صموئيل]

صباح الخير استاذ عادل

وجدت رابط يوتوب لأغنية أقبل السعد

يزعم صاحبه انها عام 1945 بمناسبة زيارة الملك السعودي سعود بن عبد العزيز


https://www.youtube.com/watch?v=ObgFstDBCoY

اخى العزيز
هو اول حاجة طلع تخمينى صح ان الاغنية اتعملت فى النصف الثانى من الاربعينات ... بس حكاية زيارة الملك السعودى دى مش عارف لكن هو فى الكوبليه التانى ذكر كلمة الرياض ... انا طبعا ماكنتش موجود وقتها لكن الملك سعود ملك السعودية زار مصر فى وقت كنت انا موجود فيه ايام الرئيس جمال عبد الناصر
مع اطيب تحياتى

[أحمد البستاوي]

الأستاذ عادل صموئيل ودانه تاقل بالذهب و الذهب شوية عليها و الله .. الأغنية ذكرها فيكتور سحاب في كتاب السبعة الكبار في الموسيقى العربية ص 214 , في قائمة الأغاني الوطنية اللي غناها محمد عبد الوهاب في العهد الناصري .. و أنه غناها سنة 1954 , عند زيارة الملك سعود رحمة الله عليه لمصر , و الأغنية من كلمات مصطفى عبد الرحمن ..
هنا بأه يبان الفرق بين الودان المحترفة ووداننا إحنا .. شوف مثلا الأستاذ عادل ممكن ما يكونش عنده خلفية بملابسات الأغنية و تاريخها .. الأغنية نادرة و غالبا ما أتغنتش بعد المناسبة دي .. لكن الأستاذ عادل صموئيل قدر يحدد تاريخ الأغنية 1947 أو 1948 , لأنه عارف أن محمد عبد الوهاب ما غنّاش حاجة للملك فاروق بعد حرب فلسطين .. طبعا التحديد الزمني بتاع الأغاني دا شغلة مؤرخين الموسيقى , و دا ممكن يكون بعيد شوية عن مجال اهتمامه الأساسي اللي هو الممارسة العملية العلمية , و خاصة أنها حاجة هو ما حضرهاش .. لكن ما شاء الله عليه ودانه لقطت طبيعة التسجيل و جودته و قدر يحدد منها مدى زمني قريب جدا للأغنية .. اللي محدش أصلا ح يعرف مكانها التاريخي الدقيق إلا لو قعد يمقق عينيه في الكتب ..
أستاذ كبير و سمّيع خبير أنت الله يا أستاذ عادل .. أرفع لك القبعة ..

الاخ العزيز
اشكرك لذوقك وتفهمك
هى اولا المشكلة ان الاغنية نادرة جدا جدا يعنى انا سخصيا بكل ماتعرفه عنى من خبرة وتاريخ ... الخ ... اول مرة اسمع الاغنية .. ده معناه ان قليل جدا اللى سمعوها او ان الاغنية اتكنت فى مكان خفى ماحدش وصل له بسهولة ... وعشان كده انا ما اقدرش اجزم ولكن كلامى كان من وجهة نظرة ... انا بفهم فى حاجات تانية غير الموسيقى يعنى فى التسجيل والتصوير والتحميض وكل ما يتعلق بالميديا او ما يتعلق بالصوت والصورة .. وتقريبا صرفت تحويشة عمرى على الاجهزة وكان عندى شغف كبير بتطور الاجهزة يعنى ابتدت ازاى ووصلت لإيه... اللى خلانى احصر الاغنية ( برضو من وجهة نظرى) قبل 1952 وقبل الرئيس عبد الناصر حاجة حقولها وبرضه من وجهة نظرى ... ان وقتها مع انى ماكنتش موجود فى الوسط الفنى انا مواليد 1950 ... بس كنت بسهر مع زملاء اشتغلوا مع عبد الوهاب واسمهان وام كلثوم والفترة دى كانوا فى عز شبابهم وطبعا بيتباكوا على الزمن ده زى ما احنا دلوقتى بنتباكى على الزمن اللى بعده .. وكان يكفى انك تنكش اى واحد فيهم ف الكلام ( زى ما بتعملوا معايا دلويقتى ) والواحد يتفتح يطلع الاسرار .. كان بعض الضباط الاحرار حواين جمال عبد الناصر مش بيحبوا ام كلثوم وعبد اولاهب كانوا بيحسبوهم بتوع الملك فاروق ... اللى كان فيه حرب ضروس عليه ولى سيرته وايامه فى الوقت ده ... لذلك كانام كلثوم وعبد الوهاب بيحرصوا على وضع اسم جمال او عبد الناصر فى اى اغنية وطنية يعنى زى ماتقول زيادة اعلان ولاء ... مع ان فيه حاجة خطيرة انا اعرفها وده فى كل دول العالم ان اى مطرب كبير اوى اوى لازم يغنى للحاكم ولو اتغير النظام لازم يغنى للحاكم الجديد ده عادى ... ومالوش علاقة بالوطنية ... لأن النظام بيحس انه شرعى اكتر واكتر لما اكبر مطربين بيحبهم الشعب يغنوا له .. بعدين انا اشتغلت مع عبد الوهاب ييجى عشرين سنة كان عشان يعمل اغنية بيلحنها مش اقل من 6 شهور لما يكون مستعجل او 4 شهور لما يكون الكوبليهات زى بعض ,,, هو ماقالش اسم الملك سعود صراحة بس فى الكلمات حاجة حلوة من الرياض ... يعنى ممكن يكون مجهز اللحن من فترة يعنى عنده علم بالزيارة من قبلها بكتير بدليل ان اللحن كان وقتى وما اتذاعش بعد كده بس خسارة طبعا يعنى اى حاجة لعبد الوهاب خسارة ان الناس ما تسمعهاش .. من ضمن القصص اللى انا شخصيا حضرتها كان ايام اتفاقية السلام كان عبد الواهب عمل نشيد لفايدة كامل اسمه ياسادات ياحبيبنا .. وهو عمله على حسابه الشخصى ... يعنى كتبناه وسجلناه على الفرقة الماسية وعمل الشيك بتاع اجر الفرقة الماسية بإسمى واعطاه ليا وانا فاكر انى صرفته من بنك مصر فى شارع عدلى ... الذكاء بتاعه .. ان يعمل النشيد ويتسجل ويتحط داخل استديوهات الاذاعة ع الهواء لو الاتفاقية اتمضت بمجرد الاعلان عنها يتم اذاعة النشيد فى كل الاذاعات طول النهار ويبقى عبد الواهب اخد سبق خطير لأن باقى الفنانين لو عملوا حاجة لسه حلنى ماتاخد اسبوعين ع ما تتعمل ولو الاتفاقية ماتمتش يخلوا النشيد لأى مناسبة ... وفعلا تمت الاتفاقية والنشيد اتذاع بعد اذاعة الخبر بدقيقة كان طبعا انجاز مع اطيب تحياتى

[كمال العرباوي]

الله عليك با استاذ عادل بحر كنوز واسرار

ياريت مرة على مرة تدلوا لنا بدلوك من بحر ذكريابك واسرارك

الف شكر

[منذر44]

معلومات قيمة واسرار تغني ذاكرة الفن الاصيل
ومن ناحية اغنية اقبل السعد فهي بغض النظر لمن قيلت وماهي مناسبتها
فهي عمل فني متكامل ولحن شجي رائع وانا شخصيا لا امل من سماعه
وكما قال الاستاذ عادل حرام هكذا لحن يبقى في متاهات النسيان

[منذر44]

اغنية عبد الوهاب الخالدة اصبح عندي بندقية ارجو ان يكون لها دور في طابور الطلبات
مع اجمل تحياتي

[المنير]

السلام عليكم
لقد استمعت الى الفايل ميدي لأعنية يا ليالي العيد: تدوين رائع كالعادة. الله يعطيك الصحة كما نقول في المغرب.
بالنسبة ل "أقبل السعد" فإنها أغنية رائعة بكل المقاييس .أحييك من كل قلبي على هذا الاكتشاف. بالنسبة للنواذر و الأغنية الوطنية الطربية لا ننسى "الماء و الخضرة و الوجه الحسن" بياتي من la الطبقة التي تبرز عذوبة صوت عبد الحليم و على إيقاع المصمودي للموشحات و من ألحان بليغ أيضا. و من بين أحسن المقاطع التي تحمل بصمة بليغ " يا الحسن يا عربي يا نفحة من بيت النبي....." و هو سيكاه على الفا نصف دييز.أرجو ان تدونها عندما يكون مزاجك حليمي كما يقول الأخ نور الصباح.

[وسام اكرم]

كل شي جمؤل ياستاذي ولكن من نوتتين فقط من مقدمة اي دمعة حزن، ذكائك ربما لم يصل احد الية فقد عرفت بمنتنى الدقة اني كنت اتعلم بالحفظ شي رائيع
ذكرني المقال المكتوب هنا بكيفة تحليلك الرائع ولكن انا بحثت عن الاغنية و ورايها قصة مثيرة وهي من اغاني زمان الملك فاروق ولكن تم اعادة تسجيلها بطلب ملح من الريس السادات رحمة الله ربما في 1976 و الله اعلم مت اطيب تحياوي
المصدر
مجلة الصياد البنانية
وسام

[عادل صموئيل]

احبائى
بعد كذا اغنية من العيار التقيل اقدم لكم اغنية اخف شوية
من غناء فايزة احمد وتلحين منير مراد وطراز اسبانى

شغلونى عيونك شغلونى

مع اطيب تحياتى

[منذر44]

لحن رائع وتدوين اروع
سلمت للفن

[عادل صموئيل]

احبائى

اقدم لكم من العيار التقيل جدا
اغنية نادرة لعبد الحليم حافظ

ياضنين الامس

طبعا لازم تسمعوا الملف الصوتى وانا نزلتها فى صفحة عبد الحليم حافظ واليكم الرابط

http://www.sama3y.net/forum/attachment.php?attachmentid=390790&d=1511327455

[سليم العباس]

تحية عطرة أستاذ عادل :
أقترح تدوين هذه الأغنية اللبنانية الخفيفة و الشهيرة بعنوان ( تمارة ) للمذيع اللبناني الراحل حكمت وهبي .

[علي ثلاثة]

[CENTER][/CENTEأستاذ عادل يعجز اللسان عن شكرك على كل هذه الأعمال الرائعة التي ما فتئت تتحفنا بها و هذا منذ البعيد فمهما شكرنا فإننا لانوفيك حقك
---
لمحمد عبد الوهاب أغنية أجمع الكثير على جمالها وهي أحب عيشة الحرية وأنا واثق أن الكثير سيتلقى تدوينها بقلب مفعم بالفرح والسرور
فإذا كانت أعمال عبد الوهاب كلها كنوزا فإننا كذلك نعتبر تدويناتك
وشكرا
[https://www.youtube.com/watch?v=gyj79kycFyY https://www.youtube.com/watch?v=9b9UkxVfjX8/CENTER] R]

[عاشقة العود]

أستاذ عادل مش عارفة ليش اغنية رائعة للسيد مكاوي "متفوتنيش انا وحدي "
لسا ما حد فكر يدونها ؟ انا بحثت عنها ما محدش دونها لحد هسا. يا ريت تدونها استاذنا الغالي. مع اطيب تحياتي :emrose::mdr:

[سليم العباس]

بعد التحية
الأستاذ عادل قد دون بالفعل أغنية وحياتك يا حبيبي ( ما تفوتنيش أنا وحدي)

[RABAB ZEAN]

مساء الخير استاذ نا
سمعت انهارده ترنيمه اسمها صفحه بيضا لفريق اسمه المس ايدينا مقدرتش انام الا لما اطلبها من حضرتك علي قد مهيا رقيقه و جميله شكرا جزيلا مقدما
الاخت العزيزة
ممكن تنزلى ملف صوتى او رابط يودينى مكانها وانا تحت امرك
مع اطيب تحياتى عادل صموئيل

[RABAB ZEAN]

https://youtu.be/mwq1n8c3RXA (https://youtu.be/mwq1n8c3RXA)
مع الشكر استاذ العزيز

[عادل صموئيل]

الاخ العزيز على ثلاثة
كنت طلبت تدوين احب عيشة الحرية
المشكلة ان الاغنية دى صعبة جدا فى الدتوين لأن عبد الواهب عامل ادليب كتير انا حاولت وكتبت المذهب والمقدمة بس ممكن ماحدش يعرف يعزفهم بالدقة المفروضة إلا اذا كان حافظ الاغنية وبيعزف سماعى

جرب النوتة المرفقة وقول لى
مع اطيب تحياتى

[عادل صموئيل]

الاخت العزيزة رباب
اقدم لكى ترنيمة

صفحة بيضا

الترنيمة دى من النوع اللى انا مش بعر ادونه لأنه زى التلحين بتاع دلوقتى انا حاولت واتمنى تعجبك وطمنينى عملتى فيها ايه
مع اطيب تحياتى

[علي ثلاثة]

أولا أشكرك شكرا جزيلا
وأحيي فيك الروح المعطاء
ومما زاد ارتياحي هو سرعة التدوين الرائع
صحيح أن الأدليب له إكراهاته
ولكني أجد منك تبصرا فأنت تقدر مستوانا المتواضع
وتقرب لنا البعيد
بحيث لانحرم
من مثل هاته الكنوز
وتعاملك مع المستويات المختلفة ولأزمان متتابعة
مكنك من ت\ليل الصعاب والوقوف على العقبات
فأكسبك طول المراس جميع مقومات تداركها

ومما ساعدني إلى حد ما هو حفظي لهاته القطعة ومثيلاتها
من أعمال رموز موسيقانا العربية
فشكرا لك مجددا
وأتمنى لك كل الخير ودمت في موفور الصحة وأحسن حال

[عمرو الهنداوي]

أستاذ عادل من فضلك خلي الأغنية الجميلة دي في الطابور عندك (ليلى مراد - اتمخطري ياخيل) انا عارف أنه التسجيل ردئ بعض الشىء .. بس مش لقي افضل منه متاح حالياً..

[عادل صموئيل]

احبائى

اقدم لكم رائعة ليلى مراد

اتمخطرى ياخيل

مع اطيب تحياتى

[سامى امين]

روووووووووووووووووووووووووووووووووووووووووووووعة :emrose::emrose::emrose:

[عمرو الهنداوي]

شكراً أستاذ عادل على نوتة السيدة ليلى مراد وشكراً على سرعة الاجابة

[عادل صموئيل]

احبائى
اليكم اغنية

تمارا

للاخ العزيز سليم العباسى انا مش بدون اللون دوه وكلمتى ما تنزلش الارض ابدا لكن عشان خاطرك تنزل المرة دى
مع اطيب تحياتى

[RABAB ZEAN]

https://4.bp.blogspot.com/-XBxqQ3VJdpE/WhW1rXE4pSI/AAAAAAABJfA/a-CAGrO3zWslGx0C4sSzS8L2sbNOBL-dgCLcBGAs/s1600/7032bbee082daf62708332df63af9c5b--two-hearts-sweet-hearts.jpg

جزيل الشكر استاذي العزيز
اسفه ان كانت الاغنيه حديثه شويه بس صوت البنت الي بتغنيها اد كده جميل فيها حبيت للونه بالموسيقى و ان شاء الله لما تخلص تبعت لحضرتك ملف صوتي بيها



تحياتى

[wahidfarid]

استاد عادل بعد التحية و التقدير انا اشكرك على هادا النشاط المستمر و اتمنى تتكرم بتدوين هما مين و احنا مين للشيخ امام وشكرا
https://youtu.be/U7Y9tAfApB0

[سليم العباس]

تحية طيبة أستاذ عادل :
بدايةً أحر التعازي بوفاة الفنانة الكبيرة شاديا إحدى أيقونات الغناء و التمثيل في العالم العربي ، و مثلها مثل الكبار ستظل باقية بقاء الزهور و الأغاني و الجمال..

أعتذر عن طلب أغنية لا تتوافق مع مزاج حضرتك . طلبي كان بسبب شهرتها في بلاد الشام و محبة الكثيرين لها..
أقدّر تدوينك لهذه الأغنية و تواضعك الذي يزيدك محبةً عند متابعيك و كما يقال : أشد العلماء تواضعا أكثرهم علماً.

[adib aburuman]

تحياتي وأشواقي
اريد أن أعزي الجميع وعلى رأسهم استاذي وحبيبي عادل صموئيل المحترم,
بوفاة معبودة الجماهير شادية الله يرحمها, بجد شرخ في قلبي
مش عارف شو هاي السنة 2017 الكئيبة والحزينة جدا, أنا لسة طالع من عزاء ابن عمي 59 سنة الله يرحمة
شو بدي أتحمل ت أتحمل,
سلام.

[منذر44]

استاذ عادل توثيقا لاغاني فيروز الخالدة ارجو تدوين اغنية فيروز وطني سماؤك
مع اجمل تحياتي

[عادل صموئيل]

احبائى
اقدم لكم اغنية من العيار التقيل جدا من اغانى فيروز القديمة

وطنى سماؤك حلوة الالوان

الاغنية دى صعبة جدا هى اصلا لما سمعتها كانت بياتى على درجة دو بس صعب تتكتب كده عشان فيها تحويلات مقامية كتير ممكن تعمل لخبطة ان عشان اكون متاكد من اللى بكتبه كتبتها اولا على درجى رى عشان البياتى يبقى طبيعى واى نغمات غريبة عن المقام تبقى صريحة .. وعملت منها نسخة من الدو عشان لو حد حب يعزف مع التسجيل من اهم مميزات اللحن ده انه مش محدد هوية بلد معينة يعنى ممكن يتعزف فى اى دولة

مع اطيب تحياتى

[منذر44]

الاستاذ العزيز عادل صموئيل
تعجز الكلمات عن شكرك خدماتك للفن سيذكرها التاريخ
بورك جهدك وسلمت للفن الاصيل يا مدرسة التدوين الجميل
مع تحية شامية معطرة باريج الياسمين

[منذر44]

استاذ عادل انك حقا اسطورة التدوين العربي
لم اتمالك نفسي من النشوة والغبطة وانا اعزف نوتة وطني سماؤك
انك حققت بتدوينك لهذه الاغنية الرائعة انجاز لم يسبقك اليه احد
لك في قلوبنا قصور من المحبة والتقدير

[يوسف قاسمي جمال]

اغنية عبد الوهاب الخالدة اصبح عندي بندقية ارجو ان يكون لها دور في طابور الطلبات
مع اجمل تحياتي

بعد اذن الاستاذ عادل صمويل اغنية عبد الوهاب الخالدة " اصبح عندي بندقية " من تدويني الى الاخ منذر

[أحمد البستاوي]

مساء الخير أستاذنا الكبير : عادل صموئيل . .
بعد التحية و السؤال عن الصحة و الأحوال . . نفيد سيادتكم علما بأن أغنية الأطفال : أبريق الشاي , لم تدوّن بعد . .
أبريق الشاي
كلمات : صلاح جاهين
ألحان : إبراهيم رجب
غناء : سيد الملاح
رابط الأغنية : أبريق الشاي (http://www.sama3y.net/forum/showpost.php?p=704693&postcount=98)
جدير بالذكر أن صلاح جاهين قد تأثر في كتابة هذه الأغنية بأغنية أنجليزية قديمة هي I'm A Little Teapot , في افتتاحية الأغنية , لكن ابداعه و إبداع الملحن إبراهيم رجب , و طبعا إبداع المؤدي الممتاز سيد الملاح , جعل من أغنية أبريق الشاي شيء أكثر بكثير من مجرد نسخة عربية للأغنية الإنجليزية . .
رابط أغنية I'm A Little Teapot (https://www.youtube.com/watch?v=AB4vzj93OGY) , على اليوتيوب
و كما عوّدتنا دائما بكرمك الذي لا حدود له مع الأطفال , أرجو أن يكون لهذه التحفة الصغيرة نصيب من التدوين مع حضرتك . .
و أخيرا و ليس آخرا , لك منا , سيدي الفاضل , أطيب الأمنيات بدوام السعادة و الصحة و راحة البال

[عاشقة العود]

بعد التحية
الأستاذ عادل قد دون بالفعل أغنية وحياتك يا حبيبي ( ما تفوتنيش أنا وحدي)

وااااااو ميرسي كثير خيي الغالي 😊😊

الاخت العزيزة

فيه اغانى كتير بيبقى لها ف السوق اسمين مختلفين لنفس الاغنية
مع اطيب تحياتى عادل صموئيل

[عادل صموئيل]

احبائى

مع اغنية لسيد مكاوى

بقا هى دى المحبة

مع اطيب تحياتى

[عادل صموئيل]

احبائى
مع اغنية من اغانى فريد الاطرش الخفيفة

انا وانت والحب كفاية علينا


لاحظوا ان ل فريد الاطرش كذا اغنية تبدا بكلمة انا وانت

مع اطيب تحياتى

[علي ثلاثة]

أستاذ عادل
الشكر على أغنية أنا وأنت والحب كفاية علينا
ولقد كنت بصدد اقتراح تدوينها
فجاء كرمك الفياض في إبانه
خصوصا وأنها في متناولنا وفي إتقان عال
فشكرا مجددا وألف شكر

[عادل صموئيل]

احبائى
اقدم للاخ البستاوى اغنية الاطفال

ابريق الشاى


هو حضرتك قلت لم تدون بعد .. احنا مش المفروض ندون كل الاغانى ولكن بندون الاغانى اللى ممكن يستفيد بيها اكبر عدد ممكن من الناس ... انا دونتها بناء على طلبك بس هى من الصعب ان حد يعملها لعدة اسباب .. يعنى اولا لازم يكون فيه صولو او مطرب زى سيد الملاح شوف الاداء واصل لنغمة فا فوق المدرج .. كمان مطلوب اطفال محترفين .. يعن صعب جدا جدا تنفيذها فى مدرسة وانا كنت 30 سنة تربية وتعليم ... لان الاغنية عيبها انها مش كوبليهات او كوبليه بيتكرر او لها معالم مميزة ولكنها طويلة اوى وممكن الواحد يتوه فيها
عموما انا عملت اللى عليا
مع اطيب تحياتى

[أحمد البستاوي]

احبائى
اقدم للاخ البستاوى اغنية الاطفال

ابريق الشاى


هو حضرتك قلت لم تدون بعد .. احنا مش المفروض ندون كل الاغانى ولكن بندون الاغانى اللى ممكن يستفيد بيها اكبر عدد ممكن من الناس ... انا دونتها بناء على طلبك بس هى من الصعب ان حد يعملها لعدة اسباب .. يعنى اولا لازم يكون فيه صولو او مطرب زى سيد الملاح شوف الاداء واصل لنغمة فا فوق المدرج .. كمان مطلوب اطفال محترفين .. يعن صعب جدا جدا تنفيذها فى مدرسة وانا كنت 30 سنة تربية وتعليم ... لان الاغنية عيبها انها مش كوبليهات او كوبليه بيتكرر او لها معالم مميزة ولكنها طويلة اوى وممكن الواحد يتوه فيها
عموما انا عملت اللى عليا
مع اطيب تحياتى

و الله أخجلتني بذوقك قبل كرمك يا أستاذنا الكبير . .
و الواحد بجد مش عارف يشكرك على إيه و لا إيه . . يعني أولا أنا متشكر جدا لحضرتك على اهتمام حضرتك , و على التدوين المتقن كالعادة . . و كالعادة لا مزيد على حضرتك . . و مهما كانت الأغنية مالهاش معالم مش ح تكبر على الأستاذ عادل صموئيل :emrose::emrose:
و ثانيا أنا متشكر جدا على توضيح الفكرة بتاعت جدوى التدوين . . شوف مثلا هي ممكن تكون كلمة صغيرة حضرتك بتقولها لكن بتفتّح قدامنا أبواب للتفكير . . الأغاني اللي كوبليهاتها بتتكرر أسهل على العازف , و خصوصا المبتديء أنه يؤديها . . دي نقطة مهمة جدا . .
و أنا مع حضرتك طبعا أن مش كل الأغاني لازم تتدوّن , و طبعا أغنية (أبريق الشاي) ممكن تكون صعبة ان طفل يحفظها و يؤديها بالكامل , لكن حضرتك عارف طبعا قد إيه أغاني الأطفال الجيدة قليلة جدا و المتدون منها أقل و أقل . . لو تفتكر حضرتك من كام شهر كنت طلبت أغنية (الشاطر عمرو للفنان الراحل عبد المنعم مدبولي) و حضرتك مشكورا قمت بتدوينها بطريقتك اللي بتخلي العزف ساهل . . و بناتي - 6 و 7 سنوات كانوا فرحانين بيها جدا . . و من ضمن الحاجات اللي عزفوها أغنية الأبجدية أ ب ت , و وحوي يا وحوي , و ذهب الليل , و ماما زمانها جاية من تدوين حضرتك . . و حضرتك طبعا عارف السن ده , هم عاوزين الحاجة بتاعت سنّهم . . اللي عاوز أقوله إن اللي حضرتك بتعمله باقي , و ناس كتير فعلا بتستفيد منه . . و في النهاية إحنا بس بنقدّم مجرد "اقتراحات" لكن الرأي في الأول و الأخير عن إيه اللي يستاهل يتدوّن هو رأي حضرتك طبعا . .
بأكرر شكري العميق لحضرتك يا أستاذ عادل , و دعواتي بدوام الصحة , و السعادة , و راحة البال , و ربنا يخليك لينا و ما يحرمناش منك أبدا . .

[منذر44]

الاستاذ العزيز عادل صموئيل كنت قد تقدمت منذ عامين لحضرتك بطلب تدوين
اغنية اسمهان رجعتلك وها انا اعيد الطلب متمنيا تدوينها

[إبن كار]

الاستاذ صموئيل الحبيب:
الف شكر لجهودكم العظيمة في تدوين هذا اللحن الجميل و هوا الليالي الحلوه و اتمنى لكم التوفيق الدائم و بمناسبة حلول العام الجديد اتمنى لكم كل عام وانتم بالف خير مع كافة العائله الكريمه.
أخيكم المخلض لكم
دانيال إبن كار

[سليم العباس]

أستاذ عادل بعد التحية استفسار : لماذا لم تدون أي من أغاني الفنان هاني شاكر ؟

[سليم العباس]

بعد مراجعة الفهرس المقدم من الأستاذ هيثم صالحي تبين أنني مخطىء ، فالأستاذ عادل دون أغنيتين للفنان هاني شاكر ( اعتقدتُ أنه ضمن القائمة السوداء غير المتاحة للتدوين كالفنانة أصالة أو ماجدة الرومي..)
أتمنى من الأستاذ عادل تدوين أغنية هاني شاكر ( علّي الضحكاية)

أرجو ممن لديه نوتة ليلة عيد أو jingle bells من تدوين الأستاذ عادل أن يرفعها لأنني لم أجدها في الفهرس .

شكراً و دامت أيامكم أعياد و ضحكات!

[بكر محمد دحدولي]

مرحبا استاذ سليم العباس اليك نوتة jingle bell من تدوين استاذنا الكبير عادل صموئيل . و احب ايضا ان ابارك استاذ عادل بشهر ديسمبر الفضيل :emrose:

[عادل صموئيل]

احبائى
اقدم لكم اغنية من العيار التقيل جدا جدا
اغنية لسمها انطلبت من سنتين وبصراحة ما اعتقدش اى مدون فى العصر الحالى ممكن يدونها بالذات لكمية الادليب الصعب اللى فيها وانتم عارفين اسمهان لما تطلع كل اللى جواها .. بس انا عملت عمل انتحارى اتمنى ان تعجبكم والحمد لله الادليب كتبته بدقة تصل الى 98% ودى للعلم حاجة مستحيلة حتى ايامنا زمان كان الادليب بيتكتب استرشادى والمطرب حافظ شىء واحنا بنتابعه واه شىء كان اللزمات الى بنرد بيها ع المطرب وبنقول زى المطرب بنمشى معاه يعنى

رجعت لك ياحبيبى

وانا اقدمها بكل فخر لنها انجاز يعنى اتمنى ان تحوز رضاكم بس المشكلة ان عشان تقول فى الادليب لازم تكون حافظ اللحن كويس
مع اطيب تحياتى

[عاشقة العود]

يا ريت استاذ عادل تدون أغنية ورقو الاصفر شهر ايلول. للسيدة فيروز. انا بحثت عن النوتة وما وجدت حدا مدونها. مع اطيب تحياتي:emrose:
https://youtu.be/EvHUkc2nX1U

[منذر44]

الكبير يبقى كبير
سعادتي بهذه النوتة لا تقدر بثمن
استاذ عادل
انها نوتة معجزة بكل المقاييس
ادامك الله زخرا للفن واطال عمرك

[عادل صموئيل]

احبائى

اقدم لكم من اعمال الفنان على اسماعيل

موسيقى الايدى الناعمة

ومرفق الملف الصوتى اللى كتبتها منه

مع اطيب تحياتى

[المنير]

اغنية من العيار التقيل و مدون من العيار الثقيل.و الله يا أستاذ صموئيل نحبك في الله و ندعو لك بالخير و طول العمر.
تحياتي.
نسخة من Do. عفوا.شكرا.

اخى العزيز هى كده كرد على الصول
انا مش فاهم طالك يعنى هى بتبدأ فا صول لا عايز ابتديها بحرف ايه ؟
وتحت امرك

[سليم العباس]

مرحبا استاذ سليم العباس اليك نوتة jingle bell من تدوين استاذنا الكبير عادل صموئيل . و احب ايضا ان ابارك استاذ عادل بشهر ديسمبر الفضيل :emrose:

شكراً جزيلاً أستاذ بكر:emrose: تحياتي و مودتي

[منذر44]

استاذ الكرم والذوق كله الاستاذ عادل صموئيل
ارجو تحويل نوتة رجعتلك الى درجة لا
وهي رغم صعوبتها جعلتها في متناول الجميع
فشكرا والف مليون تحية

[عادل صموئيل]

احبائى
اقدم لكم اغنية من العيار التقيل جدا
واشكر الاخت العزيزة عاشقة العود انها عرفتنا على اللحن الرائع ده لان اول مرة اسمعه

ورقو الأصفر شهر ايلول

فيه ملحوظة هنا فى الكوبليه الاول فيه موال صغير ... احنا مش بنتكب الموال لكن انا هنا كتبته لسبب احب تتعلموه
فيه نوعين من الادليب ... النوع اللى هنا ف اللحن ده وبيمثل عشرة % ... وده بيكون الملحن عامله ...وده بيكون مقنن جدا جدا ومحدد بحيث ان ممكن يتكتب ... ومقنن ليه عشان المطرب بيلتزم بيه فى كل الحفلات ما يغيروش ... اما النوع الثانى وهو بيمثل 90% وهو الموال ( او اادليب احيانا ) اللى الملحن بيترك فيه المطرب يصول ويجول زى ما هو يحب وبالطبع فيه ملوك للموال من اهمهم فريد الاطرشومحمد عبد المطلب والموال اللبنانى صباح وفيروز طبعا ... وده مش ممكن يتكتب لن الايقاع فيه بيبقى صعب جدا وحتى لو اتكتب صعب جدا ان يتقرأ او حتى لو اتقرأ حاتبقى انت سامع شىء تانى غير اللى انت سامعه فى التسجيل لن من المستحيل ضبط وتوافق الاثتنين وده فى النوتة الاصلية زمان كان بيتكتب كلمة موال واحنا بنمشى سماعى مع المطرب بنقول زى ما بيقول وتسمى فى السوق ترجمة ... لكن لو فيه لزمات فىوسط الموال محددة لازم طبعا بنلتزم بيها ودى بتكون مكتوبة طبعا بدقة ومن الملحوظ فى النوع ده ان المطرب بيرتجل وممكن لوقال نفس اللحن فى عشر حفلات كل مرة بيقول حاجة شكل يعنى ساعات بيبقى مزاجه عالى او جمهور جميل سميع بيقول عبقريات يعنى مع اطيب تحياتى

[سليم العباس]

كل الشكر أستاذ عادل على تدوين رائعة فيروز ذهب أيلول، التدوين كالعادة جاء ذهبياً و تدوين الموال بمثابة جوهرة أعطت النوتة بريقاً إضافياً.
بالمناسبة هذه الأغنية من كلمات جوزيف حرب و ألحان فيلمون وهبي هذا الملحن العبقري الذي كثيراً ما تنسب ألحانه الفيروزية إلى الرحابنة و من أشهر ألحانه لفيروز و التي تتسم جميعها بطابع شرقي :
يا مرسال المراسيل ـ أنا خوفي من عتم الليل ـ يا دارة دوري ـ فايق ياهوى ـ كرم العلالي ـ من عز النوم ـ طيري ياطيارة - على جسر اللوزية ـ البواب - ورقو الأصفر - لما ع الباب - ياريت - أسوارة العروس - طلعلي البكي - بليل وشتى - يا رايح - سوا ربينا- جايبلي سلام ـ ع الطاحونة

شكراً و دمت بخير

[منصور سعيد بخش]

من اجمل اغاني محمد عبده نتمنه تدوينها


https://youtu.be/4WMTxI5-Tlw

[عادل صموئيل]

بناء على طلب اخوتى الاحباء اقدم اغنية

رجعت لك يا حبيبى

نسخة من درجة لا
نسخة من درجة دو

مع اطيب تحياتى

[عمرو الهنداوي]

أستاذ عادل مساء الخير، في ثلاث أسئلة من فضلك:
- هو ليه في أخر أيام الفرقة الماسية، كان أستاذ احمد فؤاد حسن واقف يقود الفرقة بنفسه بدل ما كان في العادة يقودها ويعزف آلة القانون في نفس الوقت .. ده حتى في أخر الأيام، جاب عازف تأني يعزف مكانه وتفرغ هو بالكامل لقيادة الفرقة على المسرح ..

- العازفين اللي كانوا ما بيقروا نوتة فوري زي مجدي الحسيني، والرائع الحفناوي كنتم بتعملوا أيه معاهم في التسجيلات السريعة؟ وهل حاول حد منهم تعلم النوتة فيما بعد، ولا كانوا شايفين الموضوع بشكل أخر؟

- أحمد فؤاد حسن كان شايف مستقبل الماسية أزي بعده؟ وليه الفرقة ما قدرت تصمد وتشتغل بعد رحيله وازي فرقة أحضنت الزمن الجميل تنتهي بوفاة شخص حتى ولو كان قائدها..

كل الشكر
السؤال الاول : هو حس ان المايسترو الواقف يعنى مركز ادبى اكتر من قائد الفرقة الجالس ف حب يبقى مايسترو مع انها ما فرقتش من وقفته او قعتده لن الفرقة الموسيقية فى الزمن الجميل كانت بتحتاج قائد فرقة بيدخلهم وخلاص لن كلمة مايسترو المفروض اكبر من كده وبتستعمل كده زى ما حد يقول لك ياباشمهندس او يادكتور ... المايسترو الواقف شغلته بيقود اوركسترا بيعزف 12 خط لحنى فوق بعض زى الاوركسترا السيمفونى وفيه آلات بتدخل وآلات بتسكت .. آلات بتدخل بعد255 مازورة مثلا المايسترو هو اللى بيدخلها .. والمايسترو بيقرأ من بارتاتورة ودى بيبقى فيها التوزيع يعنى بيقرا من 12 سطر فوق بعض لكن احمد فؤاد حسن كان بيقررأ من ورقة زى اللى انا بكتبها هنا لذلك لو تلاحظ طول الوقت كان بيشاور وخلاص وحركته مالهاش لازمة لن الفرقة شغالة فعلا يعنى اهميته بس فى اول الدخل او النقلات فى السرعة بس برضه حسن انور بيبقى حافظ السرعة
السؤال التانى ... كان قيمة الحفانوى ان الملحن بيعيه لما يكون فى لحن فيه تقسيمة اساسا ... ولو الملحن حب انه يعزف صولو كانوا بيقعدوا مع بعض فى بيت الملحن ويحفظه الصولو وييجى التسجيل حافظ على طول .. اما مشكلة مجدى الحسينى .. انه كان اول ماظهر على الاورج مع الفرقة الماسية كان منتظم كل يوم ... كان طبعا بيعزف الصولوا بتاع الاورج .. كان المحلن بيقابله برضه قبل التسجيل وبيحفظه الصولو اذا كان صولو او اكتر بس كانت المشكلة الخطيرة انه بيبقى حافظ الصولو لكن مش عارف مكانه فين ... يعنى انت بتعزف اورج اول ماتدخل الاستدوديو بتبص ع النوتة تشوف لك صولو ولا لأ وتبقى متابع مكانه والفرقة بتعزف وتدخل فى مكانك الصح ... زى ما انت عارف زمان كنا بنعزف كلنا مع بعض وكان لو حد غلط لازم نعيد من اول المقدمة كان بيغلط فى الدخول لأن انت حتى لو عرفت املكان بتاع الصولو ومش عاره بالشعرة مكمن تدخل متحفز او متأخر شعرة يعنى خايف تدخل غير لما تكون بتقرا بتبقى واثق من نفسك ... المهم كان بيعطلنا كتير وده اللى خلا هانى مهنا قفز مكانه لأن الفرقة الماسية اهم حاجة البريما فستا .السؤال الثالث ... قبل انتهاء الزمن الجميل بفترة او فى الوقت الاخير كان دخل علينا الطريقة الجديدة بتاعة التراكات يعنى نلبس السماعات وبيشغلوا لنا اللحن بيكون حد مسجله من قبل بكمنجة واحدة مع الايقاع كان وقتها اسمه lay aut او الاساس يعنى ... طبعا كنا بنتضايق لأن لما تكون بقالك من يوم ما اتعلمت بتشتغل بطريقة وتقلب طريقة شغلك .. كنا بعد مانسجل اللحن كله نعيد تانى ونعز على تراك تانى يعنى عشان العشر كمنجات يبقوا عشرين كمنجة ... بعدين نعيد التسجيل مرتين كمان نعزف اللزمات اللى وسط الغناء فقط عشان يبقى اللزمات اعلى من الغناء .. يعنى الناتج يبقى صوتنا خفيف مع المرب ( اللى مش بشوفه اصلا ) وقوى فى اللزم ... وبعدين دخل للإذاعة ديسك جديد اليكترونى ادق فى المونتاج الالييكترونى يعنى ايه .. الاول لما كنا بنسجل كلنا مع بعض كان المنتاج بالمقص .. المونتاج الاليكترونى يعنى المهندس عنده 24 تراك بيحطنا على تراك رقم كذا مثلا لو احنا غلطنا بيوقفنا وبيرجع حتة صغيرة ويقول نعيد من هنا يعنى بيرجعنا قول كذا مازورة ويشغل احنا نسمع اللى عزفناه ويقول ادخلوا من هنا ندخل وهو بيصغط ع الزرار ونكمل العملية بينى وبينك بقت مقرفة .. يعنى فقدنا السلطنة او احساسنا بالجملة الجميلة ... بعدين ابتدت عملية اعدام الفرق الموسيقية ... احنا قلنا المهندس عنده 24 تراك لما كنا العشر كمنجات بنسجل كان بيحطنا على تراك رقم خمسة مثلا وبيعمل باقى التراكات safe يعنى الشريط ماشى وبيمسح ويسجل على التراك اللى احنا عليه فقط .. بعدين بيخلينا نقول اللحن تانى على تراك رقم 6 مثثلا هنا بيبقى كأنك جبت عشرين كمنجة ( واخد بالك ) يعنى لما تقول اللى انت بتقوله بيبقى كأنك زودت العدد ودى بيعملوها دلوقتى المطربين الفشلة تلاقيه بيسجل الاغنية مرة جواب ومرة قرار ويطلعوا مع بعض ... او بيسجل 3 مرات او 4 يطلع كأنه كورال يعنى الالعاب الزبالة اللى بيعملوها دلوقتى وماتحسش بصوت المطرب الاصلى ... ونرجع لعملية اعدام الفرقة ... حب المنتج يوفر اجر ال عشر كمنجات ... كان بيجيب 4 كمنجات فقط ويخليهم يعزفوا اللحن خمس مرات كل مرة على تراك يبقى انت سامع ييجى 15 كمنجة .. ومع تكرار الحركة دى ابتدا الاستغناء عن اعداد كبيرة من العازفين ... وشيئا فشيئا ابتدت الفرقة تتفكك يعنى الفرقة زى ما قلت من قبل يوم ما انا دخلتها كان سنى عشرين سنة كان متوسط اعمارهم خمسين ابتدوا يوصلوا ل 70 ومعظمهم اكتفى بكده وقال يعيش حياته بقا ... والفرق الخطير بين الفرقة الماسية وغيرها ان كان اهم حاجة فيها التجانس بين العازفين اللى مع بعض فترة طويلة مش زى الفرق التانية كان الاساسيين خمسة ولما يكون عندهم حفلة او تسجيل بيعمل فرقة من ع القهوة ... وبعدين كل الخراب جه مع بعضه يعنى رحيل العمالقة وتغير طريقة العزف والملحنين اللى ما رحلش اعتزل لأن ما ينفعش يسجل بالطريقة يعنى العملية كلها باظت فى وقت واحد مع اطيب تحياتى

[altaifi]

شكراً يا ما يسترو عادل على تدوين أغنية فيروز شهر أيلول .. ودام المزاج فيروزي يا ليت يتم وضع هذه الاغنية في الكيو ..
وشكراً جزيلاً ..
https://www.youtube.com/watch?v=iR5SK0O5dOM

[عادل صموئيل]

احبائى

اقدم لكم من اغانى هانى شاكر

على الضحكاية

والسؤال .. ليه انا مقل جدا فى تدوين اغانى هانى شاكر ... الرد ان عبد الحليم يوم ما ابتدا يضع قديمه على سلالم الفن كان اهم حاجة عنه الذكاء .. يعنى عرف ازاى يبقى فى القمة .. قمة القمم وفضل فيها لآخر لحظة .. مع ان للعلم كان فيه اسماء كتير لايقلوا عنه موهبة لكن كانوا اقل ذكاء عشان كده منهم اللى بقى فى المنتصف بين القمة والقاع ومنهم الى اعتزل ..
مشكلة هانى شاكر انه ابتدا بداية كبيرة يعنى اول مرة يغنى كان اكبر ملحنين وعلى الفرقة الماسية يعنى بدء نجم لكن الزمن الجميل لم يستمر وابتدأ الانحدار الموجود ... مشكلة هانى شاكر انه لو تمسك بطريقة غناء الزمن الجميل لكان اصبح شىء تانى .. يعنى الحان زى بتاعة زمان لكنه انجرب ورا الطريقة الحديثة ف مابقاش فيه فرق جذرى بينه وبين محمد منير ولا اللى عاملين نجوم دلوقتى مع انه افضل منهم ملايين المرات .. احنا فى نظامنا بنقيم المطرب بحاجتين ... قيمة موهبته وشطارته كمطرب ودى بنقيم عبد الحليم ب 100 درجة وانا اعطى هانى شاكر مش اقل من 90 درجة ( واعطى محمد منير مش اكتر من خمس درجات ومحمد فؤاد اقل من ال خمس درجات ... وزى ما فى كرة القدم الكورة اجوال عندنا فى الغناء المطرب عدد من الاغانى .. يعنى لما نقول عبد الحليم قد يصل العدد الى ماشاء الله وكلهم اغانى محفوظة ومشهورة لكن بالنسبة لهانى شاكر العدد توقف لما اتجه للطريقة الحديثة للغناء يعنى ماحدش بعد سيبونى احب وكذا اغنية ماحدش يفتكر له حاجة تانى يعنى هنا ... فى هذه الاغنية .. انا بتكلم معاكم بصراحة .. يعنى انا بدون لوجه الله وللمحبة للفن .. مش بعمل نفسى تعبت عشان لو باخد اجر يزودولى الاجر .. هذه الاغنية دونتها فى خمس دقائق .. وماتعبتنيش .. والاهم ما شغلتش مخى عان افك اى شفرة او اى حاجة صعبة او حتى فكرة يعنى لحن بيعتبر بسيط ان مكانش تافه ومش مكانة هانى شاكر ... اما اغنية رجعت لك انا دونتها فى يوم كامل ... كان ممكن فى اسبوع لكن تملكنى شيطان الفن او ملاك الفن ... يعنى انا كنت متحفظ انى ادونها من سنتين .. ولما ابتديت اما اكملها ( ومش حقوم إلا لما اخلصها ) او تقف غى ايدى فى جزء واركنها ( وساعات بيحصل ) فيها جمل عشان افك شفرتها قعدت ساعات وشغلت مخى كتير يعنى عصرت مخى من العبقريات سواء التلحين او الاداء وتذكروا عمار الشريعى فى غواص فى بحر النغم ... هو كان كفيف يعنى ما يقرش يدخل مكتبة الشرائط ويقعد يختار ويفاضل بين شريط وىخر كان اى شريط بيقع فى ايده بيعمل عليه حلقة .. ليه ؟ لأن كل اغنية فيها كمية شغل .. رحم الله الزمن الجميل ومع اطيب تحياتى

[عمرو الهنداوي]

أستاذ عادل شكراً لرد حضرتك على أسالتي حول الأستاذ أحمد فؤاد حسن .. أنا قرأت رد حضرتك في بوست هاني شاكر بس عايز حضرتك تشرح لنا نقطة مهمة حضرتك تكلمت عنها وهي "ذكاء الفنان".. الذكاء في الفن بيكون أزي؟

يعني مثلا يبعد عن السياسة في الفن، أو يبعد عن المشاكل والصراعات، أو يمنع وجود أشخاص منافسين له، أو دائما يطور فنه أو نفسه ويقدم حاجة جديدة؟ الذكاء في الفن بيقي أزي؟ يعني أم كلثوم كانت ذكية وعبد الوهاب كان ذكي .. بس يعني على أرض الواقع، كانوا بيعملوا أيه علشان يبقوا كده..

كل الشكر

[منذر44]

الله الله يا استاذ عادل
يوم حافل بالمعلومات القيمة والذكريات الجميلةوالنوت الرائعة
وكل هذا لوجه الله والفن
لا اظن يوجد ارقى من هذا
مع محبتي

[سليم العباس]

تحية أستاذ عادل و شكراً من القلب لتدوين أغنية عليّ الضحكاية
أتفق مع حضرتك أن مستوى معظم الأغاني قد تناسب عكسياً مع الزمن ، فكلما تقدم تراجعت القيمة الفنية للأغنية، هاني شاكر لم يكن استثناء بل اتبع نهج مطربين آخرين سلكوا الدرب نفسه مثل وردة وميادة ...
هل كان أمام هاني شاكر أو لنظرائه الخيار للاستمرار بأغاني طربية في عصر طغت عليه الأغنية السريعة؟ باعتقادي أنه اضطر إلى مجاراة إيقاع العصر السريع بدلاً من دفع ثمن غال هو الغياب عن الساحة الفنية و القطع الاختياري لمصدر رزقه، وأعتقد أنه نجح إلى حد كبير في الجمع ما بين المعاصر وبعض من ملامح الفن الأصيل و بالأخص فيما يتعلق بكلمات أغانيه و موضوعاتها. بالنسبة لنا كمستمعين الاستماع لأغاني جديدة متوسطة الجودة أفضل بالتأكيد من سماع الرخيصة و المبتذلة منها.

شكراً وطاب يومك.

[عادل صموئيل]

احبائى

من اغانى ليلى مراد الجميلة

انت ونا اتنين سوا

مع اطيب تحياتى

[عادل صموئيل]

احبائى

اقدم لكم رائعة فيروز

ياريت منن

ملحوظة فيه تقاسيم قانون فى المذهب بس احنا طبعا مش بنكتبهم
مع اطيب تحياتى

[تامرتامر]

مساء الخير أستاذنا الكبير عادل صموئيل المحترم يعطيك الف ومليون عافية على التدوين الجميل ياربت تتكرم علينا بتدوين أغنية هاني شكر (ياريتك معايا ياحبيبي ) وعقبال أغنية وردة الجزائرية -ياحبيبي بحبك صدقني- عندما يسمح وقتك وشكرا لك مني كل الاحترم والتقدير رابط الاغنية https://youtu.be/f978YPj1L3o

[عادل صموئيل]

احبائى

مع اغنية خفيفة لصباح

روح على مهلك

مع اطيب تحياتى

[عادل صموئيل]

احبائى

اغنية من روائع الحان الفنان احمد صدقى للعبقرية ليلى مراد

شفت منام واحترت انا فيه

مع اطيب تحياتى

[عادل صموئيل]

احبائى

من روائع فيروز

طلع لى البكى

مع اطيب تحياتى

[سليم العباس]

كل المحبة و الامتنان أستاذ عادل على كل هذه الهدايا
الموسيقية الرائعة و بالأخص أغنيتا فيروز طلعلي البكي و ياريت
لو تكرمت بوضع أغنية أيام العيد لفيروز ضمن قائمة التدوينات
أتمنى لحضرتك و للجميع كل ما تتضمنه هذه الأغنية من أمنيات :emrose:

[altaifi]

احبائى

اقدم لكم رائعة فيروز

ياريت منن

ملحوظة فيه تقاسيم قانون فى المذهب بس احنا طبعا مش بنكتبهم
مع اطيب تحياتى

والله ما أعرف ايش أقول وايش أعيد .. يعجز اللسان ويبخل القاموس بكلمات شكر توفيك حقك يا استاذ عادل .. نهر متدفق للجميع ... قمة الرقي والعطاء ..

[qusay.qq]

والله ما أعرف ايش أقول وايش أعيد .. يعجز اللسان ويبخل القاموس بكلمات شكر توفيك حقك يا استاذ عادل .. نهر متدفق للجميع ... قمة الرقي والعطاء ..

تحياتي استاذنا الفاضل عادل صموئيل
إذا ممكن تدوين أغنية بليل وشتي للسيدة فيروز...هي من ألحان فليمون وهبة وكلمات الشاعر جوزيف حرب ولكم جزيل الشكر. وهذا رابط الأغنية
https://www.youtube.com/watch?v=DwMAV_jCUrg

[عادل صموئيل]

احبائى

اغنية هانى شاكر

ياريتك معايا يا حبيبى

مع اطيب تحياتى

[عمرو الهنداوي]

أستاذ عادل شكراً لرد حضرتك على أسالتي حول الأستاذ أحمد فؤاد حسن .. أنا قرأت رد حضرتك في بوست هاني شاكر بس عايز حضرتك تشرح لنا نقطة مهمة حضرتك تكلمت عنها وهي "ذكاء الفنان".. الذكاء في الفن بيكون أزي؟

يعني مثلا يبعد عن السياسة في الفن، أو يبعد عن المشاكل والصراعات، أو يمنع وجود أشخاص منافسين له، أو دائما يطور فنه أو نفسه ويقدم حاجة جديدة؟ الذكاء في الفن بيقي أزي؟ يعني أم كلثوم كانت ذكية وعبد الوهاب كان ذكي .. بس يعني على أرض الواقع، كانوا بيعملوا أيه علشان يبقوا كده..

كل الشكر
الذكاء ده شىء يطول شرحه .. يعنى اول حاجة يشتغل ازاى ... ايه الشغل اللى يرفعه وايه اللى يجيبه الارض .. يعنى مثلا مثلا فيه ممثلين كتير زى آسر ياسين مثلا .. بيمثل وخلاص كل افلامه القصة زبالة .. ده بيخليه ينزل تحت .. الفنان الذكى بيختار يعمل ايه ومايعملش ايه ... يعنى عبد الحليم كان افلامه كلها مختارة بدقة بس ابى فوق الشجرة كان دمه تقيل وبعدها ما مثللش تانى .. واحد زى كمال حسنى ... كان مطرب ممتاز لكن لما مثل نزل كتير لان دمه تقيل فى التمثيل .. ومحرم فؤاد عمل افلام زبالة وبعض الاغانى زبالة دى بتضيع الشغل الحلو .. فيه حاجة كمان خطيرة جدا .. لازم تبقى حلو مع الحكومة ... ودى مشكلة مالهاش حل .. بالذات كان ايام عبد الناصر كان فيه بداية مراكز القوى وكانوا طول الوقت فى مخهم المؤامرة لقلب نظام الحكم .. هو كان فيه الاخوان طبعا بيعملوا مؤامرات بس كان فيه ابرياء بتروح ف الرجلين .. بعد النكسة كان فيه اغنية واللى شبكنا يخلصنا .. المركز دى كانت اى كلام بيتقال بتعتبره اسقاط يعنى بيلسن على النظام كان كلمة خيال الشعراء دى مش ف قواميسهم خالص لدرجة انهم مثلا سجنوا مصطفى امين .. واعتبروا ان الاغنية دى على عبد الناصر انه دبسنا ف النكسة ومنعوها لحد ما جه السادات رجعت تانى .. ودايما ف كل بلد فيه بيبقى شلل واجزاب .. المفروض الفنان يبتد عنهم يعنى سلامو عليكم مش اكتر لأن كان بيبقى بينهم حروب وممكن اللى يصاحب طرف منهم يروح ف الرجلين ... كمان اخطر شىء لما صحفى يسأل سؤال .. الاجابة لازم تكون بقدر الامكان ماتتفهمش حاجة تانى ... يعن بعد فيلم ايام وليالى اللى كان فيه صلاح نظمى الفتى الشرير جت سيرة صلاح نظمى واتفهم ان عبد الحليم قال عليه دمه تقيل ومع ان دمه تقيل فعلا إلا ان اعداء عبد الحليم كبروها ف دماغه وخلوه رفع قضية على عبد الحليم ورد عبد الحليم انا ماقلتش دمه تقيل انا قلت انه احسن واحد فى مصر يمثل دور الراجل اللى دمه تقيل وانا كده بمدحه ... اكله يعنى ( شوية صياعة ) .. اخطر حاجة كمان عدم الانصياع ورا الموضات الجديدة ... وبرضو كان له هفوات بس بسيطة يعنى مرة اصدقاء السوء قالوا له طور نسك واشتغل على باند عشان تبقى عالمى زى ديميس روسوس كان وقتهانجم ف اوروربا ... وفعلا عمل وصلة اولى نبتدى منين الحكاية والوصلة التانية خلانا نروح وعملها مع باند اورجات وجيتارات وكان زبالة الزبالة لأنه ما ينفعش يغنى من غير كمنجات .. ومنع عرض الشريط ده إلا انه اتسرب بعد وفاته ... كمان اختيار الملحن ... يعنى ما اشتغلش مع السنباطى حس انه مش لونه .. او ما ياخدش اغانى كتير ورا بعض من نفس الملحن لأن النكهة بتضيع .. زى ما وردة عملت اانى كتير جدا مع سيد مكاوى ورا بعض بقوا كلهم شكل بعض وضاعت اهم خاصية فى اغانى الزمن الجميل وهى ان كل اغنية مالهاش اخت شبهها ... كان بيجرب حاجت بس برضه بالذكاء يعنى حب يجرب اغنية 3 دقائق بعد الاغانى الطويلة عمل انا كل ما اقول التوبة .. هى كقيمة فنية قليلة بس اهى تلوين ةبعدها رجع للأغنية الطويلة تانى ... بس لو تلاحظ انه مع بليغ كان بيبقى المذهب اللى بيتعاد فى كل كوبليه حتة كبيرة عشان المستمع يحفظه بسرعة لأن الاغانى اطويلة اللى زى الحان عبد الوهاب كان المستمع عشان يحفطها ياخد له شهر ...لأن انت مش بتستمتع بالاغنية غير لما تسمعها كتير وتحفظها .. والذكاء لازم يرتبط بحاجات من اهمها عدم البخل ... يعنى هو حس ازاى السلطنة الرهيبة فى اغانى ام كبقوم ومع انها نفس الفرقة ,,, اكتشف ان الفرقة فى الماسية بيقروا من نوتة لكن مع ام كلثوم بتعمل 45 بروفة عشان يحفظوا اللحن ولما يحفظوا بيدوك احلى سلطنة ممكنة لن النوتة بتقضى على السلطنة وللعلم رياض السنباطى كان مش بيحب النوتة ... يعنى كنا فى البروفات بعد مانقرا الجملة كويس يمسك العود ويعمل فيها حاجات ويقول احفظوها كده ... وبعد وفاة ام كلثوم كان الفرصة ممهدة قدام حليم انه يعمل بروفات كتير ... القدر اللى كان بيتعمل بيه اسبوع بروفات .. هو خلاها شهر ونصف .. طيب الفرقة لازم تقبض العدد الزيادة كان بيدفعه من جيبه ... وكان بيزود عدد الكمنجات والكورال وبرضه بيدفع من جيبه الخاص الفرق عشانيعمل احلا شغل ممكن ... اخطر حاجة فى زيادة عدد البروفات ان كان الملحن وبالذات عبد الوهاب طول البروفات بيقعد يغير ف اللحن يضيف ويحذف يعنى يشيل جمل ويحط جمل بحيث ان الحن يوم الحفلة يبقى مش ممكن احسن من كده ودى ماتتوفرش فى البروفات القليلة لنه بيسجل اللى اتعمل وخلاص ... كمان البروفات الكير كانت بتدى عازفى الايقاع انهم يحفظوا اللحن ويدلعوه ... يعنى فيه فرق بين ضابط الايقاع لما يعزف وخلاص وبين انه يكون حافظ اللحن كويس وعارف كل حتة ممكن يعمل فها حليات ايه .. يعنى موضوع مايكفيش الكلام فيه صفحات وتحياتى

[عاشقة العود]

احبائى
اقدم لكم اغنية من العيار التقيل جدا
واشكر الاخت العزيزة عاشقة العود انها عرفتنا على اللحن الرائع ده لان اول مرة اسمعه

ورقو الأصفر شهر ايلول

فيه ملحوظة هنا فى الكوبليه الاول فيه موال صغير ... احنا مش بنتكب الموال لكن انا هنا كتبته لسبب احب تتعلموه
فيه نوعين من الادليب ... النوع اللى هنا ف اللحن ده وبيمثل عشرة % ... وده بيكون الملحن عامله ...وده بيكون مقنن جدا جدا ومحدد بحيث ان ممكن يتكتب ... ومقنن ليه عشان المطرب بيلتزم بيه فى كل الحفلات ما يغيروش ... اما النوع الثانى وهو بيمثل 90% وهو الموال ( او اادليب احيانا ) اللى الملحن بيترك فيه المطرب يصول ويجول زى ما هو يحب وبالطبع فيه ملوك للموال من اهمهم فريد الاطرشومحمد عبد المطلب والموال اللبنانى صباح وفيروز طبعا ... وده مش ممكن يتكتب لن الايقاع فيه بيبقى صعب جدا وحتى لو اتكتب صعب جدا ان يتقرأ او حتى لو اتقرأ حاتبقى انت سامع شىء تانى غير اللى انت سامعه فى التسجيل لن من المستحيل ضبط وتوافق الاثتنين وده فى النوتة الاصلية زمان كان بيتكتب كلمة موال واحنا بنمشى سماعى مع المطرب بنقول زى ما بيقول وتسمى فى السوق ترجمة ... لكن لو فيه لزمات فىوسط الموال محددة لازم طبعا بنلتزم بيها ودى بتكون مكتوبة طبعا بدقة ومن الملحوظ فى النوع ده ان المطرب بيرتجل وممكن لوقال نفس اللحن فى عشر حفلات كل مرة بيقول حاجة شكل يعنى ساعات بيبقى مزاجه عالى او جمهور جميل سميع بيقول عبقريات يعنى مع اطيب تحياتى

مشكورة كثير استاذ عادل بالفعل حضرتك موسيقار بكل معنى الكلمة واكبر اثبات تدوينك لهيدي الاغنية الصعبة يعني كل اغاني فيروز دونت ما عدا هيدي الاغنية لانها صعبة وفهمك كفاية . الله يطول لنا بعمرك يا رب:emrose::emrose:

[سامى امين]

:emrose:الاغنية دى صعبة قوى يس حلوة بفكر حضرتك باغنية عقبالك يوم ميلادك بتاعت عبد الحليم حافظ :emrose:

[تامرتامر]

السلام عليكم ورحمة الله وبركاته أستاذنا العزيز عادل صموئيل يسلمو ايديك على تدوين أغنية هاني شاكر-ياريتك معايا ياحبيبي- الله يطول عمرك ويمتعك بالصحه والعافيه يارب

[wahidfarid]

شكرا استاد عادل على هادا العطاء المتواصل و على فكرة نوتة روح على مهلك قد سبق تدوينها من طرف المرحوم نزيه محمد و اتمنى ان يتم تجميع كل نوتاته في صفحة واحدة

اخى العزيز انا ما كنت عارف
لأن الاغنية انطلبت منى من صفحت نوتاتى على الفيس بوك ولما دونتها حبيت انزلها لكم هنا فى المنتدى
اما موضوع تجميع الاغانى الخاصة بالمرحوم الاستاذ نزيه محمد فى صفحة واحدة الامر متروك للخبراء .. الاخ العزيز هيثم

مع اطيب تحياتى

[عادل صموئيل]

احبائى

اقدم لكم اغنية فيروز من الطرب التقيل جدا

بليل وشتى

للعلم الاغنية دى صعبة جدا والنوع ده بيستحسن يتعزف سماعى عشان القراءة من النوتة بتقول النغمات لكن مش بتدى الاحساس

مع اطيب تحياتى

[qusay.qq]

احبائى

اقدم لكم اغنية فيروز من الطرب التقيل جدا

بليل وشتى

للعلم الاغنية دى صعبة جدا والنوع ده بيستحسن يتعزف سماعى عشان القراءة من النوتة بتقول النغمات لكن مش بتدى الاحساس

مع اطيب تحياتى
ملأت قلبي فرحاُ ...لا أعرف كيف أشكرك أستاذنا الرائع عادل صموئيل على تدوين / بليل وشتي/ أتمنى لك وافر الصحة والعافية..دمت بألف خير .شكراُ

[سليم العباس]

تحية طيبة أستاذ عادل
لو سمحت أريد نسخة من أغنية بليل و شتي على درجة سي نصف بيمول

اخى العزيز
اكاديميا ماتنفعش تبقى من سى نصف بيمول لكن ممكن تبقى من سى بيمول شوفها كده بس للعلم بقت يمكن اصعب من الاصل

مع اطيب تحياتى

[عادل صموئيل]

احبائى

اقدم لكم اغنية فيروز

بها العيد

انا اول ما سمعتها وكانت اول مرة اسمعها هنا ثلت مش حادونها .ز لن كلها ادليب ... والادليب مش بيتكتب زى ماقلت مئات المرات حتى فيروز هنا وهى بتسجلها اجزم بنسبة 99% ان كانت النوتة قدام الفرقة مكتوب كلمة موال او ادليب وهى بتقول اللى حافظاه والفرقة بتمشى معاها زى ما كنا بنعمل فى الماسية .. لكن لما لاخ العزيز طلبها ومعاها المعيدة الرقيقة ان قلت ممكن يكون حافظها وهنا يبقى تأدية الادليب ممكن ... لن لو مش حافظها والنوتة تبقى اتترشادية حاتطلع لحن تانى ... لأن الادليب بيبقى العلامات الايقاعية مش بمقاساتها الحقيقية ممكن اطول كوما او اقصر كوما والتغيير ده ان ما اتعالجش او اتعمل له عملية تجبير بالسماعى والحفظ بيطلع لحن تانى او حاجات غلط ... حتى النغمات ... يعنى انت سامع فا لكنها هى بثوتها بتعمل معاها حرف خفى فى العُربة
المهم طمننى اديت الادليب وحسيت انك عملت شىء ام لا
وللعلم انا دونت اادليب ده بتحدى نفسى لأن بالطبع ماحدش كان ممكن يكتبه
مع اطيب تحياتى

[سليم العباس]

أستاذ عادل بعد التحية و الشكر لحضرتك :

بالنسبة لأغنية بليل و شتي ربما حصل سوء فهم أو أنني لم أحدد طلبي بشكل دقيق ، النسخة التي أردتها هي هزام راحة الأرواح ( سي نصف بيمول ، مي بيمول ) و موسيقا الكوبليه سيصبح بياتي على درحة ري . لقد أعدت كتابة تدوينك للأغنية حرفياً على السبيليوس و حولتها إلى راحة الأرواح ، فأصبحت أسهل في العزف بالنسبة لي .

بالنسبة لأغنية أيام العيد عندما طلبتها من حضرتك كنت أقصد الأغنية فقط مع العلم أنني أعشق الموال الذي يسبقها.. كانت مفاجئة مذهلة عندما رأيت الموال و قد دونته حضرتك بطريقة رائعة و سلسلة و بإيقاع بدا لي موزوناً بشكل متقن و بالطبع حضرتك كسبت التحدي.. و هذا ما سيلاحظه أي عازف يقرأ نوتة الموال .
ملاحظة : أعتقد أن حضرتك قد نسيت أن تعدل دليل المقام لأغنية أيام العيد عندما تبدأ الأغنية .

أشكر حضرتك و دمت بألف خير


الاخ العزيز
انا صلحت المقام والف شكر للتذكير مع اطيب تحياتى

هو كمان عادة مشكلة الادليب ان لازم يكون الواحد حافظه جدا لأنه ما ينفعش يتقال نغمات بحجم العلامات الايقاعية لأم زى ما كررنا من قبل العلامات بيبقى اطوالها فى اادليب مش الاطاول الطبيعية اما اللخبطة اللى حصلت فى انى مافهمتش قصدك ان فيه مقام بيبقى بيدأ من السيكاه او الهزام

[عادل صموئيل]

احبائى

اقدم لكم اغنية عبد الحليم حافظ

عقبالك يوم ميلادك

مع اطيب تحياتى

[عادل صموئيل]

احبائى
اغنية الفنان زكى ناصيف

نقى لى احلى زهرة

مع اطيب تحياتى

[amrnabmans]

مستر عادل بعد التحية
في اغنية بديعة لفيروز من ألحان فيلمون وهبة اسمها (أسامينا)
متأكد لو حضرتك سمعتها هتنول اعجابك
https://www.youtube.com/watch?v=m3wws2B8-9E

[سامى امين]

:emrose:هيههههههههههههههههه مستر عادل يا جميل جدا يا احسن مايسترو فى مصر شكرا جدا جدا جدا:emrose::emrose:

[تامرتامر]

تحياتي استاذنا الكريم عادل صموئيل ياريت من بعد اذنك اذا ممكن تحويل أغنية هاني شاكر ( ياريتك معايا ياحبيبي ) على درجة الدو وشكراً

اخى العزيز

اليك النوتة مع اطيب تحياتى

[qusay.qq]

تحياتي واحترامي أستاذنا /عادل صموئيل / من بعد أذنك في أغنية جميلة للسيدة فيروز ممكن تدوينها وأعتقد الأغنية حتعجب حضرتك..ولكم جزيل الشكر ...هذا رابط الأغنية .

https://www.youtube.com/watch?v=RaXoJHnMX_Q

[عادل صموئيل]

احبائى
اليكم اغنية فيروز

اسامينا

بس فيه ملحوظة اول الاغنية تقسيمة قانون ودى مش بتدون كمان اللحن صعب جدا على المبتدئين

مع اطيب تحياتى

[وائل علوي]

استاذي الغالي
عادل صموئيل
تحية طيبة وبعد,,
لي طلب مستعجل جدا ومش هياخذ في ايدك غلوة خصوصا ان حروف النوتة جاهزة في الرابط
وهو نوتة موسيقى مسلسل Game of Thrones الشهير
موسيقى في غاية الجمال والروعة
ومطلوبه مني من احد تلامذتي
ياريت تكتبها باسرع وقت
اسف جدا اني بتقل عليك وكلي عشم فيك وفي كرمك
مع خالص تحياتي واشواقي
ياوائل انا مش فاهمها مايهاش لحن خالص حروف عمالة تتكرر تتسمع فقط ومالهاش قيمة فى العزف يعنى هى موسيقى تصويرية مع صورة
https://www.youtube.com/watch?v=7HMrSWqX9gY

[تامرتامر]

مساء الخير أستاذنا العظيم عادل صموئيل لاأعرف كيف أعبر شكري وتقديري لك على ماتقدمه لنا من تدوينات موسقيا وبل أخص نوتة هاني شاكر -ياريتك معايا ياحبيبي - وفيروز تحياتي

[عادل صموئيل]

احبائى
اقدم لكم اغنية فيروز

البير المهجور


مع اطيب تحياتى

[qusay.qq]

احبائى
اقدم لكم اغنية فيروز

البير المهجور


مع اطيب تحياتى

لك ترفع القبعات وتنحني الهامات أستاذنا /عادل صموئيل / شكراُ لجهودك وكل ميلاد وأنت بألف خير .

[برهان عواد]

الأستاذ الكريم عادل صموئيل,

أتمنى لحضرتك و الأخوة الأعضاء

ميلاداً مجيداً موفورً بالصحة والطمأنينة والسعادة.

أدام الله ,بإذنه, نعمه عليك وزادك من عطاءه.

[سليم العباس]

تحية طيبة أستاذ عادل
أرجو تدوين هذه الأغنية للفنان سعدون جابر بعنوان حب لهفة
الغناء يبدأ عند الدقيقة الثالثة ( بالطبع إذا ما أردت حضرتك تدوينها)
و شكراً و أعياد مجيدة لكل الناس.

[عادل صموئيل]

احبائى اليكم اغنية فيروز

شايف البحر

مع اطيب تحياتى

[qusay.qq]

أسعد الله أوقاتك أستاذنا الفاضل /عادل صموئيل / بما اننا نتجول في دوح أغاني السيدة فيروز وأعرف أنني أثقل عليك بالمطالب , أرجو تدوين / لملمت ذكرى لقاء الأمس / ولكم جزيل الشكر وهذا الرابط

https://www.youtube.com/watch?v=Sj7wu1AJWfs

[محمد المقامي]

السلام عليكم قبل فترة عندي صديق مصري راد مني اغنية شيرين بلادي بلادي ياام البلاد ما وجدتها عدكم اعتقد نوتة ماموجودة ؟!

[tooth]

مجهود رائع استاذ عادل ياريت نوتات محمد ثروت مع خالص التحيات

[سليم العباس]

شكراً أستاذ عادل على التدوين المميز لأغنية شايف البحر لفيروز

مع ملاحظة قد لا تكون مهمة لمن يحفظ الأغنية لكن أعتقد أنها يجب أن تكتب في النوتة وهي نسيان حضرتك لادراج رمز إعادة المازورة 1 ثم 2 في غناء الكوبليه.

أطيب التحيات و شكراً على كل هذه الروائع الفيروزية.

شكرا وصلحتها مع اطيب تحياتى

[عادل صموئيل]

احبائى

مع اغنية فيروز

لملمت ذكرى لقاء الامس

مع اطيب تحياتى

[منذر44]

روائع فيروزية ولا اروع
والاروع هو التدوين الرائع للمايسترو عادل صموئيل
قائد التدوين الموسيقي العربي
اغنية وطنية رائعة شدت بها حنجرة فيروز الذهبية
وتنتظر فارس التدوين كي يروضها
اغنية حملت بيروت
شكرا من القلب لمن جعل اصعب الاغاني سهلة العزف
نعم نحبك يا من كل يوم تسعدنا
دمت بخير

[qusay.qq]

استاذنا الكبير / عادل صموئيل / أنت تدخل السعادة إلى قلوبنا بعطاءك اللامحدود بتدوين مانطلبه منك ولا أعرف كيف
أشكرك ..تمنياتي لكم بدوام الصحة والعافية . تحياتي واحترامي لشخصكم الكريم ...شكراً...شكراً

[منصور سعيد بخش]

نتمنه تدوين لو تعرفو اصاله نصري

[عاصم المنشاوى]

أستاذ عادل....

صباح الخير على حضرتك...

فيه أغنية للأطفال عاجبة سارة بنتى وبتقولك "من فضلك ياأونكل عادل دونها لبابا عشان نغنيها سوا...

الحقيقة الأغنية عمرها عشرين سنة وهى حديثة شوية وأتمنى تعجب حضرتك...لكن هى تنفع لكل الأوقات وللمدارس ...
سهلة وبسيطة وكوبليهات مكررة....وتنفع كل مدرسين الموسيقى اللى حابين يخرجوا من دائرة الأكليشيهات بتاعة كل سنة..
انا شخصيا عاجبنى فيها أن الشاعر مؤلف الأغنية عبر عن كلمة (ماما) بطريفة مختلفة...فهى مرة (أمّة بفنح الألف وشد الميم وفتح التاء المربوطة) ومرة (أمى) ومرة (مامى) ...كأنهن 3 بنات بيغنوا...واحدة من الطبقة الشعبية وواحدة من الطبقة المتوسطة وواحدة من الهاى كلاس...وعمل القافية على كدة ..
فهى "أمه أمى مامى ...وردة من احلامى...أغلى من أيامى..أنتى ورايا وقدامى"...
وبعدين تقول " مامى امى أمة.."ضحكة بوسة ضمة...روحى عمرى لما ...ابقى عروسة ولمّة...
ولما تيجى ل أمى" أمة مامى امى "حلوة لما تسمى...وتحنى وتضمى...وتراعى وتهتمى"....

هى من ألحان الملحن الليبى: أبراهيم فهمى...

لو حضرتك ح تدونها يبقى استسمحك بعد 3 ايام بعد مرور فترة الحداد على شهدائنا الأبرار...ضحايا كنيسة حلوان....

[عمرو الهنداوي]

أستاذ عادل كل سنة وحضرتك طيب وسنة سعيدة علينا كلنا إن شاء الله

[أحمد البستاوي]

سنة جديدة سعيدة على حضرتك يا أستاذ عادل و على جميع أعضاء المنتدى . . و إن شاء الله يكون اللي جاي أحسن من اللي فات . . و ربنا يديم عليك الصحة و الستر و راحة البال يا أستاذنا . .

[تامرتامر]

السلام عليكم ورحمة الله وبركاته سنة سعيدة عليك أستاذنا القديرعادل صموئيل و كل عام وانتم بخير وجميع اعضاء المنتدى بخير تحياتي

[wahidfarid]

أستاذ عادل أتمنى لك و لكل اعضاء هدا المنتدى الكريم سنة سعيدة 2018

[خليل سليم]

كل عام وانت أستاذ عادل المحترم بخبر والصحة وإلعمر المديد ولأعضاء المنتدى المحترمين عام سعيد مجيد وشكرا أستاذ عادل على العطاء المستمر وحفظك الرب ...

[qusay.qq]

أستاذنا الرائع / عادل صموئيل / كل سنة وأنت وجميع أعضاء المنتدى بالف خير مع تمنياتي لكم بدوام الصحة والعافية .

[عاصم المنشاوى]

أخيرا جاءت سنة 2018 ...لكى تنتهى ال7 سنين العجاف...ونتفاءل كلنا خيرا...
بأن ينتهى الغباء والعند والأنانية من الكبار .....ويارب كتر أفراحنا ....وتخللى الحزن بعيد عنا..ونقول للفرح أستنى....صباحكم نهار بيضحك ....


كل سنة وانت طيب واليك اغنية امة امى ماما
مع اطيب تحياتى

[wahidfarid]

بمناسبة الدكرى ال 43 لوفاة فريد الآطرش ارجو من آستادنا عادل ان يدون لنا بعض الأغاني زي ما تعمل مع فيروز (8 أغاني متتالية) و اقترح الأغاني التالية و شكرا مسبقا
* بتامر على الراس و العين
https://youtu.be/HTnGCXN8UAw
* إديني ميعاد
https://youtu.be/TO21Bqu1y90
* إيه فايدة قلبي
https://youtu.be/ZkQlzJ9gjjw

[عادل صموئيل]

احبائى

اقدم اغنية من العيار التقيل لفيروز

حملت بيروت

مع اطيب تحياتى

[علي ثلاثة]

[COLOR="Purple"]الأستاذ الفاضل
ألف ألف شكر
على هذه الروائع
لقد متعتنا ونحن لا ننسى فضلك

وبما أنك منكب على أغاني
الفنانة المتمكنة فيروز
فيا حبذا الأغنية الذائعة الضيت

يا جارة الوادي

[/https://www.youtube.com/watch?v=XlQGDcYiYfY
COLOR]

[علي ثلاثة]

يا جارة الوادي

https://www.youtube.com/watch?v=XlQGDcYiYfY

وشكرا

[عمرو الهنداوي]

أستاذ عادل حضرتك كنت كتبت أغنية الحلو حياتي بس موزعة .. فهل لو لسه الملف عند حضرتك تخليها بالشكل اللي أنت بتكتب به دائما يعني مدرج واحد وخط لحني واحد؟ بس براحتك خالص مع الطابور براحتك..

كل التحية والتقدير وكل سنة وحضرتك طيب

[منذر44]

تدوين رائع وجميل
شكرا استاذنا الكبير والمتواضع عادل صموئيل
على تدوين اغنية فيروز حملت بيروت
شكرا شكرا
مع محبتي

[سامى امين]

:emrose:مستر عادل هو حضرتك ممكن تكتب اغنية بانو بانو بانو على اصلكوا بانو بتاعت سعاد حسنى هانى مهنى قال فى برنامج ان هو اللى لحن الصولو الرقص اللى فى الاغنية مش كمال الطويل يا رب الاغنية دى تتحايل عليك وتقعد تقولك اكتبنى يا مستر عادل يا احسن مدون فى مصر:emrose:

[عاصم المنشاوى]

أستاذنا الجميل...المصرى الأصلى /عادل بك صمويل...اتمنى لحضرتك...الليلادى الساعة أتناشر بالليل...عند منتصف الليل...صوما مقبولا وأفطارا شهيا...صينية رقاق باللحمة المفرومة فى الفرن...بطة محمرة فى الفرن ...وشوربة لسان عصفور بمرقة البط...وكحك العيد...أستاذنا...عيد سعيد على حضرتك وأسرتك وكل محبيك ,,,وكل المصريين الأصليين...أقباط مصر...

[bourhan assi]

شكرا استاذ عادل على المجهود . عندي سؤال استاذ عادل هلق لما تنوت اي غناي عم تعزفه قبل ما تنوته؟ ياريت اذا في اغاني بتحب حضرتك تعزفه تنزلنا ياها هي والنوته.

[عمرو الهنداوي]

أستاذ عادل كل سنة وحضرتك طيب وكل شعب مصر بخير

[خليل سليم]

كل عام وانت أستاذ عادل العزيز والشعب المصري الكريم بمناسبة عيد الميلاد المجيد بخير وامان وسلام وحفظكم الرب ...

[qusay.qq]

كل عام وأنت بخير أستاذ /عادل صموئيل/ وللشعب المصري الطيب كامل الإستقرار والأمان .

[عبد الإله]

ولو أنها متأخرة
تحية عطرة ملؤها الحب والتقدير لشخصكم الجليل
وسنة جديدة مليئة بالأفراح والخيرات والبركات عليك أستاذي الجليل وعلى أهل المنتدى جميعا
متعك الله بالصحة والعافية وأسعدك مثلما أسعدت قلوبنا

[منصور سعيد بخش]

ممكن تدوين اصالة لو تعرفو

[عادل صموئيل]

كل عام وانتم بخير والف شكر
احبائى
اقدم لكم اليوم اغنيتين مرة واحدة وقصدت لأنهم متساويين فى درس مهم جدا احب ان اوصله لكم

اغنية فريد الاطرش

ايه فايدة قلبى

واغنية محمد فوزى

دارى العيون

الاغنيتين فيهم مذهب واتنين كوبليه وانا كتبت كوبليه وتركت الكوبليه الثانى ليه ..
الاغنية الاولى فريد عمل كوبليه تانجو بطريقة اوروبية بعدين فى الكوبليه الثانى عمل ادليب او موال ... من النوع اللى ما يعرفش يغنيه احد غيره ولكنه هنا كرر نفس الطريقة فى عشرات الاغانى
نفس الموضوع الاغنية الثانية محمد فوزى عمل مذهب وكوبليه رائعين بعدين فى الكوبليه التانى عمل حاجة زى موال ... وايضا كرر نفس الطريقة فى كذا اغنية
انا يهمنى انت كعازف .. او بقدم الاغنية عشان يستفيد منها مين ... ما كتبته انت تعزفه تلاقيه جميل 100% وتحس ان حصييلتك زادت لحن لكن الكوبليه اللى ماكتبتوش لايمثل بالنسبة لك شىء يعنى ماحدش حا يحتاجه .. يعنى لو اخدت فيه يوم اكتبه انت مش حاتعرف تقراه او حايطلع ركيك لأن الموال زى التقاسيم بيخضع لعلامات ايقاعية اطول او اقصر قليلا من طول النغمات المدروسة وبطه مهما انا كتبت حايطلع مش هو ... حتى ايام زمان كان فى الجزء ده بيكتب كلمة موال والفرقة بتتاع المطرب اللى هو حافظ بيقول ايه ..
المشكلة دى نتجت منين واتكررت ليه ومين اللى بذكاءه تفاداها
مشكلة فريد وفوزى من وجهة نظرى كتر الافلام ... يعنى تخيل انت لما تعمل خمس افلام فى السنة على الاقل .. ومطلوب فى كل فيلم 6 اغانى يعنى مش اقل من 30 اغنية زائد الموسيقى التصويرية ... والاغانى الاول لازم تتلحن وتتسجل قبل دخول الاستوديو للتصوير بوقت كافى ... يعنى قول الملحن مطلوب ومرغم يخلص ال 6 اغانى فى اقل من شهر ... والتلحين ده بيبقى الهام او وحى يعنى مفيش ملحن بيقول انا داخل اقفل على نفسى واقعد الحن .. ولكن فى وقت ما بييجى له الهام بمطلع ما ويشتغل فيه ... كان فريد الاطرش بيتوصف بانه ملك الموال والتقاسيم ع العود بلامنازع .. لذلك لما كانت الاغنية خمس دقائق كان بيلحن ولما يتزنق عايز يكمل الخمس دذائق اما يعمل تقسيمة ع العود او موال ... مش وحش طبعا بس ده جزء ممكنيطريك كمستمع لكن ما يفيدكش فى اللى بتاخده منى .. من تدوين اغانى تقدر بآلة واحدة تعزفها بإتقان 100% نفس الموضوع كان فوزى ايضا يجيد الموال فكان لما يتزنق يكمل الاغنية بكوبليه موال ... كما اشتهر الاثنان بفن الاوبريت ... يعنى كان ممكن كل فيلمين يعمل فيلم فيه اوبريت 15 دقيقة ... ذكاء عبد الوهاب ... انه كان بيعمل فيلم كل سنتين على الاقل ... لذلك كان بياخد وقته كاملا فى التلحين ... وذكاء عبد الحليم انه كان بيعمل افلام كتير متقاربة فى الوقت .. لكن كان بيعمل تعدد فى الملحنين ايضا عشان كل ملحن ياخد كامل وقته وما حدش يستعجله .. فيه فرق بين الموال او الادليب اللى تحسه انه جذع اللحن زى مثلا حكاية غرامى او بنادى عليك ... يعنى بيبدأ غناه بهذا .. وهنا بيحرص ان يكون اللحن فى متناول اى مطرب مش انه يعمله معقد زى الموامويل اللى ماحد غيره يقدر يقولها واللى انا بحسها مزروعة داخل اللحن .... اهم شىء مش احب يفهم كلامى غلط وانى اسىء اليهما ... ولكن هم استغلوا موهبتهما الفذة فى الموال فى التغلب على العدد الكبير جدا من الاغانى اللى كانوا بيلحنوها كل سنة ... يعنى مثلا بكل عبقرية السنباطى وعبد الوهاب .. مكانش عندهم ملكة الموال الطويل الوقت فى اى لحظة .. يعنى فريد لو قال ياليل .. ممكن يقعد يقول موال ساعتين تلاتة ما يخلصش .. عمرك ما تحس بملل لأنه حرفية عالية جدا فى استمعال المقامات والتطريب ... وللعلم كانت فى حفلات فريد التقاسيم والمواويل من اهم ما يقدمه للجمهور ... وكانت حرفيته انه بيغنى الموال بدون اياع وفجأة يقلبه على ايقاع عشان الجمهور لايمل .. وبعدين يرجع بدون ايقاع تانى ... مع اطيب تحياتى

[qusay.qq]

أسعد الله أوقاتك استاذنا الفاضل /عادل صموئيل / للسيدة فيروز أغنية تعا ولا تجي ...وطمعاً بكرمك يرجى تدوينها
وهذا الرابط

https://www.youtube.com/watch?v=le-kO25GQvQ

ولكم جزيل الشكر.

[منصور سعيد بخش]

ممكن تدوين اصالة لو تعرفو

https://youtu.be/qxMGWC1wbX0

[منصور سعيد بخش]

ممكن تدوين اصاله اسمع صدي صوتك https://youtu.be/RICJgouHo2c

[عبد الإله]

يا سلام يا أستاذ لما أجد الصفحة مملوءة ،أطرب
أتمنى أن تكون في أحسن حال.
كنت اقترحت من قبل على أهل المنتدى الأفاضل أن يجمعوا تعليقات الأستاذ وتصويباته وتوجيهاته ونقده ورواياته عن الزمن الجميل في كتاب إلكتروني مفهرس ومبوب على غرار مدوناته
ولولا ضيق الوقت وزحمة العمل لفعلت
فهل ينبري أحد المخلصين لهذا العمل الجليل؟؟
تحياتي

[wahidfarid]

استاد عادل شكرا على نوتة ايه فايدة قلبي و التوضيح المرافق و كالعادة احترافية عالية

[gladiator101]

السلام عليكم
إلى الأساتذة الكبار : أحتاج نوتة يا فلسطينية احمد فؤاد نجم - كلمات الشيخ امام
شكرا جزيلا

[gladiator101]

شكرا جزيلا
:emrose:

[waleed.d]

الله يعطيك الف عافيه استاذ عادل.
ممكن تدوين اغنية فريد الاطرش "اسال الفجر والغروب"
الف شكر

[عادل صموئيل]

احبائى

اقدم لكم من الحان فريد الاطرش

ادينى ميعاد

اللحن ده اتعمل من اول ظهور للأورج فى مصر اوفى الموسيقسى العربية ... طبعا واضح من صوت الاورج كاناول صوت ظهر بيه الاورج وكان مش مستحب مخنوق يعنى يشبه الاورغن بتاع الكنيسة بس صوت الارغن كان اجمل بكتير وبعدين مصنعى الاورج ابتدوا يحسنوا الصوت قليلا قليلا .. يعنى ممكن تقول سنة 1966 او حاجة زى كده .. طيب انا ما سمعتش الاغنية دى غير بعد ما توفى فريد وماعجبتنيش او مالفتتش نظرى ... يعنى اى اغنية حلوة بتعلق معايا لما بسمعها تانى بحس انى سمعتها من قبل ان ما كنتش حافظها يعنى ... لما تدقق ف اللحن تلاقيه مش حلو يعنى مافيهوش جديد كل جملة فيه فريد نفسه عملها من قبل ... التدوين بيبقى غير السمع .. يعنى انا لما اسمع شىء .. ولما ادون بغوص فى اعماق اللحن .. بحس اذا كان معمول بدرجة عالية او متكلفت او متلحن فى نص ساعة او زى ماطلع ... ومع خبرتى الطويلة اكتشفت ان فيه اغانى لمطربين كبار مش مشهورة ... الاغانى دى مش مشهورة ليه لأنه بعد ما سجلها حس انها مش اللى هى او اقل من اللى منتظر منه وبيمنع اذاعتها .. لك بعد الوفاة الورثة المتعطشين الى اى منفعة من وراه بيقلبوا فى اوراقه وفى مكتبه ومخزنه ... واى شىء بيلقوه ممكن يجيب فلوس بيبيعوه نظرا لن المطربين الكبار معظمهم معندهمش اولاد يخافوا على ذكراهم ... يعنى الفلوس عندهم اهم من تراث الفنان زى اللى نسفوا منزل ام كلثوم عشان يبيعوا الارض ... كمان فى اللحن فيه توزيع .. التوزيع ده اوشك او كاد ان يدمر اللزمات بتاعة اللحن مش حلو وبالذات فى موسيقى الكوبليه فى الاعادة اكل نصف مازورة حيرتنى لحد ما اتصرفت فيها وضبطتها ... اقدم اليكم اللحن واكيد اللى طلبه عاجبه فيه شىء
مع اطيب تحياتى

[عادل صموئيل]

احبائى

من اغانى شادية رحمها الله ولحن بليغ حمدى

ان كنت ليا ونا ليك

مع اطيب تحياتى

[عادل صموئيل]

احبائى
من اغانى فيروز

تعا ولا تجى

مع اطيب تحياتى

[عادل صموئيل]

احبائى

اغنية خفيفة بقا عشان نهضم
مع شريفة فاضل و

فلاح كان فايت


انا النهادة منزل اغانى كتير بس عشان ماحدش يفتكر ان العملية سهلة ده شغل اسبوع

اطيب تحياتى

[wahidfarid]

الف شكر آستد عادل على نوتة اديني ميعاد و اسف اني خليتك تدون اغنية مش عاجباك وعلى فكرة الأغنية هي اصلا مهدات الى شهرزاد و هاذي قصتها
حدث فى يوم ان كانوا اقصد الفنانه شهرزاد وزوجها الاستاذ محمود رمزى عند الموسيقار الكبير فريد الاطرش وقالت الفنانه استاذ فريد اريد منك اغنيه تلحنها لى فقال لها فريد اختارى كلمات وسوف اقوم بتلحينها لكى ولا اقولك ادينى ميعاد ونتقابل ثم صمت الموسيقار برهه وقال الله تنفع مطلع اغنيه وعلى الفور امسك بالتليفون واتصل بصديقه المبدع عبدالعزيز سلام وقال له ادبنى ميعاد وقابلنى فقال له الشاعر ميعاد ايه يا فريد هوا انت عاوزنى اجي عندك البيت فقال له لا يا اخى اريد كلمات بهذا المطلع فضحك الشاعر وقال له طيب يا سيدى ادينى فرصه ومر يومين ثم اتصل الشاعر بفريد الاطرش وقال له ادينى ميعاد وقابلنى وكفايه بعد وخصام عاوز اقبلك يا شاغلنى علشان عندى كلام

وانا ايضا عندى قصة
انا مشترك النت فى شركة اسيمها te data هى اكبر شركة فى مصر وتمتلك 75% من المشتركين فى مصر كلها وباقى الشركات 25% .. المشكلة ان النت بيقطع كتير طول اليوم يعنى يروح وييجى فى اليوم ده قطع ساعتين كلمت الشركة قالوا فيه عطل وبنصلحة وحايستغرق 48 ساعة الى 72 ساعة ( وللعلم دى بتحصل كل شهر او اتنين ) انا النت بالنسبة لى مهم جدا جدا .. يعنى انا الحاجة الاساسية اللى بعملها فى حياتى انى بدون على المبيوتر .. ولما اكتب كوبليه بدخل ع النت دقائق اشوف اصدقائى او اى حاجة .. عشان ما ازهق يعنى ... او ادخل اى موقع .. احيانا كتير بلاقى عيب فى الملف الصوتى اللى بكتب منه بدخل ع النت ابحث عن واحد جودته اعلى او ما شابه .. المهم اكيد فهمت ان قطع النت بيعمل عندى ازعاج كبير جدا جدا جدا يعنى ... فى الوقت ده حقول لك حاجة مضحكة ... بدون فيه الاغانى اللى مش بحبها ... يعنى انت لما بتطلب طلب انا مباشرة بنزله عندى واحتفظ بيه ... ولما تحدث حكاية قطع النت .. بشتغل فى الاغانى اللى انا اصلا مش حاببها .. بس كلامى صح ؟ اللحن دون مستوى فري الاطرش وممكن يكون ماعجبش شهرزاد كمان يعنى بخبرتى انا حاسس انه مس العود وخد اللى طلع وخلاص ... بس فيه حاجة بحرفية فريد الاطرش فى الغناء انه ممكن جملة مش حلوة اوى انه يخليك تسمعها حلوة مع اطيب تحياتى

[تامرتامر]

مرحبا أستاذنا العظيم عادل صموئيل يسلمو ايديك على التدوين الرائع ياريت تتكرم علينا بتدوين أغنية طروب (قلو آمان يادكتور ) رابط الاغنية https://youtu.be/aZhU5RtDHPk لك مني كل المحبة والتقدير والاحترام وشكرا

[gladiator101]

أحتاج نوتة يا فلسطينية احمد فؤاد نجم - كلمات الشيخ امام

[علي ثلاثة]

السيد عادل
الشكر الجزيل على ما أمتعتنا به
من جميل النغم
ومتقن التدوين

فمن الموسيقارين فريد الأطرش ومحمد فوزي
إلى المرحومة شادية وبليغ حمدي
و شريفة فاضل و فيروز

فكم لك من فضل بكرمك تدخل علينا بمدوناتك سرورا عظيما
وتستجيب للرغبات وأنت دائما في الخدمة

فلك الشكر مني مجددا
لهدى سلطان أغنية أرى أن لها وقعا جميلا في الأسماع
وفي النفوس وهي من تلحين أخيها الفنان محمد فوزي

ولم أجد لها من تدوين فعسى أن يكون لنا ولها حظ
وأختم بما بدأت من شكر
https://www.youtube.com/watch?v=On2JdkdFz1c

[سليم العباس]

تحية طيبة أستاذ عادل و شكراً على التدوينات الرائعة بالأخص الفيروزية منها.
الرجاء لو تكرمت أن تضع هذه الأغنية لفيروز بعنوان ( خدني يا حبيبي ع بيت مالو بواب) على قائمة الطلبات .
و كل الشكر لحضرتك.

[عادل صموئيل]

احبائى

من اغانى فريد الاطرش

تؤمر ع الراس وع العين

هى بياتى وانا عملت نسخة من رى ونسخة من دو عشان فين ناس منكم بيحبوا النسخة من دو

مع اطيب تحياتى

[gladiator101]

لو تكرمت أحتاج نوتة يا فلسطينية احمد فؤاد نجم - كلمات الشيخ امام
شكرا:emrose:

[عادل صموئيل]

احبائى
مع فيروز

خدنى يا حبيبى

مع اطيب تحياتى

[wahidfarid]

الف شكر استاد عادل على نوتة بتامر عالراس و العين و اتمنى ان النت عندك مكنشي مقطوع لما دونتها

[qusay.qq]

أسعد الله أيامكم أستاذنا الجليل / عادل صموئيل / و ألف شكر وامتنان لجهودكم بتدوين مانطلبه منكم..هناك أغنية للسيدة فيروز يرجى تدوينها / ياريت منن / ولكم الشكر الجزيل ودمتم بألف خير...وهذا الرابط

https://www.youtube.com/watch?v=1e7Hd1xGL3k

[منصور سعيد بخش]

ممكن تدوين اصالة لو تعرفو https://youtu.be/qxMGWC1wbX0

[سليم العباس]

كل الشكر أستاذنا المبدع على تدوين أغنيتا فيروز و فريد الأطرش.. الاثنتان في غاية الجمال و السهولة في العزف.

إلى الأستاذ منصور سعيد بخش :
بعد أن تكرر طلبك لأغنية لو تعرفوا لأصالة، أود أن ألفت انتباهك أن الكثير من الأشخاص بمن فيهم أنا طلبنا هذه الأغنية منذ أكثر من سنتين.. لكن الأستاذ عادل و كما يعلم كل من يتابع هذه الصفحة أن لديه تحفظات على أصوات بعض الفنانين أو على طريقة أدائهم و عُربهم الصوتية. و بالطبع نحن نحترم رأي حضرته بشدة و نتفهمه بشكل كامل.
في النهاية يبقى الرأي الأخير للأستاذ عادل.

[سليم العباس]

أسعد الله أيامكم أستاذنا الجليل / عادل صموئيل / و ألف شكر وامتنان لجهودكم بتدوين مانطلبه منكم..هناك أغنية للسيدة فيروز يرجى تدوينها / ياريت منن / ولكم الشكر الجزيل ودمتم بألف خير...وهذا الرابط

https://www.youtube.com/watch?v=1e7Hd1xGL3k

بعد التحية لحضرتك :
الأستاذ عادل قد دون هذه الأغنية سابقاً ...

[عادل صموئيل]

احبائى

اليكم اغنية من العيار التقيل مع انها لحن لمحمد فوزى المعتاد يعمل اغانى خفيفة لكن الاغنية دى فيها شغل كبير جدا يعنى
اغنية هدى سلطان

لامونى


مع اطيب تحياتى

فيه ملحوظتين مهمين جدا للجميع... قبل ان تطلب نوتة المفروض ان تشوف موجودة ولا لأ من الفهرس عشان انا لا اذكر دونت ايه ومادونتش ايه يعنى لو ماحدش من الاخوة الاحباء لحق وثال انها موجودة ممكن انا ادونها تانى ( وحصلت من قبل ) وده طبعا تضييع للوقت
مشكلة اصالة ... المطربين الجدد المنتدى عموما مش بيتعامل معاهم إلا لو الاغنية لها قيمة او بيغنوا بطريقة الزمن الجميل وفى قسم المطربين شوفوا كام مطرب اصالة مش من بينهم وده يدل على ان طبيعة غناها لاتتماشى مع طبيعة الطرب الاصيل يعنى مشكلة اصالة انها بتعمل فى الجملة عدد مفزع من العُرب ودهبيعتبر فزلة مالهاش لازمة ولما بتغنى اغانى عمالقة الزمن الجميل وتتفزلك كده لدرجة انها بتقع فى الميزان طيب يعنى هل انتى حاسة نفسك احسن من عبد الوهاب او ام كلثوم

[qusay.qq]

بعد التحية لحضرتك :
الأستاذ عادل قد دون هذه الأغنية سابقاً ...


لقد كنت قد بحثت عنها في فهرس تدوين الأستاذ عادل ولم أجدها قبل أن أطلبها...شكراً استاذ سليم العباس
والشكر الجزيل للأستاذ عادل صموئيل وعذراً منك .

[عادل صموئيل]

احبائى

اغنية خفيفة لطروب

امان يادكتور

مع اطيب تحياتى

[منذر44]

تدوينات رائعة
استاذ عادل اغنية خفيفة لهدى حداد شقيقة فيروز
ارجو تدوينها عندما يسمح وقتك
ينساني طريقي

[تامرتامر]

تحياتي استاذنا العزيز عادل صموئيل شكرا على تدوين نوتة طروب (امان يادكتور) وعلى نوتات فيروز - وفريد الأطرش - ياريت من بعد اذنك تحويل نوتة صباح ( ع البساطة البساطة على درجة لا ) لك مني كل المحبة والتقدير

اخى العزيز اليك النوتة انا وضعتها هنا مع موضوعك عشان مانعملش مواضيع كتير ونزود الصفحات لن كل مابتزيد الصفحات العضو بيتوه للبحث عن نوتة واطيب تحياتى

[adib aburuman]

صباح الخير
كل الشكر والتقدير لاستاذي الغالي حبيبي وأبي عادل صموئيل المحترم
مش عارف شو أكتب ... لا أجد الكلمات عن الوصف التقدير والتعبير لما تقدم لنا والله
اية دة ؟ ( ارحمنا شوي)؟!!!,
والله مش عارف بدونك كنا عملنا اية لهذا الانجازالذي يساهم في حفظ هذه الكنوز الفنية.
مقدرا تماما صبرك سهرك جهدك و .....,الله يديك الصحة العافية وميحرمناش منك يا رب شو بحبك

كل عام أنت وعائلتك المحترمة بألف مليون خير صحة وعافية يا رب
وطبعا كل الشكر والتقدير لمنتدى سماعي الذي أفسح المجال لانطلاق هذه التحف ونشرها
أخوكم
أديب.:emrose::emrose::emrose:

[سليم العباس]

تحية طيبة أستاذ عادل:
استفسار حول نوتة أغنية طروب عندما يبدأ الكورال بالغناء هل علامة سي هي بيمول أم أنها نصف بيمول و قد تكون حضرتك نسيت تعديلها. و هذه صورة توضح مكان السؤال
و شكراً و دمت بخير.
اخى العزيز
اشكرك لسؤالك
وانا بدونها التبست فيها يعنى الصبا خلانى شاكك هل السى بيمول او نصف بيمول عشان كده تركتها بيمول لو انت حاسسانها نصف بيمول اصلحها يعنى الاغنية بتاعتكم وتفهموا الطبيعة اكتر منى ... لكن اللى ان واثق منه ان ان وهى بتغنى عملت فا نصف دييز وللعلم انا حسيتها مع ان مش واضحة اوى لأن طروب غناها خفيف وبتتدلع مش بتعفق ودى بتخلى الامر صعب لما تيجى علامة غريبة عارضة على المقام ... لو انت شايفها نصف بيمول انا اعملها فورا مع اطيب تحياتى

[سليم العباس]

تحية أستاذنا الكريم:
كون هذه الأغنية أحفظها عن ظهر قلب دائماً كنت أعزفها سماعي على درجة سي نصف بيمول، و أشعر أنها الأقرب لسمعي، أما أكاديمياً الوضع مختلف لا أستطيع الحكم بدقة كحكم حضرتكم.. و الرأي الأخير يبقى لحضرتك بتركها أو تعديلها..
أطيب التحيات:emrose:

طالما الاقرب لسمعك سى نصف بيمول حا خليها سى نصف بيمول ... لاحظ فى كلامى فى الرد انا قلت ايه ؟ الاغنية بتاعتكم .. يعنى بتاعة اهل الشام واهل الشام الدرى بدروبه .... ومن خبرتى اقول لك انك اكيد سمعتها من كذا تسجيل او كذا حفلة وفى بعض الحفلات بيكون الاداء اوضح يعنى كلامك خلانى اميل انها فعلا سى نصف بيمول اصل لو ركزت ف التسجيل الموجود تحس انها بين البينين يعنى لا بيمول صريحة ولا نصف بيمول صريحة مع اطيب تحياتى

[عادل صموئيل]

احبائى

مع اغنية خفيفة لهدى حداد

ينسانى طريقى

مع اطيب تحياتى

[علي ثلاثة]

أستاذ عادل
لست أدري كيف أشكرك
على خدماتك الجليلة
وعلى سرعة الرد والإنجاز
وعلى فائق الإتقان
حقا إن أغنية لاموني لمن العيار الثقيل
وهي نموذج من روائع زمن الفن الجميل
وأنت كعهدنا بك
لاتبخل علينا بمجهوداتك وصنيعك الجميل
ويكفيك أنك جمعت قلوب كل من في المنتدى حولك
فهنيئا لك تقديرهم لك
ودمت في أحسن حال

[تامرتامر]

مساء الخير استاذنا الكبير عادل صموئيل المحترم يعطيك الف عافية على نوتة صباح -ع البساطة - وعلى كل النوتة الموسقية لك مني كل الاحترام

[منذر44]

استاذ عادل
حبيب القلوب حبيب الفن الاصيل
دمت لنا ولكل عشاق الفن
يعجز اللسان عن شكرك
اطال الله في عمرك

[منذر44]

حبيب القلوب ما زلنا نطمع في كرمك
من اروع ما غنى عملاق لبنان الكبير قصيدة
عادت تسائلني
تخليدا لهذه الرائعة ارجو تدوينها
مع محبتي

[عاشقة العود]

يا ريت أستاذ عادل تدون لنا أغنية "غابت شمس الحق" للمغنية جوليا بطرس . مع أطيب تحياتي القلبية :emrose:
https://youtu.be/iUpTCNmvh04

[عادل صموئيل]

احبائى

اقدم لكم بناء على طلب الاخت العزيزة عاشقة العود اغنية جوليا بطرس

غابت شمس الحق

واشكرها انها خلتنى اتعرف على الاغنية الوطنية الجميلة دى بس للعلم هى صعبة جدا يعنى ... انا اول ما سمعتها ماتعرفتش عليها بسهولة عشان كان اول مرة اسمعها اليوم .. لكن لما ابتديت ادون والجمل صعبة جدا وبتحتاج اسمعها عدد كبير من المرات عشان افهمها لقيت اللحن جميل جدا ده بالاضافة ان عندى مشاعر وطنية عالية من خمس سنوات يعنى
مع اطيب تحياتى

[qusay.qq]

تحياتي المليئة بالحب و الإحترام أستاذنا / عادل صموئيل /..هناك أغنية اسمها /عندما يسقط القمر/ لفنان سوري إعتزل الغناء وصوته أعتقد
أنه سينال إعجابك إنه / فهد يكن /..والأغنية قصيدة للشاعر الرائع محمود درويش...أرجو من حضرتكم تدوينها ,
ملاحظة : لم أحصل على نقاوة أكثر من ذلك في اليوتيوب ...مع الشكر الجزيل ..وهذا الرابط

https://www.youtube.com/watch?v=IKZoerdBK7w

[أبو الصابر]

السلام عليكم ،

طلب نوتة "بيقولوا صغيّر وطني" لفيروز


لكم مني أجمل تحية أعزَّائي

[تامرتامر]

تحياتي أستاذنا الكبير عادل صموئيل يعجز اللسان عن شكر على تدوين /غابت شمس الحق /ياريت عندما يسمح وقتك بتدوين أغنية جوليا بطرس ( حكاية عتب) رابط الاغنية https://youtu.be/s4IoEqX021U ياريت اذا سمحت تحويل أغنية -امان يادكتور من درجة الري- أتمنى أن تكون بالف خير ربنا يطول عمرك يارب

اخى العزيز
اليك امان يادكتور من رى ... صح كده ؟
اما اغنية حكاية عتب ماشى بس مش بدون التقسيمة اللى ف الاول
مع اطيب تحياتى

[عاشقة العود]

احبائى

اقدم لكم بناء على طلب الاخت العزيزة عاشقة العود اغنية جوليا بطرس

غابت شمس الحق

واشكرها انها خلتنى اتعرف على الاغنية الوطنية الجميلة دى بس للعلم هى صعبة جدا يعنى ... انا اول ما سمعتها ماتعرفتش عليها بسهولة عشان كان اول مرة اسمعها اليوم .. لكن لما ابتديت ادون والجمل صعبة جدا وبتحتاج اسمعها عدد كبير من المرات عشان افهمها لقيت اللحن جميل جدا ده بالاضافة ان عندى مشاعر وطنية عالية من خمس سنوات يعنى
مع اطيب تحياتى

مشكورة كثير كثير استاذ عادل على تلبية طلبي. الله يطول بعمرك يا رب يا احلي واغلى موسيقار اصيل وقدير. مع خالص تقديري واحترامي لحضرتك

هى صعبة شوية اتمنى ان تكونى استطعتى قراءتها بدون اعطال مع اطيب تحياتى

[تامرتامر]

مساء الخير أستاذنا المحترم عادل صموئيل ألف ومليون شكر وشكر على تلبية طلبي ربنا يعطيك الصحة والعافية

[عادل صموئيل]

احبائى
اقدم لأخى العزيز منذر 44 قصيدة وديع الصافى

عادت تسائلنى

القصيدة دى انا ليا عليها تحفظات وملحوظات كتير .. طبعا انتم بتتعلموا منى ... فيه فرق بين لما تسمع او تعزف من نوتة والتدوين ... اللى بيسمع بيسمع .. واللى بيقرا م النوتة سواء صعبة او سهلة بيخلصها ويمشى .. اما اللى بيدن بيغوص داخل النوتة بيشوف ادق تفاصيل ممكن اللى عزفها ماحسهاش ... وانا كل كلمة بقولها كرت عيا مئات المرات يعنى ياما عزفت اغانى .. مريت على الموازير مرور القطار السريع لكن لما جيث حاليا ادونها دخلت فى متاهات ..
اول شىء هنا فى القصيدة دى حسيت فى الموسيقى ان الملحن مش بيعمل جملة موسيقية وخلاص .. ولكن بيرجع بعد ما خلص الجملة يحاول يخليها كيف تبقى اصعب واصعب يعرقبها يعنى .. لأن فى التلحين مش حاتطلع صعبة كده .. ولما دخلنا ع الغنا بعد سطر كنت فعلا حاتوقف عن تدوينها ... لكن انا بحب اتحدى نفسى ( بس مش دايما حسب الظروف يعنى ) ليه .. طريقة اداء وديع الصافى ... هو دايما فى اى لحن طريقته ان بيصدر طول ما هو ماشى .. يعنى ايه يصدر يعنى بيأخر كروش مثلا طول ماهو ماشى متأخر عن النوتة بكروش .. دى مقبولة فى العزف .. يعنى انا عزفت معاه كذا حفلة طبعا كنا بننظر للنوتة وودننا معاه يعنى عشان ما نلاقيش نفسنا دخلنا فى شارع تانى ... لكن فى التديون بتعصب ... لأنه بيخلينا احس دايما انى مدون غلط او ناقص حاجة بدرجة بتخلينى قبل ما ادون المازورة بسمعها عشر مرات وبعد ما ادون المازورة اراجعها عشر مرات ولازم احرك حاجة بحيث المتدون يبقى مقارب للى بيقوله ... لن انا لو عملت الصح ودونت الاساس بدون التصدير اللى بيعمله لما تعزف حاتحس انه لحن تانى او انت غط .. ونيجى لعقدة العقد ... وديع الصافى متمكن جدا ... جدا جدا جدا ... بيعمل عُرب كتير ... والمشكله ان العُرببتاعته بتختلف عن العُرب اللى بتعملها اصالة مثلا.. لأن اثالها بتعملها بدافع التعجيز او تحسس اللى قدامها انها متمكنة مع انها غبية لأن كتير جدا الفزلة بتخليها تكسر الوحدة واللى يسمعها يحس انها بتكسر الوحدة ماتعرفش تغنى ... العُرب اللى بيعملها وديع بيلمس مقام تانى ... يعنى بيعمل علامة تويل غريبة فى العُربة يكون فى بياتى والحركة او الحلية دى تخليك تحس انه رايح حجاز مثلا ولكن تفاجأ انه مكمل فى البياتى ... ودى فى التدوين بالذات مع المدون الشاطر مزعجة جدا .. يعنى املدون النص نص مش حايحسها او يفهمها ... لكن انا اتعودت على الدقة المتناهية .. الخطورة فى الموضوع البيش ... ايه البيتش .. يعنى الاساس اللى انا بدون منه ... يعنى ماسك نغمة فى دماغى ولتكن الصول مثلا ( او حسب المقام ) ودى اللى بطلع منها او انزل منها او اضع علامة التحويل ... العُربة اللى بيعمل فيها علامة تحويل غريبة وما ينتقلش للمقام اللى عمل التأشيرة وكلمة التأشيرة يعنى كأنه شاور على ... او سميها تأشيرة دخول او فيزا للمقام الجديد ... لما بيعملها البيتش بيتلخبط واضطر اجيبه تانى .. انا لما بدون مش بستعمل آلة يعنى الاذن ثم الاذن ثم الاذن .... المهم ربنا عداها لو خير مع ان اللحن طبعا تعبنى جدا لكن جيت عن الكوبليه الثانى وعمل تقسيمة او موال ... وده طبعا مستحيل يتكتب ثم عاد الى المذهب ... بس الملحن ده ماعجبنيش ... فاكرين من كام يوم لما كنا بنتكلم عن الذكاء والغباء ؟ طبعا الموضوع مفتوح لإضافات ... هنا تذكرت بليغ حمدى رحمه الله ... واللى بذكاءه عرف سر وديع الصافى ... التصدير المستمر والعُرب الكتير اللى بتحوى علامات تحويل ... استغله ازاى ... عمل له لحن سهل اسمه على رمش عيونها ... لحن سهل 70 % وترك وديع الصافى يجرى ورمح جواه .. خلاه 500% .. فهمتوا قصدى ؟ يعنى الشعب كله غناه ... لكن القصيدة دى بدون ان اعمل استفتاء للى بيستعملوا النوت بتاعتى اعتقد مش حايقدر يعزفها إلا خمسة %
الموسيقار الناجخ بيخاطب الشعب كله اما العكس هو الى بيخاطب الخاصة ... يعنى هنا فيه تحويلات مقامية اللى بيحبوا المقامات والتحليل حايقولوا شايف روعة النقلة دى ... لكن عامة الشعب مش حايفهمها ... زى موسيقار كبير جدا اسمه شوبان ... انا مش بحبه .. ليه بيألأف مقطوعات متخصصة اوى اوى فى البيانو .. ما يتمتعش بيها غير عازفى البيانو اللى فوق 90% شطارة يعنى ...لذلك شعبية شوبان مع المتخصصين اوى فى البيانو .. ماهو العبرة مش انك تسمع .. او تحط اسطوانة وتسرح فى شىء تانى .. العبرة انك تحط اسطوانة تشدك تاخدك من العالم .. لكن مثلا بيتهوفن ... شعبيته اكتر 100 مرة من شوبان لأنه بيخاطب قطاع اعرض من الناس .. جم الروسيون زى رحمانينوف وتشايكوفسكى وكورساكوف كادوا ان يسحبوا من تحتهم البساط ليه ... عشان الشرقيين بيموتوا فى الجملة الجميلة اكتر من التوزيع العبقرى ... مع اطيب تحياتى

[عمرو الهنداوي]

أستاذ عادل هل عندنا في الموسيقي العربية، أنه ممكن نلقي أغنية فيها نغمتين متتالين الاثنين نصف بيمول مثلا أو واحدة نصف بيمول والتالية نصف دييز .. هو ده وارد في التدوين الشرقي والموسيقي العربية ؟؟ للتوضيع أكثر مثلا القي في نوتة نغمة السي نصف بيمول والدو نصف دييز أو مثلا اللا نصف بيمول والسي نصف بيمول .. هو مش كده يبقي نشاز و لا ممكن يحصل في حالات نادرة؟؟
كل الشكر

اخى العزيز
هى النغمات الشرقية عادة بتبقى مش قريبة من بعضها او مش متتالية .. يعنى حتى احنا بناخد من الاساتذة اللى اخترعوا المقامات ... يعنى تلاقى مقام الراست السى والمى نصف بيمول ... لما تبتدى من الدو تقابلك المى .. بعديها بتفوت على فا وصول ولا ثم السى نصف بيمول .. يعنى بينهم وبين بعض كذا نغمة ... اذا حصل حاجة نادرة زى اللى بتقول عليها بتبقى حاجة شاذة ومش قاعدة عاملة زى العجل ابوراسين ... وهى ممكن اللحن مايكونش كده ولكن حصلت بلبلة عن المدوناذا كان نص نص يعنى ... لأن فيه حاجات فى الموسيقى الشرقية غريبة شوية زى مثلا انت لما تقول صول لا سى دو
واعزفها تانى وخلى السى مثلا نصف بيمول واعزفها تانى كذا مرة .... او فى اللحن بيتحرك فى المساحة دى فيه عفريت بيطلع ماتعرفش منين تحس ان الصول بتاعة الراست الى حصل ده مش هى الصول بتاعة لما كان عجم ... الجنس الشرقى بيعمل نكهة مش ع النغمة نفسها ولكن الجسم كله ( يعنى الاربع نغمات ) بيحصل لهم صبغة كده ماتعرفش ازاى ... اقول لك على غفريت تانى ... ممكن يحصل راست زى اللى بقوله ... اكرر : صول لا سى نصف بيمول .... دو ... بعدين الملحن ينزل على صول فامى رى ويعمل المى بيمول ويقعد شوية يعنى يغنى شوية فى المنطقة دى هو كده خرجك من الراست وداك الكرد ... ممكن بيعمل حركة خباثة انو ينزل تانى صول .... لا نصف بيمول سى بيمول دو ... هنا عمل بياتى على النواة .. ممكن يحصل بلبلة لأول وهلة عند المدون ... لأن كنت فى راست بعدين نزل بيك بياتى شوية ضيع منك الراست بعدين ينزل بياتى انت ممكن تحسه راست فى الاول وبعدين تكتشف انه قلب بياتى .. وللعلم انا مش إله .. حصلت معايا كتير وبعدين حسيت وعدلتها ... والسبب نغمة الصول ... يعنى لا ليها لا فى التور ولا فى الطحين لكن نكهتها فى الراست غير البياتى ... فيه كان سر ... فيه ساعات الملحن يعمل فزلكة زيادة عن اللازم يعنى عايز يستعرض عضلاته قدام خبراء المقامات والتحويلات المقامية المرعبة ... ممكن يعمل حركة زى اللى بتقول عليها بس المستحسن مش فى مازورة واحدة يعنى يعمل واحدة فى مازورة والتاية فى المازورة اللى بعدها ويكرر التلاعب بالمستمع ده مرتين تلاتة يخليه ينسى اسمه ... بس برضه وارد اى حاجة ... يعنى عندنا فى الموسيقى الشرقية مافيش حاجة ممنوع ... يعنى فى الموسيقى الغربية مافيش موال وتقاسيم او موازين عرجاء لكن عندنا كل حاجة مباحة بس للى يقدر يستعملها ... والخطورة انك تستعملها بذكاء ... يعنى فى قصيدة ربع ساعة كان عبد الوهاب يعمل جملة واحدة فيها عفريت زى كده زى الكرنك .. ما ينفععش طبعا تعمل القصيدة كلها كده .. وبعدين حاجات تانية ( آسف للإطالة بس انت فتحت موضوع شائك ) فيه عقبات يعنى مثلا فى الفرقة بيبقى من 12 الى 15 كمنجة كلهم مستواهم مش زى بعض ... اللى مستواهم اقل فيه نغمات بتبق عندهم ضعيفة زى الدو دييز والدو نصف دييز .. الملحن الشاطر لو اتزنق فى جملة فى المنطقة زى مثلا الكوبليه بتاع الصبا بتاع اغدا القاك او انده عليك بتاعة ودة كان عامل صبا على السى ناتوريل وفيها المصيبة دى .. كان لازم مايطولش فى الجملة ويخرج على طول بسرعة على اد مايقدر ... عموما اذا كان شرحى مش وافى او عندك نوتة فيها حركة زى اللى انت بتقول عليها ( بس اكيد مش من نوتى لأن دى ممكن تكون غلط اكاديميا ) صورى لى الصفحة وابعتها لى اشوفها .. اصل برضو فيه حاجت اكتديمية كمان العملية مش سايبة ... يعنى عندك برنامج موسيقى من اى نوع تعالى دون دليل بيمولات ... حتلاقيه مش ممكن يحط معاهم دييزات ... لأن اكاديميا ماتنفعش ... ومش موجودة فى الموسيقى الغربية ... احنا عندنا مقام الحجاز بنحط سى ومى بيمول وبنفضل نحط الفا دييز طول السكة وتحياتى

[منذر44]

الاستاذ الكبير عادل صموئيل
لا اعرف ماذا اقول... اولا انا اعتذر شديد الاعتذار
انني اتعبتك في تدوين هذه الاغنية الصعبة
وبصراحة منذ مدة طويلة وانا متردد في طلب تدوين الاغنية
لانني اعرف مدى صعوبتها ورغم سعادتي الكبيرة بهذه النوتة
المعجزة الا انني حزين لما سببته من ارهاق وتعب لحبيب قلبي
استاذ الفن الجميل
لا املك الا كلمة شكرا والدعاء لحضرتك بطول العمر
اخى العزيز
حقول لك كلمة ...
امتى التعب يبقى مكسب وامتى يكون مجهود ضاع على الفاضى
التعب يبقى مكسب لو خمسة منكم قالوا احنا عزفنا الاغنية وشكرا على التدوين هنا احس انى عملت شىء ... وبرضو حقول لك سر ... الاغنية دى انا اختبرت بيها قوتى فى التدين وانا مبسوط من نفسى حسيت انى جامد اوى اوى ... وبالطبع مفيش حد يقدر يدونها وده بيبدنى ثقة فى نفسى .... واقول لك كمان سر ... انا مش عارف مين الملحن بس 99% من اغانى العرب بيبقى فيه ملحن وفيه مدون ... يعنى حتى الملحن اللى بيعرب يكتب بيكتب الاعامل السهلة ولما يكون اغنية صعبة لازم يستعين بمدون شاطر عشان يضمن اللحن يتكتب 100% لن اللحن للعلم مسؤولية المدون اولا اكتر من الملحن والمطرب ... انت لاحظت انى قلت ان فيه مشاكل فى اللح اولا صعوبة الجملة وثانيا ان وديع بيصدر وبيعمل عُرب .. انت لو تقدرتوصل لنوتة اللى هم سجلوا منها الاغنية قد تكون اسهل كتيرجدا ليه ... انا طبعا دونت لكل العمالقة ... كان بيمسك العود ويملينى ... كان بيتعمد عدم التصعيب والتعقيد والحليات ... يعنى بيملينى الجملة فى اسهل ماتكون .. وده لمصلحة الملحن نفسه .. ان النوتة تبقى مكتوبة سهلة للعازف .. بعد كده الحليات بتضاف اثنائ البروفات يعنىبعد من يعزفوا الجملة ويفهموهاالملحن يمسك العود ويقول انا عايزها كده ... وكل العمالقة كانوا بيعملوا كده وعلى رأسهم عبد الوهاب والسنباطى وبليغ والموجى .. اما العُرب والتصدير دى بيعملها المطرب اثناء الغناء مالهاش علاقة بالنوتة ... فهمت الخلاصة لو خمسة منكم عزفوها احس انى عملت شىء مع اطيب تحياتى

[منصور سعيد بخش]

ممكن تدوين اصالة لو تعرفو

https://youtu.be/qxMGWC1wbX0

[منذر44]

استاذ عادل شكرا للتوضيح
الحقيقة وبفضل تدوينك السهل الواضح انا عزفت النوتة واستمتعت اشد الاستمتاع
لان حضرتك صورت الجمل الموسيقية باحترافية جعلتها تكاد تنطق
واظن ان تعبك لن يذهب ادراج الرياح وسيخلد التاريخ تدويناتك

[عمرو الهنداوي]

أستاذ عادل صموئيل مساء الخير

في رأي حضرتك "عادل مأمون" رغم أنه صوت جيد جداً، ومطرب أصيل، ليه ما بقاش زي عبد الحليم حافظ أو حتى عبد الوهاب رغم إمكانياته الكبيرة .. يعني رغم انه غني أكثر من 100 أغنية، إلا انه لم يترك شيء يذكر أوي إلا ثلاث أو اربع أغنيات مازال الناس يتذكروها فقط أما باقي الألحان فلم تنجح خالص .. رغم انه بعض الأغاني واضح فيها أنه بذل جهد في اختيار الكلمات والألحان .. في ناس بتقول السبب في فشل معظم أغانيه انه أخطاً عندما احتكر تلحين أغانيه، ولم يستعين باخرين مثل محمد عبد الوهاب والموجي والسنباطي، وناس تانية شايفة انه كان عايز يكون نسخة من محمد عبد الوهاب رغم صوته الجيد وقلة موهبة التلحين عنده .. مطرب زي كده كويس أوي ومطرب أصيل وغني كتير ولم يترك علامة بارزة غير أغنية أو أثنين .. حضرتك كنت في المطبخ قولنا حضرتك شايف الموضوع أزي؟؟

كل الشكر

مساء الفل
انت قلت نصف الاجابة ونرجع برضه لمشكلة الذكاء والغباء
عادل مأون صوت خطير ولن يتكرر ...كان عدنه مشكلة ان صوته شبه صوت عبد الوهاب لذلك الناس ما اتجننتش عليه يعنى لأنه حسه انه تقليد لحاجة اصلية ... بس هو ما شغلش الذكاء .. يعنى هو طلع فى وقت عبد الواهب كان بيبطل يغنى ولم يستغل الفرصة كما ينبغى ... يعنى من اروع ما غنى ياالى سامعنى ... الغباء ان لم يلجا لملحنين تانى وتانى .. ولحن لنفسه مع انه مش ملحن موهوب .. كمان حاجة انا شفتها .. كان بيروح يقعد فى الخليج فى استضافة الامراء يغنى لهم غنا خصوصى ويقعد بالسنة ما يجيش مصر طبعا ده خلا الناس نسيته يعنى احنا مرة رحنا البحرين مع وردة سنة 75 لقيناه مقيم هناك فى ضيافة امير البحرين من سنة مثلا .. يعنى فضل الفلوس على الشهرة

[ابوكارم]

استاذ عادل
احترامى وتقديرى
اغنيه هان الود لعبد الوهاب
المقدمه تقسيمه او موال
ادليبadiliby
كان نفسي تكتبها يا استاذ عادل
او تقربها بقدر الامكان
يعنى اكتب لنا النوت الحروف
واحنا حنستنبطها حنستنتجها
المقدمه فقط التى بدون ايقاع
لانها جميله جدا ربنا يباركلك
ولكم جزيل الشكر

[dorame]

اتابع حديثكم بصمت واشتياق ما احلى الحديث عن الزمن الجميل وصراحة اول مره اسمع عادل مامون ووصف الموسيقار عادل صموئيل في محلة وسمعت بعض الاغاني الجميلة لعادل مامون خاصة ( أنت واحشنى ) من الحان فريد ولكن الاستاذ عادل زعلان ومتفاجا بان فريد سجلها بصوتةوهذا منعه من تسجلها ولكن عامة صوتة سحر وحنية
الاستاذ الموسيقار عادل صموئيل اعلم باننا نقرا لك كل كلمة بل كل حرف تكتبة فهو كنز من المعلومات

اخى العزيز
فيه اغنية رهيبة لعادل مأمون وهى احلا اغانية اسمها ياللى سامعنى قول يانور عينى تلحين كمان الطويل ... ابحث عنها على النت واكيد موجودة هنا فى المنتدى ... حاتعجبك اوى اوى
مع اطيب تحياتى

[أبو الصابر]

مرحبًا عزيزي الأستاذ القدير ، عادل صموئيل المحترم ،
أطلبُ من حضرتكم نوتة "بيقولوا صغيّر وطني" للمطربو فيروز
ولكم جزيل الشكر والامتنان .

[عمرو الهنداوي]

أستاذ عادل أزي حضرتك،

كنت عايز أسال حضرتك عن الارتجالات اللي كانت أم كلثوم بتعملها وعبد الحليم حافظ أثناء الغناء في الحفلات العامة .. وبالتحديد أداء الفرقة سواء الماسية أو فرقة أم كلثوم أثناء الارتجالات دي .. أيه دور الفرقة هنا؟ ومن اللي يوجها: المطرب ولا قائد الفرقة ولا الجمهور يعني يستحسن الموضوع أو يرفضه ..

يعني مثلا انتو في أغنية الحب كله في مقطع " يا حبيبي يا عبير الشوق" في حفلة من الحفلات، أم كلثوم غنته بالارتجال حوالي 7 دقائق .. السؤال هنا هو الفرقة بتصرف أزي لما فجأة أم كلثوم توقف غناء وتترتجل .. هل كان في تعليمات خاصة محددة لو هي ارتجلت انتو حتعملوا أيه؟ كان أيه اللي بيحصل في المواقف اللي زي دي؟ هل كان فيه تعليمات، مجموعة معينة تعزف وراها فقط والباقي ساكت بيسمع بس ولا كان الفرقة كلها تشتغل وراها وماسكة معها المقام وتعزف مثلا زمن "روند" أو زمن مفتوح للنغمة اللي هي واقفة عليها حاليا .. طيب أيه اللي كان بيحصل لو هي خرجت بره المقام عن عمد أو عملت حليات .. انتم كنتم بتعملوا أيه في الحالات دي .. طيب كان قائد الفرقة بيتدخل بتعلمات سريعة ولا الموضوع كان راجع للعازف واللي ميعرفشي يمشي معها أو يفهم هي عايزة تروح فين يسكت وخلاص لحد ما ترجع للأغنية تأني ..

هو دور الفرقة أيه لما المطرب يرتجل زي عبد الحليم وأم كلثوم وهل مسموع لحد من الفرقة انه يقترح على المطرب أثناء الارتجال أي فكرة أو حركة سوء مثلا عزف كام نغمة في السكة اللي العازف عايز المطرب يروح فيها ..

يعني في "الف ليلة وليلة" في أخر مقطع بتاع " يارب" أثناء الارتجال الاكورديون مسيطر أوي وهو اللي بيقود، والساكسفون ساكت تماماً ده حتى الناي ساكت وبعض الكمنجات بس هي اللي مع الاكورديون .. هي كانت تعليمات ولا مادام عجبها وعاجب الجمهور باقي الفرقة تنظر حتى العودة للغناء ومالوهمشي دعوة .. كانت المنظومة بتمشي أزي أثناء الارتجالات، لأننا إحنا بنسمع من التسجيلات انه كل شيء ماشي تمام لكن بحس انه كل عازف ماشي على راحته ومع ذلك مفيش نشاز أو تشويش .. أكيد كان هناك إدارة ما للموضوع..

كل الشكر

[سليم العباس]

مرحبًا عزيزي الأستاذ القدير ، عادل صموئيل المحترم ،
أطلبُ من حضرتكم نوتة "بيقولوا صغيّر وطني" للمطربو فيروز
ولكم جزيل الشكر والامتنان .

تحية طيبة أستاذ عادل
أرجو تدوين أغنية فيروز ( ما قدرت نسيت ) . أتمنى أن لا يكون التوزيع الموسيقي عائقاُ أمام تدوينها .
و كل الشكر لحضرتك

الأستاذ أبو الصابر :
تحية طيبة. عادة عندما يتم طلب النوتات من الأستاذ عادل ترفق برابط كي يستمع إلى الأغنية .
على كل حال قمت برفع الأغنية التي طلبتها .
تقبل تحياتي

اخوتى الاعزاء
انا عايز كل واحد منكم يعمل مقارنة بين الاغنيتين عشان بعد كده يعرف يختار اغنية تعجبنى وادونها او اغنية ماتعجبنيش او ماتنفعش تتدون
اغنية بيقولوا صغير وطنى انا من اول ما ابتديت اسمع سامع لحن على ايقاع شىء مفهوم يعنى ... اما بيقولوا نسيت اول ما سمعت سمعت توزيع متداخل انت لو بتعزف عود حاتعزف انهو صوت منهم وفى اى الاحوال حاتعزف شىء ناقص يعنى لما اللى يسمعك مش حايعرف انت بتقول ايه ناهيك عن الغناء بتاعها اللحن معمول عايم ما فيهوش ملامح يعنى ممكن حلو يتسمع لكن انا عادل صموئيل عشان اعزفه ما يتقراش من نوتة لازم احفظه سماعى وبعدين برضه مالوش قيمة إلا لما يتسمع من فيروز زى ماهو معمول كده .. يعنى انا لما اعزف لازم اعزف شىء انت اول ما تسمعه تقول اغنية كذت حافظينها ويتمعوا بيها ولكن لما تعزف لهم شىء ناقص يعنى خط لحتى من خمس او ست خطوط حاتعزف حايناموا منك لأن مش حايفهموا حاجة ... وللعلم فيه توزيع انا بحسه عبقرى وتوزيع انا بحسه فاشل ... ايه الفرق بينهم ... اسمع اغنية انا قلبى دليلى معولة فى قبل دخل الخمسينات ... فيها توزيه اوكسترالى راذع ومليان يعنى مش اقل من 7 او 8 خطوط .. وانا بعتر اللحن ده سابق لعصرة بالنسبة لتطور الموسيقى المصرية من اغانى الشرينات ودخولا على ما بعد الخمسينات .. بس احلا حاجة عبقرية ايه فى اللحن .. ان اللحن كامل بتسمعه من جزء من الفرقة وليلى مراد والكورال ... والتوزيع تحته جميل مش بيغطى ع اللحن الاساسى ... وهنا انا لما ادون اللحن وانت عزفته حاتعزفه بجودة 100% والناس تصقف لك مش ناقص ولا حرف ... وكده اللحن ممكن يتسمع الى الابد لكن الموزع الفاشل ... ييجى مثلا ما يلاقيش حاجة يعملها يروح ماسك اغنية رائعة قديمة ويعك فيها وتسمع تلاقى اللحن الاساسى اختفى طبعا فاشل ... او ملحن شهير كل اعماله موزعة ما ينفعش تتسمع من آلة واحدة .. ده لما بيموت كل اعماله بتذهب معه لأن ماحدش يعرف يعزفها مع اطيب تحياتى

[عادل صموئيل]

اخى العزيز عمرو الهنداوى
مش قلت لك انت او انتم بتفتحوا مواضيع تنفع يتعمل منها عدد كبير من رسائل الدكتوراه ومن حسن حظكم انى لسه عايش عشان اجواب واقول كلام مش بيدرسوه فى الكيات لأن مناهج الكيات شوية نظرى مالهمش دعوة بالحياة العملية .. فيه فرق بين العازف المحترف والعازف الهاوى ... اما الازف المحترف ده بيبقى درجات ... ولما نتكلم على اعلى درجة زى العازف بتاع الفرقة الماسية وفرقة ام كلثوم ... ده لازم يتميز بميزتين غير حلاوة العزف .. اولا اجادة قراءة النوتة البريما فستا اجادة 150% يعنى تحط قدامه عشرصفحات والقائد بتاع الفرقة بيشاور او بيدى مازورة فاضية دى بتقول السرعة يعنى 100 ولا 120 وكده .. مثلا .. بس احنا مكناش بنتعامل بالارقام ... كان المحان بيدينا احساسه وقائد الفرقة بيحسبها فى مخه وبيشاور على هذا الاساس ومن البروفات بيكون اخطر واحد وهو عازف الرق او ضابط الايقاع الموهوب زى اللى كانوا معانا بيحفظوا السرعات وللعلم احيانا السرعات كانت بتختلف كل جملة ... وده هو الطرب .. يعنى انت عندك رتم بوكس فى الاروج جرب تعزف عليه اى اغنية لم كلثوم حاتحس ان كل جملة عايزة تقعد او تمشى تسرع يعنى شعرة ... ليه الناس بيحبوا عزفى ... عشان انا شارب الكلام ده وبعزف كده اى حد تانى مش عارف الكلام ده بيعزف كله بسرعة واحدة ... يبقى العازف ده مطلوب النوتة والسماعى مجتمعين ... يعنى هات لى مطرب عمرى ما شفته ومعرفش حايغنى اغنية عمرى ما سمعتها لما بيغنى هو بيغنى وانا بمشى معاه طبعا انا متأخر عنه بكوما انت كمستمع عشان انا شاطر اوى مش حاتحسها .. يعنى بيدلع وينزل ويدخل مقامات وانا وراه ... حتى ف مرة وحصلت كتير مطرب سجل اللى انا بعمله ده واتجنن انى ازاى مش عارف بيقول ايه وماشى وراه بالدقة دى ... اصل ليه خطورة الدقة العالية دى ... عشان هو يغنى براحته وانا اخدم عليه لو انا اقل من كده حاكعبله وألخبطه .. يعنى هو ماشى مى بيمول طقت ف دماغه يخليها نص بيمول ... لو انا مش اد المستوى او المسؤولية حديه مى بيمول برضه اضيعه ... او اطير الخيال اللى هو حسه ... فهمت دى ؟ التقاسيم او الموال دى 90 % ممكن مش متفقين عليها فى البروفات ... هى بتبقى مزاج عالى اوى ... او جمهور جميل ... بيفتح نفس المطرب وبيطلع اللى جواه ... يعنى بلاش ام كلثوم .. مرة كنا فى تونس .... احنا ف مصر الجمهور عندنا لما تقول الحفلة جابت كومبليه يعنى بيبقى اقصى حاجة 5000 متفرج ... فى الول العربية بيعملوا الحفلة فى استاد الكورة وتخيل الجمهور على الكراسى .. يعنى المتوسط بيبقى من 80 الف متفرج وانت طالع احنا بصراحة بنتخض منهم لأن مش شايفينهم سامعين التصفيق واضواء التليفزيون فى عينينا والجمهور بيبقى ضلمة .. يعنى سامع زئير بتاع عدد نت مش متخيله ومش متعودين عليه .. يعنىه نا لما 5000 يهيصوا عارفين الحجم لكن تخيل لو 100 الف تحس انهم حياكلونا ... المهم نجاة دى كانت عندنا الذ مطربة ليه كبيرها ع المسرح ربع ساعة وبناخد اعلى اجر اما فايزة احمد بتقعد ساعة ونص بأقل اجر ... البمهم الجمهور سلطن نجاة .. وفوجءنا انها بتعمل تقاسيم ييجى نص ساعة وانا مكانتش اتخيل نجاة بتعمل ارتحالات كده يعنى احنا العازفين انبهرنا ... ونرجع لأم كلثوم بالذات ... ام كلثوم حياتها الفنية تنقسم الى قسمين .. ايام محمد عبده صالح رحمه الله ... وما بعد محمد عبده صالح ... قلنا التقاسيم دى بتبقى جو معين ومزاج ... وللعلم ام كلثوم كانت مش شاطرة اوى فى التقاسيم واللى بيخليها بالفظاعة دى محمد عبده صالح يعنى لو تلاحظ بالقانون بيديها سكك .. يعنى هى ماسكة بياتى بيغذيها فى البياتى لحد ما تقول كام جملة وبعدين يفتح لها كرد او حجاز او زى ما يطلع فى مخه ... فكان كل التركيز مع محمد عبده صالح وباقى الفرقة اسمها تشغى وراه .. كلمة تشغى دى ماخوذة من عارف صوت الصراصير فى الغيط .. حاجة زى كدخ يعنى بنقول وراها زى ما بتقول بس الريادة لمحمد عبده صالح ... ليه مش الحفناوى مثلا كمان ... عشان مايبقاش فيه سكتين فى نفس الوقت هى تتوه ... يعنى صالح عارف امكانياتها وهى تحب تروح فين او لو راحت على فين بتلعلع ... لو حد تانى دخل يبقى زى كورتين فى الملعب ... اما بعد صالح رحمه الله كان ممكن الحفناوى .. او اى حد بس برضه ينفرد ماحدش يفرض سكك معاه وباقى الفرقة زى قلت تششغى او تزن وراها زى ماهى بتقول بنتبعها ... الحان بليغ كانت لون الشعبى شوية غير الحان عبد الوهاب بتمثل الزمالك والحان السنباطى بتمثل الموسيقى الرقية الاصيلة مجمع القرون الماضية .. فكل منهم له طريقة لما تعمل تقاسيم او ارتجالات ... فى الاغنية اللى الاكورديون بقا هو اللى يسحبها للسكك ... كان اللحن لبليغ .. وكان بليغ بيعزم سمير سرور وفاروق سلامه عنده فى البيت ويخليهم يعزفوا كل امكانياتهم الشعبية وبيسجل وبيخرج منها بإفكار ازاى يستغل اللى بيقوله فى الالحان .. كان فاروق سلامة اقدر انه يسحب ام كلثوم فى اللون ده ... لكن سمير سرور ما ينفعش لسبب ... ان الساكس آلة غربية وبتقول الربع تون تخليقيا ... ومش كل النغمات ( انت ع الاورج ممكن تقول كل النغمات ربع تون ) هو محدود مش اكتر من سى ومى ولا تقريبا ... بإختصار انا قيمتى ان لو المطرب حايرتجل حاجة انا معرفهاش لازم اكون متابعه وبينى وبينه مسافة فنتو ثانية بحيث المستمع ما ياخدش باله والدليل سؤال ده انا ازاى بنتابع واحنا مش حافظين والشغل بيطلع زى الفل .. والعازف الصولو كمان لازم تكون عنده موهبة الارتجال يعنى فيه اغنية سعاد حسنى بانو بانو انا حانزلها حالا فيها موسيقى الكوبليه التالت هانى مهنى عمال ارتجال طوبل جدا يعنى الاغنية سعاد حسنى بترققص وبتغنى والمخرج قال له رقصها شوية .. وهانى مهنا كان الاول عازف اكورديون وعازف الاكورديون ان ما عزفش مع رقاصة يبقى مش معاه شهادة تخرج ... والرقاصة بيلزمها الشوية دول ان الازف فى جزء من اللحن يرقصها يعنى يرتجل او بالبلد بيسموه التت .

[عادل صموئيل]

احبائى

اقدم لكم اغنية انا بحبها اوى

بانو بانو

لسعاد حسنى ... الاغنية دى فيها كمية طرب ماحصلتش واى حد يقول ان سعاد حسنى متوسطة فى الغناء اقول له حضرتك ماتفهمش حاجة يعنى سعاد حسنى كانت قديرة جدا فى الغناء وهات لى مطربة من بتوع دلقوتى تقدر تقول الاغنية دى بإقتدار سعاد حسنى
من العبقيات فى اللحن ده المقدمة وانت ماشى تحس ان الصبا زمزمة يعنى مى بيمول ... واللى شككنى فى كده لازمة الانتظار ( اللى هى بتتكرر قبل دخول المذهب او الكوبيليه )اتكررت كذا مرة وبتاكد على امى بيمول .. ولما بيكون عندنا تحفظ لما مطربة كبيرة تغنى بيبقى غناها متأكد النغمة كذا لأنها طبعا عارفة الحرب اللى بتقوله .. لكن لما ممثلة بيبقى مسموح انه تعك شوية ... لدرجة انى سألت اخى العزيزمحمد الآلاتى اللى اكد لى ان الصبا طبيعى والمى بصف بيمول طول المذهب ... وهنا بقرة من كمال الطويل وسعاد حسنى انه يديك مقام ويفضل يكرر المى بيمول ويأكدها ويدخل يغنى من مقام تانى ... كمان فى الصفحة 3 آخر مازورة فى السطر السابع عند كلمة ماخلاص ... بتعمل سى عراق عبقرية مش اى حد يعنى يعنى تولع فى اليسا وكلهم يعنى .. كمان انا دونت الصولو الارتجال اللى عامله هانى مهنى فى الكوبليه الاخير مع انه بيرقص يعنى ارتجال مش مهم بس هو اعترف انه عمل جمل حلوة وممكن تتدون المهم انا احمد ربنا وافتخر انى قدرت ادون العمل الجميل ده مع اطيب تحياتى

[سامى امين]

:emrose:مش معقول يا مستر عادل انا مش مصدق نقسى فعلا انت اسرع و احسن من يدون نوتة فى الشرق الاوسط كلة ويبسطها ويوصلها لكل مستويات العازفين هواة ومحترفين الف شكر يا مستر عادل :emrose:

[عمرو الهنداوي]

شكراً أستاذ عادل على رد حضرتك بخصوص سؤال الارتجالات .. وإحنا بنستفيد من الاجابات جداً .. فكل الشكر لحضرتك

[سليم العباس]

أطيب التحيات أستاذ عادل و شكراُ على كل المعلومات الفنية القيمة التي سلطت الضوء على جوانب كثيرة من الزمن الفني الجميل .
أود أن أطرح سؤالاً لا يتعلق بالمعرفة الفنية بصورة مباشرة:

من خلال خبرة و تجربة حضرتك ، ما رأيك بالأخلاق الإنسانية للفنانين و العازفين ، و هل هي أرقى من مثيلتها لدى بقية شرائح المجتمع؟ ذلك بسبب تأثير الموسيقا على النفس البشرية أم أنها غير مترابطة بشكل وثيق؟ هل هناك عازفين أو مطربين سيئي الطباع و المعشر رغم أبداعاتهم الموسيقية؟

شكراُ لحضرتك

اخى العزيز
هم كان فيهم وفيهم .. وزى اى مجموعة من البشر فيها الكويس وفيها الوحش ... بس الفنانين بالذات اى فضيحة بتتنشر لأنهم تحت الاضواء بعكس اى طائفة تانية يعنى فى كل المهن فيه بعض الفاسدين بس هو بتوع اليومين دول سلوكياتهم سيئة اكتر كتير عن بتوع الزمن الجميل

[ابوكارم]

مقدمه هان الود

حضرتك النوتة موجودة من زمان شفتها فى الفهرس ؟

[عادل صموئيل]

احبائى
اقدم لكم بكل فخر اغنية من العيار التقيل جدا جدا واللى مش ممكن حد يعرف يدونها وانا كنت من زمان هى مطلوبة ومتردد خايف منها يعنى لكن قلت المفروض انى ادونها رائعة عبد الوهاب
ياجارة الوادى
الاغنية دى اولا ليها معايا قصة قد تكون مضحكة ... انا بعشق الموسيقى من اول ما اتولدت ... وفى سن عشر سنوات يعنى سنة 1960 كنت تقريبا حافظ كل اغانى الزمن الجميل بتاعة كل المطربين , ودى فى حد ذاتها تعتبر اعجاز .. لأن وقتها مكانش عدننا سوى الراديو ... وبالطبع تخيل انت اغنية زى غلبت اصالح مثلا عشان تنتظر لما تيجى فى الراديو كل فترة اد ايه واسمعها كام مرة فى السنة ... لم تكن اجهزة الاستماع متوفرة ... كان وقتها مفيش غير الفونوغراف القديم بتاع الاسطوانات الحجارى ... وانا مرة كنت ماشى مريت على محل بيبع موبليا قديمة لقيت عنده فونوغراف من ابو زمبلك وبوق بكام ياعم ب 3 جنيه اشتريته وورحت بيه البيت جرى .. كان معاه اسطوانة واحدة فقط هى ياجارة الوادة بتاعة عبد الوهاب القديمة .. (ومازالت عندى لحد دلوقتى ) وبالطبع كنت حموت ان يكون عندى جهاز بيشغل موسيقى قعدت اشغل الاسطوانة دى 24 ساعة وعملت ازعاج للبيت لسبب ان البوق كان صوته جهورى وما ينفعش تخفض صوته هو صوت واحد فقط ... وقتها كان موجود جهاز التسجيل الريل بس عند علية القوم فقط او اللى بيسافر المانيا بالذات .. يعنى بقت عادة كل واحد يسلفر المانيا يجيب معاه ريكورد جرونديج ومعاه 3 شرائطيقعد يسجل عليهم ويمسحهم لحد ما يستهلكوا لأن مكانش بيتباع فى الوقت ده شرائط جديدة ... وكانت المعجزة بداية ظهور اجهزة الكاسيت والراديو كاسيت كانت طبعا انجاز وكان تمن الجهاز من 80 جنيه وانت طالع ...
نرجع للأغنية .. انا احترت ادونها من عبد الوهاب ولا فيروز ... كانت المشكلة بتاعة عبد الواهب فى فترة الثلاثينيات وبالذات النوع ده من التلحين انه مش منتظم يعنى بيدخل يغنى من اماكن مختلفة كل مرة .. وبيطول ويقصر ... واللزم اللى بترد عليه وقتها كانت معظمها تونيس يعنى مش لزم متلحنة ... مزعجة جدا جدا فى التدوين ... اخترت ادونها من فيروز لأنهم حددوا الغناء او ملوا الفراغات بموسيقى ع الاقل تخلى الواحد ما يتوهش .. بس برضه استعرضوا عضلاتهم فى بعض الردود الصعبة جدا ... بس زى ماقلت المدون بيشوفحاجات مش بيشوفها العازف ولا المستمع ... اللى هى وضع الاجزاء الصعبة تحت الميكروسكوب تركيز عالى جدا ممكن اقعد نص ساعة فى مازورة او تفعيلة ... المشكلة ان عبد الواهب كان عامل كلاكيع او حاجات عبقرية جدا ( ومش مسبوقة فى الثلاثينيات يعنى عبقرية كبيرة جدا جدا ابتدا بيها مع ان اى ملحن بيبتدى متوسط بعدين بيبقى مستواه اعلى ) وجم الرحبانية فوق الكلاكيع الموجودة حطوا كمان عليها كلاكيع ... الشىء اللى لفت انتباهى عبقرية فيروز الفذة ... يعنى فيروز المطربة الوحيدة الكبيرة اللى دارسة غناء اوبرالى على اعلى مستوى ودارسة شرقى على اعلى اعلى مستوى ... ودى عمرى ما شفتها فى اى مطرب او مطربة ... اوبرالى يعنى بتغنى لحن وتحتها خطوط لحنية كتير وهى بتغنى الخط بتاعها ( ده بيرجع انها بتغنى من نوتة عشان اللى تحتها ما يلخبطوهاش ) طبعا بخلاف المساحة الصوتية الغريبة الشكل من الغليظ الى الحاد ... وكلمة دارسة شرقى يعنى جميع المقامات وجميع الايقاعات وتعمل موال من اى مقام ومن اى درجة وتغنى على اى ايقاع مهما كان ماتفعش فى الوحدة ... غير طبعا بتغنى على رثصات دبكة ومش عارف ايه ودى حاجات لو الغنا صعب المطرب ممكن يقع عشان الدوم بتتوه وسط خبطات الاقدام على الارض لكن فيروز صاروخ ماشى بيشيل كل اللى ف وشه .. الاعجاز بقا اللى ابهرنى وانا بدون ... انك لما تغنى اوبرالى او على توزيع بيراعوا ان الغنا يكون بسيط والتوزيع تكون الخطوط اللحنية عريضة يعنى بلنشات او حاجة زى كده عشان المطرب يقدر يركز ف غناه ما تجيش حاجة تسحبه تخليه يعمل نشاز او يقع فى الوحدة ... هنا تعمدوا يعملوا العكس ...يعنى اللحن ى ما قلت قمة الصعوبة والكلكعة وغنا بيسموه بتاع مشايخ بتاع عصر الثلاثينات يعنى كله تصدير ... يعنى المطرب بيغنى كأنه ماشى على حبل معلق فى الهوا ... والتوزيع تحتها عامل اكروبات ... يانهار ابيض ... يعنى التوزيع دوبل كروشات فى منتهى الصعوبة او حاجة زى ماتكون معمولة عشان تخلى المطرب يقع وهى ماشية بتغنى بمنتهى المزاج العالى ... بصراحة اعجاز يعنى .. طبعا انا حاولت ابسط الصعب بس ما يتبسطش اكتر من كده واتمنى ان اكبر عدد منكم يعزفه مع اطيب تحياتى

[علي ثلاثة]

أيها الأستاذ الفاضل
الشكر الجزيل الجزيل الجزيل
على مدونة يا جارة الوادي

وكذلك على هذا التوضيح الرائع لمكانة
السيدة فيروز وقدراتها الأدائية
وعلى الرحابنة وماأحاطوا به
هذه التحفة الوهابية

وأعتقد أن محمدا عبد الوهاب
كان راضيا على عملهم ومسرورا من إنجازهم

ولئن كانت هذه الأغنية قد اجتمع فيها
كل الفطاحل من عبد الوهاب
إلى فيروز و الرحابنة وأحمد شوقي

فإنك كنت فذا في تدوينك وهذا ليس غريبا منك

[dorame]

الاستاذ الموسيقار عادل صموئيل اشكرك على اختيار سماعي لاغنية ياللي سامعني بالفعل رائعة جدا والغريب انها مسجلة بصوت عبدالوهاب نفسة كمان مش عارف هل صحيح او لا والا عاميلين صورة عبدالوهاب والصوت صوت عادل مامون


اخى العزيز
وجب على توضيح خطير ...
انا صوت عادل مأمون اقرب صوت شبيه بصوت عبد الوهاب ... وكانت مأساة عادل مامون التشابه العجيب بين صوتهما لذلك الجمهور رفضه لأن كان عبد الوهاب موجود وكيف يرضون بالتقليد والاصل موجودة
اما التسجيل اللى سمعته ده واحد غبى مش فاهم ان اللحن تلحين كمال الطويل ومش معقول طبعا عبد الوهاب يغنى لحن لكمال الطويل .. وان الى مغنى عادل مأمون .. بس هو فيه طبعا فرق بين صوت عادل مامون وبين صوت عبد الوهاب حاتكتشفه لو سمعت عادل مأمون بتمعن .. لأن الله خلق عبد الوهاب واحد فى كل الخلقة لم ولن يتكرر
بنقول فيه مشكلة خطيرة ان بعض المذيعين الجهلاء بيقدموا اغنى ويقولوا اسم الملحن او المؤلف خطأ وبتحصل كتير ولازم ناخد بالنا لأن كل اغنية تعتبر جزء من التاريخ وحرام لحن لموسيقار عبقرى ينسب بالخطأ لموسيقار آخر مع اطيب تحياتى

[dorame]

احبائى
اقدم لكم بكل فخر اغنية من العيار التقيل جدا جدا واللى مش ممكن حد يعرف يدونها وانا كنت من زمان هى مطلوبة ومتردد خايف منها يعنى لكن قلت المفروض انى ادونها رائعة عبد الوهاب
ياجارة الوادى

واو وهذه تضاف الى النوتات النادرة والفريدة الرائعة الاعجازية الى سجلك الرائع والنادر

[qusay.qq]

تحية حب وتقدير أستاذنا الرائع / عادل صموئيل / ..بما أننا نبحر مع اغاني السيدة فيروز هناك أغنية جميلة

اسمها / لايدوم اغترابي / أرجو من حضرتك تدوينها ...وهذا الرابط

www.youtube.com/watch?v=VRWY0-I2tBw

ولكم الشكر الجزيل .ِِِ

اشكرك اخى العزيز انك فكرتنى بالاغنية الجميلة دى انا بموت فيها وما سمعتهاش من عشرين سنة ... كانت عندى او سمعتها صدفة ايام ما كنت بجمع اكبر كمية ممكن من اغانى فيروز على شرائط كاسيت بس كان تسجيلها ردىء جدا جدا مع الاسف لكن الجودة هنا رائعة

[wahidfarid]

استاد عادل بعد التحية و السلام ارجو منك تدوين هاذه الاغاني و في الحقيقة انا مش عايز اتقل عليك و لكن ملناش غيرك و اتمنى ان تعجبك الالحان و شكرا
* ياحليوة
https://youtu.be/3EFx2NAFyp8
* صالحني و سلم بيدك
https://youtu.be/vtksYWwJ2F4
* مالو الحلو مالو
https://youtu.be/woee8rWJN8U

[عادل صموئيل]

احبائى
بعد الحاجات التقيلة اقدم لكم اغنية خفيفة مع شادية و

القلب معاك ثانية بثانية

مع اطيب تحياتى

[عادل صموئيل]

احبائى
مع اغنية فيروز

بيقولو صغير بلدى

مع اطيب تحياتى

[عادل صموئيل]

احبائى
مع رائعة فيروز

لايدوم اغترابى

مع اطيب تحياتى

[عادل صموئيل]

احبائى

اولا انا منزل اليوم كمية من الاغانى اوعوا تفتكروا ان الاغانى دى بتتدون بالسهاهل كده يعنى ولكن احيانا بيكون عندى ظروف او مش بيجينى نوم لفترة طويلة بستغل الوقت فى شىء مفيد يعنى ده شغل اسبوع ع الاقل

مع اغنية فيروز

ياهموم الحب يا قبل

مع اطيب تحياتى

[عادل صموئيل]

احبائى
الاخ العزيز هيثم الصالحى طلب اغنية على رمش عيونها وديع الصافى اعتقد انا مدونها من قبل لوردة لكن اكتشفت ان المقدمة هنا فيها عدد من الجمل زيادة او مش موجودة فى غناء وردة مع رائعة وديع الصافى

على رمش عيونها

مع اطيب تحياتى

[خليل سليم]

الله عليك استاذنا الكبير عادل المحترم على هذا العطاء القيم والله ما يحرمنا منك ومن ما تقدمه لنا في هذا المنتدى الراقي من اعمال وتراث خالدة والتي سوف تخدم الأجيال الحاضرة والأجيال القادمة وأرجو ان لا تنسى طلبي القديم وهو أغنية فايزة احمد على باب الحب وأنها من اغني الزمن الجميل وحفظك الرب

[منذر44]

الله يا استاذ عادل
مجوعة تحف في يوم واحد انه شيئ رائع
ارجو ان تضيف لهذه التحف رائعة اسمهان يلي هواك شاغل بالي

[بكر محمد دحدولي]

الله الله تسلم ايدك يا استاذ عادل على هذه الروائع الاخيرة و ربنا يديك الصحة والطول العمر و السعادة على طول
اضم صوتي للاستاذ منذر 44 , لتدوين اغنية اسمهان (يالي هواك شاغل بالي)
شكرا جزيلا