المساعد الشخصي الرقمي

مشاهدة النسخة كاملة : قصر الوهم العالي

علاء طه ياسين
10/08/2009, 15h35
إوعي تصدق إني بأحبك
أو باتمني ارجع لك تاني
كان ياما كان وانتهي يا حبيبي
سيبك مني خلاص انساني
:emrose:
قلبي الشجر الطارح ضله
بقا مبيستحملشي مذلة
وانت مجرد كلمة ف غنوة
غصبن عني نطقها لساني
:emrose:
كنت باعيش في خيالي ليالي
ابني ف قصر الوهم العالي
وانت تدوس علي نقطة ضعفي
وانا فاكراك بتضحي عشاني
:emrose:
كنت مبتحبش غير نفسك
ضعفك كان عمال بينافسك
مش شايف غيرك في الدنيا
يعني بكل بساطة أناني
:emrose:
علاء طه ياسين
Tarek Elemary
10/08/2009, 15h52
أخيراً يابن يس خرجت من شرنقة العاشق الولهان
أهو كده .... أعجبتنى جداً جداً
بس برضه بتاع بنات و بتتكلم بلسانهن يا خلبوص
عفاف سليمان
10/08/2009, 16h08
كنت مبتحبش غير نفسك
ضعفك كان عمال بينافسك
مش شايف غيرك في الدنيا
يعني بكل بساطة أناني
اخى الاستاذ علاء ياسين:emrose:
كلماتك رقيقه وفى نغم دائم مستمر موسيقى عذب:crazy:
سلمت يداك وسلمت من كل شر
الصراحه كل مره احلى واحلى من اللى :)قبلها
الواحد مش عارف يقولك ايه
الله يوفقك:emrose:
تحياتى لك وللجميع بكل الخير
واوقات طيبه وسعيده
اختكم عفاف
علاء طه ياسين
10/08/2009, 16h10
يا طارق بك ..
:emrose:
ربنا يخليك ويبارك لنا ف عمرك ..
وطالما عجبتك ..
تبقي كويسة والحمد لله ..
و الحب ملهوش كبير يا عم طارق ..
وبعدين هاهرب منك فين يعني ..
وانت اخويا الكبير ..
لك مني هذه الزهرة :emrose:
علاء
علاء طه ياسين
10/08/2009, 16h18
أخت النهر المتدفق بالطيبة
الأستاذة عفاف
:emrose:

دائما تأتين باجمل الكلمات التى تجعلني فى كل مره
أشعر أنني شاعر كبير
وتجعلني أنتظر ردودك دائما
وعلي فكره
قصتك كانت السبب في الغنوة دي ..
لك الحب والتقدير
وهذه الوردة:emrose:


علاء
عفاف سليمان
10/08/2009, 16h30
اخى الكريم الاستاذ علاء:emrose:
انت اللى كلك زوق واحساس متدفق :o
وقدرت تطلع من القصه هذه الصوره الجميله:crazy:
التى لو كنت انا حاولت ان ارسمها فلن استطع
وهذه حال بعض الشابات التى يفوتهن قطر الزواج وياملن فى زوج او عريس مناسب حتى يستطيعون ان يكملوا حياتهم
قبل ان تفوتهم وتنتهى دون وجود ذكرى لهم من اولاد يترحمون عليهم او يدعوا لهم
تحياتى واعتذر عن الاطاله:rolleyes:
اختك عفاف
سعدالشرقاوى
10/08/2009, 18h59
شقيق الروح/علاء ياسين
تصدّق ان انا وكأنلا باشوف علاءولاوّل مرّه
فيها نغمه ماحصلتش منك قبل كده
اسمع دى
قلبي الشجر الطارح ضله
بقا مبيستحملشي مذلة
وانت مجرد كلمة ف غنوة
غصبن عني نطقها لساني
:emrose:
كنت باعيش في خيالي ليالي
ابني ف قصر الوهم العالي
وانت تدوس علي نقطة ضعفي
وانا فاكراك بتضحي عشاني
فيه جمال بعد كده ؟ يمكن لكن عند علاء ياسين
علاء طه ياسين
10/08/2009, 19h18
حبيبي وصاحبي وتوأمي
ورفيق دربي
سعد الشرقاوي
:emrose:
طبعا فيه أجمل ..
الأجمل كلامك إنت يا ابو مدحت ..

أما يا سيدي ..النغمة الحلوة دي ..
مستحيل توصل لمستوي أعمالك الرائعة ..
....

ربنا ميحرمنيش منك ..
يا ابو مدحت
يا غالي
....

الوردة دي مني ليك
:emrose:
وكل سنة وانت والأسرة والأهل والأحباب بخير ..

علاء
NAHID 76
11/08/2009, 09h59
بسم الله الرحمن الرحيم
الغنائى الرائع علاء ياسين
مبروك علينا الخروج الكبير اللى أشار له الأستاذ طارق ;)
أما الثأر لكرامه المحب رائعه فى كلمات معبره جميله كعادتك
يا أبو أكبر مريدين ومعلقين لك فى بداياتك يا علاء
بس تستاهل وعن حق وجداره
تحياتى
رائد عبد السلام
11/08/2009, 11h30
قلبي الشجر الطارح ضله
بقا مبيستحملشي مذلة
وانت مجرد كلمة ف غنوة
غصبن عني نطقها لساني
:emrose:
كنت باعيش في خيالي ليالي
ابني ف قصر الوهم العالي
وانت تدوس علي نقطة ضعفي
وانا فاكراك بتضحي عشاني
:emrose:
كنت مبتحبش غير نفسك
ضعفك كان عمال بينافسك
مش شايف غيرك في الدنيا
يعني بكل بساطة أناني
:emrose:

علاء طه ياسين


كان عمنا جاهين بيقول لعم أعمامنا فؤاد حداد :
أنا أشهر منك وأنت أشعر مني !
فيرد عليه عمنا حدّاد : وأنت أشطر مني علشان بتقص
الشعر بمقص محترف ..

افتكرت الحوارية الفلسفية دي
أثناء قراءتي لواحدة من أغانيك الجميلة

أنت شاعر .....وشاطر
الله ينور ياعلاء:emrose:
ahmedazmy_2009
11/08/2009, 17h23
انا قرأت ليك اكتر من عمل بس بجد العمل ده مختلف
كلام بسيط ومعاني عميقة بحييك من كل قلبي ودايما
منور المنتدى بموضوعاتك تقبل مروري
علاء طه ياسين
14/08/2009, 09h48
المدام المدهشة الطلة
ناهد
:emrose:
أعتذر عن تغيبي في الرد وذلك لسوء خدمة النت في قريتي ..
وحين عاد النت
ووجدت ردك
فرحت جدا بيه ..
وحاولت أثأر لنفسي ;)
بس المهم الثأر مش يكون بالكلام ..
يكون بالأفعال ..
ادعيلي ..
لك مني هذه الزهرة :emrose:
علاء
علاء طه ياسين
14/08/2009, 11h48
الخال الشاعر
رائد عبد السلام
:emrose:

مش قولت لك قبل كده
انا فيا حاجة منك
...
مرورك لموضوعوعاتي يزيدني شرف
وشهادتك ليا وسام
...
بس رجاء
متغيبش عننا كتير
...
أقدم لك باقة ورد
:emrose::emrose::emrose:

علاء
علاء طه ياسين
14/08/2009, 11h50
الأستاذ الفاضل
أحمد عزمي
:emrose:
بداية تقبل مني هذه الوردة
:emrose:

ونورت موضوعي في أول تعليق ليك علي مواضيعي
وأشكرك جدا علي اهتمامك ومتابعتك
وأتمني التواصل دائما
:emrose:

علاء