طلبات نوتة أ / عادل صموئيل الجزء الثانى [الأرشيف] - الصفحة 11

mony-85

27/03/2014, 09h04

[/COLOR][/SIZE][/QUOTE]

عايز اسألأ على حاجة فيه طابعة ليزر اتش بى موديل p 1102 w الطابعة دى مالية الدنيا بس فه لاحظت حاجة هنا فى المول بتاع سوق العصر اللى ف شارع عيبن شمس بتتباع ب من 640 الى 700 جنيه ولونها ابيض قريت فى النت فى محلات مصر الجديدة الشيك اوى نفس الموديل ولونها اود ب 900 جنيه سألأت واحد قال لى اللى فى مصر الجديدة هى الاصلية واللى ف عين شمس تقليد لها .ز وواحد تانى قال لأ هى هى بس بتوع عين شمس بيتعاملوا مع ناس غلابة لكن بتوع مصر الجديدة حرامية وبيتعاملوا مع ناس اغنياء ماتفرقش معاهم الفلوس ايه رايك ف الموضوع ده
مع اطيب تحياتى عادل صموئيل[/COLOR][/SIZE][/QUOTE]

أولا متهيألي حضرتك بتتكلم عن محطة مترو عين شمس مش المطرية ولا الحلمية لأن سوق العصر متهيألي قريب من شارع المشروع كده ان لم تخني الذاكرة
ثانيا بالنسبة للطابعة البيضاء والسوداء أعتقد ان الفرق بينهم في بعض المزايا الإضافية الموجودة في الطابعة السوداء وليست موجودة في الطابعة البيضاء مثل الطباعة عن بعد وعن طريق الانترنت والطباعة من الايفون والايباد ويرليس (بدون سلك) مثلا ....... إلخ
وليست القضية قضية اصلي وتقليد أو ناس بتبيع غالي وناس بتبيع رخيص وللمعلومية في مصر الجديدة وفي روكسي بالاخص الاسعار بتكون ارخص من عين شمس وارخص من مول مترو اللي في ميدان الحلمية بالذات لأنهم تجار كبار وموردين بيشتروا كميات كبيرة فبتكون الاسعار ارخص
أنا هاكتب لحضرتك لينكين فيهم الطابعتين بالاسم والرسم ومميزات كل طابعة فيهم علشان تقدر تحدد احتياجاتك لأي طابعة منهم
الطابعة البيضاء : (HP LaserJet Pro P1102‎ (CE651A

http://www8.hp.com/emea_middle_east/ar/products/printers/product-detail.html?oid=4110395&jumpid=reg_r1002_emea_middle_eastar_c-001_title_r0001#!tab=features
ــــــــــــــــــــــــــــــــــــــــــــــــــ ــــــــــــــــــــــــــــــــــــ

الطابعة السوداء : HP LaserJet Pro P1102w‎ (CE658A)

http://www8.hp.com/emea_middle_east/ar/products/printers/product-detail.html?oid=5149432&jumpid=reg_r1002_emea_middle_eastar_c-001_title_r0002#!tab=features

الاخت العزيزة
انا اشكرك على ذوقك وتعبك انا بتكلم عن مول سوق العصر اللى فى عين شمس اللى على ناصية احمد عصمت مع ش عين شمس وانا ساكن فى نفس شارع عين شمس عند بنزينة موبيل انا فعلا عملت تحريات واكتشفت ان كلامك صح
هو فيه البيضا p 1102 والسوداء اللى ب 900 جنيه فى مصر الجديدة p1102 w اكتشفت ان الفرق بينهم حرف w وده اختصار لكلمة وايرلس يعنى هى هى بس بيفرقوا فى ان السودا واير لس ودى ماتفرقش معايا ف حاجة
انا بفكر اشتريها مع انى عندى حاليا طابعتين واحدة ريكو الوان ليزر دى خطيرة جدا بس حبرها غالى يعنى بتتملى ب 600 جنيه ومش عند اى حد بس بالطبع لو اتملت النهاردة بتطبع عشرين الف ورقة لذلك انا مخليها للحاجات المهمة يعنى بستعملها قليل اوى واطابعة التانية اتش بى انك جت وانا بملاها حبر بنفسى بس انا قرفت منها لن لو ماطبعتيش عليها 48 ساعة الحبر ممكن لون ينشف اما الليزر لو تركتها اى فترة الحبر بودرة مش بينشف اما الطابعة الليزر اتش بى اللى بنتكلم عليها ميزتها اقتصادية يعنى بتتملى ب 25 جنيه تطبع 1200 ورقة وكل 4 ملوات نغير الكارتردج الاصلى تمنو 150 جنيه وبالطبع حبرها متوفر عند البقال زى ما بيقولوا مش زى الريكو لنى بصراحة بستهلك طبع كتير اولا جنانى انا يعنى ساعات بكون بجرب حاجة ممكن اطبع خمسين ورقة اجرب حاجة وكمان غلاسة الاحفاد يعنى واحدة فى الجامعة وواحدة ثالثة اعدادى وواحد اولى اعداى بيطلبوا اطبع لهم حاجة امبارح بتاعة الجامعة طلبت اطبع لها بحث 60 ورقة عملتهم طبعا ع الانك جت لن حبرها بملاليم .. يعنى انا بدرس الموضوع هو بينى وبينك انا من زمان صرفت كتير اوى اوى بس اتعلمت يعنى اول طابعة جبتها كانت كانون خربت بيتى كارترجات لأن هم عاملينها ما ينفعش تتملى حبر لازم تشترى جديدة وطبعا سعرها غالى اوى المهم انا اشكرك الف شكر على تعبك وعلى فكرة كلامنا دى ممكن يستفيد منه ناس كتير يعنى تجاربنا ممكن توفر لهم فلوس كتير احنا دفعناها لحد ما اتعلمنا
ومع اطيب تحياتى عادل صموئيل

thesherifalaa

27/03/2014, 16h41

السلام عليكم :)
أطلب من حضرتك نوتة نشيد النادي الأهلي
‫ظ†ط´ظٹط¯ ط§ظ„ظ†ط§ط¯ظ‰ ط§ظ„ط£ظ‡ظ„ظ‰ ظƒط§ظ…ظ„ط§ ط¹ظ„ظ‰ ط´ط¨ط§ط¨ ط¹ط±ط¨ ط³طھط§ط±ط².wmv‬â€ژ - YouTube (http://www.youtube.com/watch?v=Qz7Vilhr5NQ)

نور الصباح

27/03/2014, 21h17

احبائى
اقدم لكم تتر مسلسل
ياسمين التركى
هو لحن خفيف اوى ظريف حايعجبكم اهم ميزة فيه انك تمسك الآلة بتاعتك وتشوطه مرة واحدة بدون تفكير
مع اطيب تحيات
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
الصـــــــــــــبر طيب وإن كان مر .....مايضرش
والصابرين بخير
أنا صابـــــــر عليك لحد الصيام الكبير ما يخلص
وبرضه ....حا أصبر
وشكرررررررررررررررررررررررررا
أخوكم
نور الصباح

عادل صموئيل

27/03/2014, 23h38

احبائى

اقدم لكم نوتة نشيد

النادى الاهلى

بس انا ليا عتاب وقلبى واجعنى اوى من الكورة
يعنى كان زمان مبارة كرة وبالذات بين ناديين كبار بنتفرج على لعب حلو وبعدين فى نشرات الاخبار يقول لك تعادل او فاز نادى كذا على نادى كذا 2/1 او حتى 4/صفر ماشى لكن المؤلم دلوقتى بيبقى الخبر فى مباراة كذا حصلت احداث مؤسفة وكان نتيجتها كذا قتيل وكذا جريح والاتف فى الاستاد وحرق كام عربية ع الماشى من عربيات الناس المساكين اللى حظهم خلاهم يسكنوا جنب الأستاد ... بعدين الدنيا تتقل والداخلية تجتمع يلغوا باقى الدورى ولا يخلوا المباريات بدون جمهور ... بجد بجد حاجة مؤلمة و( تكسف ) ويطلع لك ناس مش من هواة الكورة يقولوا هى الكورة دى لازمتها ايه اصلا فين ايام زمان مكن كان سنة فقط كان يوم مباراة الاهلى والزمالك مناسبة قومية .. ولا مباريات المنتخب الوطنى كانت بتبقى عيد وطنى ... فين الاحتفالات اللى للصبح لما المنتخب الوطنى يفوز .... ايه ما بقيناش وطننين ولا ايه ؟؟
حقول ايه .... مع اطيب تحياتى بس خلاص

نور الصباح

28/03/2014, 08h16

احبائى
اقدم لكم نوتة نشيد
النادى الاهلى
بس انا ليا عتاب وقلبى واجعنى اوى من الكورة
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
الصـــــــــــــبر طيب وإن كان مر .....مايضرش
والصابرين بخير
أنا صابـــــــر عليك لحد الصيام الكبير ما يخلص
وبرضه ....حا أصبر
وشكرررررررررررررررررررررررررا
أخوكم
نور الصباح

hamorabib

28/03/2014, 10h41

تسلم ايديك يا احلى استاذ , انا ممنونك جدا , وانا سعيد جدا بالنوتة واسعد لان الاغنية اعجبتك , الاغنية من اوائل ما غنت السيدة فيروز وهي من الحان مكتشفها الاستاذ حليم الرومي .

البطار بوشعيب

28/03/2014, 14h52

يا سلاااااااااااااااااااااااااااااااااااااااااااام بارك الله فيك وكثر من امثالكم ومتعكم الله بالصحة والعافية شكرا على تدوينكم الجميل ل افديه ان حفط الهوى وشكرا جزييييييييييييييييييييييييييييييييييييييلا استاذ صمويل

اخى العزيز
وبارك الله فيك انت ايضا وكثر من امثالك لأن لولا امثالك اللى مازالوا بيعشقوا الفن الجميل ما كنتش انا اعمل هذه الروائع يعنى كنت حاتعب نفسى واكتبها لمين ؟ وبعدين لازم نترحم على صديقى العزيز المرحوم المايسترو الكبير عبد الحايم نويره لولاه لضاع كل هذا التراث فى الهواء واهم شىء انه عمل لو تقنين علمى محسوب بدقة بحيث انو يتكتب لن الاداء زمان كان صعب جدا ومش ملتزم بحاجات زى الوحدة والحليات والتجويد الكتير وده بيخلى التدوين شبه مستحيل .. يعنى انا كذا مرة هو طلب منى ادون حاجات من التسجيلات القديمة دى كان ماينفعش بتاتا تتكتب زى ماهى كان لازم عملية تظبيط وكنت كل ما اجتب جزء ارجع اليه لنى بتدخل كتير وهو يقول لى حلو كده او خليها كده يعنى ما اقدرش افتى من نفسى .. اقرب شىء فى الدور ده لو انت سمعت التسجيل تلاقى فيه حتة ناقصة من الموسيقى انا بحثت فى المنتدى على اصل الدور لقيت التخت بيعزف حاجة لخبوطة كده من المستحيل تتكتب ومالهاش قيمة فنية لن الزم ده كان الاساس لحن الغناء مش الموسيقى خالص اضطريت الفت مزورتين من عندى اول مازورتين ومش الفتهم .. بصراحة سرقتهم من سياق اللزمات الموجودة داخل اللحن وزى ماقلت كانوا معظمهم اما واحد او شبه بعض او خارجين من بعض بعكس التطوير اللى بعد كده وعمله عبد الوهاب لما بقت اللزمات لها قيمة كبيرة
انا بعد ماكتبت الدور ده طلع فى دماغى او اشتقت اكتب دور جميل جدا جدا لمحمد عثمان اسمو يا ما انت وحشنى وفعلا بدأت فيه وقربت اخلص يعنى وصلت لنصفه تقريبا وقبل ده دونت دور كادنى الهوى لمحمد عثمان بناء على طلب اخت عزيزة هنا فى المنتدى
مع اطيب تحياتى عادل صموئيل

dr soliman

28/03/2014, 21h01

طلب مستعجل جدااااااااااااااااا
اغنيه بحبك ياامى

وتتر برنامج الشربينى
https://www.youtube.com/watch?v=aEHYrqSQA-M
رجاء تلبيه طلبى

شكرا جزيللا

muhamadibra

28/03/2014, 23h09

بعد كل هذه الروائع الواحد مكسوف يطلب طلب ويقول عليه مستعجل ولكنه حقيقة برجاء تدوين نوتة تتر مسلسل خاتم سليمان غناء ريهام عبد الحكيم وادي الرابط والشكر كمان مقدما يا مايستروhttps://www.youtube.com/watch?v=LTlJKfZlSXM
د محمد ابراهيم

البطار بوشعيب

29/03/2014, 14h40

السلام عليكم استاذ صمويل وشكرا على المعلومات التاريخية كما اشكرك على مجهودك المتميز اما بالنسبة للجملة الاولى بالنسبة ل افديه ان حفط الهوى فهناك تسجيل لام كلثوك فيكون الحقل الاول كالتالي زفرة ثم صول سوداء ثم صول احادية السن منقوطة مع لا ثنائية السن ثم صول كروش وفا كروش واجدد شكري على مجهوداتكم الجبارة
اخى العزيز
لو قصدك على المازورتين الاولى والثانية عادى ممكن اى حد يعملهم بطريقته انا اخدتهم من سياق اللحن يعنى
مع اطيب تحياتى عادل صموئيل

البطار بوشعيب

30/03/2014, 22h38

:emrose:شكرا استاذ عادل بارك الله فيك

عادل صموئيل

30/03/2014, 23h39

احبائى

اقدم لكم من العيار التقيل جدا جدا
دور من مطلع القرن العشرين

ياما انت واحشنى

للملحن العبقرى محمد عثمان ... انا قدمت له من قبل كادنى الهوى واتمنى ان تسعدوا بهذا اللحن الرائع هو صعب شوية لكن ممتع جدا

من اطيب تحياتى

Belal shankal

31/03/2014, 04h45

:emrose:صباحا ً عاطرا ً ورديا ً :emrose:, اجمع التحيات لاستاذي :emrose:أ / عادل صموئيل:emrose: , شكر خاص لمجهودك الرائع والثمين والفريد من نوعه , اذا سمحت لى اريد النوتة الموسيقية , للموسيقار رياض السنباطي " قصيدة فجر " والنوتة الموسيقية " لاغنية " هليت ليالي القمر " ام كلثوم " وياللي كان يشجيك انيني " تقاسيم عود رياض السنباطي لقصيدة اشواق التاقسيم اللى قبل اللحن , اعرف ان هذا طلب ربما يكون ثقيل , ولكنني اعشق السنباطي عشق الروح ملوش اخر , اكرر خالص الشكر وتحياتي

الاخ العزيز
اولا اهلا بك فى المنتدى
هى طلباتك حاجات صعبة شوية لكن ان شاء الله احطهم على القائمة بتاعة الطلبات
بالنسبة لغنية اشواق احنا متكلمين فيها من زمان يعنى حد نزل نوتة وانا صلحت فيها وحاجات كده ممكن حضرتك فوق فى خانة البحث تكتب قصيدة اشواق نوتة او فى قسم نوتات رياض السنباطى وشوف تعجبك يعنى انا صلحت فيها لكن مش من تدوينى المتواضع
اما بالنسبة للتقاسيم ارجع لورا شوية هنا فى نفس الموضوع انا كاتب كذا مرة ان التقاسيم ما ينفعش تتكتب لنها بتبقى ارتجال من العازف واى عازف بيعزف تقاسيم بيعزف سماعى ماتنفعش بنوتة

مع اطيب تحياتى عادل صموئيل

عادل صموئيل

31/03/2014, 06h30

احبائى
الظاهر انى لما كتبت الادوار القديمة حنيت لموشحات كنت بحبها زمان
اقدم اليكم

كلما رمت ارتشافا

الموشح ده رائع وسهل الى حد ما
بس انا لماكتبتو حرفيا هو على سرعة 90 حسيت فيه ان كام مازورة ممكن يعملوا مشكلة مع المبتدئين وانا المبتدئين عندى اهم من المحترفين لنهم بيشكلو انجازى الحقيقى يعنى اكتر كلمة بتسعدنى لما حد بيكتب ويقول انا اغنية كذا ماكنتش احلم انى اعزفها إلا لما انت دونتها بالسهولة .....
لذلك اقدم لكم نها نسختين نسخة سرعة تسعين ونسخة سرعة 130 ودى سهلة اوى اوى

مع اطيب تحياتى

نور الصباح

31/03/2014, 07h04

احبائى
اقدم لكم من العيار التقيل جدا جدا
دور من مطلع القرن العشرين
ياما انت واحشنى
للملحن العبقرى محمد عثمان ... انا قدمت له من قبل كادنى الهوى واتمنى ان تسعدوا بهذا اللحن الرائع هو صعب شوية لكن ممتع جدا
من اطيب تحياتى
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وشكررررررررررررررررررررررا

أخوكم
نور الصباح

نور الصباح

31/03/2014, 07h07

احبائى
الظاهر انى لما كتبت الادوار القديمة حنيت لموشحات كنت بحبها زمان
اقدم اليكم
كلما رمت ارتشافا
الموشح ده رائع وسهل الى حد ما
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وشكررررررررررررررررررررررا

أخوكم
نور الصباح

عادل صموئيل

31/03/2014, 11h59

احبائى
اقدم لكم

تتر مسلسل خاتم سليمان

فيه ملحوظة فى موسيقى الايام دى ومنها المسلسلات طبعا المشكلة التوزيع يعنى احنا مانقدرش نكتب التوزيع لنو بيكون عامله اورج واحد وداخل على تراكات كتير ويقعد يحط اضافات من المستحيل تتكتب وانا هنا فى الفواصل اصطدت منو اللى قدرت بس مش هو اللى انا سماعه طبعا .. لكن فيه اغانى ومسلسلات بيبقى الجزء المتوزع كبير وملخفن وهنا مش نقدر نكتب الاغنية دى او الموسيقى من اصله .. وتاتى مشكلة تانية المطربين اليومين دول بيلعبوا بصوتهم بطريقة ايضا تلخبط المدون يعنى هى بتقول حرف انا مش واضح ده صول ولا فا او فادييز بكتب اللى حسيتو ارجع اسمع الاقى حاجة تانى اكتبها ارجع اسمع الاقى احساسى الاول كان اقرب وهكذا عشان كده الاغانى دى مزعجة بعكس زمان كان المطرب بيغنى بيعلمك صولفيج غنائى يعنى بيقول رى مافيش حد ع الارض يقدر يقول دى مش رى يقفز منها على سى بيمول هى سي بيمول مافيهاش كلام عشان كده هم بيفيدوك فى العزف الصح والغناء الصح ومريح بالنسبة لى عشان ما يحصلش عندى شك فى اللى بكتبه ودى اخطر حاجة ... وللعلم انا لو كتبت نص اغنية وحسيت انى شاكك فى اللى كاتبو وحاولت اضيع الشك ده ومش مقتنع بمسح الملف من اصلو ما اكتبهاش اصلا
مع اطيب تحياتى

muhamadibra

31/03/2014, 14h04

عادل صموئيل : احبائى
]تتر مسلسل خاتم سليمان

هو فيه ملحوظة ان تتر المقدمة هو نفسه تتر النهاية

شكرا جزيلا يا مايسترو علي تعبك ومجهودك وتحليلك وذوقك العالي
د محمد ابراهيم

muhamadibra

31/03/2014, 15h17

[QUOTE=muhamadibra;655375]انا اسف تعبت حضرتك لان فعلا التتر ناقص في اوله وقد وجدت هذا اللينك من حفلة يمكن يكون كامل ويعوض النقص في تتر المسلسل - وعاجز عن الشكر
د محمدابراهيم

https://www.youtube.com/watch?v=vsop4QahC-M

اخى العزيز
اشكرك انا شفت اللينك ونزلت الحتة الناقصة وهى فى الحفلة بتغنى من الطبق الصغيرة يعنى انقص تون كامل عن تسجيل الاستوديو وعدلت النوتة بس لعلمك هو المازوريتن انا عملتهم من عندى الاولى مختلفة لكن التانية زى ما انا تخيلت
عموما انا نزلت النوتة فى مكانها شوفها
مع اطيب تحياتى عادل صموئيل

نور الصباح

31/03/2014, 15h22

احبائى
اقدم لكم
تتر مسلسل خاتم سليمان

SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وشكررررررررررررررررررررررا
أخوكم
نور الصباح

muhamadibra

31/03/2014, 17h12

الاستاذ المايسترو العظيم طلب من ابنتي الصغيرة بعدما سمعت تتر خاتم سليمان تريد تتر مسلسل فرح ليلي لكارمن سليمان وهذا الطلب عزيز علي ولكنه غير مستعجل - واسف علي الازعاج وهذا هو الرابط https://www.youtube.com/watch?v=yvUd4LolVzc
د محمد ابراهيم
اخى العزيز
الجزء الاول من الاغنية دى ماينفعش يتكتب لنى مش حاسس الدوم فين يعنى انا اهم حاجة احس مكان الدوم بمعنى مش لاقى لها ميزان ولا هى ادليب
مع اطيب تحياتى عادل صموئيل

سليم العباس

31/03/2014, 17h39

الأستاذ عادل صموئيل تحية طيبة :

سؤال فيه حبتين صراحة و حبة عتب :

ما هي الآلية المعتمدة للإستجابة لطلبات التدوين ؟ البعض يطلب نوتات لأغانٍ مهمة ليست قديمة لكنها من زمن الفن الجميل و الأمثلة عديدة ( أغاني هاني شاكر القديمة - أو أغاني أصالة نصري الطربية - أو أغان لوديع الصافي أو ... ) و يكون جواب حضرتك أن الأولية لأغاني العمالقة ، لكن في المقابل نجد تدوينات لتترات مسلسلات أو أناشيد رياضية ليست ذات قيمة فنية ( باستثناء أغاني الأطفال فهي هامة جداً و تشكر على تلبية طلباتها ) .

- و هل بالإمكان أن يخضع تدوين الأغاني لاستفتاءات الأعضاء ( ديمقراطية فنية ) بحيث نختار أولية التدوين من ضمن أغان تقترحها حضرتك أو أحد من الأعضاء و بالطبع بعد اقتناعك بأهميتها و قابليتها للتدوين .

وكما يقال : العتب على قدر المحبة .

تحياتي و تقديري .

اخى العزيز
هو المشكلة فقط ان الطلبات كتير اوى اوى ومختلفة ده اولا
وثانيا فيه اغانى انا اول ما بشوفها انا بكون اصلا بحبها وبدونها فورا
وفيه اغانى بيبقى مدرس مثلا او عازف عندو حفلة ومستعجل وده مش بقدر اتأخر عنه
ولو عليك 100 طلب وتلاقى طلب صغير يعنى 4 اسطر زى مثلا نشيد النادى الاهلى انا اول حاجة فى الطلبات ذات الحجم الصغير ده بسمع الملف لما بلاقيه سهل بكتبو واخلص منو يعنى بيبقى بدل ما يكون على 100 طلب يبقوا 99 يبقى الجبل خف شوية ( نفسيا ) علما بان الاخ العزيز اللى طلب نشيد الاهلى طلبو من 3 ايام وانا كتبتو فى نفس اليوم وهو مادخلش حتى شاف النوتة .. وفيه لما بسمع حاجات ماتنفعش تتكتب يعنى مثلا زى مسلل الحريق كلو توزيع ومؤثرات صوتية يعنى مش عارف استخرج منو اللحن الاساسى وفيه اغانى مش بحبها اصلا زى لو بالعين ودخلت مرة جنينة وفيه مطربين مش بحب اسمعهم زى اصالة لأن بتعمل فى الجملة الواحدة 28 عُربة واللون ده انا مش بحبه يعنى هى لما تغنى اغنية لعبد الوهاب مثلا لو كان ينفع يتعمل فيها العُرب دى ماكان هو عملها ولا اصالة اشطر منو ؟ وانا مش دكتاتور يعنى ممكن انت تطلب اغنية تلاقيها فتحت عندى الرغبة لأغنية تانى ادونها زى مثلا دور يامانت واحشنى وموشح كلما رمت ارتشافا ودول من عندى لكن مكسب كبير لكم لكن عادة انت لورجعت من اول الموضوع صفحة واحد لحد دلوقت حتلاقينى مدون 90% من الطلبات يعنى حوالى 700 نوتة وماحدش عملها ومعظمهم اعمال صعبة جدا ماحدش يقدر يكتبها وايضا انا بركز شوية على الاغانى اللى انا عزفت معاها فيهم زى مجموعة اغانى فايزة الطويلة وعبد الحليم ووردة
مع اطيب تحياتى عادل صموئيل

eagleeast

01/04/2014, 06h13

ازيك يا هرم واحشنى بجد
انا قريت كلامك وعندك حق فى كل كلمه قلتها عن الناس اللى مبتقدرش الفن الجميل وعلى فكرة انا لما بعمل حفله ببقى محضر كام اغنيه من الزمن الجميل وبغنيهم بس مع الحديد علشان بحب انوع فى الالحان والاغانى وكل حسب زوقه يعنى فى الحفله الاخيرة بعد ما غنينا اغنيه امال ماهر يا بلادى مين انا غنيت اغنيه ام البطل لشريفه فاضل ولقتها نالت اعجاب ناس كتير فى الحفل واتجاوب معها طالبات كتير رغم انهم ممكن يكونو اول مره يسمعوها علشان كده هستمر فى القديم وارطه مع الجديد علشان ميبقاش فيه حجه لحد
منورنا ومنور منتدانا وهتنور على طول بإذن الله
شكرا ليك يا هرم
ابنك نسر الشرق

اخى العزيز انا سعيد جدا لنجاح حفلتك لن ده نجاح ليا برضو .. وانصحك طالما تحب تبقى ابنى ... دلوقتى احنا داخلين على الامتحانات وانت تقريبا خلصت شغلك المهم يعنى استغل وقت فراغك اللى فى المدرسة عشان يبقى مش ممل حاول اشتغل فى حاجات قديمة وانا مش بحب كلمة قديمة ولكن حاجات الزمن الجميل وخليك جاهز فى حاجات كتير وزى ما انت شفت انك اول ماقلت لهم حاجة زى ام البطل تفاعلوا معاك وده يدل انى بتكلم صح وزى ماقلت اولياء الامور والناس الكبار عاشوا الحاجات دى وبيحبوها ومش بيتقبلوا الجديد ولو انت اهلك موجودين اكيد حاتحس انهم بيحبوا عبد الحليم وما بيعترفوش بتامر حسنى وخلى بالك حاجة مهمة ان الاغنية عجبت البنات وده مهم جدا رغم زى ما بتقول اول مرة يسمعوها وانا اقول ايه جايين من كوالالمبور ؟ وممكن من النوت بتاعتى تاخد جمل موسيقيسة من الاغانى الصعبة تنفعك اوى
مع اطيب تحياتى عادل صموئيل

muhamadibra

01/04/2014, 09h31

شكرا جزيلا للمايسترو المتوضع جدا عادل صموئيل - واخص اهتمامه بجمهوره وحرصه علي الرد والحرفية العالية وتقديم خبراته بكل سلاسة جزاك الله كل خير - ولو امكن تدوين جزء الغناء من تتر فرح ليلي و يكون علي الخاص لو حاسس انه لن يكون منضبط علميا بمستوي التدوين المعروف لكم - عطاء كبير وعمل ابداعي تشكر عليه دون اي عتاب
د محمد ابراهيم

نور الصباح

01/04/2014, 10h01

اخى العزيز
انا اول حاجة فى الطلبات ذات الحجم الصغير ده بسمع الملف لما بلاقيه سهل بكتبو واخلص منو وفيه اغانى مش بحبها اصلا زى لو بالعين ودخلت مرة جنينة اشطر منو ؟ وانا مش دكتاتور يعنى ممكن انت تطلب اغنية تلاقيها فتحت عندى الرغبة لأغنية تانى ادونها زى مثلا دور يامانت واحشنى وموشح كلما رمت ارتشافا ودول من عندى لكن مكسب كبير لكم لكن عادة انت لورجعت من اول الموضوع صفحة واحد لحد دلوقت حتلاقينى مدون 90% من الطلبات يعنى حوالى 700 نوتة وماحدش عملها ومعظمهم اعمال صعبة جدا ماحدش يقدر يكتبها وايضا انا بركز شوية على الاغانى اللى انا عزفت معاها فيهم زى مجموعة اغانى فايزة الطويلة وعبد الحليم ووردة
مع اطيب تحياتى عادل صموئيل
SSSSSSSSSSSSSSSSSSSSSSSSSSSSSSSSSSSSSSSS
أســـتاذنا وحبيبـــــنا ومعلمــــــــــنا
الفنان والمايســــــــترو العظيم
الأســــــــــــــــــــــــــــــتاذ
عـــــــــــــــــــــــــــــــــــــــــــــــــ ـــــــــادل باشـــــا صموئــــــــــــــــــــــــــــــــــــــــــــــ يل
سلام الله عليكم ورحمته وبركاته
وبعــــــــــــــــــــــــــــــــــد :
أولا : ماحدش يقدر ينكر مجهوداتكم وجهودكم الجبارة فى التدوين ولا التوجيه والإرشاد والتعليم
ثانيا : الجميع يذكر لكم إخلاصكم وتفانيكم من أجل رفعة الفنون العربية والشرقية الأصيلة
ثالثا : نحن نلتمس لكم العذر فى كثرة الطلبات والجميع يدعو لكم بالصحة والسعادة وطول العمر ويحمل لكم من المحبة الخالصة وجزيل الشكر والعرفان
رابعا : لكم مطلق الحرية فى اختيار ما ترونه من ألحان وأغانى لتدوينها
لكن : - بعض الناس لها عشم وأمل كبير فيكم ونحن نعرف أنكم لا تخذلون أحبابكم أبدا
وشكرررررررررررررررررررررررررررررا
وكل عام وأنتم بخير
أخوكم المخلص
نور الصباح

عادل صموئيل

01/04/2014, 13h19

احبائى

اقدم لكم من اغانى هانى شاكر الاولى

كده برضو ياقمر

ولا تزعل ياسيدى ( هو عارف )

مع اطيب تحياتى

muhamadibra

01/04/2014, 14h35

[QUOTE=عادل صموئيل;655492][CENTER][SIZE=5]احبائى

اقدم لكم من اغانى هانى شاكر الاولى

[COLOR=Red]كده برضو ياقمر

ولا تزعل ياسيدى ( هو عارف )

هو عارف واحنا الكسبانين - وتسلم ايادي قمر التدوين وتعيش
د محمد ابراهيم

نور الصباح

01/04/2014, 15h29

احبائى
اقدم لكم من اغانى هانى شاكر الاولى
كده برضو ياقمر
ولا تزعل ياسيدى ( هو عارف )
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSSS
مافيش حد زعلان منك أبدا
وعقبال باقى طلباتنا
وشكرررررررررررررررررررررررررررررا
وكل عام وأنتم بخير
أخوكم المخلص
نور الصباح

wahidfarid

01/04/2014, 19h01

آستاد عادل بعد التحية و التقدير لقد طال غيابك عن آغاني فريد مع العلم أن فيه آغاني كثيرة لم تكتب بعد و من بينها و حياة عنيكي أوبريت ما تقولش لحد أنا و اللي بحبو مع تمنياتي لك بمزيد من العطاء في سبيل الفن و التاريخ

supersameh22

01/04/2014, 21h17

كل الشكر لأعضاء الصفحة على الجهد المبذول..
صفحة رائعة جداً .. شكر خاص للأستاذ عادل صموئيل على مجهوده الرائع

سليم العباس

01/04/2014, 23h19

أولاً - شكراً لك أستاذ عادل على التوضيح ( الذي لم أفهمه كثيراً ) .

ثانياً - لكل موضوع جوهر يعطيه قيمته و هوامش غير ذات أهمية . و في حالتنا هذه فجوهر الموضوع هو عازف مبدع استطاع صياغة النوتة بطريقة جعلتها غاية في السهولة و المتعة . أما طريقة الإستجابة للتدوين فهي مجرد هوامش و قد طرحت سؤالي على سبيل الاستفسار .

كامل التقدير لحضرتك .

نور الصباح

01/04/2014, 23h22

حبيب قـــــــــــلبى وحبيب كل أعضـــــــــــاء منتدانا الجميل
الفنان الكبير الأســـــــــــــــتاذ :
عـــــــــــــــــــــــــــــــــــــــــــــــــ ــــــــادل باشـــــــــــــــــــا صموئــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــد :
شكرا جزيلا لكم على رائعة فايزة أحمد
صعــــــــــــــــــــبان عليـــــــــــــــــــــــنا منكم صعبان علينا ونرجو من جنابكم تدوين
1- حـــــــــــــــــــــــــــــــيران كده ليه يا حبيبى والملف الصوتى بالصفحة رقم 231 بتاريخ 12 / 11 / 2013
وشكرا لكم وحفظكم الله على الدوام لرفعة الفن العربى الاصيل
أنا عارف بأن الجدول مزدحم بطلبات سابقة وشاكر لكم الأفضال
وشكرررررررررررررررررررررررررررررا
أخوكم
نور الصباح

muhamadibra

02/04/2014, 07h04

رد الاستاذ عادل علي الاستاذ صباح فخري وكذلك تعليقي للمرح ةالفكاهة ليس الا ولا تحمل اكثر من ذلك - وفي رأيي ان اعادل كفنان لابد ان يكون رايق ومقتنع ومحب لما يدونه فهو ليس الة ولذلك المزاج له دور في الموضوع - والشكر موصول للجميع والزعل مرفوع لاننا كلنا مستفيدون من هذا الطوفان الفني الراقي
د محمد ابراهيم

اخى العزيز
العملية انا نفسى اشرحها لكم ... كنت زمان ايام الفن الجميل لما بكتب نوتة بكتبها للملحن الاصلى نفسه .. يعنى كانت شغل يعنى بكتب واقبض فلوس .. كان ساعتها مش مهم بحب اللى بكتبه .. يعنى بروح للملحن البيت او هو بييجى لى البيت او نتقابل فى مكان ما ومعاه العود ومعايا الورق وقلم رصاص واستيكة وبيملينى بالعود وانا بكتب .. كنت ساعتها مش بتذوق اللى بكتبه بمعنى مش بعيش فى اللحن زى دلوقتى .. يعنى كان المحلن بيملينى مازورة مازورة وانا بكتب وممكن بعد ما اخلص النوتة وامشى اكون نسيت حتى اللى انا كتبته ناهيك عن مواضيع اخرى ... يعنى كان المحلن بيطلبنى بالتيفون يقول عايزين نكتب حاجة اسأله حاجة كبيرة ولا صغيرة وكلمة صغيرة يعنى لحدود صفحتين دى ممكن قعدة واحدة لكن لو اغنية 16 صفحة مثلا زى اغانى محمد سلطان لفايزة دى كانت بتحتاج كذا يوم .. المهم كان ممكن يقول لى انا مستعجل واكون انا مشغول ايام الفرقة الماسية كان ممكن انا فى الشارع طول النهار والمساء عندى تسجيل فى الاذاعة يخلص الساعة 11 مساء ومضطر اروح للملحن بعد كده عشان اكتب اللحن وطبعا بكون فى اشد حالات التعب وبالطبع ده شغل يعنى هذا المحلن لو قلت لو مش فاضى كذا مرة ممكن يشوف حد غيرى .. وبعد فترة الفرقة الماسية والزمن الجميل ودخلنا فى الالحان الزبالة .. ابتدين اعمل مقارنة بين كمان وتلك الفترة يعنى اقل شىء كان المحلن الكبير زمان لما بيستدعينى بيكون اللحن نضج لأقصى درجة وعايز يتكتب وبالطبع كل جملة بكتبها اكون ما سمعتش اى حاجة شبهها من قبل يعنى بتمتع بالشغل .. فى الفترة التالية اللى من 1995 كان الملحن بيعمل اللحن سبوبة وخلاص يعنى لما نكتب اولا بيكون لحن مهلهل وهو جاى لعادل صموئيل بصفته المخترع العبقرى اللى ممكن يصلح لو الزبالة دى ويعمل لو منها شىء ما يعنى نكتب جملة مقرفة او مسموعة من قبل خمسين مرة واقول لو طيب نخليها كده يعنى اغير فيها من عندى .. وجملة ورا جملة بالطريقة دى تلاقينى انا تقريبا عامل 80% من اللحن وانا باخد حق التدوين وهو بيقبض حق التلحين طبعا اد التدوين 500 مرة ... ولقيتهم بيجروا ورايا عشان الخاصية دى وابتديت اقرف منهم يعنى يكلمنى ف التليفون عايزين نكتب حاجة وبكون انا فى البيت وتميز الموبايل عن التليفون الارضى ( واللى مش برد عليه اصلا ) انى ممكن اتهرب منو يعنى اقول لو انا ف شرم الشيخ ( او ابعد مكان يعنى ) طب حاتيجى امتى اقول له بعد 3 شهور ... لكن هنا فى سماعى انا بمارس متعتى يعنى انتم بتطلبوا عشرين اغنية مثلا فيه اغانى انا سماعها واغانى ماعرفش عنهاحاجة اللى سامعها فيه منها بحبها جدا وفيه منها اانى بتاخد منى نصف ساعة اول ما اشوف الجطلب اروح فاتح ملف انكور وابتدى ونصف ساعة تكون خلصت ... فيه اغانى بموت فيها بس طويلة اوى دى لما بكتبها وانا هنا بالطبع بشتغل عند نفسى يعنى مش بقدر اقعد على الكمبيوتر اكتر من نصف ساعة واقفل وارجع تانى وهكذا .. ساعات فى النصف ساعة دى بكتب حتة كبيرة وساعات جملة غلسة فيها تفعيلة مش عايزة تدخل دماغى تضيع النصف ساعة ولسه مش طالعة زى ما انا سامعها او معقدة جدا عايزة تتفصص شوية عشان حتى انتم تعرفوا تقروها .. بقفل وافكر فيها شوية .. فيه اغانى مثلا بيبقى فيها ادليب معقد شوية دى بحاول افكر فيها ازاى اخرجها لكم بتاخد تفكير شوية
فيه احيانا ظروف بيبقى حد عنده حفلة ومستعجل على حاجة طبعا ما اقدرش اتأخر عنه .. يعنى السنة اللى فاتت كان فيه حفلة كبيرة فى ذكرى الموسيقار الكبير احمد صدقى وابنه طلب منى كام اغنية طبعا الموسيقار الكبير فوق رأسى وانا اشتغلت معاه ماتأخرتش بعدين لما شافو النوت هم كان عندهم كذا نوتة لألحان تانية الفرقة لما شافوا النوت بتاعتى حسوا ان النوت التانية مزعجة طلبوا منى اكتب ييجى 8 اغانى تانى وبالطبع ماتأخرتش مع الاغانى فيه منها صعب شوية
العملية دلوقتى بتيجى كده انا مش بحسبها ... يعنى انتم عارفينالفنان مجنون وانا عندى شعرة ساعة تروح وساعة تيجى انا كل يوم بعد ما اصحى بحب انزل اشترى طلبات للبيت وعادة فى اغنية بتقتحمنى بدندنها وانا رايح اقتحمنتنى قصيدة يا حبيبى لاتقل لى ضاع حبى من يدى .. وانا راجع دخلت عليا اغنية اغار من نسمة الجنوب ودى طبعا من الاغانى اللى ماحدش يحاول يكتبها لكن انا عزفتها تحت فى قسم المبدعون ومع انها فى منتهى الصعوبة بس انا اقدر اكتبها الحمد لله .. عندك مثلا السهولة بتاعة النوت بتاعتى واللى من اهم مميزاتى ... السهولة او التسهيل ده لعلمكن بيعطلنى كتير جدا يعنى الاول بكتب الجملة بشوفها صعبة عليكم بحاول افكها شوية بالطبع من غير ما يسقط منها حاجة تغير معالمها وهنا العبقرية لن اغانى زمان مقدسة ولها مستمعين حافظينها صم ولو انا غيرت المستمع حايحس انى بلخبط ( زى كتير نوت قديمة هنا ناس منكم قالت انها مكتوبة غلط حاجات كتير كتير .. زى مثلا هل انت عمرك شفت فى نوتاتى مازورة مزحومة بحيث ماتعرفش تقراها ؟ مش ممكن لن وانا بكتب لما الاقى المازورة مزحومة بحاول اوسعها بكذا طريقة وده بالطبع بياخد وقت زائد مثلا التشطيب يعنى شوف العلامة او الخط اللى فوق اللزمات فيها زوايا من الاول والآخر ودى انا اتعلمتها من الفرقة الماسية فيه ناس بتعمل خط وخلاص الزوايا دى انا اخترعت او صممت لها فونت مخصوص وتركيبها بياخد وقد فى الآخر وبتحتاج تظبيط كتير ... يعنى فيه ناس بتطلب نوت متخيلة ان النوت دى عندى ف الدرج بنزلها وخلاص مش بتاخد وقت ومجهود واعصاب وظروف نفسية وظروف البلد يعنى احنا عندنا كل يوم جمعة حفلة بيعملها الاخوان فى منطقتنا وضرب نار وقلق ويوم الجمعة الماضى اتقتل خمس اشخاص قريب جدا من بيتى .... بإختصار العملية مش سهلة زى ما البعض ممكن يتخيل
مع اطيب تحياتى عادل صموئيل

armendo

02/04/2014, 10h30

muhamadibra

02/04/2014, 15h07

انا مقتنع تماما بكل ما وضحه المايسترو عادل صموئيل - ومنذ مده كتبت انني كنت اتمني ان يكون لدي القدرة علي التدوين لاساعده واخفف عنه الحمل وهو نفسه وضح لي صعوبة ذلك وخاصة انني هاو - ولان مهنتي تفرض علي مساعدة الناس دون مقابل احيانا كثيرة تشعرني بالسعادة التي بالطبع يشعر بها ا عادل مع كل عمل يدونه -والحقيقة انا متابع لهذه الصفحة منذ سنوات وباكون في قمة السعادة عندما اقرأ كلمة - احبائي اقدم لكم ....... - استمر في عطائك وفقك الله واسعدك كما تسعدنا
د محمد ابراهيم

البطار بوشعيب

02/04/2014, 22h15

السلام عليكم استاذ عادل اللهم متعك بالصحة والعافية

سليم العباس

03/04/2014, 02h11

اصدقائى واحبائى صباح الخير

الفنان بشر يتساوى فى ذلك مع الجميع ,يحب ويكره ويستسيغ ولا يستسيغ ولا يجب اجباره على فعل عمل ما ضد قتاعاته وخاصة اذا كان يؤدى خدمه عامه بدون مقابل ولذلك لا يجب ان نصمه بالإنتقائيه فى إختياراته وهذا ظلم بيّن.

وجوهر الموضوع انه اذا كانت استجابة اخونا عادل لتدوين اكثر من سبعمائة اغنيه من الهوامش فهذا رأى لا اتفق معه.
ولكم منى ارق التحيات
احمد (ارمندو )

تحية طيبة أستاذ أحمد :

أنا اتفق معك فيما يتعلق بالخصوصية الفنية لكل فنان و حقه في التزام خط معين يتوافق مع مزاجه ... ما طرحته أنا مجرد استفسار خطر في بالي مراراً و أنا متأكد من رحابة صدر الأستاذ عادل في الرد عليه انطلاقاً من تواضعه الكبير و إيمانه في جدوى التواصل مع محبي تدويناته الرائعة ( وهذا ما كان ) ، و للتوضيح أنا لم أقل بأن تدوين الأستاذ عادل لأكثر من سبعمائة أغنية يعد من الهوامش لكن ما قلته حرفياً
( أما طريقة الإستجابة للتدوين فهي مجرد هوامش )
و الفرق واضح بين الجملتين ، أي ما قصدته : مهما كان أسلوب الأستاذ عادل في اختياره للأغاني فهذا لا يشكل فرقاً كبيراً بالنسبة لي ، و ما يعنيني من الأمر هو استمرار إبداعاته الفنية الأمر الذي يشكل جوهر القضية ، و الأغاني التي دونها متوافقة مع مزاجي الفني بنسبة 90% على الأقل .
لكن ما يثير استغرابي أن طرح استفسار معين قد فُهم بطريقة خاطئة ، سأقرب وجهة نظري قليلاً.. لو سألتَ بستاني أبدع بتصميم حديقة جميلة مليئة بالزهور السؤال التالي : هل من الممكن أن تشرح لي طريقتك في الاختيار و التنسيق ؟
فهل هذا يقلل من قيمة البستاني أو من جمال الأزهار !
تحياتي .
يا احبائى انا والله ما متضايق من حاجة انا شرحت وجهة نظرى يعنى انا بحكم خبرتى بشوف المواضيع بوجهة نظر واسعة شوية يعنى انت ممكن تختار اغنية ماتعجبش حد فيرك وممكن تختار اغنية تعمل ثورة اعجاب تلاقى 200 عضو اتجنن عليها انا لما بختار اغنية من عندى بختار اغنية تعجب على الاقل 1000 لن ذوقى حلو فى الاختاير او على الاقل عارف الاذواق المختلفة وايه يمشى معاها كلها .. انتم بتشوفوا الاعضاء المنتظمين هنا فى الصفحة من الاسماء اللى بتتحاور يعنى انت قول لى كام اسم حتقل كتير لكن العملية اكتر من كده انتم عارفين المنتدى كام عضو ؟ داخل على مليون وانا بهتم كتير انظر للى تحت اكتر من اللى فوق اقصد بكلمة اللى تحت فى آخر الصفحة بشوف كام واحد بيدخل الصفحة لو شفت حتلاقى اكتر من الاعضاء المعروفين هنا 100 مرة ولما باخد بالى من اسم ( معرفوش ) وداخل اكتر من كذا مرة يبقى عجبتو الصفحة و95% من اللى بيدخلوا وبيحملوا مش بيشتركوا او بيحطوا ردود ودى ماتهمنيش لأنى بكتب النوتة واحطها للناس مش بفكر حتروح فين او لمين المهم يستفيد منها اكبر عدد من الناس ... وانا لعملكم بغير طريقتى كتير يعنى مرة جربت الاقى خمس كلبات مثلا اروح انزل الملفات وابتدى اكتب سطر من كل واحدة واركنها واعمل ف التانية لقيت ان عندى خمس نوت عطلانة وقرفت منهم لنى لما بكتب حاجة طويلة شوية بعيش فيها فيه حاجة انتم عندكم فكرة عنها ( اسمها البيتش بتاع اللحن ) يعنى النغمة الاساسية اللى بيرتكز عليها اللحن لو صول مثلا لما بعيش فيها بتتركز معايا واى نغمة بعدها بكتبها بدون تفكير يعنى بعدها مى مى بيمول لا وهكذا لكن لما البيتش بيروح بتعطل ... غندك مثلا الحاجات الصغيرة اللى كتبتها الاسبوع ده نسيتها خالص يعنى مش فاكر منها ولا حرف لنها مرت بسرعة ماتعمقتش فيها
مع اطيب تحياتى عادل صموئيل

muhamadibra

03/04/2014, 08h14

يا اعزاءنا محبي المنتدي ومحبي الماسترو - انا لا اجد اي خلاف ولا اتهام ولا زعل واعرف ان ا صباح فخري يسأل ويستفسر فقط من باب العلم وقد رد الاستاذ عادل عليه ورديت انا - يمكن الردود هي التي لم تفهم جيدا وكانت من باب الدعابة ليس الا - لا تحملوا الامر اكثر مما يحتمل بالله عليكم ودعونا نستمتع بالفن الجميل دون اي خلاف -
د محمد ابراهيم

ادم اللفتاوي

03/04/2014, 11h46

استاد عادل المحترم
يا ريت لو تدون نوتة الاستاد فريد يا ويلي من حبه يا ولي يا عزابي في نهاري وليلي
انا احب تدوينك الجميل ولمساتك الجميلة في النوتة.
وشكرا لك مع الاحترام

زينب راضى

03/04/2014, 12h21

انا عندى 13 سنة فى ثانية اعدادى علاقتى بالاورج كانت عبارة عن برنامج لاقيته بالصدفة ع الكمبيوتر كان بتاع بيانو وبعدين حبيتو اوووى بس كنت بهبل ساعتها يعنى مش عزف وبعدين بالصدفة برده لقيت فيديو على اليوتيوب كان عزف اغنية ام كلثوم انت عمرى وبعدين جربت اقلد الفيديو ع البرنامج لحد اما بقيت بعرف اعزف نصها على الكيبورد بس طبعا مكنتش اعرف اى حاجة عن الاورج الاصلى ولا حتى السلم الموسيقى وبعدين دورت ع النت تانى لحد اما عرفت البيمول والدييز والسلم الموسيقى وازاى اعزف صح وكده بس مكنش يعتبر حاجة برده بالنسبة للنوت ومن كام شهر كده اتعلمت السلم الموسيقى وازاى اقرأ العلامات الموسيقية عليه بس تعلمى ليه مكنش كامل يعنى فى حاجات مش فاهماها ومبتطلعش بنفس النغمة يعنى جربت اعمل اغنية jingle bells طلعت صح بس لما جيت اجرب اغنية حلوة بلادى السمرة اللى حضرتك نزلتها فهمت العلامات بس فى حاجت مش فاهماها خالص والغريب ان الصوت مش بيطلع صح زى الموسيقى الاصلية ومن العلامات دى القوس والارقام اللى فى الاول وكمان علامة البيمول هل دى معناها لو كانت مثلا على السطر الثالث يعنى سى تبقى سى بيمول ولا انا غلط ولا ايه ويا ريت لو سمحت يعنى تكتب اغنية حلوة بلادى السمرة نوتة تكون حرفية انا عارفة ان طلبى ده رزل اوووى بس هيا النوتة دى بس مش عايزة غيرها :)

الابنة العزيزة
اولا اهلا بيكى معانا
وانا نفسى اساعدك على قد ما اقدر .. انتىسنك 13 سنة يعنة طالبة فى مدرسة .. هل فى المدرسة اللى انتى فيها مدرس او مدرسة موسيقى ؟؟ اذا كان عندك قولى لى وانا اقول لك تقولى لو ايه يعنى انا كنت موجه اول موسيقى واكيد هو يحب يتعامل معايا ... اما بالنسبة لأنى اكتب لك النوتة بالحروف هو مش طلب رزل هو طلب فاشل اقول لك ليه الموضوع مش انك تعزفى جملة واحدة ولكن تعزفى على طول .. والعازف اما بيعزف سماعى ( ودةى مش موجودة عندك دلوقتى ) او بيعزف بالنوتة والنوتة دى زى اللغة يعنى انت ( اولى اعاداى مثلا ) يعنى تعرفى عربى وانجليزى طيب الانجليزى اتعلمتيه ازاى ؟ ورقة وقلم وكتاب وشوية شرح بعد كده انتى وشطارتك وانا عايز اساعدك على اد ما اقدر بس اللى بيحب حاجة يتعب شوية الموسيقى عبارة عن لغة زى ما قلت بتتكون من حروف وازمنه الحروف اللى هى النغمات يعنى دو ورى وكده الازمنة يعنى كل نغمة من دول بتاخد طول اد ايه يعنى النوارزمنها واحد والكروش نصف والبلانش 2 وهكذا .. اول حاجة اشترى كراس موسيقى واحفظى الاول اسماء الخطوط من اسفل مى صول سر رى فا بعدين اسماء الخطوط من تحت فا لا دو مى واقعدى احفظى فيهم بحيث ان لما تشوفى حرف فى المسافة التانية يبقى ايه ؟ لا من غير ماتفكرى يعنى مثلا زى ماتشوفى حرف S يبقى ايه من غير ماتفكرى .. بعدين الخطوط والمسافات الاضافية اللى فوق وتحت المدرج .. بعدين العلامات الايقاعية يعنى الروند والبلانش والنوار والكروش وعلاقتهم ببعض ايه يعنى مش بييجوا فى الموسيقى مترتبين ولكن ملخبطين حاجة طويلة بعدها حاجة قصيرة ازاى اضبطهم يعنى انتى لو عارفة الحروف لكن الزمن غلط تطلع الجملة مشلفطة .. بعدين ادخلى على انوت بتاعتى من اى مشاركة للخ العزيز عيثم الصالحى هو عامل فهرس قلبة فى النوت حتلاقى حاجات سهلة اوى تبتدى فيها بالتدريج
عجبنى سؤالك لما تيجى علامة البيمول على الخط الثالث ايوه مش الخط الثالث اسمو سى ؟ تبقى العلامة بيمول ع سى تبقى سى بيمول بس خلى بالك العلامات اللى بتتكتب بعد مفتاح صول اسمها الدليل يعنى لو لقيتى علامة بيمول على الخط الثالث يبقى اى سى تقابلك جوا اللحن بيمول ولو لقيتى اى علامات تانية نفس الحكاية لكن لو لقيتى العلامة جوا المازورة يبقى اسمها علامة عارضة يعنى بتشتغل جوا المازورة دى فقط ولما تخرجى منها ينتهى مفعولها وترجع النغمة زى ماهى .. حاولى اشتغلى شوية وانتى حتاجة اورج متوسط يعنى الكى بورد طبعا ده شىء اهبل يعنى ما ينفعش يتعرف عليه اتشطرى وفى الاجازة اشترى اورج وانا معاكى وا سؤال انا احب اساعدك
فيه مثل انجليزى بيقول ايه لما تحتاجى رغيف عيش انهو احسن اديكى رغيف ولا اعلمك ازاى تخبزيه ؟؟؟
مع اطيب تحياتى عادل صموئيل

salhi_haithem

03/04/2014, 18h25

سلام و تحية للأخوة و الأخوات
أستاذ عادل تحياتي و أنا سعيد جدا بما قدمت لنا من نوتات و لي سؤال تقني و أردت أن أطرحه على حضرتك لاحظت في نوتة ساعة زمن متاع ميادة ألحان رياض السنباطي اللي تقول "كل واحد منا عنده ذكريات" لاحظت في أخر النوتة أي في الصفحات الأخيرة فيه فا نصف دياز ثم تليها صول نصف دياز الحقيقة صول نصف الدياز جننتني مش عارف مكانها في العود يعني الفا نصف دياز و الدو نصف دياز معروفين مكانهم و مرة سألتك عن لمسة مثلها و كانت في نوتة فيها المي نصف بيمول و تليها مي نصف دياز و أجبتني حيث المي نصف بيمول مكانها معلوم و مي نصف دياز إني في العزف أخسس المي نصف بيمول شوية يعني مكان بين المي نصف بيمول و المي بيمول
أرجع لسؤالي المكان متاع صول نصف دياز أين موجود و شكرا
هيثم

اخى العزيز
زى ما انت عارف النغمات الشرقية فيها سهلة وفيها صعبة حسب الآلة يعنى فى الكمنجة مثلا الدو والصول نصف دييز صعبة ووحشة إلا مع العازفين ذوى المستوى العالى جدا جدا زى الحفناوى
ومن هنا الملحن العبقرى بيضغط على آلة القانون بالت زمان لن النغمة بيعمل عُربة بتخليها نقية جدا دلوقتى تلاحظ انو بيضغط على الاورج لأن عندو مفتاح بيطلعها بدقة وبيسحب معاه الكمنجات يعنى عازف الكمنجة لما بيسمعها من الاورج بيقول زيو ... اما مكامها فين ..... اى نغمة والدييز بتاعها بيبقى النصف دييز بين الاثنين يعنى صول صول نصف دييز ثم صول دييز بعدين فيه صول دييز ونصف بعدين لا والدييز ونصف دى هى لا نصف بيمول وده حسب السلالم اللى دليلها دييزات او بيمولات وصلت ؟ وللعلم دى فزلكة اوى من السنباطى يعنى خلا 20 سنة فى الماسية مش فاكر مر عليا جملة فيها نغمتين شرقيتين ورا بعض فى نفس الجملة يعنى اقصى حاجة كانت يعمل فا نصف دييز والمازورة اللى بعدها صول نصفدييز يعنى يلون بينهم وعبد الوهاب مشهور بالحركة دى لكن انك تجيبهم ورا بعض نادرة جدا جدا .... وللعلم انا كنت حعمل الصول دييز لكن زنة الاورج اكدت لى انها نصف دييز كمان لاتنسى فى نوعية الآلات يعنى مثلا الحجاز كاركود بيحبوه عازفى العود مشبيحبوه عازفى الكمان لأن الرى بيمول بتطلع وحشة مع العازفين المتوسطين
مع اطيب تحياتى عادل صموئيل

عادل صموئيل

03/04/2014, 22h45

احبائى
اقدم لكم من اغانى فريد الاطرش

ياويلى من حبه ياويلى

مع اطيب تحياتى

muhamadibra

03/04/2014, 23h14

[QUOTE=عادل صموئيل;655739][CENTER]
[SIZE=5][COLOR=Blue]احبائى
اقدم لكم من اغانى فريد الاطرش ياويلى من حبه ياويلى
مع اطيب تحياتى
شكرا جزيلا وعمرا مديدا تزينه العافية
د محمد ابراهيم

نور الصباح

04/04/2014, 05h30

احبائى
اقدم لكم من اغانى فريد الاطرش
ياويلى من حبه ياويلى
مع اطيب تحياتى
SSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وعقبال طلباتنا
وشكرررررررررررررررررررررررررررررا
أخوكم
نور الصباح

RABAB ZEAN

04/04/2014, 08h33

الاستاذ المحترم عادل
بعد التحية لسة سامع اغنية حالا بس كلماتها جمياة و حسيت بيها لتعبيرها عن حالتي انا مع البلد لو ممكن تعملي نوتتها تزيد من جمايلك التي لا تنتهي
‫ط£ظ†ط§ ظ…ظ† ط¨ظ„ط§ط¯ظٹ ظˆط¨ظ„ط§ط¯ظٹ ظ…ظ†ظٹ .. ط§ظ„ظپظ†ط§ظ†ط© ط£ظ…ط§ظ„ ظ…ط§ظ‡ط±‬â€ژ - YouTube (http://www.youtube.com/watch?v=Qp4_meriid4)
http://www3.0zz0.com/2014/04/04/08/157164183.jpg

waleed_shelly

04/04/2014, 09h40

استاذ عادل اشكرك على كل النوت الجميله اللى بتقدمها واشكر اهتمام حضرتك بطالبه صغيره عمرها 13 سنه وحضرتك اهتميت بيها وبسؤالها
بس انا طلبت من حضؤتك نوته لاغنيه اسمها قد الحروف كان المفروض هتغنيها الفنانه نجاة ولكن بعد اعتزالها الغناء غنيتها اصاله هو لحن اتمنى حضرتك تسمعه وتقولنا راي حضرتك فيه ايه .. ولك منى جزيل الشكر

عادل صموئيل

04/04/2014, 10h31

احبائى

اقدم لكم اغنية امال ماهر

انا من بلادى

مع اطيب تحياتى

RABAB ZEAN

04/04/2014, 10h52

اجمل سلام و اضخم شكر لاسرع و افضل استاذ في مصر
http://www9.0zz0.com/2014/04/04/10/747358529.jpg

muhamadibra

04/04/2014, 13h12

=عادل صموئيل احبائى

اقدم لكم اغنية امال ماهر
انا من بلادى

مع اطيب تحياتى
مشكور يا غالي دائما في بالي وعالي عالي
د محمد ابراهيم

نور الصباح

04/04/2014, 19h01

احبائى
اقدم لكم اغنية امال ماهر
انا من بلادى
مع اطيب تحياتى
ياويلى من حبه ياويلى
SSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وعقبال طلباتنا
وشكرررررررررررررررررررررررررررررا
أخوكم
نور الصباح

زينة الغريبي

04/04/2014, 20h29

شكرا أستاذ عادل على هذه الأغاني التي أمتعتنا بها وهذه لائحة لفريد لم تدون بعد يا ريت يا أستاذ تدون لنا بعض منها

ـ قلبي و مفتاحه
ـ ديما معاك ديما
ـ فوق غصنك يا لمونة
ـ و حيات عينيكي
ـ و ياك الدنيا حلوة وياك

زينة الغريبي

wahidfarid

04/04/2014, 21h54

أظم صوتي للأخت زينة الغريبي و إختيارها للأغاني موفق جدا

nourshd

04/04/2014, 22h14

السلام عليكم جميعا
ازيك حضرتك يااستاذ عادل
دايما كد بتزودنا بااجمل الاغانى
انا عارفه ان حضرتك مش ميال للاغانى الجديده بس الطلبه عندى ببيحبوها

اغنيه ابن الشهيد - ياامى ياحبيبتى
غناء الطفل سيف مجدى

الله ع رجالتنا غناء مجموعه

واغنيه ماتستعجبش ماتستغربش لاسماعيل يس

الاخت العزيزة اشكرك على ذوقك
انا نفسى تفهمونى .. الموضوع مش موضوع ميل ولا مش ميل للأغانى الجديدة او تعصب لأغانى جيلى بدليل شوفى انا كاتب كام اغنية من الجديدة .. الموضوع ان الفرق بينالقديم والجديد انك تسمعى القديم تحصى انك فى حصة صولفيج يعنى النغمات واضحة ببقى سامع وفاهم اللى سامعه يعنى المطرب قال حرفين وانا مغمض بقول لك قال رى بعدها سى بيمول مفيش مجال للشك اما الحديث اما بيكون موزع بحيث ان فيه اصوات كتير على بعض عاملة زى المكرونة الاسباجيتى مش عارف اتتبع اللحن الاساسى او المطرب اما بيتفزلك اوى مش فاهم بيقول ايه او بيقول حروف نشاز زى 90% منهم يعنى لو الحرف الاول بعد الفحص واتشريح والشك عرفت انو رى نيجى عند الحرف التانى مش عارف صول ولا صول دييز ولا حاجة بينهم .. لكن لما يكون اللحن واضح ( وركزى على الكلمة دى اوى ) بكتبو مفيش مشاكل واقول لك حاجة ارجعى فوق فى هذه الصفحة امبارح الاخت العزيزة رباب زين ( مدرسة زميلتك ) انا بفتح الكمبيوتر امبارح الصبح الساعة 9 لقيتها طالبة اغنية انا من بلادى لأمال ماهر اول حاجة بعملها انى بسمع ( لنى طبعا مش حافظ الاغنية زى اهواك او ظلموه او انت عمرى مثلا ) سمعت الاغنية لقيتها بالظبط زى موزة مقشرة بتقول اتفضل كلنى وطلو الاغنية 3 دقائق ولن تتخيلى انى كتبتها بالظبط فى 25 دقيقة ونزلتها والاخت رباب حتى تعجبت ازاى بالسرعة دى ... فيه مرة اخت نزلت لى اغنيتين اطفال متسجلين شكلهم فى مدرسة بمصاحبة اورج الاطفال فيهم شوية نشاز بساللحن سهل وواضح رحت انا متتبع الاورج وكتبتهم المهم ايه ؟ انى اكون انا فاهم اللى سامعه ... بس ممكن تسهلى لى المهمة ونزلى لى المفات الصوتية وفرى لى وقت انى ابحث عنهم وانا تحت امرك
مع اطيب تحياتى عادل صموئيل

salhi_haithem

05/04/2014, 07h02

صباح الفل
أظم صوتي لأخي وحيد فريد و الأخت زينة في أغاني فريد الأطرش

اخى العزيز
المهم عندى انت والفهرس بتاعك يعنى الاول تاكد انى مش كاتبهم من قبل وقول لى وانا تحت امركم

مع اطيب تحياتى عادل صموئيل

muhamadibra

05/04/2014, 08h32

الحقيقة يا مايسترو روعة في المضمون وروعة في الشكل الجديد للنوت - اختيارات عبقرية - عندي ملحوظة ارجو تنال القبول اغلب من يتابعون الفن الجميل تعدوا ال45 سنة يعني يحتاجون مساعدة في القراءة - هل توجد طريقة نوسع بها مسافات الموازير وحجم العلامات قليلا لتريح في القراءة - لو امكن يبقي كتر الف خيرك وحماك الله من ضعف الابصار
د محمد ابراهيم

اخى العزيز وانا كمان بعانى من ضعف الابصار
ولكن انا كده جايب من الاخر يعنى بلاحظ اوى الموضوع ده انت لو راجعت كل النوتات بتاعتى تلاقى لو المدرج يحتوى 4 موازير اى مازورة مزدحمة اما بوسعها باخد من مزازير فاضية شوية جنبها يعنى بوسع المزدحمة من الفاضية شوية او لو كذا مازورة مزدحمة ورا بعض بطرد منهم مازورة للمدرج التالى وبالتالى انت بتلاقى المدرج صار 3 موازير
بعدين فيه حاجة تانية مهمة جدا المفروض فيه اعداد البرنامج خاصية اسمها الاعداد للطباعة ودى بتعمل هوامش للصفحة من جميع الاتجاهات يعنى بيترك 2 سم من اليمين ومن اليسار بالذات انا كنت بعملها لو حطبع كتاب او حاجة زى كده لازم اكون ملتزم بالذات عشان لما الكتاب بيتجلد يبقى فيه مساحة عند التقاء الصفحات ما تدخلش فى التجليد او فى التدبيس تلاقى المازورة اللى ع الطرف ناقصة حرفين .. لكن هنا انا مش بعمل الخاصية دى مراعاة ان تكون النوتة كبيرة اد ما اقدر ولو تلاحظ شوف طرف الصفحة الايمن والايسر تلاقى مش سايب غير واحد مللى وده آخر ماعندى طبعا ... العلاج تغيير النظارات .... وفيهحاجة تانية بيعملوها الموسيقسيين انو بيطلب م الدكتور نظارة قراءة فى مستوى معين يعنى غير اللى بنقرأ بيها من كتاب اوجريدة ولكن قراءة بس ابعد شوية يعنى بمسك النوتة على البعد اللى بتكون موضوعة امامى فى الفرقة واقول له عايز اقرا كده وبيعمل لى مقاس نظارة على البعد ده ... بمعنى وانت فى فرقة ممكن تكون النوتة بعيد عنك 50 او 60 سم وهنا نظارة القراؤة او المشى العادية حاتبقى مش فعالة اوى
وآسف للإطالة ولكن حبيت كعادتى اشرح الموضوع من حميع الزوايا الممكنة واللى انا بتفاداها
مع اطيب تحياتى عادل صموئيل

muhamadibra

05/04/2014, 10h02

مشكور يا كبير علي الايضاح - وربنا يعافيك من ضعف الابصار - فهمت طبعا ما تقصده انما انا اعتقد ان هناك تغييرا ما قد حدث في اخر شهرين لان نوت ام كلثوم وعبد الوهاب القديمة يعني قبل ذلك كانت مريحة جدا جدا بالنسبة لي بدون اي نظارات - فكنت اعني هل يمكن الرجوع بالاعدادات كما كانت قبل الشهرين دول - يمكن يكون الويندوز مثلا - انا مش خبير في ده بس ملاحظ الفرق بس - ولو لم يمكن ذلك عادي كله ممتاز والتدوين اكثر من رائع go on
د محمد ابراهيم

اخى العزيز
الموضوع اللى انت بتتكلم فيه خطير بالنسبة لى ... يعنى انا الاول من شهرين زى ما انت قلت اكتشفت مشكلة انى لما برسم دوائر مضبوطة بالبرجل على الشاشة بتطلع فى الطباعة بيضاوى وده معناه ان الصورة مفتوحة من فوق لتحت 20% زيادة عن العادى وبحثت الامر وكنت حدخل فى متاهة لحد ما اكتشفت مع واحد صديقى ( بعد ماجربت حاجات كتير ) ان المشكلة فى ضبط رزليوشن الشاشة انا كنت طول عمرى بخليه 1024x768 ولما عملنا التجارب اتضح ان احسن حجم 1280x720 والدوائر اتظبطت 100 % بس هو عمل مشكلة فى شكل الشاشة ان الايقونات بقت صغيرة اوى بس ممكن تتكبر وحليت المشكلة بالنسبة لأنكور اللى اختلف عندكم ارتفاع الصفحة يعنى كنت بعمل الملف 11 سطر بقى 12 وممكن 13 كمان لكن عرض الصفحة ( وخلى بالك ده اخطر حاجة ) زى ماهو يعنى انا قعدت اجرب وطبعات عشرات الورق عشان مشكلة العرض دى لأن هى اللى بتعمل ضيق واتساع الموازير لكن النتيجة واحدة يعنى شوف الصفحات قبل شهرين ودلوقتى تلاقى الهوامش يمين وشكال هى هى بالظبط اللى اتغير عدد المدرجات فقط
راجع كلامى هنا وفى المشاركة التالية وانا موجود مع اطيب تحياتى عادل صموئيل

muhamadibra

05/04/2014, 10h07

يمكن حضرتك تعني ان التغيير ده من اعدادات الطباعة الخاصة بي انا وهي السبب في صغر حجم العلامات عن الاول وكذلك ازدحام الموازير كما في نوتة ياويلي من حبه ؟؟ والمطلوب ان اعدل هذه الاعدادات من عندي -- هل انا كده فهمت صح ام انها غير ذلك
د محمد ابراهيم
اخى العزيز
انت الاول اطبع صفحة لو لقيت آخر الموازير على اليمين واليسار يادوب على آخر الورقة يبقى بالطبع ما ينفعش نكبر اكتر من كده لأن الموازير ممكن تنقص يعنى تخرج بره نطاق الطباعة وممكن تشوف اعدادات الطابعة عندك لازم يكون حجم الورق A4 عشان تطلع صفحة البى دى اف زى الحجم اللى احنا بنشوفه وحاجة كمان لما انت بتنزل الملف عندك بيبقى شكله ايه ؟ يعنى انا عامله زى ماقلت ان بيبقى الهوامش يمين وشمال مش اكتر من 2 مللى
اما ياولى من حبه ماتتوسعش اكتر من كده يعنى انا عامل 3 موازير فى المدرج ما ينفعش اقل من كده
مع اطيب تحياتى عادل صموئيل

ahmad_alahlawy

05/04/2014, 13h34

الأستاذ الفاضل عادل :
من باب التذكرة فقط ليس الا اعيد كتابة طلبات لنوتات سبق و ان تم طلبها منذ فترة :
1- نجوى لعبد الوهاب
3 - الثلاثية المقدسة لأم كلثوم
4 - بلاش عتاب لعبد الحليم
5 - قوللى حاجة لعبد الحليم
6 - قوللى عملك ايه لعبد الوهاب
7 - عاليادى لنجاة
8 - يا مرسال الهوى لنجاة
9 - سكن الليل لفيروز
10 - ليالينا لوردة
11 - انا وحدى يا ليل سهران لعبد الغنى السيد
12 - علشان الشوك اللى فى الورد لعبد الوهاب
اخى العزيز
فيه حاجة منهم اتكتبت راجع فهرس الاخ هيثم
مع اطيب تحياتى عادل صموئيل

ادم اللفتاوي

05/04/2014, 15h54

اللة عليك وشكرا لك يا اعضم استاد:emrose:

nourshd

05/04/2014, 17h01

شكرا ع ردك السريع يااستاذ عادل
واكيد حضرتك عندك حق لان اغلب الاغانى الحديثه من غير المؤثرات مش بتكون حلوه احيانا

وطبعا لا تقارن بااغانى الزمن الجميل

دى اغنيه ياامى ياحبيبتى
الله ع رجالتنا

nourshd

05/04/2014, 17h11

باقى الاغانى
اغنيه اين الشهيد

اغنيه اسماعيل يس ماتستعجبش
https://www.youtube.com/watch?v=IysjnIMbmRY

عادل صموئيل

05/04/2014, 21h14

muhamadibra

05/04/2014, 21h56

=عادل صموئيل

احبائى
اقدم لكم مونولوج اسماعيل ياسين

ماتستعجبش ماتستغربش

مع اطيب تحياتى
شكرا thanks
د محمد ابراهيم

nourshd

05/04/2014, 22h53

مشكووووووووووووور جدااااا يااستاذ عادل ع الاغنيه
وكمان فتحت اللنك وفعلا ف فرق
شكرا لحضرتك

الاخت العزيزة
طبعا انتى ممكن تستفيدى من خبرتى
اللى انا قلت لك عليه هو الاصل بتاع الفيلم واللى انتى منزلاه واحد فزلوك عامل توزيع على نفس التسجيل يعنى اضاف اليه حاجات ممكن تكعبل اللى يسمعه او يحاول يعزفو ... وللعلم اللحن مش ناقص كعبلة بمعنى ان المونولجات دايما بيبقى لحنها بسيط يعنى تلاقى اللحن منحصر فى خمس نغمات والملحن بيلعب فى التفعيلات حسب حروف الكلام ... وده محتاج اللى يعزف يبقى مركز اكتر من اللحن الصعب اللى طالع نازل والتفعيلات بتتغير مش ناقص لعبكة صح ؟

مع اطيب تحياتى وان شاء الله اعمل لك الباقيين عادل صموئيل

ahmad_alahlawy

05/04/2014, 23h33

الأستاذ الفاضل عادل :
عدت مرة أخرى و رجعت فهرس هيثم و لم اجد اى من الطلبات السابق ذكرها مسجل بالفهرس....و اصلا انا لم اكتب اى طلب الا بعد التأكد منه انه لم يسبق و تم تدوينه

اخى العزيز
انا وحدى ياليل سهران انا كاتبها الاسبوع ده
مع اطيب تحياتى عادل صموئيل

muhamadibra

05/04/2014, 23h41

muhamadibra

05/04/2014, 23h46

remomartini

05/04/2014, 23h52

الف شكر استاذ عادل على المجهود الرائع بس كنت بدور على نوت لعبدو داغر يا ريت لو موجودة يتم طرحها
مع الشكر

اخى العزيز
اهلا وسهلا بك فى المنتدى

الموسيقار عبدو داغر كان مش بيقرأ نوتة يعنى كل شغله كان بيعزفه سماعى
مع اطيب تحياتى عادل صموئيل

عادل صموئيل

06/04/2014, 01h02

احبائى
اقدم اليكم من تراث فريد الاطرش

قلبى ومفتاحه

مع اطيب تحياتى

wahidfarid

06/04/2014, 01h43

اقدم اليكم من تراث فريد الاطرش

قلبى ومفتاحه

شكرا آستاذ عادل إيه الحلاوة ذي و إيه النشاط ده

نور الصباح

06/04/2014, 09h36

احبائى
اقدم لكم مونولوج اسماعيل ياسين
ماتستعجبش ماتستغربش
الاخت العزيزة نور .. الرابط اللى انت منزلاه وفيه الاغنية على ايدك الشمال كام اغنية لإسماعيل ياسين فيه موجود تجيل تانى للأغنية وهو الاصلى لأن اللى على الرابط حد عامل توزيع او حاجة فزلوكة كده على نفس التسجيل الاصلى
يعنى اسمعى الاتنين وتشبعى اوى بالحن لأنالكوبليهات شبه بعض بس فيها اختلاف شعرة كده عشان تقطيع الكلام
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
تســــــــــــــــلم إيــــديك وعينيك
وعقبال طلباتنا
وكل عام وأنتم بخير
وشكرررررررررررررررررررررررررررررررررررا
أخوكم
نور الصباح

نور الصباح

06/04/2014, 09h38

احبائى
اقدم اليكم من تراث فريد الاطرش
قلبى ومفتاحه
مع اطيب تحياتى

SSSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
تســــــــــــــــلم إيــــديك وعينيك
وعقبال طلباتنا
وكل عام وأنتم بخير
وشكرررررررررررررررررررررررررررررررررررا
أخوكم
نور الصباح

muhamadibra

06/04/2014, 11h59

[QUOTE=نور الصباح;656030]
[CENTER] احبائى
اقدم اليكم من تراث فريد الاطرش
قلبى ومفتاحه
مع اطيب تحياتى

[SIZE=5][COLOR=black][U][B]SSSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
تســــــــــــــــلم إيــــديك وعينيك
وعقبال طلباتنا
وكل عام وأنتم بخير
وشكرررررررررررررررررررررررررررررررررررا
أخوكم
د محمد ابراهيم

muhamadibra

06/04/2014, 12h05

والله اخونا نور الصباح فنان مرهف الحس مبدع في تصميماته للردود وارجو يسامحني او يعلمني كيفية فعل ذلك بس انا لا اجد افضل من تصميماته لارد بها علي المايسترو المبدع
د محمد ابراهيم

ahmad_alahlawy

06/04/2014, 14h14

الأستاذ الفاضل عادل :
بعد البحث وجدتها بالفعل و لكن بتاريخ 19 مارس الماضى....علما بانها ليست مسجلة فى فهرس هيثم
عموما اشكرك بشدة لتدوينها لاننى كنت احتاجها لمناسبة قريبة....و لرجو نظرة لباقى الأغانى بعد حذف انا وحدى من المطلوبات
1- نجوى لعبد الوهاب
3 - الثلاثية المقدسة لأم كلثوم
4 - بلاش عتاب لعبد الحليم
5 - قوللى حاجة لعبد الحليم
6 - قوللى عملك ايه لعبد الوهاب
7 - عاليادى لنجاة
8 - يا مرسال الهوى لنجاة
9 - سكن الليل لفيروز
10 - ليالينا لوردة
11 - علشان الشوك اللى فى الورد لعبد الوهاب

RABAB ZEAN

06/04/2014, 18h18

http://www12.0zz0.com/2014/04/06/18/264661719.png

بعد غياب طويل عدت لاجد الكثير من الجهد و التعب من أجلنا كالعادة قد نجدة احيانا امر عادي لكن ابدا لا ننكر فضل حضرتك لتسهيل عملنا و امتاع ارواحنا بأعمالك المبدعة الف شكر

RABAB ZEAN

06/04/2014, 18h37

اسفة ان ازيد علي اعبائك عبأ جديد لكن هذا الشهر يوافق الكثير من المناسبات و منها لانستطيع ان ننسي
ذكري العظيم عبد الحليم حافظ
وجدت لة اغنيتين منتها الابداع الاولي من اعمالة مع المبدع صلاح شاهين و هي اغنية انذار ايقاع سريع و رائع
و الثانيه كوميديا مع عادل امام و هي استعراض الطلبة
ورغم قدم هذا الاستعراض الا انه يعبر كعادة عبد الحليم دائما عن حال الامة حتي اليوم
ان امكن تتكرم علينا بيهم اكون في منتهي الامتنان
‫ط¹ط¨ط¯ ط§ظ„ط*ظ„ظٹظ… ط*ط§ظپط¸ - ط§ظ†ط°ط§ط±.wmv‬â€ژ - YouTube (http://www.youtube.com/watch?v=dr3fjYbYuCI)

‫ط¹ط¨ط¯ ط§ظ„ط*ظ„ظٹظ… ط*ط§ظپط¸ ظˆ ط¹ط§ط¯ظ„ ط¥ظ…ط§ظ… - ط§ط³طھط¹ط±ط§ط¶ ط§ظ„ط·ظ„ط¨ط©‬â€ژ - YouTube (http://www.youtube.com/watch?v=-rdUbItuCS4)

زينة الغريبي

06/04/2014, 19h32

ألف شكر أستاذ عادل على تدوين أغنية قلبي و مفتاحه و في إنتضار مزيد أغاني زمن الفن الجميل
زينة

عادل صموئيل

06/04/2014, 19h33

اخوتى الاحباء
انا مش متاخر بس الطلبات كتير اوى يعنى فى الصفحتين الاخيرين فقط ييجى عشرين اغنية ان شاء الله حكتب اللى اقدر عليه بس شوية صبر يعنى انا لما تكون الكمية كبيرة كده انا بحاول انى اخفف الكمية بانى اكتب اللى تمشى معايا اسرع
يعنى شوية صبر ماتقلقوش

مع اطيب تحياتى عادل صموئيل

muhamadibra

06/04/2014, 20h04

[QUOTE=عادل صموئيل;656065][SIZE="5"][COLOR="Blue"]

اخوتى الاحباء
انا مش متاخر بس الطلبات كتير اوى يعنى فى الصفحتين الاخيرين فقط ييجى عشرين اغنية ان شاء الله حكتب اللى اقدر عليه بس شوية صبر يعنى انا لما تكون الكمية كبيرة كده انا بحاول انى اخفف الكمية بانى اكتب اللى تمشى معايا اسرع
يعنى شوية صبر ماتقلقوش

مع اطيب تحياتى عادل صموئيل
المريدين طمعوا وبقوا يطلبوا اعداد مش غنوة واحدة - طبعا سنصبر والله الموفق
د محمد ابراهيم

فؤاد العلمي

07/04/2014, 01h43

أستاذ عادل تحياتي و أنا سعيد جدا بما قدمت لنا من نوتات و لي سؤال تقني و أردت أن أطرحه على حضرتك لاحظت في نوتة ساعة زمن متاع ميادة ألحان رياض السنباطي اللي تقول "كل واحد منا عنده ذكريات" لاحظت في أخر النوتة أي في الصفحات الأخيرة فيه فا نصف دياز ثم تليها صول نصف دياز الحقيقة صول نصف الدياز جننتني مش عارف مكانها في العود يعني الفا نصف دياز و الدو نصف دياز معروفين مكانهم و مرة سألتك عن لمسة مثلها و كانت في نوتة فيها المي نصف بيمول و تليها مي نصف دياز و أجبتني حيث المي نصف بيمول مكانها معلوم و مي نصف دياز إني في العزف أخسس المي نصف بيمول شوية يعني مكان بين المي نصف بيمول و المي بيمول
أرجع لسؤالي المكان متاع صول نصف دياز أين موجود و شكرا
هيثم

أخي العزيز هيثم لقد اشتقت للحديث معك وأتمنى أن نجد وقتا لذلك.
سؤالك عن الصول نصف دييز مهم جدا، ورغم جواب الأستاذ عادل فلي بعض الإيضافات. وقبل ذلك في الجملة الأخيرة من سؤالك فربما أنت تقصد المي بيمول والري نصف دييز وليس المي نصف دييز، وإلا السؤال يصبح بدون معنى (أرجو التوضيح).
كما قال الأستاذ عادل الصول نصف دييز يوجد بين الصول والصول دييز (لا بيمول)، وهذا سهل البحث عنه بالنسبة للكمان، لأن عازف الكمان يستعمل أصبعه الثالث (البنصر) على الوتر الثالث، أي يصعد قليلا على الصول، هذه الإمكانية ليست متاحة على آلة العود، مما يستوجب استعمال الأصبع الأول على الوتر الثاني، وهنا يكمن المشكل.
ولا داعي للتذكير بأن الدوزان يجب أن يكون دائما مضبوطا مائة بالمائة.
منذ فترة كنت في اتصال مع الأخ منير على السكايب فيديو (كلانا حاملا عوده)، وكنت أوضح له طريقة عزف مقطع "ابتدى المشوار" في أغنية موعود، لأن بها صول نصف دييز ودو نصف دييز، ورغم محاولات عديدة لم يستطع الأخ منير من عزفها، وتبين لنا أخيرا أن العيب في عوده. لأن الصول نصف دييز قريب جدا من الصول، وإذا كان أنف العود عالي (يجب أن يكون أقل من نصف الميليمتر)، فالأوتار تصبح بعيدة عن الزند، ويستحيل بذلك عزف الصول نصف دييز.
وعن أغنية ساعة زمن، فأشكر الأخ الأستاذ عادل على تدوينه الرائع والسهل في نفس الوقت، وهذا أصبح اختصاصا يتميز وينفرد به عن كل المدونين.
أما بخصوص الفا نصف دييز التي يليها الصول نصف دييز، فهذه فقط هفوة من الأستاذ عادل، بصفة قطعية لا يوجد في الأغنية هاتين الدرجتين في مقام واحد. (التدوين صحيح في موسيقى الكوبليه).
الفا نصف دييز موجودة في مقام البياتي ومقام الصبا (كلاهما على درجة المي)، لكن الصول تكون بيكار (أي طبيعية).
أما عندما استعمل السنباطي الصول نصف دييز، فالمقام أصبح راست على درجة لا، حيث تصبح الدرجة السادسة للمقام، فا دييز (وليس نصف دييز).
فالدرجات المتتالية للراست على لا تصبح:
لا- سي- دو نصف دييز- ري- مي- فا دييز- صول نصف دييز- لا.
وعندما يتحول الصول نصف دييز إلى درجة صول، فالمقام يظل راست. وهذا نراه في الراست على دو عندما سي نصف بيمول تنخفض إلى سي بيمول.
أرجو أن أكون قد وفقت في التوضيح.
مع أغلى تحياتي- أخوكم فؤاد.

اخى العزيز
اشكرك على التوضيح وبالذات بالنسبة لمشكلة انف العود لن صناع العود زمان كانوا بيتعاملوا مع موسيقيين كبار بيركزوا معاهم فى المواضيع الدقيقة دى اوى .. ولكن صناع العود هذه الايام بيعملوا عود وخلاص .. إلا اذا انت تدراكت الامر موضوع الانف وطلبت منو يضبطها لك .. اما موضوع الفا نصف دييز وتليها الصول نصف دييز انا كمان كتبتها وانا مش مستريح لها وحتى لو تعيد قراءة ردى على الاخ العزيز هيثم انا قلت لو انا خلا 20 سنة بشتغل مع السنباطى بالذات لم تمر على جملة فيها نغمتين شرقيتين ورا بعض .. وتخيل خلا عشرين سنة مع كل المطربين الكبار يعنى كان السنباطى بعد مانعزف جملة ما بيمسك العود بعد مانكون عزفنا الجملة واستوعبناها ويقول انا عايزها كده وبيمعل حاجة اما حلية مستحيل تتكتب او شىء ما يعنى شوف السنباطى عمل كام جملة بياتى لو تلاحظ ان مفيش منهم اتنين شبه بعض او لهم نفس النكهة يعنى كان مرة يضغط على نغمة ما يزودها شعرة او يخسسها شعرة وهذا النغمة تكون من وسط المقام يعنى مش الرى ولا المى نصف بيمول ولا السى بيمول .. ممكن يلعب فى الفا او ال لا مثلا ... المشكلة فى تلك الجملة انى اشتبهت فى الحروف اللى انا كاتبها صول نصف دييز ولو تلاحظ انى مش مخليها نصف دييز فى كل الجزء او كل الجملة يعنى بالطبع سمعتها عشرات المرات قبل ما اكتبها كده فيها حاجة .. والحاجة دى انا مش فاهم هى ايه لأن الاغنية دى ما اتسجلتش معانا ع الفرقة الماسية وبالطبع كنت حعرف ايه الموضوع ومشكلة الفرقة الماسية او يميز الفرقة الماسية الخطير اهم حاجة الدوزان يعنى تلاقى دايما اثناء التصفيق بعد كل كوبليه ان عازف الاكورديون بيعمل نغمة صول خفيفة كده بحيث ان كل الكمنجات تراجع دوزانها لن دوزان الكمنجة بيتأثر لو الجو حر شوية من الاضاءة او التكييف بارد اكتر من اللازم اما الفرق الاخرى بيضبطوا الدوزان قبل العزف وخلاص مش بياخدوا بالهم إلا لوباظ خالص يعنى وفيه حاجة تانية ان السنباطى مش بيخلى الاورج يعزف مع الفرقة إلا فى جمل معينة ولو جملة فيها حرف صعب على الكمنجات بيخلى الاورج يقول معاهم على الاقل لأن الحرف عندو ثابت وممكن الكمنجات تتأثر بيه وتقول مثله .. ايضا انا قلت للخ العزيزهيثم انو ممكن يعملها صول ناتورال يعنى تمشى
مع اطيب تحياتى عادل صموئيل

عادل صموئيل

07/04/2014, 17h38

احبائى

اقدم لكم من روائع عبد الحليم حافظ

قول لى حاجة

مع اطيب تحياتى

salhi_haithem

07/04/2014, 18h23

ممتاز يا أستاذ نوتات جميلة

RABAB ZEAN

07/04/2014, 18h24

الاستاذ العزيز عادل
اسفة جدا علي طمعي لكن بوجود صفحات المنتدي العامرة بكل خيرات اهل الفن و هواة السمع فكل يوم نجد جديد مما نجهلة في هذا العالم مما يصيبنا بالدوار ولا يسعني الا ان اتوجه لك و لهم بكل العرفان و الشكر علي ما تبذلوه في سبيل اسعادنا
في بستانكم العامر باجمل الالحان و ابع الاصوات

http://www13.0zz0.com/2014/04/07/18/319600590.jpg

الاخت العزيزة
اولا اشكرك على الورود الجميلة كل مرة
ثانيا الطمع فى العلم او فى الاشياء المفيدة نعمة
انا اثناء الخدمة كنت اتمنى اعمل مع ناس زيك يطلبوا حاجات جديدة يحسسونى ان لى لزوم مش ابقى موجود وهم مش عايزين يشتغلوا ... انا كنت بقى متضايق يعنى كنت اتمنى من الزملاء والزميلات اللى معايا انى ارفع مستواهم يعنى مش بس اخليهم يقروا نوتة بسرعة اكتر من العربى ولكن كنت كمان ادربهم يستعملوا البرامج الموسيقية واعلمهم التدوين كمان لكن تقولى ايه ... يعنى كذا سنة انا كنت بعمل المسابقة بتاعة الوزارة وكان بيعملوا اجتماع لكل الموجهينالاوائل فى الجمهورية عشان نسمعهم المسابقة وياخدوها يروحوا بلدهم كنت بلاحظ انهم بيتجننوا من حلاوة اختياراتى ولما مشيت النهاردة المسابقة اولا شىء محزن وثانيا بيكرروا شغل اتعمل من سنوات وكذا مرة
ومش ناسيكى طبعا يعنى ان شاء الله حتلاقى طلباتك قريبا بس متغيبيش عن المنتدى
مع اطيب تحياتى

نور الصباح

07/04/2014, 19h55

احبائى
اقدم لكم من روائع عبد الحليم حافظ
قول لى حاجة
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
شكرررررررررررررررررررررررررررا
عقبال باقى الطلبات
أخوكم
نور الصباح

الاخ العزيز نور الصباح
وحياتك بلاش كل مشاركة كلمة : وعقبال باقى الطلبات
يعنى انا بتعب اوى الكلمة دى بتحسسنى انى مش بعمل حاجة او اى انجاز
مع اطيب تحاتى عادل صموئيل

عادل صموئيل

07/04/2014, 20h01

احبائى
اقدم لكم

ابن الشهيد

الاخت العزيزة رباب .. انا كتبته على قد ما اقدر لن بيعملوا تفعيلات معقدة انا بحاول اقربها عشان تعرفوا تقروها لنى اولا صعب كتابتها بدقة زى شغل زمان لنو كان محسوب اوى وثانيا حتى لو اتكتبت حاتبقى المازورة مفركشة يعنى ماحدش حايعرف يقراها هنا انتى لازم تعتمدى مع النوتة على ودنك بحيث تظبطى الموضوع
مع اطيب تحياتى

muhamadibra

07/04/2014, 22h59

[QUOTE=نور الصباح;656109][CENTER][SIZE=5]احبائى
اقدم لكم من روائع عبد الحليم حافظ
[COLOR=Red]قول لى حاجة
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
شكرررررررررررررررررررررررررررا
أخوكم
د محمد ابراهيم

ahmad_alahlawy

08/04/2014, 01h32

شكرا أستاذنا الفاضل على نوتة قولى حاجة

نور الصباح

08/04/2014, 09h18

احبائى
اقدم لكم
ابن الشهيد
الاخت العزيزة رباب .. انا كتبته على قد ما اقدر لن بيعملوا تفعيلات معقدة انا بحاول اقربها عشان تعرفوا تقروها لنى اولا صعب كتابتها بدقة زى شغل زمان لنو كان محسوب اوى وثانيا حتى لو اتكتبت حاتبقى المازورة مفركشة يعنى ماحدش حايعرف يقراها هنا انتى لازم تعتمدى مع النوتة على ودنك بحيث تظبطى الموضوع
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

nourshd

08/04/2014, 19h13

شكرا جدااااااااا
استاذ عادل ع نوته ابن الشهيد

لا شكر على واجب
بس اهم حاجة انتى عشان تحفظيها لتلميذ يغنيها لازم تكونى انتى حافظاها اوى اوى اوى عشان تقدرى توصليها للمتلقى
بعكس الاغانى بتاعة زمان كانت واضحة يعنى تشتغلى من النوتة وتحفظى تلاميذك سطر سطر
لكن الالحان الحديثة فيها غموض شوية وثانيا تكرار للنغمات والتفعيلات فاهمة قصدى ؟
اشرك لك اكتر والكلام للكل طبعا ...
اغانى زمان كان الملحن عندو غزارة لحنية يعنى تلاقى بيستعمل نغمات كتير وتفعيلات مختلفة فى الجمل وانتى بتشتغلى بيبقى اللحن ماشى بيتغير فى كل مازورة بحيث انك اى وقت تبقى عارفة انتى فين ( ودى على فكرة اخطر مشكلة بتقابلنى اثناء كتابة الاغانى دى ) يعنى لما تمشى فى شارع فيه عشرين عمارة كل واحدة مختلفة عن التانية بتبقى عارفة انتى فين لكن لما تمشى مثلا فى المساكن الشعبية 900 عمارة كلهم شكل واحد ممكن تتوهى وصلت المعلومة ؟
مع اطيب تحياتى عادل صموئيل

صادق ربيع

08/04/2014, 21h20

أستاذ عادل أتمنى من حضرتك تدوين هذه الأغنية فهي ليست موجودة في المنتدى ولافي مكان آخر، إلا نسخة صعبة نوعا ما وعلى غير الدرجة الأصلية.

(أنا لحبيبي، السيدة قيروز)
[/URL][URL]https://www.youtube.com/watch?v=oyPvTOIAzFo (https://www.youtube.com/watch?v=oyPvTOIAzFo)

الاخ العزيز
اولا اهلا بك فى المنتدى
الاغنية دى جميلة انا سامعها من زمان ومش مشكلة الدرجة لأنى بكتب من احسن واسهل درجة ممكنة ... يعنى عندى برنامج بخفضا او ارفعا لدرجة مناسبة للجميع
ان شاء الله اكتبها لكن انتظر قليلا عشان عندى اكتر من 20 اغنية مطلوبين بحاول اخلص فيهم وعلى فكرة انا حالا منزل اغنية لفيوز بس بحب دايما ما اكتبش حاجات لفيروز ورا بعض لنها بتعمل عندى حاجة زى الادمان يعنى بحتاج اكتب اغانى كتير ورا بعض ومش بقدراخرج منها بسهولة
مع اطيب تحياتى عادل صموئيل

سعد جسوس

09/04/2014, 01h21

الف شكر للمنتدى اولا و لكرم الاستاذ الفلضل عادل غلى كل هذا الجهد ساعود لهذه الصفحات مرة اخرى الف شكر

عادل صموئيل

09/04/2014, 10h58

احبائى

يسعدنى وافتخر انى اقدم لكم تحفة من العيار التقيل جدا

محمد عبد الوهاب وفيروز

سكن الليل

الاغنية دى فيها كلام كتير جدا .. مش اغنية عادية وححاول اختصر .. فيروز مثلا بعكس صباح .. بمعنى ان فيروز مش مطربة مستلقة ولكن مؤسسة كبرى اسمها فيروز والرحبانية .. يعن عبد الوهاب لما يعمل لها لحن لازم هو يروح لبنان ويسجل على فرقة الرحبانية وهم طبعا اللى بيكتبوا اللحن وبيعملوا التوزيع .. والخطورة هنا فى التقاء العمالقة ان ممكن الرحبانيية يؤثروا على لحن عبدالوهاب .. لكن هم مايقدروش على عبد الوهاب بمعنى اشرحها لكم ابسط .. انا مثلا كواحد متواضع ممكن اعمل لحن حلو واقنع فيروز تغنيه لكن عشان انا موسيقارصغير هم حيادوا اللحن ويعلوه بطريقتهم بحيث كل ماتتذاع الاغنية المذيع يركز من تلحين فلان اللى حايسمعها يحس انها تلحين الاخواين رحبانى لنهم حايصبغوها بصبغتهم .. لكن مع عبد الوهاب تحس بلحن عبد الوهاب بصبغة الرحبانية .. وتحس بالجمال ده فى اجزاء كتير من اللحن يعنى فيه لازمة بيردوا عليها ىخر حرف فا لكن بيعملوها خافتة اوى تجنن انا عادة مش بكتب القوة والضعف فى العزف عشان مش مؤثرة اوى فى معظم الاغانى المصرية لكن لو تلاحظ انى كتبت تحت الفا p عشان اؤكد للى يعزفها يلتزم بخفوت النغمة دى , وموجودة اول صفة السطر الاخير ثانى مازورة .. كمان عشان التنويعات على نفس الجملة والإعادات اضطريت اكتبها تانى يعنى ما ينفعش اعمل سينيوهات لأن مفيش فى الموسيقى اكتر من تريبل سينيو ...لما ذكرت سيرة صباح .. يعنى فيروز بالذات ما ينفعش عبد الوهاب يجيبها مصر وتسجل اللحن على الفرقة الماسية وايضا لازم اللحن يكون قصيدة عشان مشكلة اللهجة بعكسصباح .. يعنى عاشت فى مصر وعملت اغانى كتير مصرية 100% كمان من مميزات اللحن ده انى بحس انو بتاعنا .. بعكس اغانى فيروز بنحس انها من بلد تانية يعنى لهم لون متميز فى كل حاجة اولا اللهجة الشامية ثانيا استخدام الاكورديون كتير اكتر مننا وبالذات فى الاوكتافات العالية .. والتوزيع الخفيفالجميل اللى بيجمل اللحن مش بيشوهه .. طبعا اللحن فيه اجزاء صعبة ومعقدة ولكن انا طبعا حاولت التبسيط على قد ما اقدر واترككم مع النوتة

مع اطيب تحياتى

عادل صموئيل

09/04/2014, 11h45

احبائى
واقدم لكم من العيار التقيل رائعة نجاة

ع اليادى

اول حاجة انا منزل النهاردة سكن الليل ووراها ع اليادى يعنى ارجو ماحدش يفتكر انهم كانوا عندى فى الدرج وانا بتقل عليكم وبنزل النوت على مزاجى .. او ان الاغانى الصعبة جدا دى بتتكتب بالساهل كده .. يعنى فيه ايام بيبقى عندى طاقة عالية للتدوين والحظات دى مشكلتها انى باجى على نفسى ومش بحس بالتعب .. الاغنيتين دول انا كتبت كل واحدة فى 24 ساعة يعنى كذا مرة اقع اكتب شوية بالنهار بعدين ببتدى من الساعة الواحدة صباحا لحد الساعة 7 صباحا متواصل يعنى كل ساعتين بشرب كوب شاى وحجر شيشة ... بعدين لما بتخلص الاغنية فيه مرحلة خطيرة وهى المراجعة النهائية ثم التشطيب فى الوقت اللى بيبقى عندى طافة عالية للكتابة بركن الاغنية اللى خلصت وابتدى فورا فى التالية وبالذات لما تكون اغنية انا حاببها ولعلمكم انا خلصت عاليادى الاول ثم ابتديت فى سكن الليل ... اليوم صباحا انا خرجت مشوار ورجعت ع الساعة 10 صباحا .. وتعبان ومزاجى مش حلو وده احسن وقت انى اعمل المراجعة النهائية ثم التشطيب للأغنيتين لأن العمليتين دول محتاجين الخبرة العالية فقط مش المزاج والمخ بتاع التدوين والحمد لله خلصوا بالنسبة لى الجبل خس شوية
طبعا ان عارفين ان عبد الوهاب لازم كل لحن فيه شىء مختلف .. يعنى لازم حكاية .. الحكاية هنا انو استغل الكورال بدرجة عالية يعنى عمل عكس اللى بيعموله الكل ... الكل بيخلى المطرب هو الاساس وتقريبا بيقول الاجزاء الصعبة والكورال بيردد اللى المطرب بيقوله هنا عمل العكس ان لما يكون جكلة بتتقال وتانى مرة فيها تنويع وصعب بيخلى المطربة تقول الاول ثم الكورال يقول التونيع الصعب ... طبعا الاغنية دى كانت قبلى يعنى انا ماعزفتش فيها لكن من الخبرة ودراسة الشخصيات بقدر احلل كل اللى بيحصل واتخيلو من غير ما اشوفه يعنى اقدر اقول لكم ان اكيد ان نجاة وعبد الوهاب اتخانقوا على انها هى ازاى تقول الاجزاء الاسهل والكورال يقول الاجزاء الاصعب ( شفنا حاجات كتير من كيد النسا والنجومية دى ) بس مع عبد الوهاب اللى بتكلم كان بياخد على دماغه .. وفى الآخر كلامه كان هو اللى بيمشى اولا لان كلامه صح جدا وعن تفكير عميق وثانيا لو كان عمل العادى كانت الاغنية تبقى عادية زى ما بليغ بيعمل مثلا بس طبعا انا اشهد للكورال هنا انهم روعة بمعنى طبعا نجاة حلوة مافيش كلام بس هنا فيه نجومية شوية للكورال
مع اطيب تحياتى

عمرو الهنداوي

09/04/2014, 11h51

الله ... الله عليك يا أستاذ عادل:)

muhamadibra

09/04/2014, 12h26

ع اليادي - سكن الليل - روعة والتحليل الفني اروع - بس علشان خاطري بلاش تدخين
د محمد ابراهيم

صادق ربيع

09/04/2014, 12h58

ألف شكر أستاذ عادل. كل التدوينات التي تكتبها رائعة وأنا اعتمد عليها كثيرا في اداء الالحان لما تتمتاز به من الوضوح والدقة.:emrose:

ahmad_alahlawy

09/04/2014, 13h08

شكرا استاذنا على هاتين الرائعتين

سليم العباس

09/04/2014, 13h29

شكراً جزيلاً لتدوين قصيدة سكن الليل ، و أود أن أطرح سؤالاً :

هل تعتقد أستاذ عادل أن الفنان محمد عبد الوهاب قد ترك بصمته اللحنية على أغاني فيروز ، أم أنه لم يضف أي جديد إلى ألحان الرحابنة ؟

اخى العزيز
عمليا لا دى ولا دى .. بالذات مع فيروز وانا فى الكلام اللى كتبته على سكن الليل قلت ان فيروز والرحبانية عبارة عن قلعة مش اى حد يقدر يخترقها .. لكن الحان عبد الوهاب لفيروز ممكن اقول ببساطة عاملة زى عندنا محلات عصير فواكه ممكن تشرب عصير فكهة واحدة معينة زى المانجو او التفاح مثلا .. وبيوجد عندو كوكتيل من عصير الفواكه .. ولحن عبد الوهاب مع فيروز هو كوكتيل من عبد والوهاب والرحبانية وفيروز ... يعنى اختلاف فيوز عن صباح مثلا ان فيروز مع الرحبانية جزء لا يتجزا ... والرحبانية انا عشت معاهم فترة عشرة ايام فى مهرجان دمشق الدولى سنة 77 كنا نازلين معاهم فى نفس الاوتيل احنا طبعا نفسنا نتصاحب عليهم نتفرج على الرحبانية دول ايه وفى نفس الوقت هم عايزين يتعرفوا على الفرقة الماسية واللى 90% منها عزف مع ام كلثوم لفترات طويلة ... انا شفتاحد الرحبانية مش بيألف الكلمات بعدين يمسك العود ويلحنها .. لكن بييجى على بالو كلام بيمسك ورقة وبيكتبه وبيطلع منو متلحن جاهز .. ثانيا فيروز عايشة معاهم رابعا عندهم فرقة رائعة او قول فرقتين فى بعض يعنى فرقة شرقية واوركسترا غربى كلاسيكى يعنى ممكن واحد يألف جزء من اغنية متلحنة واخوه يكملها او يوزعها وفيروز عايشة معاهم تحفظها النهاردة والفرقة تحت امرهم يعملوا بروفة بكرا ويسجلوها بعد بكرا ... بعكس عبد الوهاب يعنى اولا مؤلف بيألف الاغنية وممكن ماتعجبوش ويحصل شد وجذب وممكن ما ياخدهاش اصلا .. ولما ياخدها مين حيغنيها بعدين بتاخدوقت طويل فى التلحين بعدين يدى تسجيل للمطرب بعدين تتكتب نوتة بعدين يتفقوا مع الفرقة الماسية فاضيين امتى للبروفات عملية معقدة شوية ... ان عن موضوع التأثير ما ينفعش عند العمالقة بمعنى ... انا موسيقار صغير لو اتأثرت اوى اوى بالسنباطى مثلا حاتطلع الحانى شبه الحان السنباطى يبقى ماليش قيمة ومعاملتش شىء ومش حعيش فى السوق كتير .. زى مطربين اتأثروا بعدب الوهاب وبقوا يقلدوا طريقته الجمهورلم يقبلهم لن الاصل موجود .. لكن اللى بيحصلان الموسيقار بيسمع ده وده بياخد فكرة او ممكن يكتشف مقام مش مستعمل او ايقاع جديد وممكن فى لحن ما يعمل جملة فى المقام ده او على الايقاع ده من باب التلوين ... عبد الوهاب مثلا اول ماطلع اتعلم بسيد درويش وسلامه حجازى وكل اللى سبقوه لكن لم يتأثر بهم لذلك طلع لون جديد ... نفس الحكاية الرحبانية بالطبع سمعوا كل الحان عبد الوهاب اتعلموا منو حاجات لأنو قبلهم بكتير لكن لم يتأثروا بيه ولكن عملوا خط جديد .... فيه حاجة تانية فيه ناس جاهلى ممكن تعمل مقارنة بين عملاقين يعنى مين احسن ودى غلط لن عملاق يعنى بيعمل شىء كبير وكل عملاق لون ... انتم فى سوريا عندكم بتسموا فيروز خبز اليوم يعنى مثلا حافظين كل اعمالها وبالذات مسرحياتها الغنائية لكن ما ينفعش نقول انهو احلى ام كلثوم ولا فيروز ... دى حاجة ودى حاجة لون ولون تانى يعنى ام كلثوم بتغنى ممكن وصلة ساعتين فى اغنية واحدة لكن فيروز فى الساعتين بتعمل مسرحية من 3 فصول .... اما عن التأثر ده بيظهر دلوقتى مع اللى بيغنوا دلوقتى .. تلاقى واحد فال بيغنى يطلع 27 واحد افشل منو بيتأثروا بيه .. تسمع نفس اللون نفس المقام نفس نبرة الصوت نفس كل حاجة تسمع عشرة بيغنوا ماتعرفش حتى تفرق ده مين ولا ده مين
مع اطيب تحياتى عادل صموئيل

نور الصباح

09/04/2014, 14h55

احبائى
يسعدنى وافتخر انى اقدم لكم تحفة من العيار التقيل جدا
محمد عبد الوهاب وفيروز
سكن الليل
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

نور الصباح

09/04/2014, 14h57

احبائى
واقدم لكم من العيار التقيل رائعة نجاة
ع اليادى
مع اطيب تحياتى

:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

مهدي01

09/04/2014, 21h40

الاستاذ عادل اول طلب لي عندك وارجو ان لا تبخل علي بتدويناتك الرائعة لهاتين الانشودتين

عادل صموئيل

09/04/2014, 23h28

احبائى

اقدم لكم من تراث فيروز

انا لحبيبى

مع اطيب تحياتى

عادل صموئيل

10/04/2014, 00h09

احبائى

اقدم لكم تحياتى لشعب الجزائر الشقيق

اهديك سلاما ياجزائر

مع اطيب تحياتى

صادق ربيع

10/04/2014, 02h02

مليون شكراً على النوتة أساذ عادل. النوتة رائعة من أول مازورت:emrose:

muhamadibra

10/04/2014, 09h02

[QUOTE=عادل صموئيل;656256][CENTER][SIZE="5"]

احبائى

اقدم لكم من تراث فيروز

[COLOR="Red"]انا لحبيبى

مع اطيب تحياتى
الله الله علي الابداع
د محمد ابراهيم

نور الصباح

10/04/2014, 11h21

احبائى
اقدم لكم من تراث فيروز
انا لحبيبى
مع اطيب تحياتى
:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

نور الصباح

10/04/2014, 11h22

احبائى
اقدم لكم تحياتى لشعب الجزائر الشقيق
اهديك سلاما ياجزائر
مع اطيب تحياتى
:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

عادل صموئيل

10/04/2014, 13h05

احبائى
اقدم لكم اهداء الى الشعب الجزائرى الشقيق

للأحباب اغنى

مع اطيب تحياتى

muhamadibra

10/04/2014, 13h41

[QUOTE=عادل صموئيل;656291][CENTER][SIZE="5"]
احبائى
اقدم لكم اهداء الى الشعب الجزائرى الشقيق

[COLOR="Red"]للأحباب اغنى

مع اطيب تحياتى
يا بخت الشعب الجزائري ما فيش حاجة للشعب السوداني الشقيق
د محمد ابراهيم

مهدي01

10/04/2014, 16h15

الاستاذ عادل الف الف شكر على التحفة الفنية التي ابدعتها انامل ايديك
والله كلمة ابداع تقصير في حقك انت ظاهرة موسيقية تبدع و تساعد و تلبي الطلبات
الف تحية اليك من جزائر المليون شهيد

عادل صموئيل

10/04/2014, 20h53

احبائى
اقدم لكم تحية لجنود وشرطة مصر

الله على رجالتنا

هو الاخت رباب زين طلبته انا ابتديت اكتب فيه الصبح من غير مااسمعه كله بعد ماكتبت شوية حسيت انى فى متاهى يعنى نفس مشكلة الاغانى الحديثة وبالذات لما يكون فيه مطربين كتير زى النوعية دى والجمل متشابهة اوى لدرجة انى كنت بتوه فى اللى انا كاتبه بقيت اكتب اول كلمتين من الغنا عشان اعرف انا فين ومش عارف الاخت رباب هل هى حاتعمله مع الاولاد ف المدرسة وحاتعمله ازاى
مشكلة النشيد ده انك لما تسمعو بعد مايخلص مافيش جملة تعلق مع المستمع
وتحسرت عى زمان وايام زمان فاكرين نشيد وطنى حبيبى ونشيد الجيل الصاعد وشوفوا العمالقة .. يكفيك تسمع النشيد مرتين تحفظه وهو للعلم معمول عشان الناس تحفظه بسرعة

المهم انا عملته
مع اطيب تحياتى

نور الصباح

10/04/2014, 21h08

احبائى
اقدم لكم تحية لجنود وشرطة مصر
الله على رجالتنا
:thankyou::thankyou::thankyou:
شكررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

نور الصباح

10/04/2014, 21h09

احبائى
اقدم لكم اهداء الى الشعب الجزائرى الشقيق
للأحباب اغنى
مع اطيب تحياتى
:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

muhamadibra

10/04/2014, 21h26

[QUOTE=عادل صموئيل;656316][CENTER]احبائى
اقدم لكم تحية لجنود وشرطة مصر

الله على رجالتنا
المهم انا عملته
مع اطيب تحياتى
شكرا وربنا يخليك لنا يا مايسترو
د محمد ابراهيم[SIZE="4"][COLOR="Red"]

eagleeast

11/04/2014, 13h05

الهرم هرم مساء الفل يا اغظم هرم استاذى عادل بجد وحشتنى بس حضرتك عارف كنت مشغول فى التجهيز للحفله والحمد لله كانت موفقه بفضل ربنا ثم سيادتك وبجد كل الاعمال اللى حضرتك منزلها كلها رائعه وتسلم ايدك
وبالنسبه للطلبات المطلوبه معلش هيه فعلا كتير بس حضرتك اللى عودتنا على كده انك دايما .......هرم
انا لسه مش قادر اوفيلك حقك بس بجد تسلم ايديك
شكرا جزيلا يا ابويا الموسيقى

ابنك ... نسر الشرق

ابنى العزيز
طبعا يسعدنى انى اقدم شىء لو فايدة ومع ان الفضل بيرجع لك يعنى دايما نجاح الحفلة بيبقى على شطارة المنفذ
انا لما كنت موجه ثم موجهه اول كنا بناخد بالنا من المدرسين الشاطرين بنبقى عارفين اننا فى كل حفلة بيعملها نشوف حاجات حلوة .. اما المدرسين الخايبين بيعلموا حاجة كل شىء ان كان وخلاص ... والشاطر عادة وخدهما منى حكمة : الشاطر بمرور الوقت بيبقى اشطر والخايب بمرور الوقت بيبقى اخيب
مع اطيب تحياتى عادل صموئيل

عادل صموئيل

11/04/2014, 23h51

احبائى

اقدم لكم من احلى اغانى فريد الاطرش القديمة

وياك وياك الدنيا حلوة وياك

مع اطيب تحياتى

نور الصباح

11/04/2014, 23h54

احبائى
اقدم لكم من احلى اغانى فريد الاطرش القديمة
وياك وياك الدنيا حلوة وياك
مع اطيب تحياتى

:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

muhamadibra

12/04/2014, 09h03

[QUOTE=عادل صموئيل;656416][CENTER]احبائى

اقدم لكم من احلى اغانى فريد الاطرش القديمة

[COLOR=Red]وياك وياك الدنيا حلوة وياك
[SIZE="5"]

مع اطيب تحياتى
شكرا جزيلا وعمرا مديدا بإذن الله
د محمد ابراهيم

tooth

12/04/2014, 11h08

ياريت ألاستاذ القدير / عادل تنويت أغنية ياهلي عبدالحليم حافظ .

kamalia

12/04/2014, 12h03

بارك الله فيك استاذنا الكريم .

مهدي01

12/04/2014, 13h32

استاذ عادل ممكن تدوين الرائعة الخرافية لماهر الزين السلام عليك يا رسول الله

اخى العزيز ان سمعت حتة منها لحنها حلو ان شاء الله اعملها قريبا بس عندى طلبات كتير اوى متأخرة ححاول اخلص منها البعض

انا لاحظت كلمة الاصدار العربى معناها ايه ؟
مع اطيب تحياتى عادل صموئيل

زينة الغريبي

12/04/2014, 16h11

شكرا أستاذ عادل على نوتة
قلبي ومفتاحه
ع اليادي
قول لي حاجة
وياك وياك
مع مزيد التألق و النشاط
زينة

nourshd

12/04/2014, 18h54

شكرا جداااااااااااااا استاذ عادل

ع نوته ابن الشهيد
و الله ع رجالتنا
وع معلومات حضرتك لعزف النوت واكيد مفيش مقارنه بين الحان زمان والحان اليومين دول

اختى العزيزة
طبعا انتى لو فهمتينى حاتتاكدى ان الحان زمان ليها قيمة اكتر فى كل حاجة وانا مش متعصب ضد الجديد ولكن فيه برضو واحد % حلو يعنى خدى الحلو منه بحيث انك لو عملتى حفلة فيه 6 حاجات ماتبقيش عملتى حفلة فيها 6فقرات وعملتى شغل وخلاص ولكن تبقى عملتى حفلة فيها 6 فقرات والناس اللى سمعوها عجبتهم اوى .. ودى اخطر نقطة
مع اطيب تحياتى عادل صموئيل

nourshd

12/04/2014, 19h41

السلام عليكم جميعا
محتاجه راى ومشوره وخصوصا من حضرتك يااستاذ عادل
ف المدرسه فى اساتذه هيخرجوا ع المعاش وكلهم من النساء
ممكن اسمع مقترحات عن الفقرات ال ممكن اعملها
حتى الان اخترت
اغنيه احمو مصر يامصريين وطنيه
و غابت شمسنا لانها خفيفه ولسه محتاجه نوتتها
الدنيا ربيع لانها بعد شم النسيم
وامى لشاديه لان كلها امهات ال هيخرجوا ع المعاش
ومسرحيه عن الشهداء واغنيه متقولوش يوم اليتيم

وسبب اختياراتى كانت تجميعه لكل المناسبات ال مرت علينا
بس طبعا دا مش اختيارات نهائيه لانها كتيره بس حبيت يكون ف افكار مختلفه
قممكن مساعده لان دى اول مره اعمل حفله لاساتذه ع المعاش
ممكن ال نفذها قبل كدا يفيدنى بتجربته

الاخت العزيزة
انا مقدرش احدد لك حاجات معينة لعدة اسباب يعنى اولا انا شخصيا لو انا حنفذ عمل ممكن انا اقدر انفذه لكن الاولاد عندى يبقى صعب عليهم يعنى اقصد حسب امكانيات اللى حايشتركوا معاكى يعنى هم ممكن يطلعوا لحن 100% ولحن يبقى ضعيف جدا انتى الاول شوفى فى فهرس الاخ هيثم الحاجات الموجودة من تدوينى او من تدوين الاخوة الزملاء وشوفى تختارى منها ايه وثانيا لو عايزة حاجة تانية حددى ميعاد الحفلة وانا ان شاء الله ادون لك اللى تحتاجيه ( وتحديد ميعاد الحفلة عشان انا احدد اولوية التدوين ) بس طالما ناس طالعين ع المعاش كل مايكون الحاحاجت اللى تقدميها لهم من اغانى جيلهم كل ما تعجبهم اكتر لأن معظم الكبار مش بيسمعوا الاغانى الحديثة ... طبعا انا سعيد انك بتحاولى تعملى مجسات او استخبارات عن نوعية المستعمين لكن شوفى الناس الكبار اللى عندك ف البيت حتلاقيهم بيحبوا القديم اكتر
مع اطيب تحياتى عادل صموئيل

salhi_haithem

12/04/2014, 20h15

شـــكرا أستاذ عادل على تحفة وياك أمتعتني جدا
وأظم صوتي لأخ الكريم tooth لتدوين أغنية ياهلي عبد الحليم و نشوف هي تطلع إزاي من أصابع أستاذ عادل و أنا أعتبرها تحدا لأنها صعبة و خاصة اللازمات مع الغناء
هيثم

eagleeast

13/04/2014, 00h44

بعد مساء الخير والهنا والحب على استاذى وابويا وجميع من فى منتدانا الجميل
انا فى الاول بحب اشكر الاستاذ هيثم صالحى على مجهود الجبار فى الفهرس الرهيب اللى هوه عامله لابويا عادل ولكن ليا عتاب صغير عليه ان فى الااونه الاخيرة فى بعض النوت اللى الاستاذ مدونها مش موجوده فى الفهرس وبعض الاعضاء دايما بيطلبو نوت اتدونت قبل كده .. وده مش تقليل من مجهود حضرتك بالعكس انا بس حبيت اقول الملحوظه دى علشان اسهل المؤموريه على نفسى اولا وعلى جميع الاعضاء
اما بالنسبه الاستاذى والهرم معلش هتقل على حضرتك انا لسه واقع على اغنيه للشيخ امام وهيه يا مصر قومى وشد الحيل ودورت عليها فى فهرس الاستاذ صالحى مش لاقيها ويا ريت تدونها خضرتك انا عارف ان الطلبات كتير بس انا طمعان فى كرم حضرتك .....
https://www.youtube.com/watch?v=BhDl1CKUFfM
واشكرك يا هرم يا كبير
ابنك .... نسر الشرق

اخى العزيز
لو مش مستعجل عليا اشوف انت عارف دى ميزانها كام ؟
اصل مشكلة الشيخ امام بيغنى براحته يعنى عشان مش معاه ايقاع بيكسر الوحدة كتير بيحتاج وقت طويل بحيث انى اشوف الجملة الصح بتاعها ايه هو الضرب 10/8 بس انا بحب اكتبه 10/4 عشان يبقى اسهل فى القراءة وبدين لو تلاحظ ان الكردان بتاعو خاسس شوية بيبان اوى وسط اللحن لما تيجى نغمة دو ان شاء الله
مع اطيب تحياتى عادل صموئيل

nourshd

13/04/2014, 04h27

شكرا جدا لرد حضرتك يا استاذ عادل
بس سبب سؤالى ان جايز تكون ف اغانى مناسبه لسبب الحفل
ولكن حضرتك لفت نظرى لحاجه حلوة انى اختار المناسب ليهم
شكرا لنصيحه حضرتك
اما عن معاد الحفل يوم 22-4

عادل صموئيل

13/04/2014, 05h04

احبائى
من اغانى فريد الاطرش اقدم لكم

فوق غصنك يالمونة

مع اطيب تحياتى

salhi_haithem

13/04/2014, 08h59

صباح الفل
مشكور أستاذ عادل لتدوين تحف فريد
أخي نسر الشرق مشكور على كلامك و إجابة عن سؤالك بخصوص تحديث الفهرسهو أنا عضو في منتدى و ليس لي صلوحيات مشرف لكن كل نوتة جديدة أضعها عندي في فهرس على حاسوبي و بعد كل مدة أرسل الفهرس المحدث إلى أحد المشرفين فيدرجه
و أنا مجهز فهرس جديد بصيغة جديدة و أرسلت للأستاذ محمد زمنطر من يوم 29 مارس و هو أرسل لي رسالة خاصة أنه عنده ظروف خاصة جدا و أنه سيدرجه في الصفحة يوم الإثنين أو الثلاتاء
هيثم

احبائى
اولا انا بشكر الاخ العزيز هيثم على مجهوده وانا لعلمكم اول واكتر واحد بستفيد من الفهرس ده لنى كررت من قبل انا من كتر التدوين بنسى انا دونت ايه .. وعادة اى طلب بتطلبوه ساعات اقول حلوة دى انا عايز اكتبها لكن اروح فهرس هيثم الاقينى مدونها من سنتين مثلا .. وللعلم كذا مرة دونت اغانى تانى
مشكلة الاشراف انتم عارفين المنتدى كام قسم ؟ وكل قسم مسؤولية كبيرة جدا جدا ... وما ينفعش يكون المشرف الواحد مشرف على عدة اقسام يعنى انا مثلا مشرف على جزء من القسم بتاع العلوم والنوت الموسيقية .. اما اقسام الاغانى لها مشرفين كتير حسب نوعيات الاغانى او لها قواعد اخرى ... ومن هنا انك لو عايز اربع حاجات مثلا من اقسام مختلفة لازم تخاطب 4 مشرفين مختلفين يعنى مثلا فيه قسم المبدعون انا ليا فيه صفحة فيها معزوفاتى بعنوان معزوفات الاستاذ عادل صموئيل على الكمان .. لكن انا مش مشرف فى القسم ده لو انا عايز اعمل اى تعديل على اى معزوفة مثلا ما ينفعش اعمله من نفسى لن مايش صلاحيات التعديل هناك ولكن لازم اخاطب المشرف وانزل المعدلة وهو يحذف القديمة وهكذا .. وبرضو اساس المشكلة الثراء الرهيب فى المنتدى يعنى عمرك شفت منتدى مشابه فيه كمية المواضيع زى اللى فى سماعى ؟
مع اطيب تحياتى عادل صموئيل

نور الصباح

13/04/2014, 10h18

احبائى
من اغانى فريد الاطرش اقدم لكم
فوق غصنك يالمونة
مع اطيب تحياتى

:thankyou::thankyou::thankyou:
شكرررررررررررررررررررررررررررا
عقبال ما نتقابل قريبا - إن شاء الله -
أخوكم
نور الصباح

muhamadibra

13/04/2014, 10h24

=عادل صموئيل;656491]احبائى
من اغانى فريد الاطرش اقدم لكم

فوق غصنك يالمونة

مع اطيب تحياتى

والله كنت هطلبها بس مكسوف لكثرة الطلبات - انت عظيم عظيم يا هرم
د محمد ابراهيم[/SIZE]

صادق ربيع

13/04/2014, 19h24

أسعدك الله أستاذ عادل،
أستاذي الكريم، نحن نسمع في أحيان كثيرة السيدة أم كلثوم وغيرها من الأصوات النسائية الأكثر حدة، تغني الكرد والحجاز من درجة الراست، والصوت النسائي كما هو معلوم طبقته حادة، والمنطقي أن الصوت الحاد يناسبه الطبقة الحادة. ولم أفهم لماذا تغني السيدة أم كلثوم من الراست بدلا من الري أو طبقة أخرى أحد؟ ربما ليس هنا هنا محل السؤال فأرجو المعذرة سلفا:emrose:

اخى العزيز
هو احنا عاملين اقسام للأسئلة لكن برضو الكل بيرجع هنا على اساس ان فيه اعضاء كتير جدا جدا تحس انهم ساكنين هنا او ده اصبح بيتهم , وعلى اساس انى بدخل الصفحة دى بالذات كل يوم اكتر من 7 او 8 مرات وسؤالك ممكن يوصلنى بعد اقل من ساعة لكن هناك انا بدخل كل كذا يوم وردودى بتتاخر عليهم شوية لكن الرد هنا بيبقى مش للسائل فقط ولكن لآلاف اخرين بيدخلوا هذه الصفحة حتى من غير ما يكونوا من المعرفين لدينا اقصد اللى مش بيعملوا ردود لكن اهلا بالجميع
سؤالك ان ممكن اسأله بطريقة تانية ... يعنى ايه مطرب قدرير اوى اوى ومطرب متوسط ومطرب اقل ومش مطرب اصلا بمعنى اختلاف الدرجات من واحد % الى 100% ... كان زمان اقل مطرب اذا حسبت ام كلثوم 100% بلامنازع ولا شك .. اقل مطرب كان بيبقى مش اقل من 80% ودلوقتى بيتحسب علينا مطربين ونجوم وهم اقل من 7% وبياخدوا فى الحفلة نصف مليون جنيه من ان اعلى اجر ام كلثوم كانت بتقبضوا خمسة آلاف جنيه
المطرب ياعزيزى اول حاجة ان مساحتو الصوتية الفعالة لازم تكون اكتر من اوكتافين وشوية واقصد بالفعالة يعنى اعلى نغمة اكتر نغمة مخفضة بيقولها وهو مستريح وبنفس القوة .. يعنى مثلا نغمة دول اللى على المسافة الثالثة لما يغنى منها ويوصل لنغمة صول بيبقى صوته بنفس القوة مش بيتخنق .. ونغمة دو الوسطى اللى فى المسافة الاولى تحت المدرج بيغنيها وينزل منها لنغمة صول واحيانا فا بنفس القوة يعنى تحس انو ممكن يقول كمان فوق العالية وتحت المنخفضة .. والملحن لما بيعمل لحن لمطرب ما اول حاجة لازم بيكون عارف مساحته الصوتية جدا بحيث يعمل لواللحن فى حدود المساحة الصوتية دى ولعلمك ام كلثوم كانت بتغنى من سى بيمول مش من الراست لن كانت الفرقة بتضبط الوتريات طبقة صغيرة يعنى بتنزل تون كامل ... وشوف مثلا فى اغنية الف ليلة وليلة كانت بتوصل لنغمة ايه وهى كان ساعتها عمرها كام سنة .. ده العادى يعنى دلوقتى اى واحد بيغنى تعالى حلل وشرح بيقول ايه تلاقيه حدوده اربع نغمات وحتى بيطلع منهم حاجات نشاز لذلك تلاقى الملحن بيعمل لو اللحن تلاقيه فى حدود من مى الى لا ولو خرج منهم وعمل سى ممكن اللى بيغنى تطلع منو خاسة او زايدة لأنو بيرمى صوته وخلاص .. عندك مثلا فريد الاطرش كان بيوصل لنغمة فا الخط الخامس وينزل لصول تحت المدرج .. فيه حاجة كمان خطيرة جدا .. فى الموسيقى الاوبرالية او الكلاسيكية الغربية النساء لهم طبقتين الحادة اسمها سوبرانو والتوسطة اسمها الطو يعنى المغنية لما بتدرس الغناء بتحدد حسب طبقتها ومش بتخرج عنها ليه ؟؟؟؟ لنهم بيدرسوا يغنوا بصوت مستاعر مش صوت الغناء الطبيعى والمستعار محدود يعنى اوكتاف من لا الوسطى مثلا لحد لا اللى فوق المدرج والالطلو اوكتاف بيبتدى من دو المسافة الثالثة .. يعنى لما بيغنوا اوبرا بيتحدد مين تقول الجملة دى ومين تقول الجملة دى ومقيدين جدا بقوالب ولوائح .. لكن فى موسيقانا الشرقية اهم حاجة وقيمة المطرب انو بيغنى بصوته الطبيعى وانت لما تغنى بصوتك الطبيعى بيبقى انت وزى ما ربنا وهبك يعنى وهبك 15 نغمة او 20 نغمة وهكذا ... كمان المطرب القدير كان زمان بيذاكر ... يعنى كلهمكانوا بيعزوفا عود ام كلثوم وفايزة ومعظمهم كانت عارفة انها بتوصل لنغمة كذا تقعد تتمرن ازاى تزودهم نغمتين مثلا ... حتى لو مش حاتستعملهم بس بيدوها لياقة لما نغنى نغمات العلى او منخفضة ... عاملة زى ايطال رفع الاثقال فيه بطل بيشيل 300 كيلو .. ده مش آخره .. لأن اهم حاجة انو يشيل 300 كيلو ويقعد واقف نصف دقيقة .. لذلك هو متمرن يشيل اكتر شوية لن لو آخرو 300 كيلو فقط ممكن يحصل لو تمزق عضلى او ما يقدرش يقف ثانية بالوزن ده يعنى يقع على طول ... وبعدين اهم شىء فى الطرب ايه ؟ ان المطرب لما يغنى دو وينزل لسى ثم لا ثم صول تحس انو مستريح ده بيديك احساس بالراحة لكن لما يوصل لنغمة تحس انو حاينفجر ده بيديك احساس بالقلق .. وليه الموسيقى بتهدى الاعصاب ؟ الارتياح ده وآسف للإطالة وان شاء الله تكون الرسالة وصلت

مع اطيب تحياتى عادل صموئيل

muhamadibra

13/04/2014, 22h07

كل عام وسعادتك يا مايسترو بخير وكل الاخوة المسيحيين - نتوكل علي الله ونطلب طلب وان شاء الله ينول الرضا - اغنية ام كلثوم نصرة قوية - غيرموجوده بالمرة - شكرا مقدما
د محمد ابراهيم

eagleeast

13/04/2014, 22h54

مساء الخير على احلى منتدى واحلى صحبه واعظم هرم طبعا الصحبه الاستاذ هيثم اللى قدرت افهم وجهه نظرة فى تأخر النوت الجديده ومقدر مجهوده وتعبه وبشكره مرة تانيه واتمنى انه يكون احد مشرفى المنتدى وده تقدير لمجهوداته وهيكون اضافه جديده للمنتدى .,...
اما بالنسبه للهرم فهو استاذى العظيم الجبار أ / عادل اللى مش عارف اوفيله حقه بس على العموم انا مش هتكلم كتير لان المنتدى كله عارف مين هوه أ \ عادل وانجازاته ومتهيألى لو سألنى حد من بره المتدى هتلقيه عارفه او على الاقل سمع عن تحفه الموسيقيه اللى محدش يقدر ينكرها ..... مرة تانيه شكرا للهرم
ابنك ..... نسر الشرق

علي ثلاثة

14/04/2014, 12h40

أستاذ عادل
ألف شكر على هذه النفائس
ونحن مسرورون إذ نجد هذه
التحف يقدمها وبكل أريحية
فنان متمكن من أدواته
وشغله نظيف
وذوقه مرهف
---
فمما دون تدوينا محكما
وياك
فوق غصنك يا لمونة
ولقد تركتا صدى عميقا
وشحذت الهمم
فجعلتنا نتطلع إلى المزيد
من هذه العينة
وأنا كلي ثقة
في أن من أحب
هاتين الأغنيتين
هو محب لا محالة
اسال الفجر والغروب
‫ظپط±ظٹط¯ ط§ظ„ط§ط·ط±ط´ - ط§ط³ط£ظ„ ط§ظ„ظپط¬ط± ظˆط§ظ„ط؛ط±ظˆط¨ - Farid Al Atrash‬â€ژ - YouTube (http://www.youtube.com/watch?v=AmRQkRz2hb0)

و
بتسأليني عن حالي
Farid Alatrach - ظپط±ظٹط¯ ط§ظ„ط§ط·ط±ط´- ط¨طھط³ط£ظ„ظٹظ†ظٹ ط¹ظ† ط*ط§ظ„ظٹ - YouTube (http://www.youtube.com/watch?v=W9sxWmFS6qg)

فهنيئا لك أيها الأستاذ
بالتفاف معجبيك
وإحاطتهم بك
وارتقابهم لكل جديدك
وشكرا

مهدي01

14/04/2014, 13h09

شكر استاذ عادل اتفهمك على كثرة الطلبات والانشغالات اعانك الله ووفقك لما فيه الخير
بخصوص الاصدار العربي اي هناك نفس الاغنية لكن باللغة الانجليزية اي نسختين عربية و انجليزية

صادق ربيع

14/04/2014, 20h52

بعد هذا الشرح القيم والأمثلة الرائعة والتي لم تخلو من طرافة، أكيد وصلت الرسالة أساذي المكرم. فشكراً لروحك الطيبة.:emrose:
اخى العزيز
انت لما تكون عضو جديد لما بتكتب مشاركة انت مش بتشوفها لكن المشرف بيشوفها الاول وانا احد مشرفى الصفحة
وكمشرف لازم ادخل كذا مرة فى اليوم اشوف اخبار الدنيا ايه ... بعدين المشرف لما بيلاقى المشاركة سليمة بيفتحها فورا والكلام ده لحد ماتوصل عدد مشاركاتك الى اكتر من عشر مشاركات ( انت الآن عندك 4 مشاركات فقط) بتشوف مشاركتك مباشرة اول ماتنزلها... والإجراء ده فى كل المنتديات يعنى ادارة المنتدى لازم تطمئن لكل عضو جديد لن انت عارف فيه ناس ممكن تنزل حاجة مسيئة او اى مخالفة
واشكرك على ذوقك مع اطيب تحياتى عادل صموئيل

عادل صموئيل

14/04/2014, 21h17

احبائى
اقدم لكم من كلاسيكيات فريد الاطرش

وحياة عينيكى

مع اطيب تحياتى

muhamadibra

14/04/2014, 21h51

احبائى
اقدم لكم من كلاسيكيات فريد الاطرش

وحياة عينيكى

مع اطيب تحياتى

ربنا يباركلك ويمن عليك بالصحة دائما - تواصل الابداع و العمل الممتع
د محمد ابراهيم

نور الصباح

14/04/2014, 23h09

احبائى
من اغانى فريد الاطرش اقدم لكم
وحـــــــــــــــــياة عينيــــــــــــــــــــــــــكى
مع اطيب تحياتى

:thankyou::thankyou::thankyou:
شكرررررررررررررررررررررررررررا
وكل عام وأنتم وجميع الأخوة
والأخوات المسيحيين والمسيحيات
بكل خير وسعادة
بمناسبة أحد الشعانين ( أحد السعف )
عقبال ما نتقابل قريبا - إن شاء الله -
أخوكم
نور الصباح

سليم العباس

15/04/2014, 06h23

تدوين جميل لأغنية وحياة عينيكي للفنان فريد الأطرش

أستاذ عادل أنت لم تدون المقدمة قبل دخول الناي و هذا خيار صائب على ما أظن ، و هل توافقني الرأي في أن هذه المقدمة لم تكن ملائمة لهذه الأغنية الجميلة و كانت أصلح لتكون بداية لقصيدة أو موسيقى تصويرية .
و لماذا استخدمها بالذات مع هذه الأغنية علماًُ أن أغانيه المماثلة مثل ( أحبابنا ياعين - اشتقتلك - لكتب ع وراق الشجر - يا حبايبي يا غايبين - حبينا ..... ) اكتفى فيها بمقدمة بسيطة منسجمة معها .

هل من جواب فني و شكراً لك .

اخى العزيز
اشكرك على السؤال
هو بالطبع انا كعازف فى اهم فرقة موسيقيسة فى العالم العربى وعزفت مع المعاملقة لو تلاحظ انى اهتم بكل حرف فى الاغنية من اول حرف الى آخر حرف ولو تلاحظ كتير ان بعض الاعضاء بينزلوا ملفات صوتية ومش بياخدوا بالهم ان فيها حاجة ناقصة فى المقدمة وانا اما بطلب منهم ينزلوا لى تسجيل كامل او انى ببحث على النت لحد ما الاقى تسجيل كامل من اول حرف لآخر حرف وده حرصا على الامانة الموسيقية وانى ما اقدرش وماينفعش اكتب مقدمة ناقصة شىء ما وحتى حاكتبها ازاى
لكن فى اللحن ده وايضا لحن وياك وياك انا ماكتبتش الافتتاحية دى مع انها موجودة ع التسجيل وللعلم كنت عايز اكتبهم وتمعنت فيهم اوى اوى اولا حسيت انهم مالهمش قيمة فنية او ان المخرج طلب من فريد يعملحاجة كده جملةيعنى قبل بداية الاغنية ممكن حايخرج عليها شكل او حاجة لما نيجى لصولو الابوا فى وياك .. يعنى هو تكنيك اوبوا كانه تمرين دراسى ومايصلحش تعزفه على اى آلة اخرى سواها يعنى انا ما اقدرش اقولو ع الكمنجة مثلا لن تكنيك الاصابع يختلف عن الاوبوا وحاتطلع وحشة وزى ماقلت حسيت ان مالهاش لازمة نفس الشىء فى وحياة عينيكى
الفرقة بتدخل بعدين القانون بيقول 7 نغمات بعدين بنزل بصباعه نغمات سريعة جدا وبأصبع واحد بيحركه 4 نغمات ثم اربع نغمات ثم اربع نغمات كلها هبوطا وده ايضا تكنيك قانون يعنى مستحيل تتعزف على العود او اى آلة اخرى لأن القانون بالذات ممكن ياخد كل اوتار القانون باصبع واحد وده مستحيل فى اى آلة تانية
كمان اللى خلانى قرفت م الجملة دى انى الاول كنت حاكتب من تسجيل من حفلة والفرقة كانت مش الماسية وكانت مفككة مش مترابطة وعملت الجملة دى زى الزفت وحتى القانون والظاهر انو غير اللى سجل الاستوديو عملها اولا بطريقة تانية ووحشة جدا .. مما دفعنى انى ادخل ع اليوتيوب زاجيب تسجيل الفيلم
وزى ما انت حسيت انا كمان حسيت انها جملة ملزوقة اول اللحن ومالهاش قيمة فنية وحتى لو اتوجد منكم عازف قانون .. النوعية دى من الجمل التكنيكية بتحتاج تتعزف سماعى .. يعنى فى الاستوديو فريد اكيد قعد مع عازف القانون وحفظو شىء ما وظبطوها مع بعض لكن فى الحفلة كانت مكتوبة عشان كده عازف القانون لخبط فيها
اشكرك ع السؤال ويارب اكون وفقت فى شرح وجهة نظرى
مع اطيب تحياتى عادل صموئيل

زينة الغريبي

15/04/2014, 19h10

مشكور أستاذي أستاذ عادل على تدوين فوق غصنك يا لامونة و أغنية وحياة عينيك ومبروك عليك الفهرس الجديد فهرس عملاق و مشكور الأخ هيثم على جهده الجبار

عادل صموئيل

15/04/2014, 20h21

احبائى
اقدم لكم

السلام عليك يارسول الله

مع اطيب تحياتى

نور الصباح

15/04/2014, 21h20

احبائى
اقدم لكم
السلام عليك يارسول الله
مع اطيب تحياتى
SSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
شكرررررررررررررررررررررررررررا
وكل عام وأنتم وجميع الأخوة
والأخوات المسيحيين والمسيحيات
بكل خير وسعادة
بمناسبة أحد الشعانين ( أحد السعف )
عقبال ما نتقابل قريبا - إن شاء الله -
أخوكم
نور الصباح

muhamadibra

15/04/2014, 21h27

احبائى
اقدم لكم

السلام عليك يارسول الله

مع اطيب تحياتى

نقول تحفة ودرة غالية لا تقدر بثمن - اعانك الله يا مايسترو يا كريم علي تلبية طلبات عشاق الفن الجميل
د محمد ابراهيم

نور الصباح

15/04/2014, 21h29

أستاذنا الكبير الفنان
عـــــــــــــــــــــــــــــــــــــــــــــــــ ــــــادل باشا صموئــــــــــــــــــــــــــــــــــــــــــــــ ـــــــــــــيل
أطال الله عمره
اسمح لى أن أضم صوتى لصوت الأخ الصديق
( على ثـــــــــــــــــــــلاثة )
فى تدوين أغنيتى الموسيقار
فريـــــــــــد الأطرش
1 - اســـــــألى الفجــــر والغروب
2 - بتســـــــــــألينى عن حـــــالى
وشكرررررررررررررررررررررررررررررررررررررررررررررا
أخوكم
نور الصباح

مهدي01

16/04/2014, 10h06

طلبت نوتة فوفيت بها يا هرم
استاذ عادل ماذا اقول و قد نفذت الكلمات التي تستحقها
استاذ عادل يا هرم مصر الموسيقي شكرا البس الله ثوب التقى وادخلك فسيح جنانه

عادل صموئيل

16/04/2014, 18h14

ااحبائى

اشكركم على ردودكم على موضوع الأغنية الدينية السلام عليك يارسول الله
الاغنية دى بالذات فيها حاجة مهمة مش موجودة فى اى اغنية دينية اسلامية اخرى .. انا اول ما الاخ العزيز مهدى نزلها وانا عادة اى ملف صوتى لما بيكون اغنية ان مش سامعها من قبل بشغلو دقبقة اخد فكرة عنه ... لو عجبنى اوى من اول دقيقة بنزله فورا يعنى انتم عارفين انترنت داونلود ماننجر بتظهر نافذة التحميل فور تشغيل الملف وحسب اعجابى باللحن بتلاقينى بدونه فى وقت اسرع لكن لفت نظرى جنب اسم الاغنية مكتوب النسخة العربية مما دعانى لسؤال الاخ مهدى يعنى ايه النسخة العربية قال ان لها تسجيل آخر باللغة الانجليزية ... وهنا اهتميت باللحن اكتر لأسباب كتير معنى ان فيه نسخة بالانجليزية يعنى انها موجهة للغرب .. ولما نتكلم عن الغرب اقول لكم حاجة خطيرة بخبرتى انت لما بتسمع اغنية هندية مثلا بيعجبك اللحن لكن انت مش فاهم الكلام ممكن يكون اللكلام حلو جدا وممكن يكون عادى لكن عمرك ماتحس بقيمة الكلام حتى لو فيلم مترجم والكلام مكتوب ع الشاشة لأنك اصلا مش فاهم اللغة اقصد يعنى ممكن يكون المكتوب ع الشاشة كلام تانى وانت مش فاهم لكن لما يكون الغنا بنفس اللغة بتاعتك تفرق كتير .. والاخطر بالنسبة للحن العربى الشرقى .. اللحن ده بياتى على النواه والاجانب مايعرفوش بياتى يعنى ايه ممكن هة سامع حاجة حلوة لحن جميل لكن مش فاهم .. لكن لما يكون على اللحن كلام بلغته اكيد لو سمعه كذا مرة يستوعبه اوى ودى مهمة جدا ليه ؟
لما نتكلم عن الفن ... الفن مش لحن ولا كلمات ولا اداء للفرفشة او للرقص .. الفن علم خطير جدا جدا جدا ولو رسالة خطيرة اكتر من اى شىء تانى .. الفن ( بكل انواعه ) اولا مدرسة .. ممكن يوجهك لشياء جميلة واشياء قبيحة .. بمعنى ممكن يعلمك سلكوكيات جميلة ... وممكن تشوف فى الفن سلوكيات قبيحة ممكن الانسانيقع فيها لكن الفن بيوجهك ماتعملهاش ليه يعنى مثلا شرب الخور والمخدرات والقمار ..والقتل .. فى المسجد والكنيسة رجل الدين بيعلمك انهم حرام ويسكت وخلاص خلصت .. لكن فى فيلم بتشاهد الحاجات دى وان ممكن الشخص فى اول المخدرات بيتمتع لكن بعدين بيتدمر والقمار اول الفيلم ناس بيستدرجوه ويكسب لحد ما يعشق ويدمن القمار بعدين بيخسر كل فلوسه والقتل بكل انواعه فى الفيلم بيوريك فى الآخر ان القاتل لازم ياخدالجزاء .. الفن مرآة حضارة اى امة يعنى عايز تعرف الامة دى مقاس حضارتها كام شوف فنها ,, يعنى مثلا التتار بالذات انا متأكد ان مكان عندهم اى نوع من الفن اصلا لا عظيم ولاحتى بدائى لنو لو كان عنده فن كان حايبقى متذوق ومايدمرش الحضارات والفنون ويحرق كل شىء .. والفن بيساهم فى نشر الدين .. يعنى انت عايز تنشر افكار معينة ممكن الشيخ بيقولها فى المسجد فى خطبة لكن لو ام كلثوم غنتها المعلومة توصل اكتر من الموعظة مليون مرة لأ حتى لو اتذاع على الهواء فى التليفزيون كام واحد حيشوفها لكن لو ام كلثوم غنتها والاغنية بتتذاع مليون مرة شوف كام واحد حايسمعها .... والفن سياسة السياسى العادى بيقول خطاب وخلص .. لكن لو عايز الفكرة تنتشر اوى بيجيبوا الكتاب والمؤلفين يعملوها اغانى وتدخل جوا قصة فى فيلم وتوصل للملايين .. والفن ثقافة عامة , بيخليك تتعلم حاجات وتشوف بلاد عمرك ما شفتها .. والفن جغرافيا وتاريخ وحساب وعلم نفس وكل العلوم اللى فى الدنيا بس للى يفهم طبعا ... الفن من يوم ما رحل العمالقة اختفت الاغنية الدينية ... من وجهة نظرى اولا لأن اللى بيشتغلوا فى الفن دلوقتى اهم شىء عندهم الفلوس والغناء الدينى مش بيجيب فلوس زى العاطفى ولكن وجهة نظرى اللى بجد ( السر يعنى ) الفن دلوقتى فيه نساء بتعتمد 90% على الإثارة واكبر قدر تسمح به الرقابة من التعرى ولو غنت اغنيى دينية طبعا لازم تلبس فستان محتشم والجمهور مش حايتقبلها محتشمة لأنها بتعجبه عارية ولأن ماعندهاش غناء تقدمه اصلا بعكس المطربات زمان كانوا كلهن محترمين شكلا وبياخدوا بالهن ان معظم اغانيهم بتتذاع فى كل المناسبات وان اى مطربة فيهن كان فى الحفلة لما بتغنى 3 اغانى منهم واحدة دينية اكيد لازم فى الحفلة لابسة شىء يناسي الاغنية الدينية دى لما تتذاع منفصلة بعد كده ... اما الشباب والرجال ( ويا حسرة قلبى على الر جال ) يعنى تلاقى 90 % منهم بيعتمدوا على اما التخنث او التنطيط كالقرود او التمايع والتمايص بغختصار اختفى دور الرجل الذى يغنى على المسرح يعنى دول ما ينفعش يعملوا اغانى دينية طبعا مش حاتتقبلها منهم .. يعنى مثلا فريد الاطرش زمان اكتر مطرب ملحن عمل اغانى مصاحبة برقص لكن كان بيخلى الرقص للرقاصات لكنه كان بيقف على المسرح وقفة راجل محترم .. لذلك نجح لما كان بيغنى الربيع والاغانى الطويلة ويقف ع المسرح يغنى ساعتين والجمهور متقبله 100% .. الكاررثة فى الموضوع ان فيه حرب على الدين واقولها بصراحة يعنى اخوانى واحبائى وجيرانى ورفاق عمرى المسلمين منهم 99% مسلمين وسطيين معتدلين يعنى كما فى الكتاب وفيهم واحد % خوارج على الدين ( ماحدش يزعل من كلامى لأنو جد خطير ) الخوارج دول خلال السنوات لحد 2010 كانوا مش ظاهرين .. يعنى افكارهم بيتداولوها بينهم وبين بعض لكن بعد كده ظهروا على الساحة وابتدوا ينشروا افكارهم علانية ... ومع العلانية ابتدا خروجهم على الدين وتطرفهم وتكفيرهم لللى مش منهم يظهر ,,, ومين استفاد منهم وشجعهم على التكاثر والتمادى فى افكارهم بل واغرقهم بالاموال والسلاح ؟ اعداء الاسلام .... هم مش فاهمين كده فاكرين الغرب لما بيساعدهم انو مبسوط منهم وبيشجعهم يعملوا الخلافة الاسلامية مع انو بالعقل لو فكروا خلافة اسلامية يعنى ايه يعنى كذا دولة عربية يتقلب نظام الحكم فيهم ويبقى اخوانى .. طيب الدول دى موقعها واسرائيل موقعها فين فى دولة الخلافة دى ؟ يعنى حايعملوها ساندويتش او كسكروت بالتونسى يعنى خبز فوق وخبز تحت وشىء صغير وسطهم .. وهل اسرائيل وامريكا ستسمح بدولة كبيرة جدا تقع اسرائيل نقطة فى منتصفها والمفروض ان الدولة دى من اشد اعداء اسرائيل ؟؟؟ يعنى من سنة 48 اليهود احتلوا فلسطين بمساعدة انجلترا وامريكا المستميتة وبعدين امريكا واسرائيل ودول الغرب تمول دولة بمليارات عشان تاكل اسرائيل ؟؟؟ ... هل فيه عاقل او مجنون يقول كده ؟؟؟ ولكن الواقع الاليم انهم بيستدرجوا هؤلاء الى الفخ ... انهم حاليا بيسجلوا عليهم كل غلطاتهم لكن بيشجعوهم يتمادوا فيها ووظيفتهم القضاء على الامة العربية اولا بمسيحييها ثانيا بجيوشها وشرطتها ثالثا بكل من بيعتبروهم كفار يعنى بالعربى امريكا وحلفائها بيصرفوا عليهم لتدمير الحياة فى الشرق الاوسط عشان لما يحتلوه وياخدوا كنوزه ياخدوها ببلاش .. وبعدين يخلصوا على الواحد % دول ويطلعوا غلطاتهم المتسجلة عليهم عشان تبقى مبرر اما العالم لإبادتهم ... اسرائيل لما غزت فلسطين 48 عملت غلطة خطيرة فى طرق الاحتلال انها غزت دولة فيها سكانها اصلا وعايزة تقعد فيها الى الابد وبالطبع من 48 لحد بكرا المقاومة موجودة ... يعنى زمان ايام الدول اللى بتحتل زى بريطانيا وفرنسا كانت بتحتل وهى عارفة انها حاتقعد شوية واكيد لازم حاتخرج .. والدرس اللى اتعلمتو اسرائيل وامريكا انهم لو عايزن يحتلوا كل دول الشرق الاوسط انها لازم تكون خالية من السكان عشان تبقى حديقة جميلة كلها كنوز والطريقة انك تخلى جزء صغير مسلح من سكان هذه الدول يخلص على الجزء الكبير بعدين هم ييجوا يقضوا على الجزء الصغغير ده بحجة حماية الجزء اللى بيتقتل بس طبعا بعد مايكون خلصو اصلا حد فهم حاجة ؟؟؟؟؟؟؟؟
الاغنية دى لما يسمعها الغرب يحس بدين جميل يحس بحضارة عند المسلمين ... يعنى خلال ال3 سنسن الماضية سمحوا بناس تطلع فى التليفزيون واحد عامل شيخ عايز يفجر تمثال ابو الهول اللى بيبهر العالم كلو ليه ؟ عشان قال انو صنم وخايف الناس تعبده ... هذا التسجيل اكتر ناس شافوه الغرب دليل على ان الاسلام مدمر للحضارة ( لأن خلوا بالكم ان من قال هذا بيقول عن نفسو انهم هم المسلمين والباقى كفار ) وبيفتخر انو تشرف بنسف تمثال بوذا فى افغانستان
المصيبة الخطيرة انك تسمع عن دول بتتكون فيها عدد كبير من الجيوش بأسماء فيها القدس وبيت المقدس وتلك الجيوش لو اجتمعت على الخير ممكن تحرر فلسطين لكنها موجهة لتخريب الدول العربية كلها
اعذرونى على الإطالة مع اطيب

kamalia

16/04/2014, 19h00

بارك الله فبك يا استاذنا الكريم .

عادل صموئيل

17/04/2014, 18h20

احبائى

اقدم لكم من اغانى فريد الاطرش القديمة

دايما معاك دايما

مع اطيب تحياتى

muhamadibra

17/04/2014, 18h25

احبائى

اقدم لكم من اغانى فريد الاطرش القديمة

دايما معاك دايما

مع اطيب تحياتى
دايما ابداع دايما تألق دايما كرم دايما
د محمد ابراهيم

نور الصباح

17/04/2014, 22h00

احبائى
اقدم لكم من اغانى فريد الاطرش القديمة
دايما معاك دايما
مع اطيب تحياتى SSSSSSSSSSSSSSSSSSSSSSSSSSSSSSSSSSS

:thankyou::thankyou::thankyou:
شكرررررررررررررررررررررررررررا
وكل عام وأنتم وجميع الأخوة
والأخوات المسيحيين والمسيحيات
بكل خير وسعادة
بمناسبة أحد الشعانين ( أحد السعف )
عقبال ما نتقابل قريبا - إن شاء الله -
أخوكم
نور الصباح

eagleeast

18/04/2014, 11h58

صباح الخير يا احلى منتدى واحلى صحبه.....
صباح الفل والالحان الرائعه للهرم .....
صباح اغلى تدوين من أ / عادل.....
تسلم ايديك على تدوين اغنيه فريد الاطرش ودايما مبدع .......
ودايما اغانيك الدينيه الرائعه بتبهجنا ونقرب من بعض اكتر واكتر استاذى ومعلمى وقدوتى الموسيقيه .....
شكرا كلمه قليله عليك وعلى مجهودك....... بس شكــــــــــــــــــــــــــــــــــــــرا
ابنك ........ نسر الشرق

muhamadibra

18/04/2014, 12h04

عادل صموئيل

18/04/2014, 21h51

الاح العزيز المنير

اقدم لكم اللحن اللى انت طلبته

نجحنا فرحنا

فى الملف المضغوط نسخة من النوتة ونسخة ميدى انا عملتها يتغنى عليها يعنى بالتكرار لأنهم 3 كوبليهات بس انا امكانياتى هى الميدى اللى بيعملو برنامج انكور يعنى بيانو فقط

وطمنى مشى الحال

مع اطيب تحياتى

المنير

18/04/2014, 22h26

السلام عليكم
أخي العزيز الأستاذ عادل صموئيل:
- شكرا جزيلا عل الرد السريع .تدوين رائع كالعادة.
-اصبج الجميع يتسائل عن هوية "عادل صموئيل " بحيث اصبحت النوتات التي تكتبها مرجعا أساسيا في أغلب المعاهد بالمغرب.
في الحقيقة لم أكن أفهم معنى التبسيط الذي كنت تتحدث عنه لكن و بالتحديد في "الف ليلة و ليلة" و "مداح القمر" و "حديث الروح" و "للصبر حدود" اتضح لي الأمر بحيث كنت اتراجع بمجرد محاولة قراءة النوتة في كتاب أم كلثوم.
أحييك من كل قلبي و أتمنى لك دوام الصحة و العافية.
مع الأسف الشديد لا زال المدونون المغاربة يتحفظون على النوتات الأصيلة كأنها أسرار حربية: و النتيجة تدني المستوى الفني.
تحياتي.
هذا الفايل mp3 قمت بتصديره من

harmony assistant
اخى العزيز
اشكرك لكلامك الجميل وبالطبع اكرر شكرى مائة مرة لك للبرامج المفيدة جدا التى ارسلتها لى وافدتنى جدا فى تدوينى .. اما موضوع تبسيط التديون فهو كان رسالتى فى حياتى .. يعنى زمان كان فيه مدونين عظام واحسن منى واكبر قدراولكن كانت المشكلة انهم بيدونوا لعازفين كبار يعنى مهما كانت صعوبة النوتة بيقروها .. لكن انا كان حظى ان باللليل كنت بعزف مع العظام وفى الصباح مدرس موسيقى للمبتدئين .. هى جت القصة ان عادة مدرسى الموسيقى 90% منهم بيبقوا مدرسين فقط يعنى مستواهم محدود فى العزف وبيشتغلوا من البسيط المتاحوتلاقى خمسة % منهم ممكن يعزف لك حاجات محدودة متدرب عليها مائة مة من قبل .. لكن انا بعزف اى حاجة طيب ليه ما اخليش تلاميذى يعزفوا اكتر واكتر ومن هنا جاءت فكرة تبسيط التدوين لكن اهم شىء مع الحفاظ على كل حرف يعنى انا اتعودت فى الفرقة الماسية ان الغنية ال 17 صفحة مفيهاش حرف مهم محرف مش مهم كلو بنفس القيمة والحمد لله جاءت النتيجة اللى انت قلت عليها وهى انك تشوف النوتة شكلها سهل تبتدى تشتغل فيها وتمشى معاك وللعلمانا جربت تدويناتى المبسطة على فرق كبيرة والفرق كان رهيب يعنى نفس الاغنية لو صفحتين مثلا كانوا بيسجلوها فى الاستوديو فى ساعتين اما نوتتة المبسطة كانوا بيسجلوها فىربع ساعة والفرق طبعا كبير اولا العازفبيتمتع بشكل النوتة السهلة ومع الاعادة بيتسلطن ويبدع اكثر وبياخد نفس الفلوس اللى بياخدها فى ساعتين محهود مضنى فى ربع ساعة بدون مهجود او شغل ممتع .. اما الاغنية المرفقة فى الملف المضغوط انا منزل النوتة ممكن حد من الخوة الاحباء اللى بيععزفوا اورج يسجها باصوات احلى وايقاع ويرفقها
مع اطيب تحياتى واكرر شكرى عادل صموئيل

علي حسين دراوشة

19/04/2014, 00h40

السلام عليكم ورحمة الله وبركاته،

الاستاذ العزيز القدير عادل صموئيل شكرًا جزيلًا لك بدايةً،

لقد ساعدت وساهمت وأثريت هذا المنتدى الراقي وزدتَه رقيًّا،

بحثت عن هذه النوتة لهذه المعزوفة للعازف نصير شمّة على العود في كلّ مكان وللأسف لم يحالفني الحظّ في إيجادها،

المعزوفة هي "رقصة الفرس" ويقوم بعزفها في هذا الفيديو naseer shamma ----- ط±ظ‚طµط© ط§ظ„ظپط±ط³ - YouTube (http://www.youtube.com/watch?v=vJ3XOzbWVxQ)

شكرًا جزيلا لك وآسف على الإطالة :)
مع أطيب التحيّات
الاخ العزيز
اولا اهلا بك فى المنتدى
مش حتلاقى النوتة دى ابدا لنها من المستحيل تتكتب لأنو نصير شمة بيعزف بطريقة بيستعرض مهارته فى العزف يعنى انات تحس انو بيعزف مش ب 4 اصابع ولكن عشر اصابع وعشان حد يعزف نفس المقطوعة لازم يكون اولا بمستوى نصير شمة ويحفظها ويعزفها سماع وبرضو مش ممكن تطلع هى نفسها حتى نصير شمة نفسو لو عزفها عشر مرات بطريقته دى كل مرة حاتطلع مختلفة
زمان المتخصصين فى التأليف ده واهمهم فريد الاطرش وانا اشتغلت معه كان بيعمل حاجتين اما تقسيمة بالطريقة دى او استعراض مهارة ودى هو عارف انو هو الوحيد اللى يقدر يعزفها ويقول انا فريدالاطرش الوحيد .. او لو حب يعمل مقطوعة موسيقية تتكتب وحد تانى ممكن يعزفها انا كتبت لو كذا حاجة كان بيملينى ميلودى ولازم يكون مبسط جدا بحيث ان المدون يستوعب الجملة ويكتبها بعدين العازفين يعزفوها حسب شطارتهم .. كمان لما انت تسمع مثلا رقصة من موسيقى فريد لما بتسمعها بتحس بالجملة الموسيقية يعنى لما تمسمعها كذا مرة تحفظها لكن النوعية دى تسمعها ماتلقطش حاجة لأن هو بالإستعراض المهارى اللى بيعملوا بيشوش على الميلودى
مع اطيب تحياتى عادل صموئيل

شاهين

19/04/2014, 13h24

السلام عليكم
اضم صوتتي الى صوتك يا ريت لو استاذ عادل يدون لنا هذه المعزوفة و اعمال اخرى لهذا الفنان الكبير

عاصم المنشاوى

19/04/2014, 18h55

الأستاذ الكبير /عادل بك صموئيل

كل سنة وحضرتك وكل أقباط مصر وكل مسيحيى الشرق بألف خير وسلام وصحة وسعادة ...بمناسبة عيد القيامة المجيد ...وأعياد الربيع وشم النسيم...وذكريات زمان وحفلات الربيع وتنافس فريد وحليم ...وسعادحسنى والدنيا ربيع ....يارب بعودة الأيام....

اخى العزيز
كل سنة وانت طيب وكل المصريين والعرب بخير
اللحظة دى وانا بكتب بتذكر زمان كانت بتبقى ليلة البروفة النهائية بتاعة حفلة بكره بتاعة عبد الحليم .. كانت بالنسبة لنا اهم حفلة فى السنة بنبقى خارجين من الشتا وداخلين على فصل الصيف .. وكنت بجهز بدلة سموكن جديدة وقمصان من اللى قلبك يحبها وجزمة فرنيه جديدة ( مش عارف الفرنيه بطلوه ليه ) وكل ملحقاتها حتى الشرابات السوداء
كنات برجع من حفلة عبد الحليم تقريبا والشمس طالعة .. انا مش بخرج فى شم النسيم لكن بحتفل فى البيت اول ما ارجع تبتدى الطقوس الافطار كمية بيض اللى ملون واللى مسلوق .. وكانت ام الله يرحمها بتعمل لنا بيض محشى كان فوق مستوى الهبل .. انا بعملو دلوقتى .. طبعا الاخوة اللى متودين يتعلموا منى حاجات اكيد حيتساءلوا ايه مستوى الهبل
بنسلق عشرين بيضة بس يستحسن يكون حجمهم كبير .. بعدين لما يبردوا بنقطع البيضة بالطول نصفين .. بيكون عندنا عصاج يعنى لحمة مفرومة عليهاملعقة بصل وشوية بقدونس مفروم ويتحمروا .. بعدين بنسكر بيضتين ونضربهم مع بعض بنضع ملقعة من العصاج داخل نصف البيضة ومن البيض المخفوق بنحطو على حافة البيضة وبنلصق بيه النصفين مع بعض ويستحسن لما تقطع البيض نصفين تخلى كل وحدة مع نصفها التانى .. بنتركها شوية عشان تلزق
بعدين بنقلبها فى سائل البيض ونقلبها فى طبق بقسماط ونحمرها وبعدين ادعيلى
الكلام ده فى بياض البيض اما الصفار بعدين بنحمره فى السمن لوحده ... وماتقولش لحد ..
اما الظهر اكتر شىء اموت فيه الفسيخ والملوحة والبصل الاخضر والخس وكل مايخطر على بالك من الخضروات ..
بس طبعا لازم يتوفر مهضمات لأننا بناكل كتير اوى
اما هذه اللحظة وانا بكتب قدام بيتى مباشرة كنيسة مارجرجس بعين شمس اللى اتهاجمت فى العيد الماضى وحصل عندها حرب ... قدام الكنيسة كان زمان بتشوف الناس فرحانة بالعيد والناس لابسيناحلى حاجة .. واجمل شىء الاطفال بلبس العيد وعاملين شعرهم عند الكوافير وتوسع شوية زغاريد على صيحات ابتهاج على ضحكات على عبارات تهنئة وكلو منتظر اان القداس يخلص ويروحوا يفطروا لأن صايمين بقالهم 55 يوم وتسمع اصوات بمب هنا وهناك اما الآن فى هذه اللحظة مع الاسف انظر على الكنيسة كل دول جوا مرعوبين .. وامام الكنيسة 4 مدرعات جيش وكذا عربية شرطة تأهبا للى ممكن يحصل واللى حصل العيد الماضى .. وفى اى لحظة ممكن القداس يتلغى حتى قبل مايبدأ زى العيد الماضى والقس الاكبر يخلى الناس يروحوا ينفذوا بعمرهم وربنا يستر الساعة لسه العاشرة
مع اطيب تحياتى واعذرونى للفضفضة لنى مخنوق حبتين عادل صموئيل

armendo

19/04/2014, 19h56

اخى العزيز عادل صمؤيل

كل عام وانت واقباط مصر بالف خير بمناسبة حلول عيد القيامه المجيد وإن شاء الله عيد سعيد عليكم وعلينا وعلى مصر كلها.....اوعى تاكل فسيخ السنه دى كله مضروب !

اجمل التهانى لك بالعيد السعيد

احمد ( ارمندو )
اخى العزيز الف شكر
انا خبير فى الملوحة والفسيخ يمكن اكتر من الموسيقى شوية
والمعلومة دى مهمة جدا اقولها لكم الفسيخ المضروب ده بيبقى مع الباعة اللى بيمشوا فى الشوارع لكن المحلات المحترمة بتجيب الحاجات دى من مصادر موثوق بها وعادة اى محل فسيخ بيكون مفتوح من 200سنة يعنى بيبقوا ابا عن جدا فى المهنة .. اما الدخلاء على المهنة دى هم اللى بتيجى منهم المصايب .. اما المصايب نفسها بتحصل ازاى ؟ اقول لكم حصة ع الماشى الملوحة بتصنع فى الصعيد الجوانى من سمكة محددة الانثى اسمها راية واسمها كده لن فى ذيلها خط احمر زى العلم والذكر بتاع نفس النوع اسمو كلب وامسو كده لن لو اسنان شكلها متوحش حبتين .. وخبراء الملوحة المتخصصين اولا لازم تكون السمكة طازجة جدا بتتخلل بطريقة معينة وفى براميل خشب خاصة وبيتقفل فوقها كمية ملح سمكها عشرة سم وتتقفل تتبرشم يعنى وتحفظ سنة مثلا التميز الخاص فى سمكة الراية دى شخصيا انها خلاصة تجارب قدماء المصريين فى 7000 سنة يعنى السمكة الوحيدة اللى ممكن تتخلل وتفضل كذا سنة ماتتلفش بس بشرط تبتدى وتكون طازه جدا وتتخلل بالطرق الصح .. الخطورة بتيجة من الدخلاء يعنى ممكن عشان يكسبوا يجيبوا سمك مش طازة عشان يبقى ارخص كتير اوى اوى واقصد يعنى تجار السمك بيرموه اصلا والخطورة الاخطر انهم ممكن يستعملوا سمك تانى والناس مش فاهمة واى نوع سمك تانى ماينفعش يتخلل كده لنو بيتلف ماعدا السردين طبعا
اما الفسيخ بيتخلل فى نبروه بالذات من السمك البورى بس برضو الخبراء يعنى لازم يشتروا سمك طازة جدا يعنى احلى سمك من السوق ... العداة دى توارثناها عن جودنا القدماء لأن كان النيل زمان بيبقى فترة فيها سمك كتير وفترات بيبقى المية ناقصة لذلك كانوا بيخزنوا احتياجاتهم طول السنة من السمك المحفوظ
مع اطيب تحياتى ولو تحب ابعت لك اكلة حلوة
عادل صموئيل

nazehmohamed

19/04/2014, 21h43

الاستاذ

عادل صموئيل

كل سنة وأنت طيب

وكل سنة

وجميع أقباط مصر

طيبين

وعيد سعيد

نزيه محمد

عمرو الهنداوي

19/04/2014, 22h23

أستاذ عادل كل سنة وحضرتك طيب وفين نوتة العيدية

سليم العباس

19/04/2014, 23h06

أعياد سعيدة لعموم المسيحيين في العالم

:emrose:و تهنئة خاصة للأستاذ عادل صموئيل :emrose:

مع أطيب الأمنيات بالسلام و المحبة لربوع مصر الحبيبة

وليد100

19/04/2014, 23h10

السلام عليكم ورحمه الله
الفنان الموسيقار :emrose:عادل صموئيل :emrose: كل عام وانت بخير انت وجميع الاخوه المسيحين في كل مكان
مع تحياتي لجميع اعضاء ومشرفين المنتدي:emrose:
وليد

salhi_haithem

20/04/2014, 02h24

من بستان يسوع وريحانه أهديك الورد بكل الوانه واهنيك بالعيد قبل اوانه

ا (http://www.masreat.com/?p=19010)

نور الصباح

20/04/2014, 09h32

الاستاذ الفنان و المايسترو
عــــــــــــــــــــــــــــــــــــــادل باشا صموئيـــــــــــــــــــــــــــــــل
كل سنة وأنت طيب
وكل سنة
وجميع أقباط مصر
طيبين
وعيد قيامة سعيد
وكلام فى ســـــركـ
فين العـــــــــــيدية ؟
وشكرررررررررررررررررررررررررررررا
أخوكم
نور الصباح

إيمان.

20/04/2014, 22h41

[ كل عام وانت بخير استاذ عادل وكل مسيحيين العالم بخير وسعادة..وشكرا جزيلا على مجهودك الكبير في التدوين الموسيقي..

eagleeast

21/04/2014, 01h24

استاذى العزيز وابوى الموسيقيى .... مساء الخير عليك وعلى احلى منتدى
حبيت قبل ما انام ابلغك واقول لكل الاخوة الاقباط ... كل سنه وانت بخير بعيد القيامه واعياد شم النسيم ودايما مع بعض ايد واحده بجد مش زى ما الغرب عايز والنفوس الضعيفه اللى بتتلون زى الحرباء علشان تعكر صفو بلد عاش المسلم مع المسيحى فى بيت واحد وكلو من طبق واحد وضحو بأرواحهم علشان بلد واحد انا نفسى نرجع لزمان تانى بحب وتواضع ومحبه و نفوس طيبه واخوه ..... علشان مطولش عليك ...
كل سنه ومصر كلها بخير مسلمين واقباط .....
ابنك ...... نسر الشرق :emrose:

منذر44

21/04/2014, 04h54

استاذ عادل كل سنة وانت طيب
استاذ الفن الجميل
هناك فنانين كبار ومبدعين ظلموا في حياتهم ولم يأ خذوا حقهم
ومن هؤلاء الملحن المبدع خالد الامير اللذي كان ظابطا في القوات المسلحة المصرية
وقد قدم هذا الملحن اجمل الالحان ويكفي انه ملحن اغنية وحشتني لسعاد محمد
واغنية اتعودت عليك لشادية التي اشاد بلحنها الموسيقار بليغ حمدي ومن المفارقات
انه اخذ 18 جنيه كأجر لهذا اللحن الرائع الذي حضرتك دونته
وتكريما لهذا الفنان الكبير الذي اشتكى في لقاء معه من الاهمال والاجحاف اقترح عليك
اغنتين من اجمل ما لحن خالد الامير لمها صبري وقد اشاد الموسيقار الكبير رياض السنباطي
بهذين اللحنين وهما اغنية وحشني كلامك واغنية بشوقك براحتك والاثنتان موجودتان في المنتدى
واليك الروابط

http://www.sama3y.net/forum/showthread.php?t=115

http://www.sama3y.net/forum/showthread.php?t=115&page=2
مع تحياتي

adnen.bourara55

21/04/2014, 10h08

استاذنا الجليل عادل صموئيل احترامي و تقديري للمجهودات التي تبذلونها لكامل اعضاء المنتدى .اطلب منكم بكل احترام نوته اغنية احضنو الايام لوردة الجزائريه رحمها الله مع الشكر

عزت شحاته

21/04/2014, 10h19

استاذى الجميل / عادل صموئيل
كل سنة
وانته ف خير وصحة وعطاء وحب
================
الاحبة اعضاء المنتدى
وحشتوووووووووووووووووووووووووونى
=====================
العزيز عاصم المنشاوى
ظبط لنا لقاء نتقابل مع الاستاذ ونشوف بعض
لان ده كده كتيييييييييييييييييييييير

عزت شحاته

21/04/2014, 11h02

استاذنا الجميل/ عادل صموئيل
للى مش واخد باله
اغنية خفيفة ( خدوا بالكوا دى مصر ) نانسى عجرم
ياريت النوتة الموسيقية بعد ازنك لانها مطلوبة
فى عرض يوم 29 / 4 بمناسبة يوم اليتيم
------------------------------
ولو
الدكتور هشام خلف
او اى حد من اساتذة التوزيع ف منتدانا
عملنا التوزيع الموسيقى ليها
تبقى المتعة
-------------------------
وتبقى العيدية
وربنا ما يحرمنا منكم ابداااااااااااااااااااااااااااااااا

غواص النغم

21/04/2014, 12h17

كل عام وانتم بخير أستاذنا الجميل عادل صموئيل :emrose::emrose::emrose::emrose:

عادل صموئيل

21/04/2014, 21h23

نور الصباح

22/04/2014, 10h50

احبائى
اولا اشكركم كلكم والعيد يكون عيد سعيد لما يكون عيد لينا كلنا ...
انا الصبح دخلت لقيت الاخ العزيز بلدياتى عزت شحاته طالب اغنية عشان حفلة
اقدمها
اغنية نانسى عجرم
خدوا بالكم دى مصر
الاغنية دى حلوة وخفيفة وعجبنى فيها ان المؤلف خلا نانسى عجرم اللبنانية تدخل جوا كلامنا الدارج اللى ماحدش يعرفه زى كلمة مش اى مصر وكلمة دُقة
المهم انا كتبها بسرعة عشان الحفلة قربت والاخ العزيز عزت يلحق يشتغلها
مع اطيب تحياتى
ٍSSSSSSSSSSSSSSSSSSSSSSSSSSSSSSSSSSSSSSSSSSSSSS
الاستاذ الفنان و المايسترو
عــــــــــــــــــــــــــــــــــــــادل باشا صموئيـــــــــــــــــــــــــــــــل
كل سنة وأنت طيب
وكل سنة
وجميع أقباط مصر
طيبين بمناســـــــــــــــــــــــــــــــــــــــــــــ ـــــــــــــبة
عيدالقيــــــــــــــــــــــــــــــــــــــامة المجــــــــــــــــــــــــــيد
و كذلك
عيد شـــــــــــــــــــــــــــــــــم النســــــــــــــــــــــــــــــــــيم
وكلام فى ســـــركـ
فين العـــــــــــيدية ؟
وشكرررررررررررررررررررررررررررررا
أخوكم
نور الصباح

زينب راضى

22/04/2014, 21h27

انا دى اول مرة اكتب طلب انا عندى فى المدرسة عايزين اغنية ابن الشهيد وانا والحمد لله مفيش الا كام اغنية كده اللى عارفهم بس لو سمحت لو تعرف تجبهالى هيا اغنية غناها طفل اسمه سبف الله مجدى :)

الاخت العزيزة
انا فاكر الاغنية دى حد طلبها ونزل الملف الصوتى وانا دونتها نوتة قريب اوى يعنى ممكن ترجعى كام صفحة لورا حتلاقيها ان شاء الله مع اطيب تحياتى
عادل صموئيل

nourshd

22/04/2014, 21h53

طلب مستعجل
ممكن الاخوه العازفين حد يسجل النوت الاتيه بمصاحبه الايقاع كانها فى حفله

الاغانى
الله حى شعبنا حى
احمو مصر يامصريين
غابت شمسنا
امى لشاديه
الدنيا ربيع
احن قلب فى الدنيا

اتمنى المساعدة لان للاسف لم بتوفر اورج اثناء التدريب

وانا ادعو اخوتى الاحباء اللى بيعزفوا اورج لمساعدة الاخت العزيزة انهم يسجلوا الاغانى على الاورج بالإيقاع بس ياخدوا بالهم مكن تكرار الكوبليهات عشان هى تشتغل ع التسجيل مع اطيب تحياتى عادل صموئيل

الألآتى

23/04/2014, 05h34

أنا مش حاأجرى وراكم كل شوية وأحذف المشاركات الخارجة عن موضوع طلبات النوتة ..

قلنا بلاش الكلام فى الأديان والسياسة .. نهاركم فل وياسمين

RABAB ZEAN

23/04/2014, 14h16

:emrose:الف شكر يا استاذ عادل علي الاغنية بصراحة انا نفسي مش عارفة هعمل النشيد ولا لا انا بجرب اكتر من نوته في الاجازة و بعدين بقرر هاعمل اية مع الاولاد
و البركة في حضرتك و مجهوداتك العظيمة مع اطيب تحياتي

http://www9.0zz0.com/2014/04/23/14/545781795.jpg

الاخت العزيزة
اشكرك على الورود الجميلة
انتى وزملائك المفروض ان فى فترة الاجازات انك تحضرى اعمال كتير لقدام بحيث تبقى جاهزة لأى طلب فى اى وقت حتى مع تلاميذك حضرى يكونوا حافظين كذا حاجة بحيث لما تيجى حفلة ولا مناسبة يكونوا حافظين كذا حاجة ويسترجعوها فى بروفة واحدة
مع اطيب تحياتى عادل صموئيل

عزت شحاته

23/04/2014, 23h18

استاذى الجميل / عادل صموئيل
شكر كتييييييييييييييييييييييييييييييييييييييير
وربنا يعوضك عن كل
الحاجات الجامدة جداااااااااااااااااااااا
اللى بتعملها معانا

عادل صموئيل

24/04/2014, 21h48

احبائى

اقدم لكم رائعة من العيار التقيل جدا
رائعة رياض السنباطى للفنانة وردة قصيدة

لا تقل لى ضاع حبى من يدى

واللحن ده انا بعتبره من روائع السنباطى يعنى فى اول بروفة هو مسك العود وغنى المذهب والفرقة كلها ابدت استحسان غير عادى يعنى مع ان معظمهم عزف من الحان السنباطى روائع اخرى وكل شغل ام كلثوم القديم
وردت وردة وقالت انتظروا لسه فيه بلاوى جوا اللحن ... وكلمة بلاوى بلغة السوق الفنى يعنى حاجات تجنن مش مسبوقة
فيه كمان وردة نبهتنا اوى عند الجملة بتاعة : ام رأيت الحب ذلا .... نبهتنا انها بتتعاد 3 مرات بس مختلفين .. يعنى انت لو سمعتهم بدون تركيز تحس انها بتكرر نفس الجملة 3 مرات لكن لو دققتتحسهم مختلفين ولكن اختلاف عبقرى .. يعنى عادة الجمل اللى من نفس النوع لو عبقرية الملحن حب يعملها 3 مرات ويعمل فيها اختلاف بيبقى الاختلاف فى اواخر الجملة او قفلتها ولكن العبقرية هنا انو عمل الاختلاف فى منتصف الجملة
واترككم مع هذا اللحن الرائع هو صعب طبعا ولكن لو انت حفظتو حيكون اسهل كتير ... يعنى انا اتذكر ان كل جزء فيه السنباطى مسك العود وغناه عشان نفهم احساسه واللى مش ممكن يتكتب فى النوتة
مع اطيب تحياتى

muhamadibra

24/04/2014, 22h35

[QUOTE=عادل صموئيل;657420][CENTER]احبائى

اقدم لكم رائعة من العيار التقيل جدا
رائعة رياض السنباطى للفنانة وردة قصيدة

[COLOR=Red]لا تقل لى ضاع حبى من يدى

واللحن ده انا بعتبره من روائع السنباطى
مع اطيب تحياتى
[SIZE="5"]شكرا جزيلا وكل عام وانت بكل خير
د محمد ابراهيم

المنير

24/04/2014, 23h13

السلام عليكم
أيها الأستاذ العظيم صاحب الدوق الرفيع و الحس المرهف: أخي و أستاذ الجميع الباشا عادل صموئيل لك جزيل الشكر .
أنا متأكد بأن الأخ فؤاد علمي لم ينتبه لهذه الصفحة و إلا كان أول من يرد على هذه المشاركة من العيار الثقيل.
تحياتي

فؤاد العلمي

25/04/2014, 01h21

أخي العزيز المنير
أنت فعلا محق، فأنا لم أَزُرْ هذه الصفحة إلا قبل قليل، ولم أقاوم حتى وجدت نفسي ماسكا العود وأعزف المقدمة وموسيقى الكوبليه.
الأستاذ عادل دائما يفاجئنا بالتحف وبالتدوين الرائع، فكلنا نستفيد من خبرته العالية.
في الشهر الماضي وبمناسبة عيد المرأة، أقيم احتفال كبير في مدينة الرباط تكريما لسيدات في مجال الطب والعلوم والفن التشكيلي والشعر والجمعيات اللاحكومية. وقد أحْيَت الحفلة فرقة موسيقية راقية (عازفون وكورال ومطربات). وفي النهاية ذهبنا (صديقي العربي وأنا) إلى الكواليس لنشجع الفرقة. وكانت دهشتي عظيمة جدا، حيث كنا ندردش مع العازفين وهم يلمون حاجاتهم، أخذت نوتة الأغنية الأخيرة فوجدتها من تدوين أ. عادل صموئيل. وأحسست إحساسا جميلا لأن هذا الإسم قريب جدا إلى قلبي. لقد أصبح مرجعا ليس فقط للهواة، بل حتى للمحترفين. فهنيئا لنا به، ونتمنى له ولذويه الصحة والعافية وطول العمر.
مع تحياتي الغالية- فؤاد.

نور الصباح

25/04/2014, 09h09

احبائى
اقدم لكم رائعة من العيار التقيل جدا
رائعة رياض السنباطى للفنانة وردة قصيدة
لا تقل لى ضاع حبى من يدى
واللحن ده انا بعتبره من روائع السنباطى يعنى فى اول بروفة هو مسك العود وغنى المذهب والفرقة كلها ابدت استحسان غير عادى يعنى مع ان معظمهم عزف من الحان السنباطى روائع اخرى وكل شغل ام كلثوم القديم
وردت وردة وقالت انتظروا لسه فيه بلاوى جوا اللحن ... وكلمة بلاوى بلغة السوق الفنى يعنى حاجات تجنن مش مسبوقة
مع اطيب تحياتى
ٍSSSSSSSSSSSSSSSSSSSSSSSSSSSSSSSSSSSSSSSSSSSSSS
الاستاذ الفنان و المايسترو
عــــــــــــــــــــــــــــــــــــــادل باشا صموئيـــــــــــــــــــــــــــــــل
كل سنة وأنت طيب
وكل سنة
وجميع أقباط مصر
طيبين بمناســـــــــــــــــــــــــــــــــــــــــــــ ـــــــــــــبة
عيدالقيــــــــــــــــــــــــــــــــــــــامة المجــــــــــــــــــــــــــيد
و كذلك
عيد شـــــــــــــــــــــــــــــــــم النســــــــــــــــــــــــــــــــــيم
وكلام فى ســـــركـ
العـــــــــــيدية مقبولة
وكل سنة وحضرتك طيب
وشكرررررررررررررررررررررررررررررا
أخوكم
نور الصباح

salhi_haithem

25/04/2014, 10h56

صباح النور على أحلى زهور
لا تقل لى ضاع حبى من يدى هذا ما يسمى إستعراض قوة في الموسيقى أو ما يسمى أسلحة دمار شامل أي الأستاذ عادل بدئ يخرج لنا الدرر و ألحان و أغاني السنباطي في حد ذاتها كوارث طبيعية بحيث أني لما أعزف أي لحن للسنباطي أحس نفسي فنان و إني أتلذذ العزف رغم أنه يستعمل مقامات صعبة و تركيبات معقدة و تفعيلات غريبة و أنا أكتب هذه الكلمات تذكرت أخي العزيز فؤاد العلمي حيث عزف لي بعض مقاطع من عودت عيني و كما تعرفون مستواه في العزف حيث عزفها قمة في الروعة و كما لا يخفى عليكم لمساته السحرية في العزف فبحيث محترف زد على ذلك لحن من ألحان السنباطي تخرج روائع نفس الشئ الأستاذ عادل و يدون لحن مستحيل ف قس على ذلك
أدام الله لنا أستاذنا و متعه بصحته و إنشاء الله يمتعنا بمثل هذه الأعمال الضخمة
هيثم

armendo

25/04/2014, 12h40

اخى العزيز الأستاذ عادل

أن تتلقى الأشاده من احباءك واصدقائك بالمندى فهذا شئ رائع نظرا لما قدمته وتقدمه لنا من خلال نوته جميله يستطيع ان يقرأها المبتدئ الهاوى والمحترف ولو ان شهادتنا اصبحت مجروحك بحقك.

ولكن ما جعلنى اكثر سعاده هو ما قرأته فى مشاركتى اصدقائى الأعزاء المنير وفؤاد العلمى من ان نوت عادل صمؤيل اصبحت مرجعا فى بعض المعاهد الموسيقيه وتستخدمها فرق محترفه فهذا هو ما يجب ان يجعلك فخورا بما قدمت وايضا يجعلنا فخورين بك فلك منا كل الحب والتقدير.

مع ارق تحياتى

احمد (ارمندو )

عادل صموئيل

25/04/2014, 13h52

احبائى
اشكركم كلكم على كلامكم الجميل واخص شكر كبير لأحبائى فى المغرب الشقيق ... ويسعدنى جدا انى اسمع انهم بيستفيدوا من النوت المتواضعة اللى انا بدونها .. والمغرب بالذات من احب البلاد العربية للفرقة الماسية يعنى كنا بنسعد جدا لما يجينا سفرية للمغرب بالذات مع عبد الحليم حافظ لانه كان صديق شخصى للملك الحسن الثانى رحمه الله وكان لازم يعزمنا على العشاء فى القصرالملكى وكنا بنعمل حفلة خاصة للأسرة الملكية ... وكنا بنحس بمنتهى الحب والود
انا عايز اقول لكم سر بالنسبة من احد فوائد النوت المكتوبة ببساطة او تبسيط كتابة النوتة بالطبع مع عدم الاخلال بأى حرف من اولها لاخرها ... احنا ايام الفرقة الماسية اتعلمنا الاهتمام باللحن من اول حرف لاخر حرف حتى اقول لكم حاجة تجنن شوية ما قبل اول حرف وما بعد آخر حرف .. حتقولوا الاغنية وعرفناها من اول حرف لآخر حرف لكن ايه ماقبل اول حرف ومابعد آخر حرف ؟ اقول لكم
اولا لما بنسجل فى الاستوديو لما مهندس الصوت بيشغل الشريط ويدينا اشارة البدء لازم يكون صمت تام وبعدين المايسترو او قائد الفرقة بيبتدى يدنا اشارة البدء وهنا لازم يكون صمت تام حتى ان المستمع يحس بأول حرف فى اللحن .. ولما نخلص اللحن خالص .. انتم عارفين ان آخر حرف فى اللحن بيكون هو اساس المقام يعنى لو حرف صول مثلا بنخلص آخر حرف ونفضل ثوانى زى التماثيل يعنى ماحدش يتحرك يعنى مثلا لو قوسى طالع والحرف خلص بأثبت على هذا الوضع ثوانى لأن طنين النغمة الاخيرة بيفضل ثوانى بعد الاغنية ماتخلص ... ثوانى لحد ما مهندس الصوت بيعمل لنا اشارة ان الطنين( او بيسموه الصدى او الايكو بتاع الاستدويو ) او ما هو يحس انو خلص عنده بيعطينا اشارة احنا عارفينها معناها شكرا خلاص ... بعديها بنزل الكمنجة و اللى عايز يتحرك يتحرك وكتير حصل ان اثناء الصدى ده مطربة جديدة او مطرب مش متعود او اى حركة تحصل او حد ينزل الكمنجة او حد يلمس حاجة او اى شىء يفسد لحظات الصدى ده والمهندس بيطلب مننا نعيد المقطع او آخر جزء من اللحن مع اننا مسجلينه صح 100% ولكن عشان موضوع الصدى ده .. لما انت تشتغل فى الجو ده عشرين سنة مثلا اكيد حا يبقى الشغل بالنسبة لك كده من اول حرف لأخر حرف ... نفس المصيبة دى كانت بتحصل فى الحفلات يعنى مذيع غبى مش فاهم اصول الشغل فى الراديو بيقدم حفلة لأم كلثوم وهو قاعد قدام المسرح بيوصف لك الجو وفتح الستار وظهرت السيدة ام كلثوم وترتدى فستان مش عارف ايه وتجلس وسط فرقتها الموسيقية وعمال يوصف ومش واخد باله ان محمد عبده صالح اعطى اشارة البدء والفرقة دخلت اللحن والمذيع لسه عمال يوصف .. والحان كتير افسدها المذيعين بالطريقة دى لنو مش فاهم ان اول ماتفتح الستار فيه طقوس .. يعنى اولا الجمهور بيصفق اوى بيحيى ام كلثوم وبعدين هى بتقف وتنحنى للجمهور بعدين بتقعد تانى وتنتظر لحد ما التصفيق يخلص بعدين بتعطى اشارة لمحمد عبده صالح بيرفع يده وينتظر لحظات حتى ان التصفيق يهدأ يتصفى يعنى بعدين بيبتدى لأن لو مازال التصفيق عى ممكن اول حروف من المقدمة تكون منخفضة تضيع فى التصفيق وهنا اول اللحن يعتبر ضاع ... والحركة بتاعة المذيع الغبى دى خلت ام كلثوم تطلب من الاذاعة طلبين اولا اختيار مذيع فاهم الموضوع يخلص كلام فى الوقت المناسب وكان جلال معوض واحيانا امال فهمى وثانيا ان التسجيل يكون من خط منفصل مش متصل بميكروفون المذيع بمعنى ان مهندس الصوت بيسجل اللى على المسرح والمذيع صوته رايح للناس اللى بتسمع فى البيوت فقط مش بيطلع فى التسجيل
فيه موضوع تانى بالنسبة لتبسيط النوت ... احنا قلنا ان التبسيط بيبقى مفيد جدا جدا للمبتدئين وممتع جدا للمحترفين لأن الورقة بتتقرأ فى ثانية ... انت لما تشوف اى فرقة موسيقية لو فيها 12 كمنجة مثلا مستواهم بيكون متفاوت يعنى مش كلهم شاطرين 100% يعنى فيه شاطرين اوى ومتوسطين واقل شوية النوتة لما تكون مكتوبة معقده وصعبة بيقراها الشاطرين والمتوسطين ممكن يغلطوا فى حروف والاقل شوية يغلطوا كتير والخطورة هنا انهم بيعرقلوا الشاطرين بيقللوا جودة ادائهم .. لكن لما تكون النوتة مبسطة حتلاقى الكل بيعزفها بدون اخطاء وده اللى انا بحب اوصل له ... لأن على الطبيعة انا الناهردة لو حبيت اكون فرقة مش ممكن اقدر اجيب كل العازفين مستواهم 100% لكن مع تبسيط النوت ممكن اخلى الاداء 100% واعتقد تفرق كتير

مع اطيب تحياتى

muhamadibra

25/04/2014, 14h00

[QUOTE=عادل صموئيل;657488][SIZE=5]
احبائى
اشكركم كلكم على كلامكم الجميل واخص شكر كبير لأحبائى فى المغرب الشقيق ... ويسعدنى جدا انى اسمع انهم

مع اطيب تحياتى
واضح يا مايسترو انك يتعرف علم نفس وعندك مخزون جيد من طرق التدريس - كل ماذكرته هو اساس الاستاذ الناجح والقوي في علمه وهذا هو المتبع في كليات الطب - والحمد لله اطبقه مع طلبتي علي قدر الاستطاعة - زاد الله في علمك وكرمك ومتعك بالصحة والعافية
د محمد ابراهيم

[COLOR=DarkRed]اخى العزيز
انت تقرا افكارى
يعنى انا لما كنت طالب فى كلية التربية الموسيقية بالزمالك كان فيه عندنا 17 مادة موسيقية بندرسهم بالإضافة الى مادتين اولهما علم النفس وثانيهما طرق التدريس ... واذكر انى عملت خناقة كبيرة مع الدكتورة اللى كانت بتدينا علم نفس بس لن كان مركزى قوى فى الكلية مشيت كلامى عليها وخليتها هى الدكتورة الكبيرة تغر اسلوبها وتشتغل على اسلوبى وانا طالب ضئيل ... كانت المشكلة ( طالما انت ليك فى علم النفس ) ان الكتاب كان مكتوب بلغة مش اى حد لا يفهما ولا يفهم مضمونها والمطلوب ان الطالب يحفظ تلك الطلاسم ولما ييجى السؤال فى الامتحان الطالب يقراالسؤال وينزل الاجابة من اللى هو حافظة وانا متاكد انه مش فاهم مضمون الكلام كان الكلام من نوعية الانبعاج الاستقرائى المنبثق من الاوعى الانبعاجى المتمركز فى الكينونة انا قلت لها يادكتورة علم النفس ده معمول ليه ؟ عشان نتفهم طبيعة البشر كل حسب ظروفه ونتعامل معاهم بأحسن طريقة تفيدهم وهم يبقوا منتجين .. والاسلوب بتاع الكتاب ( واللى هو طريقتها فى الشرح ) ممكن يكون حلو اكاديميا لكن مش مفهوم زى ماتكونقدامكماكينة فيها 120 زرار وانت مش فاهم ولا زرار منهم بيعمل ايه ومن هنا انت ممكن يا تخرب هذه الماكينة او ماتعرفش تستفيد من امكانياتها وضغطت عليها انها تترجم الكلام ده بطريقة مبسطة وكانت وفهمنا ونجحنا .. اما عن طرق التدريس دى خطيرة جدا جدا بل اخطر شىء على الاطلاق يعنى انت ممكن تكون استاذ جهبذ بس ماتعرفش توصل المعلومة لتلاميذك واستاذ متوسط لكن بيشرح ببساطة بيوصل المعلومة كويس ويطلع من تحت ايده عباقرة ممكن يتفوقوا على استاذهم
احكى لك قصة قصيرة حصلت معى الاسبوع الماضى انا بستعمل وورد اوفيس 2003 من يوم ماطلع .. وعملت لو عملية ترويض يعنى كتبت عليه كذا رسالة دكتوراه منهم واحدة لختى فى الآثار كان نصفها كتابة هيروغليفية وكتبت عليه هيروغليفى بدرجة اذهلت االدكاترة بتوع الآثار ودرست ازاى تعمل المراجع بدقة شديدة يعنى تعمل رقم المرجه داخل اقواس ودى بتتخلق مش موجودة فى الاوفيس .. المهم لما نزلت ويندوز 7 نزلت معاه اوفيس 2007 الاول خفت منو لأن كان شكلة مش زى التانى بعدين قعدت اذاكره لحد ما الحمد لله عملت لو الترويض الازم المهم من اسبوع حفيدتى طلبت انزل لها بحث كذا صفحة وجيت عند ادراج ارقام الصفحات لقيتو بيكتب رقم الصفحة افرنجى وده عيب طبعا لأنى كاتب كلو عربى ومفيش مشكلة فى اللغة .. دخلت كعادتى على جوجل وكتبت كيف نجعل ارقام الصفحات بالحروف العربية لقيت واحد عامل شرح على اليوتيوب فى 7 دقائق بيدخلك على اكتر من 11 امر كل امر يفتح لك نافذة تحتار منهاكلمة تنزلك على نافذة وهكذا نزلت الفيديو وقعدت اجرب واغلط ووصلت لها بعدين شغلت مخى .. جيت على رقم اول صفحة وظللته ورحت على الخطوط وضغطت على الفونت siplified arabic الحرف اتقلب عربى بخطوة واحدة
وده يبين طريقة الشرح الخاطئة يعنى واحد عملها ب 11 خطوة وحتما حاتغلط فيهم وانا عملتها بخطوتين ومش ممكن تنساهم ابدا
مع اطيب تحياتى عادل صموئيل

dorame

27/04/2014, 20h47

الدكتور الموسيقى الكريم \ عادل صموئيل
لقد فجرت اليوم قمبلة الموسم لهدا الشهر بنوتة ( لا تقولي ضاع حبي من يدي )
فلم يجروا أي شخص بتدوينها في أي كتاب تنويت نهائيا ولن نجدها ابدا لصعوبتها وروعتها
تعجز اللسان عن الشكر الجزيل على هده المفاجأة الكبرى

muhamadibra

27/04/2014, 22h06

[QUOTE=muhamadibra;657489][QUOTE=عادل صموئيل;657488][SIZE=5][COLOR=Blue]
احبائى
اشكركم كلكم على كلامكم الجميل واخص شكر كبير لأحبائى فى المغرب الشقيق ... ويسعدنى جدا انى اسمع انهم

مع اطيب تحياتى
واضح يا مايسترو انك يتعرف علم نفس وعندك مخزون جيد من طرق التدريس - كل ماذكرته هو اساس الاستاذ الناجح والقوي في علمه وهذا هو المتبع في كليات الطب - والحمد لله اطبقه مع طلبتي علي قدر الاستطاعة - زاد الله في علمك وكرمك ومتعك بالصحة والعافية
د محمد ابراهيم

[COLOR=DarkRed]اخى العزيز
انت تقرا افكارى
[SIZE="5"][COLOR="DarkSlateBlue"]
مع اطيب تحياتى عادل صموئيل
وهذا شرف وفخر لي و استفدت كثيرا حتي من درس الفسيخ والملوحة واهم شئ ان جميع رواد المنتدي يستفيدوا من الهرم الموسيقي العظيم - وكل ذلك بظهر الغيب ولوجه الله تعالي - ويارب يكون لك كل النصيب من دعوات المتابعين
د محمد ابراهيم

dinasamiar

28/04/2014, 02h42

ترنيمة يا من بحضوره نفسي تطيب

الاخت العزيزة
اولا اهلا بكى فى المنتدى
ثانيا ممكن اتعبك معايا نزلى لى الملف الصوتى بتاع الترنيمة وانا تحت امرك ( لأنى معنديش نوت جاهزة انا بدون النوتة من الملف الصوتى )
مع اطيب تحياتى عادل صموئيل

عادل صموئيل

28/04/2014, 20h01

احبائى
اقدم لكم من روائع عبد الوهاب لنجاة

يامرسال الهوى

الاغنبة دى انطلبت من زمان بس كلو بييجى فى وقته

اللحن ده فيه حاجات عبقرية يعنى المفاجئات اللى بيعملها عبد الوهال فى كل لحن
من اول سطر فى المقدمة القانون بيقول جملة ببيقطعها وتتعاد الجملة وبيكملها بيبقى ناقص فيها حرفين بتدخل عليه الكمان
وده تلوين غريب اوى مش مسبوق يعنى العادى ان الصولو بيقول الجملة كاملة مش ناقصة حاجة فى المرتين
بعدين بعد كل المقدمة الادليب الطويلة دى بدون ايقاع بيدخل الايقاع مرة واحدة فجأة ( انا طبعا ماكنتش فيها لنها اقدم من تواجدى بكتير شوية ) بس طبعا حسيت ان الفرقة مش ال من 22 الى 25 اللى هم الفرقة الماسية ولكن تحسهم 500 من حركة عبقرية ان عبد الوهاب زود الدفوف او المزاهر شوية يعنى هو واحد خلاهم4 ولما بيدخلوا بعد الهدوء بيديك الانطباع ان الفرقة كتير اوى بعدين بيحصل هدوء وتدخل نفس المظاهرة الحاشدة تانى
ملحوظ طبعا فى الجملة اللى بتتكرر اللى على الايقاع ان كان وقتها يعنى اوائل الستينات كان الجيتار لسه ماركبش ربع تون لذلك كان بيخليه يقول نصف الجملة العادى والفرقة تكمل البياتى ... فيه كمان حركة جميلة غير مسبوقة
الكروماتيك بتاع فا دييز تليها فا ناتوريل الطبيعى بتاع الكروماتيك ده ان بتقوله آلة واحدة او فرقة مع بعض عشان يبان حلاوة الكروماتيك لكن العبقرية المصحوبة بالجنان انو خلا الجيتار يقول الفا دييز وتدخل عليه الفرقة تقول الفا ناتوريل
كمان الجملة اتعادت كذا مرة لكن كل مرة شكل مما استدعى انى اضطر طبعا اكتبهم كلهم
كذلك الجزء بتاع المذهب بيتاع يامرسال الهوى لو سمعته طيارى كده حاتحس ان الجملة اتكررت 3 مرات وهى عادتها 3 مرات ولكن كل مرة مختلفة مش زى بعض ولما بيعيدها الكورال برضو مختلف عن اللى قالته نجاة
فيه ملحوظة ان الناى فى آخر اللحن كرر الجملة كذا مرة عشان لحد ما المشهد يخلص فى الفيلم طبعا انا ماكتبتهاش لأنكم حاتفهموها لوحدكم
انا حاليا بشاور عقلى نفسى اكتب رائعة رهيبة من اتقل عيار ممكن ان شاء الله ابتدى فيها كلامكم الجميل شجعنى
مع اطيب تحياتى

salhi_haithem

28/04/2014, 20h22

السلام عليكم ورحمة الله
أستاذ عادل شكرا جزيلا على رائعة نجاة الصغيرة و أنا نسبيا عارف الأغنية الجاية هي من ألحان رياض و حتكون لأم كلثوم لأنك لم تترك أغنية صعبة إلا ودونتها و نحنا في الإنتظار
هيثم

عزيزى هيثم

يعنى تخيلك صح وهى اغنية جميلة جدا وصعبة جدا جدا وانا عازفها فى معزوفاتى
مع اطيب تحياتى

muhamadibra

28/04/2014, 20h54

عادل صموئيل -انا حاليا بشاور عقلى نفسى اكتب رائعة رهيبة من اتقل عيار ممكن ان شاء الله ابتدى فيها كلامكم الجميل شجعنى مع اطيب تحياتى
نحن في الانتظار علي احر من الجمر - استمتع ومتعنا - فاكيد الروائع الصعبة تمتعك وانت بتدونها وتبسطها وتعرضها - فالاستاذ الكبير يفرح بأداء وشرح العمل العبقري - منتظر وبالتوفيق دائما
د محمد ابراهيم

armendo

28/04/2014, 20h55

salhi_haithem

28/04/2014, 21h14

أصبحت سهلة جدا جدا و أنا عرفتها
مدام هي في معزوفاتك و من ألحان رياض السنباطي و هي لأم كلثوم فتطلع إما هجرتك إما الحب كيده مالهمش ثالث لأنك دونت كل ألحان السنباطي الموجودة في معزوفاتك ماعدى الأغنيتين المذكورتين آنفا

:)

لأ .... لسه ... فيه معزوفة رائعة للسنباطى فكر شوية عادل صموئيل

المنير

28/04/2014, 22h03

السلام عليكم
لقد سمعت مؤخرا "ليلي و نهاري" و رجعت 30 سنة إلى الوراء إلى أيام كلية العلوم بفاس و ذكرتني بالأصدقاء السميعة .
سأنتظر الباشا ليدون هذه التحفة 30 سنة أخرى.
تحياتي.

اخى العزيز

ادخل فهرس الاخ العزيز هيثم
انا مدون ليلى ونهارى من فترة وعازفها كمان لو تحب تسمع عزفى
فى الفهرس الجديد هيثم مقدم الاغنية يعنى النوتة وعزفى لها لو كنت عزفتها
وعلى فكرى راجع الفهرس كويس فى وقت تكون فاضى لأن فيه اكيد حاجات حلوة كتير فاتتك
مع اطيب تحياتى عادل صموئيل

عمرو الهنداوي

29/04/2014, 00h21

الأغنية الجاية يا اما افرح ياقلبي- فاكر لما كنت جنبي - سهران لوحدي -جددت حبك ليه - الحب كده - اذكريني - هلت ليالي القمر أو سلوا كئوس الطلا وأنا اعتقد فاكر لما كنت جنبي أو سهران لوحدي أو جددت حبك ليه؟

أنتو ايه رايكم....:crazy:

لسه ماحدش وصل عادل صموئيل

ahmad_alahlawy

29/04/2014, 04h19

شكرا استاذ عادل على رائعة مرسال الهوى
الأخ عمرو هنداوى :الأستاذ عادل سبق و ان دون جددت حبك ليه بالفعل

http://www.sama3y.net/forum/flash/misc/progress.gif

نور الصباح

29/04/2014, 07h29

salhi_haithem

29/04/2014, 08h01

صباح الخير
أستاذ عادل إنت متأكد إنك رافع الأغنية التي ستدونها ضمن معزوفاتك لأني محيط بكل ما رفعت و إن كانت من ألحان السنباطي لأم كلثوم فستكون إما هجرتك أو الحب كده لأنك دونت هذه القائمة التالية وهي موجودة في معزوفاتك من ألحان السنباطي لأم كلثوم هي كالآتي
- قصة الامس
- غلبت اصالح
- حسيبك للزمن
- حيرت قلبى
- جددت حبك
- حديث الروح
- دليلى احتار
- ذكريات
- اقول لك ايه عن الشوق
- اقبل الليل
- اراك عصى الدمع
- القلب يعشق
- الاطلال
- من اجل عينيك
- لسه فاكر
- ليلى ونهارى
و هذه قائمة من معزوفاتك من ألحان السنباطي لم تدونها
- الحب كده
- هجرتك
يعني جيناها هي كده كده حتطلع وحدة مالإثنين أو يكون إلتبس عليك الأمر أستاذ عادل و ظنيت إنك رافع ملف عزف الأغنية و أنت لم ترفعه و هنا يفتح باب أخر و سيكون تحديد الأغنية صعب جدا لو تعطينا إسم الشاعر ستسهل علينا العملية
هيثم

ياعزيزى هيثم
لسه برضو ماوصلتش ... الاغنية دى انا منزلها فى المنتدى من زمان وهى اغنية تجنن يعنى اديت اسطوانة لواحد من معارفى وحصل انو اول مافتح الاسطوانة كان بيحب الاغنية دى وسمعها واتذهل ومازال مذهولا من اسبوعين .. لما انت ماذكرتهاش ضمن الروائع اللى انت كاتبها هنا يبقى انت ماشفتهاش وخليتنى اشك فى انى مانزلتهاش ورحت على القسم واتأكدت انها موجودة بس انا زعلت اوى انك ماسمعتهاش عموما اسهلها لك شوية هى قصدية فصحى مش عامية ومن تأليف احمد رامى وكلامها رومانسى اوى يعنى كلماتها من نوع متميز
اما عن الحب كده وهجرتك انا اعرف ان حد من الزملاء كاتبهم فى المنتدى صح ؟
مع اطيب تحياتى عادل صموئيل

مهدي01

29/04/2014, 17h33

روائع وانامل استاذنا الكبير عادل كنوز موسيقية يستفيد منها المبتدئ المحترف
لكن احنا مبتدئين فياريت تدوين الاغنيتين الرائعتين عن الام و عن طيبة فانا لست مستعجل على النوتات ان كان لحضرتك وقت

اخى العزيز
اهم حاجة انك مش مستعجل .. ان شاء الله ادونهم بس بعد ما اخلص الاغنية اللى حتخلى كل الناس تتجنن لأنها كبيرة اوى ومحتاجة تفرغ تام شوية
مع اطيب تحياتى عادل صموئيل

basma2265

29/04/2014, 19h56

السلام عليكم استاذ عادل

كل الشكر والتقدير لحضرتك علي كل النوت الرائعه والجميله

basma2265

29/04/2014, 20h01

الي الاستاذ عادل
رسالة ابعثها مليئة بالحب والتقديروالاحترام
ولو انني اوتيت كل بلاغة
وافنيت بحر النطق في النظم والنثر
لما كنت بعد القول الا مقصرا
ومعترفا بالعجز عن واجب الشكر

الاخت العزيزة
اشكرك من كل قلبى على ذوقك وعلى كلامك الجميل
اى فنان بيبقى الوقود بتاعه او الحافز بتاعه هو انبيحس انو فنه بيوصل لناس تقدره , وده بيخليه يعمل احلى واحسن
يعنى لم كلثوم نفسها وا نفس الجيل لو الجمهور ماقبلهاش بإستحسان الى جدا ماكنتش بقت كده ولو تراجعى فى التاريخ تلاقى ان فنانى الزمن الجميل كانو كل ما يمر الوقت بيقدموا احلى واحلى بعكس بتوع دلوقتى بيشتغلوا عشانالفلوس لذلك تلاقى مستوهم اما بينخفض او بيبقى مالوش طعم يعنى بيملوا شرايط وخلاص
وكل الفناني اللى انا عزفت معاهم كان ادائهم العادى بتاعهم يعنى 95 % لما يكون جمهور حلو بيحس باللى بيقولوه كان ادائهم بيبقى 900% .. لو انتى بتسمعى ام كلثوم فى اغنية ما وفى كذا حفلة تلاقى حفلات حلوة لكن حلة ادائها بيبقى فوق الخيال لن الجمهور بيبقى عالى اوى اوى
مع اطيب تحياتى

mario

29/04/2014, 21h01

السلام عليكم اخواني انا في حاجة ماسة وبشكل مستعجل لنوتة عبد الله الرويشد الي نساك انساه شكرا جزيلا

salhi_haithem

29/04/2014, 21h04

السلام عليكم
كلامك صح يا أستاذ عادل فلتت مني وحدة فقط هي أغار من نسمة الجنوب و أنا سمعتها مئات المرات و المشكل أني لما مريت على مرفقات معزوفاتك مريت عليها و أنت كاتب أسم الأغنية "أغار" فقط فضننت أنها أغنية أغار من قلبي متاع عبد الوهاب
الأغنية التي ستدونها هي أغار من نسمة الجنوب و هي من ألحان السنباطي
هيثم

المنير

29/04/2014, 21h17

السلام عليكم
أخي عادل: شكرا جزيلا على نوتة "ليلي و نهاري" بحيث يظهر هذا المشكل مدى أهمية الفهرس الذي وضعه الأخ هيثم الصالحي. بحيث كان الأمر سيزداد تعقيدا مع تزايد عدد صفحات قسم عادل صموئيل للنوتات الموسيقية.
تحياتي.

اخى العزيز
انا مش عارف اشكر الاخ العزيز هيثم ازاى
المشكلة دى ان فيه اعضا بيدخلوا المنتدى بصفة منتظمة يعنى ممكن كل يوم او كل يومين ولما بيدخل بيشوف آخر صفحة كان شافها رقم كام وييبتدى منها ويشوف الجديد .. وينزل منها اللى ممكن يحتاجه ... لكن الناس اللى بتغيب عن المنتدى فترة طويلة ممكن بيكون نسى هو آخر صفحة كانت كام ومش بيعرف كل التطورات اللى حصلت فى القسم من ساعة ماغاب ... وحتى الفهرس نفسه انت لازم راجعه دايما لن بيزيد حاجات احينا
مع اطيب تحياتى

muhamadibra

29/04/2014, 21h41

اريد ان ابدي اعتراض علي تفسير المايسترو لموقف الحمهور من الفنان والذي ينطبق فعلا علي العمالقة - واعتراضي ان الامر المادي له نصيب في الموضوع اما في حالة استاذنا شلال الكرم والعطاء بدون اي مقابل الفن من اجل الفن ولامتاع كل المتابعين دون اي مقابل سوي كلمات الاستحسان البسيطة والقليلة علي المجهود العظيم الذي يقوم به هذا العبقري - عذرا الامر هنا مختلف اعتقد انه يرتبط بأداء رسالة ما وتحدي شخصي ونحن الكسبانين في النهاية - بالتوفيق دائما
د محمد ابراهيم

اخى العزيز اشكرك على كلامك الجميل
اى شىء حلو انا بقدمه او انت بتشوفه منى بيبقى لو خلفيات برضو ... العمالقة برضو ده من ضمن اللى اتعلمته منهم
يعنى افضفض عشان فيه ناس نفسى اضربهم من اللى بيغنوا دلوقتى .. لو انت شفت قصى حياة اى حد من المعالقة ماطلعش عملاق مرة واحدة ولكن كان موهوب وسط عشرات بل مئات الموهوبين ولكنه كافح واكرر كافح واتمرمط واتبهدل وجاع وموهبته الخارقة هى اللى رفعته فوق .. كان كل واحد منهم عايز يوصل فنه للناس مافكرش حياخد كام وحايركب عربية ايه ويسكن فى قصر ايه .. هو كافح وربنا اعطاه .. اللى انا شفته بعينى عشرات المرات ماحدش قالى يعنى .. لما بييجى انتاج اغنية ما لعبد الحليم مثلا .. فيه فلوس طبعا الفلوس دى بتدفعها الشركة المنتجة للأغنية بتتضمن شراء الكلمات والتلحين واجر المطرب واجر الفرقة على البروفات لو طويلة ( يعنى لو 3 او 4 بروفات كانوا بياكلونا ) لكن لما يكون خمسين بروفة بتبقى البروفة باجر .. وبعدين اجر الفرقة فى تسجيل اللحن فى الاستدوديو واجرها لما تعزف فى الحفلة .. ده بتدفعه الشركة المنتجة واول عائد مادى بتقبضه بيبقى من ان الاذاعة بتاخد نسخة من التسجيل بفلوس طبعا .. وتانى عائد لما الحفلة تتذاع الاذاعة بتدفع والتليفزيون بيدفع بس لحد عبد الحليم كانت الفلوس دى كلام فارغ يعنى الفلوس زمان كانت قليلة .. المهم كانت فيه تسعيرة يعنى المؤلف فلان بياخد كذا والملحن كذا وطبعا بتختلف من كبير اوى لمتوسط يعنى مثلا الموجى مش زى عبد الوهاب .. واجر المطرب .. اجر الفرقة كان على اساس الفرقة الماسية زى ماهى 25 عازف بيقبضه احمد فؤاد حسن طبعا بياخد نصه وبيوزع الباقى ع الفرقة وطبعا فيه اختلاف فى الاجور .. بييجى عبد الحليم عايز يعملشغل احلى عايز يضيف مثلا خمس او عشر كمنجات من بره الفرقة وعشرين كورال على العشرة العاديين بتوعنا وانت بتشوف المظاهرة اللى فى الحفلة .. هننا الشركة مش ملزمة تدفع الفرق ده وطبعا بيبقى مبلغ بالذات عشان الخمسين بروفة .. ومش معقول احمد فؤاد حسن حايوزع المبلغ بدل ما 25 على 45
هنا عبد الحليم بيدفع الفرق من جيبه الخاص .. يعنى ممكن يبتلع اكتر من نصف اجره بس عايز يعمل فن للذكرى والتاريخ بغختصار يعنى اللى حوشه زمان فى الاوائل صرف منو كتير اوى اوى فى الاواخر
تعالى بقى لمقاصيف الرقبة اللى بيغنوا دلوقتى قولى عمرو دياب ولا تامر حسنى كافح ؟؟؟ ولا اتبهدل واتمرمط زى فريد الاطرش مثلا ؟؟؟ ده بقا نجم فى سنة وبيقبضوا ملايين بعدين شوف غانى المعالقة بتعيش اد ايه واغانى دول ببتعيش اد ايه لها مدة صلاحية لحد ماتطلع اغنية تانية تلغى اللى قبلها او يطلع واحد سباك فاشل يغنى يبقى ىهو الموضة .. انا ماتهمنيش الفلوس .. يعنى انا من خمس ايام كان معايا 7000فى جيبى جنيه فاضل منهم 7 جنيه .. بس انا مستور والحمد لله .. وللعلم انا كان ممكن يبقى عندى ملايين وواحد زيى سهل اوى اوى اروح دولة خليجية واعمل شغل وانت فاهم .. بس انا بحب حاجة خطيرة اسمها الصدقة الجارية يعنى اتمنى بعد ما اموت بكتير شوية واحد يستعمل نوتة من بتوعى ويقول الله يرحمو الراجل ده كان كويس .. دى بتقدر بأكتر من كنوز الدنيا لن لو عندك مليار جنيه مش حتاخدو معاك وانت ماشى ولكن حتاخهم بطريقة تانية بعمل صالح ممتد على طول .. بس خلاص
مع اطيب تحياتى عادل صموئيل

muhamadibra

30/04/2014, 12h01

أصبت كبد الحقيقة يا مايسترو وفعلا ما توقعته لقيته فأنت تعمل حساب الصدقة الجارية - وتخلص لمتابعيك الهواه والمحترفين لوجه الله تعالي جزيت خيرا
د محمد ابراهيم

نور الصباح

30/04/2014, 21h48

حبيب قـــــــــــلبى وحبيب كل أعضـــــــــــاء منتدانا الجميل
الفنان الكبير الأســـــــــــــــتاذ :
عـــــــــــــــــــــــــــــــــــــــــــــــــ ــــــــادل باشـــــــــــــــــــا صموئــــــــــــــــــــــــــــــــــيل
سلام الله عليكم ورحمته وبركاته
وبعـــــــــــــــــــــــــــــــــــــــد :
لقد سبق وطلبنا من فخامتكــــــــــــم التكرم بتدوين كل من
الأغنيات التالية :-
1 - لو بالعين أنظر حبيبى لو بالعين للمطربة { هدى زايد }
والملف الصوتى فى المشاركة رقم 261 بتاريخ ( 2 / 2 /2014 )
2 - دخلت مرة فى جنينة للمطربة الراحلة { أســــــــــــمهان }
والملف الصوتى فى المشاركة رقم 265 بتاريخ (6 / 2 /2014 )
3 - جــــــــــــال لى الـــــــــــــــــــــوداع للمطربة الحبيبة { شـــــــــــــــــــادية }
والملف الصوتى فى المشاركة رقم 265 بتاريخ (6 / 2 /2014 )
علما بأن عيد ميلاد الفنانة { شــــــــــــــــــادية }
كان موافقا 8 / 2 / 2014
و شوف النهاردة كام فى الشهر
وهـــــــــــــــــــــذا للتذكرة
وشاكرون لكم أفضالكم
و شكررررررررررررررررررا
أخوكم
نور الصباح

المنير

30/04/2014, 22h45

السلام عليكم
إصدار جديد لبرنامج FontCreator Professional v7.0.1 build 458 Final Eng هدية للباشا صموئيل. أظن بأن آخر إصدار أرسلته لك كان high-logic.fontcreator.v7.0.0.build.353.
بالصحة و العافية.تحياتي.

اخى العزيز
انت جمايلك عليا بقت كتير اوى ومش عارف اردها ازاى
اشكرك الف شكر
مع اطيب تحياتى عادل صموئيل

سليم العباس

01/05/2014, 22h40

يا ليل الصب
فيروز

وضعت هذه النوتة في قسم طلبات النوتة لأن الأستاذ عادل تفضل مشكوراً بتصحيح تدويني المتواضع لها ، فجعل النوتة صالحة للنشر بفضل ملاحظاته الجوهرية
بالطبع النوتة ليست مثالية كالنوت التي يكتبها بنفسه ، لكنها وبعد التصحيح أصبحت مقبولة كما وصفها أستاذنا الكبير .

تحياتي و تقديري و امتناني لك أستاذ عادل .

علي ثلاثة

02/05/2014, 08h00

سيد فخري
أبدعت في تدوين
يا ليل الصب
وهكذا كسبنا مدونا يسعدنا
بلذيذ النغم
وقد كان اختيارك موفقا
----
-----
ونتمنى أن يكون التدوين المقبل
لأغنية أبدعت فيها فيروز
وما عليك إلا أن تستمع إليها وتحكم بنفسك
من خلال هذا الرابط

https://www.youtube.com/watch?v=192xfzpLK0o (https://www.youtube.com/watch?v=192xfzpLK0o)

وشكرا

علي ثلاثة

02/05/2014, 08h11

السيد عادل صموئيل
شكرا جزيلا
على كل ما تقدمه من تدوينات
وعلى تشجيعك للمدونين
وتقديمهم وتقديم المساعدة
لهم وهم يذكرون لك ذلك

نور الصباح

02/05/2014, 08h57

يا ليل الصب
فيروز
وضعت هذه النوتة في قسم طلبات النوتة لأن الأستاذ عادل تفضل مشكوراً بتصحيح تدويني المتواضع لها ، فجعل النوتة صالحة للنشر بفضل ملاحظاته الجوهرية
بالطبع النوتة ليست مثالية كالنوت التي يكتبها بنفسه ، لكنها وبعد التصحيح أصبحت مقبولة كما وصفها أستاذنا الكبير .
SSSSSSSSSSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
أخوكم
نور الصباح

waleed_shelly

02/05/2014, 11h28

شكرا استاذ سيد فخري على نوته ياليل الصب مع تمنياتي لك بمزيد من التقدم والتألق

حاتم شما

02/05/2014, 16h13

تحياتي استاذ عادل ولك خالص الشكر على كل ما قدمته وتقدمه وستقدمه لهذا المنتدى الموسوعة
هل لي ان اسأل عن مكان نوتة اغنية ياللي كان يشجيك انيني ان كانت هنا في المنتدى؟ وما هو سبب ندرة نوتة هذه الاغنية مقارنة مع الاغاني الاخرى لكوكب الشرق السيدة ام كلثوم وعبقري الموسيقى العربية رياض السنباطي؟
مع تحياتي

الاخ العزيز
اولا اهلابك فى المنتدى
ياللى كان يشجيك انينى لحن اكثر من رائع وانا احترم اوى كل من يحب او يسألأ عن هذا اللحن لكن لو مشكلة
ان الفترة اللى اتعمل فيها هذا اللحن يعنى الاربعينيات كانوا مش بيستخدموا النوتة .. وحتى لما ظهرت الفرقة الماسية وبدأ استخدام النوتة استمرت ام كلثوم لحد آخر لحظة تستعمل الطريقة التقليدية وهى ان المحلن بيقعد مع الفرقة وبيحفظ لهم اللحن على العود .. لأن انت لما تسمع ام كلثوم فى كذا تسجيل لحفلات لنفس الاغنية وتلاحظ انها فى حفلات بتبدع اكتر من المعتاد والسلطنة العالية فى فرقة ام كلثوم دى بترجع لأن العازف حافظ اللحن بكلحرف فيه مش بيقراه نوتة وللعلم كان السنباطى وهو واحد من العمالقة اللى انا اشتغلت معاهم عشرين سنة مش بيحب النوتة بيحس انها بتقيد الابداع
السبب الخطير ان كان زمان الملحن عبقرى اوى اوى والعازفين عباقرة اوى اوى وهنا ممكن الملحن يعمل اى مايخطر على باله وحايتقال كما ينبغى ... يعنى لما نيجى للدليب بالذات والفرق بينه وبين الجمل اللى على ميزان تلاقى اللى على ميزان محددة باللملى لكن الادليب مفتوح يعنى العلامات الايقاعية بتبقى مش محددة النوار ممكن يكون ازيد شعرة او اقل شعرة وهكذا يعنى انا لما كنت فى الفرقة الماسية كان لو فيه ادبيب هو مكتوب امامنا لكن مش ممكن يوصل لتحديد 100% زى الجمل الوزونة .. بيبقى تقريبى والمطرب حافظ اوى وانا بتابعه من النوتة ولكن ودنى اهم حاجة
ولو جملة موسيقيسة ادليب الملحن كان بيمسك العود ويحفظها لنا بحيث اكون ونا بقراها حافظ بتتقال ازاى
كام فى الادليب ملحوظة لن المطرب لما بيقول الجملة 3 مرات تلاقيه مش ممكن يقولها نقل مسطرة يعدنى بيطول ويقصر فى حاجات معلش آسف للإطالة بس انا احب لما اقول رد اقول الاسباب
وانت لما تسمع ياللى كان يشجيك انينى تلاحظ ان معظنها ادليب ومن هنا ماحدش كتبها لأن مش حاتطلع دقيقة وعاداة اللى بيعزفوا الالحان من النوعية دى بيعزوفوها سماعى ... يعنى انت لو دخلت قسم المبدعون فيه معزوفاتى بعنوان معزوفات على الكمان للأستاذ عادل صموئيل انا عمرى ما بستخدم النوتة لأنها بتقيد الابداع ... ولو فيه لحن مش حافظه ممكن اذاكره شوية ع النوتة بعدين اكون حفظته واسجله من اللى حافظه
مع اطيب تحياتى عادل صموئيل

سليم العباس

02/05/2014, 19h20

الأستاذ علي ثلاثة : شكراً لك على الإطراء ، والفضل كله في هذه النوتة المتواضعة يعود للأستاذ الكبير عادل . أما أغنية فيروز سوف أحيا فقد تفاجأت بوجودها فأنا لم أسمعها من قبل رغم حبي الشديد لفيروز ، و معك حق فهي قصيدة رائعة من حيث إبداع الشاعر مرسي جميل عزيز في نظمها و اللحن الرائع للأخوين رحباني والأداء الفيروزي المتقن . أشكرك على اختيارها ، و بما أن كل أركان الأغنية مكتملة يجب أن تحظى بتدوين يليق بها ، أضم صوتي لك لمناشدة الأستاذ عادل كي يدونها ، أو على الأقل تصحيحها ما لم يكن له رغبة لتدوينها أو لم يمتلك الوقت لذلك . تحياتي لحضرتك .

أشكرك أستاذ وليد على كلماتك الجميلة . تحية لحضرتك

و أجمل التحيات و الأمنيات لزهرة هذا المنتدى وعبيره الأستاذ نور الصباح .

و التحيات المستمرة مع كل نغمة جميلة للمبدع الأستاذ عادل صموئيل .

وانا ادعم اخى العزيز
يعنى انا ما احبش الاحتكار انا احب ان كل من يحب يدون يدون واساعده لأن فى الآخر انا بشتغل لصالح الموسيقى والعازفين وكل مايزيد عدد المدونين ده مكسب اكبر وفيه كمان ميزة الاخ عباس من سوريا يعنى اكيد سامع مئات من الاغانى الشامية الشهيرة واللى ليها معجبين كتير وانا مش سامع عنها من قبل
مع اطيب تحياتى عادل صموئيل

RABAB ZEAN

02/05/2014, 21h09

استاذنا العزيز بقالي مدة كل ما ادخل ادور علي معزوفة جديدة من حضرتك مش ناوي يسمعنا حاجة جديدة
مع خالص الشكر
http://www5.0zz0.com/2014/05/02/21/934133926.jpg

Toqa El Hagrasy

03/05/2014, 14h51

السلام عليكم :)
انا كنت طلبت قبل كده نوتة تتر مسلسل بنت اسمها ذات ، انا بقدر تعب الاستاذ عادل صموئيل وبشكره جدا وعارفه انه مشغول الله يعينه ، انا بكرر طلبي تاني لاني محتاجه النوته في اسرع وقت بتاعت تتر مسلسل بنت اسمها ذات ، وشكرا

الاخت العزيزة
اولا انا آسف لتأخرى فى الرد عليكى لأنى زى ما انتى شايفة الظروف انا بلف حوالين نفسى مش من المنتدى فقط ولكن من الدنيا .. انا نزلت الملف وابدتيت اسمع لقيت سهل وماشى وفجأة طلع العفريت يعنى التوزيع والتوزيع اما يكونتحت الميلودى لمعنى ان الميلودى يكون فى الصدارة ( زى شغل زمان بتاع عبد الوهااب والعمالقة ) او يكون التوزيع عالى اوى يعنى تسمعى معجنة او طبق كنافة او بلش كنافة نقول مكرونة اسباجيتى كلو ملخبط فى بعضه ومشكلة التوزيع ان بيبقى فيه كذا خط فوق بعض وانا المفروض بكتب الاساسى بكون مش سامع الاساسى عمومام انا ابتديت اكتب فيها لنك محتاجاها بسرعة بس فيه جزء فى النص قبل صولو الابوا مش فاهم فيه حاجة يعنى التوزيع عالى اوى تحسى خناقة يعنى كتبت صولو الابوا وخارج منو دلوقتى وربنا يستر فى اللى جاى
بس انا نفسى اقول على حاجة المفروض لو انتى بتعزفى آلة واحدة فى نفس الوقت المفروض تعزفى لحن يكون ميلودى بحيث انك بآلتك الواحدة بتقولى الحن كله لكن لما بيكون اللحن موزع انتى بتعزفى حتة منه قد تكون مش كافية للمستمع
واقول لك معلومة التوزيع مش ممكن يتدون ولكن لما بيكون فعلا فرقة عايزة تعمل لحن موزع لازم تجيب النوتة الاصلية اللى عاملها الموزع بنفسه لأن حتى ما ينفعش لو هم مين يعزفوه سماعى ... الكلام ده فى الاوبرا فى اوركسترا القاهرة السيمفونى بيبقى عندهم النوت الاصلية اللى جاية من اوروبا مكتوبة السيمفونية البارتاتورا بتاعة المايسترو وبياخدوا منها كوت كل آلة على حدة مع اطيب تحياتى واكرر اسفى للتأخر عليكى عادل صموئيل

حاتم شما

03/05/2014, 20h51

لك الشكر والتحية استاذ عادل على هذه التوضيحات الرائعة كما عودتنا، عموما انا سأحاول تدوين المقدمة الموسيقية بجهد متواضع ومبتدئ وسوف اعرضها على حضرتك لابداء الرأي واذا سمحت ادخال تعديلات عليها واهديها الى هذا المنتدى الموسوعة، فما رأيك، هل أبدأ المحاولة في المقدمة وارسلها لك للتقييم، وجزيت خيرا

اخى العزيز
احنا كان كلامنا على اغنية ياللى كان يشجيك انينى ( اصل الكلام هنا بنتكلم مع الكل عشان يبقوا فاهمين الموضوع )
طبعا انا ارحب واشجع واحفز واناشد كل واحد عندو القدرة انو يكتب او يحاول لأنى انا ما اتولدتش بكتب كذا ولكن حاولت وقعدت احاول ... بس فيه كلمة انا وقفت عندها انكعايز تدخل تعديلات عليها يعنى تعديلات ف حدود ايه ؟ عشان الالحان دى مقدسة يعنى المفروض مانلعبش فيها عموما ورينا حاجة وانا تحت امرك وحقول لك لو التعديلات دى حلوة ولا مش صح
مع اطيب تحياتى عادل صموئيل

عادل صموئيل

04/05/2014, 00h04

احبائى

اقدم لكم

تتر مسلسل بنت اسمها ذات

طبعا انا كتبت على اد ما اقدر لأن اللحن موزع توزيع كتير وانا حاولت بقدر الإمكان انى اكتب اللحن الاساسى

مع اطيب تحياتى

عادل صموئيل

04/05/2014, 00h23

احبائى
اقدم لكم رائعة الروائع

تحفة رياض السنباطى وام كلثوم

اغار من نسمة الجنوب

اللحن ده مش لحن عادى ... يعنى معمول بحيث ان ماحدش غير ام كلثوم يقدر يقوله .. وبعدين فيه حاجة او عناصر معمولة بطريقة انها تخلى الواحد يتلخبط مايعرفش يحفظه الا لو كان ذومقدرة غير عادية على الحفظ ... يعنى انت لو شفت اى اغنية لأم كلثوم بتبقى لو مذهب و3 كوبليهات بتبقى 4 كيانات منفصلة .. لكن اللحن ده معمول بطريقة بجد كانو فزورة مستعصية .. يعنى كل كوبليه فى بدايته تحس انو شبه التانىلكن بالعكس هو بدييك انطباع انو شبه التانى لكنو مختلف احتلاف كلى عشان يلخبطك .. واكتر اللخبطة ان كل كوبليه بيبتدى بكلمة ياليتنى ... بعد كده الكلام بيتغير والمقام بيتغير
يعنى مثلا تحويلة حجاز على النواة ماتعرفش هى فى الكوبليه التانى ولا الثالث ... انا طبعا بسمعو من زمان اوى من وانا طفل وكنت حافظ اجزاء منه ومن كذا سنة فيه صديقة عزيزة هى مش موجودة دلوقتى طلبت منى اعزف اللحن ده .. اللى خلانى افكر انى اعزفه مع انو من الالحان المستبعدة جدا ومش عليا فقط ولكن ماحدش عزفه او حصل لو تهور انه يعزفه من قبل ... اول حاجة ان الصديقة دى كان سنها 24 سنة سنة يعنى من جيل بعيد تماما عن الشعر الصعب ده يعنى صعب جدا تلاقى شباب ممكن يتذوقوا النوعية دى من الاغانى بعد ما اللى حصل بعد التسعينات افسد الذوق والثقافة وثانيا والاهم كانت الصديقة دى حجة فى اللغة العربية وحافظة دواوين شعر يعنى افادتنى كتير جدا فى قصائد من اهمهم همسة حائرة بتاعة عبد الوهاب .. وانا لما بعزف القصائد من النوعية دى مش عملية نغمات وخلاص يعنى لازم اكون فاهم الشعر كويس اوى اوى عشان اعزفه بصدق واكتشفت ان اكتر من 7 كلمات انا سامعهم غلط يعنى مثلا كلمة الرافد هى قالت لى لأ دى الرابض يعنى كلمات كتير كده انت ممكن تسمعها حاجة وهى حاجة تانية خالص ومش مستعملة ابدأ فى قصيدة تانية وتختلف فى المعنى عن ما انت فاهم ... واهم مافى الموضوع مكسبكم انتم .. يعنى لو لا الصديقة دى وهى مش موجودة من زمان اوى ماكنتش اجرؤ انى ادون الاغنية دى ... لأنى ساعة ماعزفتها كنت باخدها كوبليه كوبليه يعنى اسمعه عشرات المرات بعدين اسجله ولما احس انو خلص ادخل فى اللى بعده يعنى تختلف عن كل اغانى ام كلثوم التانية انا ممكن حلا اعزف 100 اغنية فورا لنى حافظهم لكن دى بالذات لازم الواحد ياخدها حتة حتة لأنها بتلخبط زى ماقلت ... ولو لا انى عزفتها يعنى دخلت جوا الشفرات بتاعتها ماكنتش اقدر اكتبها او اخاف منها
بالطبع اهم شىء فى الموضوع انى حاولت اخليها سهلة على قد ما اقدر والحمد لله ربنا وفقنى وشكلها سهلة واتمنى الكل يعزوفوها بس اكيدالاول تسمعوها من ام كلثوم شوية لن ادائها عايز احساس اكتر من قراءة حروف .. وانا اعتذر عن التشويق والاثارة اللى عملتهم عشان تعرفوا اسمها لأنى فعلا تعبت فيها يعنى اخدت اكتر من عشر ايام تدوين ماحبيتش انزلها مرة واحدة وتاخد وقتها وخلاص
مع اطيب تحياتى

نور الصباح

04/05/2014, 05h05

احبائى
اقدم لكم
تتر مسلسل بنت اسمها ذات
طبعا انا كتبت على اد ما اقدر لأن اللحن موزع توزيع كتير وانا حاولت بقدر الإمكان انى اكتب اللحن الاساسى
مع اطيب تحياتى
SSSSSSSSSSSSSSSSSSSSSSSSSSSSSSSSSSSSSSSSSSSSSSS
:thankyou::thankyou::thankyou:
وشكرررررررررررررررررررررررررررررا
أخوكم
نور الصباح

نور الصباح

04/05/2014, 05h08

منذر44

04/05/2014, 05h31

استاذ عادل يا نهر العطاء
على ماذا نشكرك وماذا على سهرك وتعبك ام على التحف الرائعة التي لم يسبقك عليها احد
ام على كرمك وتواضعك
يبقى الشكر اقل مما تعطي
استاذي العزيز بمناسبة روائع السنباطي كنت قد طلبت من حضرتك ومن حوالي
ستة اشهر رائعتين للسنباطي وهما اغنية والتقينا التي غنتها عزيزة جلال
واغنية اين حبي التي غناها السنباطي نفسه
وهي على هذا الرابط في صفحة طلبات النوت صفحة 228
ولك كل الشكر والتحية

http://www.sama3y.net/forum/showthread.php?t=96033&page=228

حاتم شما

04/05/2014, 08h10

شكرا استاذي الفاضل على الرد، المقصود بالتعديلات هو ان تقوم حضرتك بعمل العديلات اللازمة على التدوين الذي سأشرع فيه ليكون مطابق للمواصفات القياسية، ولا اقصد تعديلات من عندي، فمن انا حتى اعدل لحنا صاغه عبقري مثل الاستاذ رياض السنباطي؟
السؤال هو هل ابعث لك بهذا التدوين بعد الانتهاء منه ان شاء الله هنا مباشرة؟ ام على بريد معين داخل المنتدى ليصلك للاطلاع والافادة؟
مع تحياتي بيوم جميل
اخى العزيز ممكن تنزلها هنا وانا تحت امرك
مع اطيب تحياتى عادل صموئيل

muhamadibra

04/05/2014, 12h49

[QUOTE=;658100][CENTER][LEFT]احبائى
اقدم لكم رائعة الروائع
تحفة رياض السنباطى وام كلثوم
[COLOR=Red]اغار من نسمة الجنوب
اللحن ده مش لحن عادى ...
[CENTER][U][B][SIZE=5]مع اطيب تحياتى
[S]وشكرررررررررررررررررررررررررررررا
د محمد ابراهيم

muhamadibra

04/05/2014, 12h51

[QUOTE=عادل صموئيل;658086][CENTER][SIZE=5]احبائى

اقدم لكم

[COLOR=Red]تتر مسلسل بنت اسمها ذات

طبعا انا كتبت على اد ما اقدر لأن اللحن موزع توزيع كتير وانا حاولت بقدر الإمكان انى اكتب اللحن الاساسى

مع اطيب تحياتى
ممتاز ربنا يخليك لنا ولفنك الجميل
د محمد ابراهيم

سليم العباس

04/05/2014, 20h47

تحية طيبة أستاذ عادل و شكراً على التدوين الجميل لرائعة أم كلثوم أغار من نسمة الجنوب ، و أعتقد أن من يسمع هذه الأغنية يجزم بأنها غير قابلة للتدوين ، كما هي حال التقاسيم والموال .

استفسار :

- موسيقى الكوبليه الثاني : هل المقام هو بيات الصول وإن كان كذلك لماذا وضعت دليل المقام ( مي نصف بيمول - لا نصف بيمول - سي بيمول )

- موسيقى الكوبليه الثالث : أيضاً دليل المقام يشير إلى بيات ري ، ولكن القفلة كان على درجة دو ، وغناء الكوبليه مقام آخر مختلف ؟

هل من تحليل مقامي بسيط للأغنية .

شكراً لك

المنير

04/05/2014, 22h03

السلالم عليكم
الأخ عادل صموئيل: "أغار من نسمة الجنوب" لا يكتبها إلا العمالقة. لي ملاحظة إخرى تدوين هذه الأغنية بالذات يبين أن بداخلك مطرب كبير يؤدي و يطرب بسلطنة و يملي عليك النوتات بشكل لا يسمعه الناس العاديون. تستحق كل التقدير و الاحترام.
أنقل إليك سلام الأطغال الذين طلبوا منك "فرحنا نجحنا".
سؤال مهم كنت أنساه في كل مشاركة: ما سر جودة الميكروفونات المستعملة في حفلات أم كلثوم؟ نلاحظ ان اليقاع بدون مايك و العود كذلك أما ام كلثوم فتغني من مسافة بعيدة بحيث استغرب كيف تسمع عندما تغني موالا على درجة منخفضة كالصول أو لا.
مارأيك في هذا الفيديو الرائع؟ أتمنى أن تدون جمل Contrepoint ابتداء من الدقيقة 3.35

Umm Kulthum Hologram - HD ط£ظ… ظƒظ„ط«ظˆظ… ظ‡ظˆظ„ظˆط¬ط±ط§ظ… - YouTube (http://www.youtube.com/watch?v=GfRyI3hbKbQ)

المنير

04/05/2014, 22h04

السلالم عليكم
الأخ عادل صموئيل: "أغار من نسمة الجنوب" لا يكتبها إلا العمالقة. لي ملاحظة أخرى تدوين هذه الأغنية بالذات يبين أن بداخلك مطرب كبير يؤدي و يطرب بسلطنة و يملي عليك النوتات بشكل لا يسمعه الناس العاديون. تستحق كل التقدير و الاحترام.
أنقل إليك سلام الأطفال الذين طلبوا منك "فرحنا نجحنا".
سؤال مهم كنت أنساه في كل مشاركة: ما سر جودة الميكروفونات المستعملة في حفلات أم كلثوم؟ نلاحظ ان اليقاع بدون مايك و العود كذلك أما ام كلثوم فتغني من مسافة بعيدة بحيث استغرب كيف تسمع عندما تغني موالا على درجة منخفضة كالصول أو لا.
مارأيك في هذا الفيديو الرائع؟ أتمنى أن تدون جمل Contrepoint ابتداء من الدقيقة 3.35

Umm Kulthum Hologram - HD ط£ظ… ظƒظ„ط«ظˆظ… ظ‡ظˆظ„ظˆط¬ط±ط§ظ… - YouTube (http://www.youtube.com/watch?v=GfRyI3hbKbQ)

Umm Kulthum Hologram - HD ط£ظ… ظƒظ„ط«ظˆظ… ظ‡ظˆظ„ظˆط¬ط±ط§ظ… - YouTube (http://www.youtube.com/watch?v=GfRyI3hbKbQ)

اخى العزيز انت بأسئلتك اثرت نقط فى منتهى الاهمية والخطورة
اولا فى الكليب اللى انت مرفقه للاطلال وكان فى دولة عربية مش فى مصر بس مش فاكر فين .. المهم ان انت عجبك التوزيع الغريب اللى فى الردود علىة هل رأى الحب سكارى وهذا التوزيع او تغيير اللزمات اللى بترد على ام كلثوم عمله احد المتفزلكين .. ولو كان السنباطى سمعه هذا الشىء لكان خرب الدنيا واتخانق لسبب خطير جدا جدا ان العمالقة دول فى البروفات بيحطوا كل اللمسات فى اللح بعد كده بيبقى شىء مقدس ماحدش يلمسو او يغير فيه حرف طبعا نات حافظ اصل الاطلال يعنى ام كلثوم بتوقل هل رأى الحب سكارى ( سى صول سى ) سكارى ( مفيش لازمة ) وتكمل لما حد عمل شىء مختلف لاحظ ان فى هذا الكيب ان ام كلثوم نسيت الكلام اتلخبطت يعنى ومش نسيت الكلام والفرقة كملت وهى افتكرت الكلام ولكن لأن الخطأ فادح وهى سمعت شىء لخبطها انها نسيت الكلام خالص وتوقفت عن الغناء ده الفرق بين العمالقة واى حد تانى ان اى خطأ يلخبطهم
اما عن موضوع انى مطرب بالفعل انا مطرب اوى اوى لكن مش بغنى بصوتى ولكن بغنى بالكمنجة .. يعنى انا طبعا فى مستوايا ممكن اقعد فى جلسة وحافظ على الاقل 1000 اغنية لمختلف المطربين ممكن اعزف لك ايهم تختار لكن عشان اسجل اغنية ( كما فى معزوفاتى فى قسم المبدعون ) ده امر آخر يعنى اولا بسمع الاغنية الاصلية عشر مرات ثم ادندنها اغنيها مع نفسى وانا بقود سيارتى وطانت ظروف عملى وانسداد اشارات المرور بتتيح لى انى بقود سيارتى وقت طويل كنت اغنى الاغنية مع نفسى وهم شىء كيف ان الجملة اللى بتؤدى بالصوت انا اؤديها بالكمنجة والفرق كبير طبعا يعنى بعد ما ادندنها كلاما ادندنها نغما يعنى ادندن اللى حقوله بالكمنجة وفى جملة بتحتاج حلية ازاى وجملة تانية تحتتاج سحبة معينة وهكذا ولما نيجى لصولو قانون وع انو معمول اصلا للقانون ازاى اقوله بالكمنجة واحلى من القانون وبعد ما احس انى ظبطتها اعزفها واسجلها وبسجل كل كوبليه كذا مرة واعمل مونتاج وىخد احلى حاجة وللعلم فيه عازفين احسن منى كتير ومشاهير عنى كتير لما بيغنوا بالكمنجة بحس انو بيقرأ نوتة مش مطرب يعنى انت عارف انا شاطر فى النوتة اد ايه لكن لما بسجل بسجل سماعى عشان اضع كل احاسيسى فى العزف

الموضوع الثالث وهو اخطر موضوع موضوع الميكروفونات ... حقول لك حاجة وركز فى حفلات ام كلثوم بعدها على المسرح فى 3 ميكروفونات فقط واحد لأم كلثوم وبيكون على بعد مش اقل من متر لأن صوتها قوى جدا وهذا الميكروفون ( وانت تعلم ان ميكروفونات المحترفين غالية الثمن ) هدا الميكروفون لو اتوجد اليوم لن يقل ثمنه عن مليون دولار .. بس بالطبع لازم تعود ام كلثوم لأنها الوحيدة اللى صوتها يجيب على بعد متر .. هذا الميكروفون من اهم وظائفه انو مع ام كلثوم بيجيب الفرقة كلها ... الميكروفون الثانى بيوضع على بعد متر من الشيللو وبيلقط الشيللو والكونترباص والإيقاع ... وهو طبعا ميكروفون غير عادى وغالى جدا وغير مستعمل الايام دى .. الميكروفون الثالث بيوضع على بعد متر من الكمنجات يعنى بعد الحفناوى بكمنجتين عشان لما الحفناوى يعزف صولو وطبعا بيجيب كل الكمنجات .. السحر شوف 3 ميكروفونات وجودة الصوت شوف ازاى واليوم 90 ميكروفون على المسرح وانت مش سامع حاجة ... اهم مافى الموضوع ان مهندس الصوت بتاع ام كلثوم لازم يصاحبها فى حفلاتها فى الخارج ومعاه الميكروفونات الخاصة دى وبيتولى بنفسه وضع الميكروفونات فى اماكنها يعنى الحوامل والكابلات من الدولة الصديقة لكن الميكروفونات والمهندس تبع ام كلثوم ... فيه حاجة خطيرة جدا زمان كان صوت الفرقة منخفض مش زى دلوقتى تحس انك بتسمع ورشة او مصنع ... يعنى مثلا فاكر اغنية انا قلبى دليلى ليلى مراد شوف كام عازف وكام آلة وشوف جودة الصوت وكل آلة ظاهرة تخيل ان كل دول متسجلين فى ستوديو مصر بميكروفون واحد حجمه اد البطيخة المتوسطة الحجم وكان العازفين بيقعدوا فى دائرة وهو نازل من فوق وبيظهر دبة النملة
مع الاسف زمان كان فيه تكنولوجيا بدائية جدا لكن الكوليتى او الجودة احلى مليون مرة من دلوقتى مع كل التكنولوجيا الحديثة مع الاسف يعنى مثلا شوف الصوت فى افلام زمان بتاعة فاتن حمامة او الابيض واسود عموما تحس الممثلين معاك فى الحجرة وشوف دلوقتى الصوت فى منتهى الرداءة

مع اطيب تحاتى عادل صموئيل