استفسارات عن الة الكمان من مبتدئ [الأرشيف] - منتدى سماعي للطرب العربي الأصيل

Eng.fawzy

22/03/2010, 16h51

السلام عليكم و رحمه الله و بركاته
دلوقتى انا مبتدئ فى دراسه الة الكمان و ادرسها لوحدى من خلال الدروس على النت
و من خلال بعض الفديوهات على موقع يوتيوب و ايضا وجت دروس مفيدة جدا هنا ولكنى ماذلت اكتشف الموقع

انا ما فهمته ان الة الكمان بها 4 اوتار و كل وتر يمثل خطوة ( لا اعلم ماذا تسمى تحديدا )
على السلم الموسيقى ... مثل ان اول وتر هو وتر مى ثم لا ثم ريه ثم صول ... صح ولا انا غلطان ؟

الحقيقة مش لاقى اى درس بيقول طيب ادوس فين لما احب اجيب دو و سى و باقى النغمات

و سمعت ان فى كمان شرقى و كمان غربى طيب دول بيفرقوا عن بعض فى ايه؟
و هل لو قريت من منتديات و كتبات غربية و شرقية فى نفس الوقت ده حيلخبطنى؟

انا ضعيف شوية فى قرائة النوتات يعنى عارف فين الدو و الرى و كده
و مده كل علامة ال 0 تبقى 4 و كده ....
لكن فى علامات زى الc فى بداية النوتة او لما يبقى فى كذا 0 تحت بعض ... دول معرفهمش
فلو حد عنده زى قاموس او شرح للكلام ده يبقى ليه جزيل الشكر

اخر طلب و انا عارف انى تقلت قوى ... لو فى فديوفهات تبين اماكن وضع الاصابع اثناء العزف على الكمان
لنوتات مختلفة لانى عايز احس انى بتقدم شوية ... لان معظم الكتب موجود فيها النوت جاهزة
لكن انا عايز اقلد برضه حد بيعزف علشان اتعلم الدو و لا و المى بيجوا منين

و شكرا مقدما

ahmed tantawy

27/03/2010, 03h42

يجب أولا أن تفرق بين المعلومات عن الكمان و الأوتار و العزف .. أى ك ( آلة )
وبين قراءة النوتة و معرفة علاماتها و الأزمنة الى آخره .
و الكمان آلة يمكن استخدامها فى العزف الغربى و العزف الشرقى..
فى العزف الغربى يكون دوزان _ أو ضبط الأوتار _ هو كالآتى , و ابتداء من الوتر الغليظ ( الأعلى و أنت ممسك بها على كتفك ) :

صول رى لا مى

و فى العزف الشرقى يكون الدوزان _ أو الضبط _ هو ابتداء أيضا من الوتر الغليظ :

صول رى صول رى

(و صول رى ) الأخرى هى نفس نغمتى الوترين الأولين _ القرار _ و لكن بصوت حاد رفيع .

إذن فدوزان _ أو ضبط أوتار الكمان غربى أم شرقى _ و ما سيُعزف من النوعين هو سبب إطلاق التسمية ( الكمان الغربى و الكمان الشرقى ) , لكن الكمان نفسها كآلة , فى الحالتين , بطبيعة الحال هى هى .

و بالنسبة للمبتدىء فتصليح أو ضبط الأوتار أو عمل الدوزان ( غربى أو شرقى ) يتم بالإستعانة ب:

1_ التيونر ( و هو جهاز يُباع وبه مؤشريُستدل به عن طريق الترددات الصادرة من كل وتر و أنت تحرك مفتاحه ( شدا أو إرخاء ) على الضبط السليم .
2_ أو صفارة بها نغمات الأربعة أوتار ( صول رى لا مى ) و هذا بالنسبة للضبط الغربى , أما فى الشرقى فتستخدم صول و رى فقط قرارا و جوابا لضبط الأوتار الأربعة .
3_ أو الإستعانة فى هذا بالبيانو أو الأوكوريون .

و بالنسبة للمحترفين فيستعينون بالصوت المتوافق المتناغم الصادر عن كل و ترين معا و فى نفس الوقت بتمرير بالقوس عليهما ( مع شد و إرخاء المفاتيح ) حتى تصل لهذا التناغم .

إذن كلمة ( الكمان الشرقى ) تعنى ضبط الأوتار بالدوزان الشرقى لعزف الأنغام الشرقية _ و العكس _ وهناك من يعزفون الشرقى بالضبط الغربى , لكن المسألة تكمن فقط فى سهولة العزف الخاص بارباع المقامات و الأبعاد الصغيرة , التى يمكن عزفها بسهولة و تأثير أكثر فى الضبط الشرقى .

هذه الأوتار الأربعة للكمان _ أو للتشيللو _ مثلا, تمثل مساحة صوتية معينة يمكن تقريبها لو تخيلت آلة البيانو بأصابعها الكثيرة جدا .
هذه الأصابع الكثيرة جدا هى السلم الموسيق نفسه مكرررا من الصوت الغليظ جدا ( بدءا من يسار البيانو ) الى الصوت الحادالرفيع جدا _ لنفس السلم _ أقصى يمين البيانو .
و الآلات الوترية ممثلة مثلا فى عائلة الكمان ( الكمان _ الفيولا _ التشيللو _ الكونترباص ) تمثل جميعها مجتمعة ما يوجد فى البيانو من أصابع , لكن تختص كل آلة بجزء ( أو مساحة من البيانو ) , و للشرح بصورة كاركاتورية أسند الآلات الأربعة عليه لتحصل بهذه الآلات على أصوات البيانو كلها :
الكونترباص مسنودا على الأصابع اليسرى , ثم بجانبه التشيللو ثم الفيولا ثم الكمان تختص من الوسط تقريبا الى أقصى يمين البيانو .

يستلزم تعلم الكمان منذ البداية مدرسا , لصعوبة التعلم النظرى _ لكن توجد حلقات تدريس على ا ليوتيوب مفيدة جدا , على أن تبدأها بالتدرج المرقمة به .
و أول تمرين على الكمان _ بعد الضبط _ هو على طريقة مسك القوس .. ضعه على المكتب أمامك و التقطه كأنك تلتقط قلما بأصابعك . ثم تعلم الوقفة السليمة و اعلم ان تحريك القويس بالكف و لا تجهد فيه اليد .
و التمرين الأول الذى يمكنك البدء به _ حتى تجد مدرسا _ هو تمرير القوس ( كله من أوله لآخره صعودا و هبوطا ) على كل وتر بدون أن يلمس وترا آخر .