ليه؟ .... (فضفضة)

[Tarek Elemary]

ليه يا عُمْر بتعدى قَوَام تجرى؟
ما حسِّيت بيك و ليه لياليك
بتسرق حلمى من فجرى؟
و تسرق م النهار أنوار
و تسبقنى الدموع أنهار
تدوِّب بالحنين صبرى
و ليه يا عُمر مهما تْمُر
لا بْتِهْنَى و لا بِتْسُّر؟
ولا فيك ناس و لا حبايب
مدام لِسَّه الحبيب غايب
و فين أراضيه؟ وأيه يرضيه؟
و ليه قاسى ...
مدام شاف إن أنا دايب؟
و ليه يا سنين يفوتنى حزين؟
و ساكن طيفه نِنْ العين
و يحلالُه عذابى ليه؟
و ليه يحلاله بينَّا البين؟
على أمل اللُّقا الخادع
يغيب الوعد و يلاوع
يمنينى و ياخدنى يِوَدِّينى
لآخر سكةْ العاشقين
و يرمينى
وحيد وسط الفَضَا الواسع
و دمعى يسيل و أنا راجع
و أسأل ليه؟
و ليه .. كلمة ما ليها جواب
و ليه ... دايما ماليها عتاب
تفيض بعذاب و تِسْأَلنى
و أنا دايماً عليه مَجْنى
مافيش كلمة تِرَيَّحْنى
و من كتر الهموم مَحْنى
و لمَّا بَحاول أفتح باب
ألاقى من وراه مية باب
و يتكرر سؤالى ... ليه؟
و ليه الغُربة ساكنانى
و ليه غامقة يا ألوانى
و فيه حاجز كبير واقف
مخلِّينى مانيش شايف
و لا عارف ...
أدوب فى حضن خلَِّانى
و مين حط الحواجز دى
و مين زارع و مين بانى
و تفضل برضه كلمة ليه؟
و ليه صوتى ماهوش واصل؟
و ليه السور أو الفاصل؟
و لا يمكن يكون موصول
بدون ما يكون هناك واصل
و مش عاوز كلامى يكون
يادوب تحصيل من الحاصل
و أرجع تانى أسأل ليه؟
سؤال لم حد رد عليه
و روح قلبى الجواب فى عنيه
و عُذره أيه؟
نسينى ليه؟

[NAHID 76]

بسم الله الرحمن الرحيم
الشاعر الرقيق طارق العمرى
ليه أبكيتنى وجعلت دموعى ستار بينى وبين الكلام
ليه وألف ومليون ليه أنا بسأل عنهم
بس أنت عارف
جرب تعامل الناس بمعاملاتهم
تصدق لقيت نفسى أنا وحدى
وعجبى
تحياتى على كلماتك المؤثره وأحساسك العالى

[Tarek Elemary]

السيدة الرائعة كالعادة و المدهشة دوماً ناهد هانم
سامحينى على دموعك التى سالت و سامحينى أنها أسعدتنى، هنا فقط تسعدنى دموعك، فهى شهادة وصول المعنى لوجدان المتلقى و ما كنت أتخيل لهذا العمل أن يؤثر فى غيرى هكذا
فقد كتبته كزفرة ألم خرجت فى صورة تساؤلات تمت فى ربع الساعة و بلا مراجعة أو تدقيق و بلا صنعة و لا مراعاة أصول و أبجديات الشعر فخرج هكذا
هو فضفضة حقيقية و حديث النفس لذاتها بالفعل و اتمنى أن يلقى لدى الجميع ما لاقاه عند حضرتك بلا دموع و إلا أصبح ترويجا لمنتجى الكلينكس يوجب عليهم تخصيص نسبة من ارباحهم للعبد لله
تقبلى تحياتى و إعتزازى الكبير بشخصك و قلبك
:emrose::emrose:
:emrose:

[Tarek Elemary]

روابط الأعمال الأخرى
=============
كعب داير (http://www.sama3y.net/forum/showthread.php?t=71476)

تأبين الهوى (http://www.sama3y.net/forum/showthread.php?t=70398)

أنا إنسان (http://www.sama3y.net/forum/showthread.php?t=71616)

أنا باقى (http://www.sama3y.net/forum/showthread.php?t=71600)

ليه .. (فضفضة) (http://www.sama3y.net/forum/showthread.php?t=71683)

أنا فارس (http://www.sama3y.net/forum/showthread.php?t=71593)

حلم ليل مسجون (http://www.sama3y.net/forum/showthread.php?t=71649)

[علاء طه ياسين]

لماذا يا اخي كل هذا الوجع ..
والله زعلتني ..
كمية كبيرة من الحزن هنا ..
آه لو تعود .. وتعود ..
علاء

[فؤاد]

في يوم من الأيام
أنا وسبق قلت لحضرتك
ليه كل الحزن ده ........
( لا أعرف لماذا .....)
( كل سنه وأنت طيب :emrose::emrose::emrose::emrose:)

[Tarek Elemary]

حبايبى علاء و فؤاد
الله يكرمكم و يباركلى فيكم يا رب ... بس دى فضفضة و لما الواحد يفضفض و حد يسمعه بيستريح و يبقى زى الفل
و آدينا فضفضنا و خلاص كله تمام
شكراً لإخلاصكم و نبل أخلاقكم

[علاء قدرى]

مافيش كلمة تِرَيَّحْنى



و من كتر الهموم مَحْنى


و لمَّا بَحاول أفتح باب


ألاقى من وراه مية باب


و يتكرر سؤالى ... ليه؟


و ليه الغُربة ساكنانى


و ليه غامقة يا ألوانى


و فيه حاجز كبير واقف


مخلِّينى مانيش شايف


و لا عارف ...


أدوب فى حضن خلَِّانى


و مين حط الحواجز دى


و مين زارع و مين بانى


و تفضل برضه كلمة ليه؟


و ليه صوتى ماهوش واصل؟


و ليه السور أو الفاصل؟


و لا يمكن يكون موصول


بدون ما يكون هناك واصل


و مش عاوز كلامى يكون


يادوب تحصيل من الحاصل


و أرجع تانى أسأل ليه؟


سؤال لم حد رد عليه


و روح قلبى الجواب فى عنيه


و عُذره أيه؟


نسينى ليه؟


الشاعر الجميل طارق
الجزء اللى فات ده قصيدة لوحدة ؛ والجزء الاول قصيدة لوحدها
هكذا احسست بها
وما دامت فضفضة
يبقى كل شئ متاح
ولسه مشوار الحياة شايل لنا وقفات تستحق التامل
كل سنة و انت طيب يا شاعر ياجميل

[سعدالشرقاوى]

استاذى ومعلمى الشاعر القدير/طارق العمرى
لولا انها ايام الروحانيات والدموع
كنت زعلت منك
لكنها صادفتنى فى صباح جمعة التبشير برمضان
فوافقت هواى
و ليه الغُربة ساكنانى
و ليه غامقة يا ألوانى
و فيه حاجز كبير واقف
مخلِّينى مانيش شايف
و لا عارف ...
أدوب فى حضن خلَِّانى
و مين حط الحواجز دى
و مين زارع و مين بانى
و تفضل برضه كلمة ليه؟
و ليه صوتى ماهوش واصل؟
و ليه السور أو الفاصل؟
و لا يمكن يكون موصول
بدون ما يكون هناك واصل
و مش عاوز كلامى يكون
يادوب تحصيل من الحاصل
انها انبوشة
نبشت فى مكنون الوجدان
فحرّكت الساكن
واخرجت آهات من ؤمن فات
تسلم ياحبيب قلبى
وكل عام وانت وعمر وسلمى
وشهر3كله بخير

[Tarek Elemary]

الشاعر الجميل طارق
الجزء اللى فات ده قصيدة لوحدة ؛ والجزء الاول قصيدة لوحدها
هكذا احسست بها
وما دامت فضفضة
يبقى كل شئ متاح
ولسه مشوار الحياة شايل لنا وقفات تستحق التامل
كل سنة و انت طيب يا شاعر ياجميل

الرائع كعادته ... علاء قدرى
كل سنة و أنت طيب

****
لما تلاقى اللى يسمع
يبقى الكلام فضفضة
و لما ما تلاقيهوش
يبقى صريخ فى الفضا
بس إحنا طول عمرنا
شربنا من أهلنا
طعم الشعور بالرضا
ومهما كان همِّنا
نرميه ورا ضهرنا
و يبقى يوم و إنقضى
و إن جبنا سيرته فـ يوم
من غيار أسى أو لوم
بتبقى دى فضفضة

[Tarek Elemary]

استاذى ومعلمى الشاعر القدير/طارق العمرى

لولا انها ايام الروحانيات والدموع كنت زعلت منك لكنها صادفتنى فى صباح جمعة التبشير برمضان فوافقت هواى
انها انبوشة
نبشت فى مكنون الوجدان
فحرّكت الساكن واخرجت آهات من زمن فات
تسلم ياحبيب قلبى وكل عام وانت وعمر وسلمى

وشهر3كله بخير

كل سنة و أنت طيب و مدحت و أم مدحت و البنوتة و بعودة الأيام
يا أطيب و أنقى قلب يا عم سعد
===============
حكى حكايات بلدنا و شَهِّدْ التوتة
و جاى يسألنا حلوة ولا ملتوتة
وقلبه نبيل و نغمه جميل
و كل كلامة متلحن على النوتة
يا شرقاوى يا كفراوى يا بحراوى
يا أحلى سعد فى الدنيا
أنا غاوى
و حب الكلمة ده غِيّْة
و مش تسبيل و ملاغية
ده موقف فى الحياة واضح
و تانى هاقول .. فروسية

[Tarek Elemary]

لماذا يا اخي كل هذا الوجع ..

والله زعلتني ..
كمية كبيرة من الحزن هنا ..
آه لو تعود .. وتعود ..
علاء


يا صديقى الغالى
الحزن كحل العيون لما الزمن يقسى
و إنت سكنت العيون و لا عمرنا ننسى
فينك يا واد من زمان .. فين ضحكتك يا علاء
تايه فى بحر الحياة و قلوبنا ليك مرسى