ايّام ماكنت وزير

[سعدالشرقاوى]

أيّام ما كنت وزير

لمّا لقيت الدّخل قليـّل
والمصاريف كلـّها ع النوته
قلت اسرح ع الغيط واقيـّل
وانسى همومى تحت التوته
,,,,,
وأنا غرقان فى الفكر شويّه
تيجى منين وتروح على فين
لمحت عينى على الزراعيّه
رتبه كبيره معاه نفرين
,,,,,
قال لى اتفضـّل ياللا معانا
سيبك م الفقر وأيّامه
قوم دا الريّس عايزك حالا
بعد ثوانى تكون قدّامه
,,,,,
قلت اللهم اجعله خير
أنا ماعملتش حاجه ياسيدى
ولا أعرف عمده ولاغفير
ولا لطـّيط الدولة بايدى
,,,,,
قال لى تعالى ماتتكلمشى
أنا مش عارف عايزك ليه
لو لقيتوه مش عايز يمشى
حطـّوله كلبشات فى إايديه
,,,,,
قلت له لحظه ألمّ حاجاتى
وعشان أمشى معاكو كويّس
سيبنى دقيقه أقول لمراتى
لو عوزتونى انا عند الرّيس
,,,,,
قول خضـّونى وسوّدوا يومى
وركبت البوكس ماشوفتوش
وانا جوّاه بألبس فى هدومى
وعلى راسى عدلت الكلبوش
,,,,,
فتـّش أكتب إملى النوته
إسمه وسنـّه وفكره كمان
قلت انا (سعد) بتاع التوته
(مصرى) ماليش غير كده عنوان
,,,,,
قالوا تمام ياسعادة الريّس
قال لى انا عايزك عندى شويّه
لمّا سمعته وقال لى اتفضـّل
لفّ دماغى وأغمى عليّه
,,,,,
حسّيت انّ وزارة الصحّة
جايبين غاز بكمامه وواصله
قولت شيلوها حاتكتم نفسى
حتما افوق لو شميت بصله
,,,,,
بعد ما فوقت الريّس قال لى
سيب الشعر دا همّه كتير
وانا قررت أشوف لك شغله
بدل القعده ح تبقى وزير
,,,,,
وحاتبقى وزير للماليه
وتحسّن دخل الغلبان
والخازنه اتفضـّل مفتاحها
وتراعى عدد السكان
,,,,,
لمّا لقيت الخلق كتيره
وفوق النـّص رجال أعمال
رحت مشكـّل لجنة بحث
وقولت هاتولى صحاب المال
,,,,,
اللى فى إيده الميت مليون
لازم يدفع منهم عشره
والاعلان فى التلفزيون
والخطـّه انذاعت فى النـّشره
,,,,,
واللى يعارض واللا يهدّد
لازم يدفع لو بالقوّة
فات شهرين ولقيتنى مسدّد
كلّ ديونـّا برّه وجوّه
,,,,,
وصافى الدّخل أودّيه فين
لمّا الدّول العظمى انهارت
كلـّه بينظر للقرشين
واللى كتر خطـّابها اهى بارت
,,,,,
والدنيا احلوّت ع الآخر
وعيشتنا صبحت مزّيكا
ومجلس شعب بيطلب منىّ
معونة مصر تروح أمريكا
,,,,,
قلت شروطى عشان ياخدوها
تحسين البنيه الاساسيّة
والتعليم وشئون الصحّة
والوعى ونشر الحرّيه
,,,,,
وحا تنزل لجنة تفتيش
وتدوّر ع الكيماويّت
واللى يدارى شكارة يوريا
يتحوّل فورا جنايات
,,,,,
وأنا لسّه بامضى المعونات
لشعوب الدنيا المكبوته
كان جارى طالق غنمات
دهسونى وانا تحت التوته
,,,,,
وصحيت من نومى مانش عارف
فى وزارتى واللا اترقـّيت
أتارينى م الضهر بعافر
وانا نايم أصلا فى الغيط
,,,,,
ولا عمرى ها غمّض وانا صايم
ولا هاشبك روحى ف شمـّاعه
والكرسى طبيعته ماهوش دايم
مانا كنت وزير من كام ساعة
,,,,,,

[الألآتى]

ياسلام ياعم سعد .. لو كنت وزير بجد .. كنت تنغنغنا ..

بس على رأيك .. دى حاجه مش ممكن تحصل إلا فى الحلم ..

[سيادة الرئيس]

هيا التوته دي ملهاش رجلين عشان أبوسها

و لا أقول لك ده إللي تستاهل البوس رجل ساكنها

الله يفتح عليك و ينصر دين أهلك يا عصير مصر

[شريف عبدالسلام]

قلت اللي قلبي واجعني و نفسي اقوله ... يسلم زجلك ويسلم شعرك

[سعدالشرقاوى]

ياسلام ياعم سعد .. لو كنت وزير بجد .. كنت تنغنغنا ..



بس على رأيك .. دى حاجه مش ممكن تحصل إلا فى الحلم ..

ماهى الا أضغاث احلام
ويارب ماحد يستكتر علينا الحلم
اخى الاستاذ/محمد الآلاتى
اسعدتنا بمرورك الكريم
الذى زيّن صفحتنا واعطاها فخرا وضياء
كل سنه وانت طيب يابو حسام
وكل الاسره الكريمه
واعزرنى دى آخرة النوم فى الغيط

[سعدالشرقاوى]

هيا التوته دي ملهاش رجلين عشان أبوسها


و لا أقول لك ده إللي تستاهل البوس رجل ساكنها


الله يفتح عليك و ينصر دين أهلك يا عصير مصر

والله انا كنت زعلان جامد
لمّا علمت انك فى مصر ومافيش حتى اتصال
ومانتش غريب كانت تراودنى فكرة
اسناد المهمة للاستاذ على صلاح واعفاءكم
دا يعنى لو كنت فضلت فى الشغلانه دى
لكن الحمدلله على كل حال
وحشتنى ياريس وحشتنى جدا
ويعلم الله انى دائم السؤال عليك
وادعوالله ان تكون والاسرة الكريمه بخير
اعاد الله عليكم ايامه بحير ويمن وسعادة

[سعدالشرقاوى]

الله ينور عليك كمان وكمان ياعم سعد ياعبقري
الكلام دا كأنه ترجمة للي جوا ناس كتير بتفهم.. لكنهم لايملكون ملكة التعبير الشعري السهل الممتنع اللي متعتنا بيه.
ولو رجعنا شوية لعمنا الكفراوي وزير التعمير اللي ماعمرش كانت تجربة وحلم ماكملش
والخطا كلها أحلام.
ربنا يعمر بيتك
استاذى الحبيب الحاج ممدوح
والباحث فى انابيش العصر الذهبى للطرب العربى
واصالته فنا وفنانين
سعادتى بمروركم عاجز على وصفها
وانت وانا والكثير ربما لانملك الا الحلم
وأظنه حق فطرى جبل عليه الخلق
وعموما هى من وجهة نظرى ظاهرة صحية
أفصل من اليأس والكوابيس
نسال الله العفو والعافيه
وكل عام وانتم بخير

[رائد عبد السلام]

الخال الأصيل : سعد الشرقاوي
أتعجب كثيراً عندما أقرأ شعرك !!

كيف يمكن لشاعر أن يختار ألفاظه بهذه الدقة
لتعبر عن أفكاره ... بكل هذا الوضوح؟؟

امتلأت القصيدة بكثير من المفردات (شديدة الخصوصية )
بل تكاد تلك المفردات لاتـُستخدم إلا في مصر :

علي النوتة ، أسرح ، أقــيـّل، لطـّـيط ،الكلابوش

كل هذا غير المصطلحات :
لو عوزتوني ...( كما يفعل المصريون عادة )عندما
يسيبوا خبر (للجماعة) عندما يأتيهم مشوار طاريء.

شميت بصلة....مع أن كل الشعوب ربما تدوخ
إذا شموا البصلة بعمق إلا المصريون فإنهم ......يفيقون :rolleyes:

عيشتنا صبحت مزيكا ....كناية عن انعدال الحال وروقانه

*********

كان جارى طالق غنمات
دهسونى وانا تحت التوته

أما هذه ياخال فهي ..مصيبة لوحدها :mdr::mdr:

*******
كل ماسبق هو ما جعل ت.س.إليوت يقول :
إن الشاعر يُـولد ...ولا يُصنع

وأنت وُلدت شاعراً ياخال ..

تسلم قريحتك ويسلم إبداعك

:emrose:

[سعدالشرقاوى]

الخال الأصيل : سعد الشرقاوي

أتعجب كثيراً عندما أقرأ شعرك !!

كيف يمكن لشاعر أن يختار ألفاظه بهذه الدقة
لتعبر عن أفكاره ... بكل هذا الوضوح؟؟

امتلأت القصيدة بكثير من المفردات (شديدة الخصوصية )
بل تكاد تلك المفردات لاتـُستخدم إلا في مصر :

علي النوتة ، أسرح ، أقــيـّل، لطـّـيط ،الكلابوش

كل هذا غير المصطلحات :
لو عوزتوني ...( كما يفعل المصريون عادة )عندما
يسيبوا خبر (للجماعة) عندما يأتيهم مشوار طاريء.

شميت بصلة....مع أن كل الشعوب ربما تدوخ
إذا شموا البصلة بعمق إلا المصريون فإنهم ......يفيقون :rolleyes:

عيشتنا صبحت مزيكا ....كناية عن انعدال الحال وروقانه

*********

كان جارى طالق غنمات
دهسونى وانا تحت التوته

أما هذه ياخال فهي ..مصيبة لوحدها :mdr::mdr:

*******
كل ماسبق هو ما جعل ت.س.إليوت يقول :
إن الشاعر يُـولد ...ولا يُصنع

وأنت وُلدت شاعراً ياخال ..

تسلم قريحتك ويسلم إبداعك


:emrose:

رائد الشعر والفن المصرى
استاذى ولى عظيم الشرف
رائد عبد السلام
ان أخطأت فمن نفسى
وان أصبت فمن الله ومنكم
فأنا ما أنا الا بكم وبتوجيهاتكم
ويعلم الله اننى مطوق بعظيم جمائلكم
واقولها مادمت حيّا
زادكم الله من فيضه
وانعم عليكم بتجلياته
وجعلكم دائما قدوة لتلاميذكم امثالى
واشهد ربى على صدق قولى
وكل عام وانتم فى تقدم وازدهار
متمتعين بكامل الصحة والسعادة

[حسن كشك]

ياجناب العمده
وكمان بتعترف انك حلمت
تبقى وزير
وأتجرأت وحلمت انك قابلت الريس
وربنا العالى الغالى من اول كلمتين عرفت انك بتحلم

احمد الله ان ماحدش من حبايبنا الحلوين ... شافك وانت بتحلم
ساعتها مش الغنمات هما اللى كانوا هايدهسوك ويفوقوك
لكن الغنمات البشرية اللى لابسين البيادات مقاس 55 وانت طالع
الحمدلله على السلامه ياعمده
حته حلوه والله وجميله .. بس بلاش تعترف بأحلامك احسن لك
وفكرتنى زمااااااااااان لما كنا بنأجر التوته بقرش صاغ
ونفضل نهز فيها ونلم التوت وناكل لما نشبع .... ايام جميله
فكرتنا بيها ياعمده
تحياتى على كلامك الجميل ....
كلام فى سرك .... كلنا حلمنا حلمك .... وكل واحد اندهس حسب ضميره وحلمه
انا دهسنى قطر سكه حديد
عرفت انا حلمت بأيه ؟؟؟؟

[سعدالشرقاوى]

قلت اللي قلبي واجعني و نفسي اقوله ... يسلم زجلك ويسلم شعرك
الاخ الاستاذ/شريف عبدالسلام
شاكر لمرورك
وسلمك الله من كل مكروه
وارحب يشخصكم العظيم بيننا فى سماعى

[سعدالشرقاوى]

ياجناب العمده

وكمان بتعترف انك حلمت
تبقى وزير
وأتجرأت وحلمت انك قابلت الريس
وربنا العالى الغالى من اول كلمتين عرفت انك بتحلم

احمد الله ان ماحدش من حبايبنا الحلوين ... شافك وانت بتحلم
ساعتها مش الغنمات هما اللى كانوا هايدهسوك ويفوقوك
لكن الغنمات البشرية اللى لابسين البيادات مقاس 55 وانت طالع
الحمدلله على السلامه ياعمده
حته حلوه والله وجميله .. بس بلاش تعترف بأحلامك احسن لك
وفكرتنى زمااااااااااان لما كنا بنأجر التوته بقرش صاغ
ونفضل نهز فيها ونلم التوت وناكل لما نشبع .... ايام جميله
فكرتنا بيها ياعمده
تحياتى على كلامك الجميل ....
كلام فى سرك .... كلنا حلمنا حلمك .... وكل واحد اندهس حسب ضميره وحلمه
انا دهسنى قطر سكه حديد
عرفت انا حلمت بأيه ؟؟؟؟


استاذنا الفاضل/حسن بيه كشك
المثل بيقول اللى له عمر ماتهينوش شدة
والمكان ده بالذات تحت التوته مناماته دايما كده
وبافكر زى مابيقولوا
أغيّر المرقد يمكن الاحلام تتغير
ولايهمك
من القطارات
ادينى عمرى وارمينى تحت القطر
وانت علمتنا ياخال كيف نتحدى المستحيل
كل عام وانتم بخير

[على عبداللاه]

الله يكرمك يا عم الحج
انت فظييع بتجيب كلام اموت واعرف بتجيبه منين
والله انت واحشنى جدا

[د أنس البن]

حبيبى الحاج سعد .. شاعر التوته وما تحتها
أولا الفكره جميله والنظم أجمل ولن أضيف كثيرا لما قاله إخوانى
ثانيا إحمد ربنا وبوس إيديك لاتنين وش وضهر إنه كان حلم , بلا وزاره بلا وجع قلب , وزارة إيه يا حاج وهم إيه , هو فيه وزير ح يورد على جنه إلا من رحم ربى وهدى وحفظه من مصائبها , ومثلهم أندر من الكبريت الأحمر كما يقال , أفكارك كلها حلوه وجديده يا حاج سعد فلا تحرمنا وسألناك الدعاء .......

[حسن كشك]

ومثلهم أندر من الكبريت الأحمر


اظنك تقصد ياعمنا الكبير د انس
الزئبق الاحمر ....
لان هو اللى نادر ... لكن الكبريت الاحمر مالى السوق ... ابعتلك قاروصه على الجماليه

[سعدالشرقاوى]

الله يكرمك يا عم الحج

انت فظييع بتجيب كلام اموت واعرف بتجيبه منين

والله انت واحشنى جدا

الاخ الكريم الشاعر الاستاذ/على عبداللاه
هذا قليل مما عندكم والتوته فى انتظاركم من زمان
وانت اللى مشغول بما تسمونه (البكانس)
وانا متهيألى خلص
يالله هز هلالك ومتعنا ايها الجميل

[سعدالشرقاوى]

حبيبى الحاج سعد .. شاعر التوته وما تحتها

أولا الفكره جميله والنظم أجمل ولن أضيف كثيرا لما قاله إخوانى
ثانيا إحمد ربنا وبوس إيديك لاتنين وش وضهر إنه كان حلم , بلا وزاره بلا وجع قلب , وزارة إيه يا حاج وهم إيه , هو فيه وزير ح يورد على جنه إلا من رحم ربى وهدى وحفظه من مصائبها , ومثلهم أندر من الكبريت الأحمر كما يقال , أفكارك كلها حلوه وجديده يا حاج سعد فلا تحرمنا وسألناك الدعاء .......

والدنا الكريم الدكتور انس
صباحك خير وعامك خير
وايامك كلها سعادة
وادعو الله ان تكون حياتكم فى فجرعامكم
قد سادها الاطمئنان
اراح الله قلوبنا بجميل اخباركم واسعدنا بكم
والدعاء نسألكم اياه فانتم اهله
دمتم بكل خير وسعادة
وكل عام وانتم بخير

[سعدالشرقاوى]

اظنك تقصد ياعمنا الكبير د انس

الزئبق الاحمر ....
لان هو اللى نادر ... لكن الكبريت الاحمر مالى السوق ... ابعتلك قاروصه على الجماليه

طوّل بالك ياعمى حسن
ماتولعش فيها
دا كلمة (كبريت)
كناية عن حاجة تانية
متهيألى اسم بلد واللا عاصمة
اللى انت تقصده اسمه (كسفريت)
ودا انقرض من زمان
صباحك زى العسل

[أسامة المهدي]

لمّا لقيت الخلق كتيره
وفوق النـّص رجال أعمال
رحت مشكـّل لجنة بحث
وقولت هاتولى صحاب المال
,,,,,
اللى فى إيده الميت مليون
لازم يدفع منهم عشره
والاعلان فى التلفزيون
والخطـّه انذاعت فى النـّشره
,,,,,
واللى يعارض واللا يهدّد
لازم يدفع لو بالقوّة
فات شهرين ولقيتنى مسدّد
كلّ ديونـّا برّه وجوّه




الله الله الله .. مش بس شاعر عظيم .. وزير ماليه بحق ..
والله باتكلم جد .. بس تقول لمين

ألف شكر وتسلم أيدك يا شاعرنا

[محمد محمدالعقاد]

صاحب المعالى عمنا /سعد الشرقاوي
وزير الغلابة في مصر المحروسة
العنوان/تحت التوتة
هنيئا لكم على توليكم هذا المنصب حتي ولو كان فى الاحلام
دمت بخير ودام ظل التوتة التي أظلتك كثيرا حتى غلبك النوم فكان هذا الحلم الجميل والشعر الأجمل كل مودتى وتقديري لما تخطه بيديك تحت التوتة.
الشاعر/محمد العقاد

[سعدالشرقاوى]

صاحب المعالى عمنا /سعد الشرقاوي
وزير الغلابة في مصر المحروسة
العنوان/تحت التوتة
هنيئا لكم على توليكم هذا المنصب حتي ولو كان فى الاحلام
دمت بخير ودام ظل التوتة التي أظلتك كثيرا حتى غلبك النوم فكان هذا الحلم الجميل والشعر الأجمل كل مودتى وتقديري لما تخطه بيديك تحت التوتة.
الشاعر/محمد العقاد

شيخى ومعلمى
الاستاذ/محمد العقاد
كيف الحال وحشتنى
تصدقنى توقيعك على هذه الوزاره
خللانى اقراها من جديد
لانها الآن لها شأن آخر
بعد ان تزينت بمروركم
متعكم الله بالصحة والسعادة