ديارك فين؟

[Tarek Elemary]

إلى الشاعر العبقرى .... سعد الشرقاوى
وحشتنى ...... و ما غابلك حس يا أبو مدحت



ديارك فين؟
========


يا عم الكل فين دارك؟


و ليه تهجرنى


بعد ما كنت أنا جارك


باصون ودك


و حافظ كل مقدارك


و طيفك لم فارق عينى


و خد عقلى و راح زارك


و لا قاللى ديارك فين


و لا جابلى معاه سطرين


فى ورقة شايلة أخبارك


و زاد شوقى و سهد العين


و دمعى سال على الخدين


و خوفى تجف أنهارك


يا ساقى العطشانين تفانين


يا شرقاوى يا ملوّْ العين


ديارك فين؟


يا ريت ترجع لسُمَّارك

[NAHID 76]

بسم الله الرحمن الرحيم
الثائر الوفى طارق العمرى
يا ريت
يا ريت
يا ريت
والله شاعرنا الثائر , إضافة لما قلت مكنتش أتصور يوم إن خالى سعد بهذه القسوه
ليه يا خالى ليه
وانت كمان يا مرات خال عجبك كده
مااعتقدش
تحياتى

[Tarek Elemary]

و شوف يا خال
يا صوت الناى مع الموال
فراقنا محال
و مهما إتبدلت أحوال
مصيرك تقطع الغيبة
و ترجع تانى من ((طيبة))
تلاقى الصحبة عال العال
يزينها العقل و الشيبة
و فيها مكانك الخالى
مع العقلاء ..... صحيح المرء بيعافر
و بيعانى ... لكن يبقاله وسط الناس
كمان هيبة
و زى ما قالوا فى الأمثال
ده من جاور سعيد يسعد
و من مالت جرانه .. مال
*
*
*
*
مش ها أبطَّل إلا لما ترجع

هه يالله

[سعدالشرقاوى]

الاخ الغالى
حبيب قلبى
الاستاذ/طارق العمرى
فيك الخير يبو عمر
ودايما سبّاق بالجميل
يارمز الحب والاصاله
ربنا مايحرمنيش منك
http://http://www5.0zz0.com/2010/08/06/08/627100596.jpg
http://http://www5.0zz0.com/2010/08/06/08/627100596.jpghttp://http://www5.0zz0.com/2010/08/06/08/627100596.jpg


انا مش ممكن أزعل منكم


ولا أتنازل يوم عن حبىّ


والزّاى أقدر أبعد عنكم


وانتوا مكانكم جوّه ف قلبى


,,


دا نتوا صحابى وأهلى وناسى


وأنا من غيركم يامه باقاسى


حا فضل فاكر ومانش ناسى


جمال عشرتكم وحياة ربىّ


,,


بس ظروفى كانت مانعانى


وانا علشانكم راجع تانى


نملى الكون افراح واغانى


طول ما باشوفكم واقفين جنبى


,,


راجع ليكوا بألف حكاية


وجايب شوق الدنيا معايا


دانتوا هنايا وكل منايا


وانتوا ياناس والله حبايبى


,,