المساعد الشخصي الرقمي

مشاهدة النسخة كاملة : كعب داير

Tarek Elemary
05/08/2009, 11h19
أسوان و إدفو يا سمارة
الأقصر معابد و حضارة
كوم أمبو و أبو سمبل أجمل
من النجوم الدوارة
***
و نجع حمادى يا أبطال
سلام لكل بطل شغال
أفوت على الغردقة و أرجع
أقول لقنا الشوق بطال
***
سوهاج تصبح على طهطا
بحب مش شغل أونطه
من البلينا الهوى جارف
واصل لبحرى فى السنطه
***
لا باخبى حبى و لا بادارى
من تانى راجع يا بدارى
أبدر على أسيوط حبى
و اطفى اشواقى ونارى
***
يا منفلوط شوفى قوصية
ديروط شباب مية المية
من ملوى لحد أبو قرقاص
المنيا هنا مستنية
***
صفت اللبن يا سمالوطى
مغاغة وافقت بشروطى
الفشن مال ع الدبابية
يا سويفى مانتش بمبوطى
***
من اللاهون رحت الفيوم
سواقى دايرة يوم ورا يوم
م الواسطى على جرزا نعدى
دهشور تبان فى نهاية اليوم
***
الصف لف شمال و يمين
عنيه تبص على التبين
حُط الرحال نرتاح حبة
حلوان تعدى للبدرشين
***
القلعة لبست فى الخانكة
الوايلى شارك بالشبكة
فى السيدة و مصر عتيقة
حلِّت على الخلق البركة
***
أنا جيت يا عتبة فى معادى
ويايا أزهار الوادى
روض الفرج حَضَن الساحل
حلى الضفاير يا معادى
***
ورد الحدايق كان رايق
ماهو كلنا أخوة شقايق
مصر الجديدة خدت نزهة
يا شبرا أنا دايماً عاشق
***
و شوقى زاد بقى تل كبير
آهين يا ناس من هوى أبوكبير
و قلبى فى الزقازيق زقزق
و الشمس من ميت غمر تغير
***
من السويس قلت يا فايد
يا بور فؤاد حبك زايد
فى بورسعيد شفت تاريخى
لقيتنى للقنطرة عايد
***
من السويس للأدبية
الفنجرى غالية عليَّا
و الطور تشاور تلاقينى
ع الباب و مهرها فى إيديَّا
***
رفح تقولَّك يا زويِّد
أنا فى العريش باشا و سيِّد
يا طابا طلى على نويبع
قابلينى فى الشرم نعيِّد
***
قليوب يا ماشية على قناطر
باسوس و برقاش و الحاجر
بهتيم لبلبيس بتنادى
فى طوخ ملوك جبر الخاطر
***
من بركة السبع قويسنا
و شبين تصبح على إسنا
بسيون على الفجر تجينا
تلاقينا مع طنطا نعسنا
***
زاد الحنين و صرخ شبرا
منصورة يا محلة يا كبرى
دسوق تروق تنده فوه
و الشيخ فى كَفْرُه كتب أوبرا
***
نسيت دموعى مع العياط
من كفر سعد أروح دمياط
شربين فى جمصة بتتعايق
الجربى على راس بره بساط
***
شربين ترجعنى لنبروه
و منوف فى قلب شبين هاتتوه
تلا تروح كفر الزيات
عاشق يا ناس ع الهوى دِلِّوه
***
تيه البارود ياأم الأدهم
يا كوم حمادة النار أرحم
من شوق لحوش عيسى كاوينى
فى شبراخيت صاحى و باحلم
***
رشيد يا بانية المجد قصور
عصفور و شقشق يا دمنهور
إدفينا إدكو مع البيضا
فى الطابية واقفين جنب السور
***
شال السيوف ع المعمورة
سيدى بشر ظهرت فى الصورة
يامندرة خبى عيونك
دى اسكندرية شمندورة
***
سموحة سيدى جابر حاير
يا رشدى و النورس طاير
الشاطبى ع المرسى يمسى
قبارى يا أحلى عشاير
***
عامرية مكس على العجمى
كوبرى التاريخ حافظ إسمى
حمام يا ضبعة و علمينك
هنا التاريخ شاهد رسمى
***
مطروح بتحضن فى السلوم
يا سيوة نادى بصوت مكتوم
على الفرافرة و على سينا
بلح باريس يحلى مع الصوم
***
أهى دى نجومك يا بلادى
زهور و مبدورة فـ وادى
يحلى الغنى مع بلدينا
يحلى الندا لما تنادى
علاء طه ياسين
05/08/2009, 12h25
أخي الكبير
طارق العمري
:emrose:
لفيت معاك مصر شارع شارع ..
وحارة حارة ..
وقرية قرية ..
ومدينة مدينة ..
:emrose:
تسلم أياديك ..
علاء
ناصر دويدار
05/08/2009, 20h46
الأنسان الجميل والشاعر المحترم الأخ طارق العمرى
كلام قصيدتك جميل جداً لكن عشان نوصل بعضينا لحالة قصوة
من حالات الجمال
عندى شوية ملاحيظ أرجو أن تتقبلهم بحب وود وأحترام منى أولاً كعب داير مفهومها عند وعينا أنها للحرامية وأرباب السوابق هذه ملحوظة أولى
والقصيدة هى تغنى بجمال مصر فلا يجوز أن يكون التغنى بالجمال كعب داير دى حاجة
الحاجة التانية أن صلاح جاهين حدد هو عايز يغنى فى ايه لما قال أحسن ناس وفؤاد حداد لما قال تعالى نلضم أسامينا كان محدد بردوا ده حتى ريكو لما غنى السيدة كان محدد انا شايف طوب جميل كل طوبة لون زى ما تكون عمارة جميلة لكن الوانها غير متسقة يعنى انا بغنى لمصر كلها دخلت على القاهرة اتكلمت عن مناطق فى القاهرة رحت شمال طلعت يمين فى الأخر انا حسيت انك عايز ترص طوب عشان تبنى بيه عمارة خمسين دور طبعاً المزيكا رائعة وفى رباعيات جميلة وفى رباعيات تانية ملوية قفلتها لكن عمل فيه مجهود وانا بشكرك جداً وتقبل منى حبى وأحترامى وتقديرى
أخوك ...
ناصر دويدار
Tarek Elemary
05/08/2009, 21h52
الصديق و الأخ الصعيدى البكر قبل أى تعديل ,,,,, بخيره يعنى علاء يس
تحياتى و تقديرى و الشكر الواجب بما يليق بك دوماً
المبدع الأهلاوى الرائع ناصر دويدار
أولا معك حق فى العنوان و كان ممكن أتلائم و أقولك إن الحرامى و السوابق يدور معه عسكرى يداً بيد و قدماً بقدم و ممكن ناخد دور العسكر مش الحرامية ;) و لكن الطيب أحسن و واحد صفر فى الشوط الأول
ثانياً الترتيب واضح يا صديقى و باين عليك ما لفيتش مصر (أخوك رحالة) خللى بالك كده تلاقى دى رحلة النيل من الجنوب للشمال و معه قطار الصعيد من أسوان حتى القاهرة و لكن عرج على الغردقة و عاد و دار شرقاً لمدن القناة و شرق الدلتا و سيناء و عاد ثم حتى طنطا فدمياط و كفر الشيخ و وسط الدلتا و عاد لكفر الزيات و أكمل حتى الحدود مع ليبيا فجنوباً لسيوة فالواحات (و إكتشف أن مصر كروية) :mdr::mdr::mdr:
كده واحد واحد بعد الشوطين
حضَّر نفسك لركلات الترجيح يا معلم
علاء قدرى
05/08/2009, 23h37
صديقى الشاعر الجميل طارق(الرحالة):emrose:
جميلة جدا الرحلة
واجمل منها كلماتك البديعة ؛ ووصف المدن التى اجهل منها على الاخص وجه قبلى الذى نرى شخصيته فى رجالة التى تملا كل مكان فى مصر تبحث بجد و اخلاص عن لقمة العيش ؛ فاعرف ظنا لا يقينا طباع اهل الصعيد من تعاملى معهم
رحلة جميلة ؛ ووصف اجمل ؛ ولست مع اخى وصديقى المبدع ناصر دويدار:emrose: الذى احبه كنفسى سوى فى اختيار العنوان لانه يوحى بالوجه الاخر ؛ وكدة تعادل ؛ وفيه وقت اضافى ؛ وضربات جزاء ؛ وعلى فكرة الحكم حتلاقية واخد رشوة على راى عم سعد الشرقاوى ؛ :mdr:وارى ان تقام المبارة فى ارض محايدة (سويسرا مثلا ) او يستضيف المبارة استاذنا الكبير ابو زهده فى كندا
مجهود جميل يا فنان والاختلاف فى الراى ظاهرة صحية ؛ وقد تكون ميزة اضافية فى منتدانا الحبيب سماعى الذى نال احترام الجميع؛ وصار مثلا تحلم به جميع المنتديات
منتظر صافرة البدا لابداع جديد
unicorn
06/08/2009, 00h48
اخى و صديقى طارق ,
أنا ليا ملحوظة صغنطوطة زعلتنى منك أوى أوى , و يمكن يبقى فيها قعدة عرب و غدوة لحمة غرامة,
لييييييييييه ما ربطش الشطرة الرابعة من كل رباعية بباقى الرباعيات و وحدت قافيتها مع زميلاتها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كانت هاتفرق كتيييير معانا و معاك , و كنت هاتبقى مبسوط و احنا مبسوطين و زميلنا ناصر دويدار اللى معجبهوش عدم الارتباط كان هاينبسط اوى كمان ,
ليه ؟؟ ها ؟؟ عيب و لا مش عيب ؟؟:mad:
هاتعمل كدة تانى ؟؟؟
خلاص يا باشا سماح النوبة , و ما فيش غرامة:mdr:
جميلة القصيدة يا عم طارق يا مملكة ,
أول ما ذكرتنى ذكرتنى برائعة فؤاد حداد الفل و الياسمين , الذى نتمنى أن نراك مثله و على دربه.
تحياتى يا صديقى الذى أحبه.
خليـل زيـدان
06/08/2009, 01h05
حمــــداً لله على الســلامة

:mdr:
ناصر دويدار
06/08/2009, 01h22
بص يا طاروقة
؛؛؛؛؛
أنا مش عايز مدرس جغرافيا
؛؛؛؛؛
انا كان قصدى أن ده كله مجهود
رهيب فى اللف والدوران
؛؛؛؛؛
انا لسه مصمم أن الأرابيسك
اللى أنت عامله ممكن كل رباعية
تبقى إحتفالية بالبلد اللى بتتكلم عنها
؛؛؛؛؛
وواضح جـــداً أنك لافف وعارف
لكن بصراحة أنا أكتر حاجة عجبانى
أنك فعلاً بتتكلم على مُدن وبلاد أنت فعلاً
أنك شفتها وعارفها
؛؛؛؛؛
على العموم دى ضربة جزاء
أنا شوطتها نكمل الخمسة ولا واحدة وواحدة
؛؛؛؛؛
تقبل تحياتى وإحترامى وتقديرى
Tarek Elemary
06/08/2009, 07h18
اخى و صديقى طارق ,

أنا ليا ملحوظة صغنطوطة زعلتنى منك أوى أوى , و يمكن يبقى فيها قعدة عرب و غدوة لحمة غرامة,
لييييييييييه ما ربطش الشطرة الرابعة من كل رباعية بباقى الرباعيات و وحدت قافيتها مع زميلاتها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كانت هاتفرق كتيييير معانا و معاك , و كنت هاتبقى مبسوط و احنا مبسوطين و زميلنا ناصر دويدار اللى معجبهوش عدم الارتباط كان هاينبسط اوى كمان ,
ليه ؟؟ ها ؟؟ عيب و لا مش عيب ؟؟:mad:
هاتعمل كدة تانى ؟؟؟
خلاص يا باشا سماح النوبة , و ما فيش غرامة:mdr:
جميلة القصيدة يا عم طارق يا مملكة ,
أول ما ذكرتنى ذكرتنى برائعة فؤاد حداد الفل و الياسمين , الذى نتمنى أن نراك مثله و على دربه.
تحياتى يا صديقى الذى أحبه.

صديقى الرائع أبو مندور
يعلم الله أنك من جوائز الإشتراك بهذا المنتدى الزاخر بالدر الثمين
و لا أختلف معك نهائياً مع إستعدادى التام للغرامة ليس فقط تأديباً و تهذيباً لكن من باب العيش و الملح و التآلف ..... و إطعم الفم ..:mdr:
عموماً نحاول نصيغها تانى بشكل تانى ورانا أيه .... على رأى داليدا
Tarek Elemary
06/08/2009, 07h30
صديقى الشاعر الجميل طارق(الرحالة):emrose:
جميلة جدا الرحلة
واجمل منها كلماتك البديعة ؛ ووصف المدن التى اجهل منها على الاخص وجه قبلى الذى نرى شخصيته فى رجالة التى تملا كل مكان فى مصر تبحث بجد و اخلاص عن لقمة العيش ؛ فاعرف ظنا لا يقينا طباع اهل الصعيد من تعاملى معهم
رحلة جميلة ؛ ووصف اجمل ؛ ولست مع اخى وصديقى المبدع ناصر دويدار:emrose: الذى احبه كنفسى سوى فى اختيار العنوان لانه يوحى بالوجه الاخر ؛ وكدة تعادل ؛ وفيه وقت اضافى ؛ وضربات جزاء ؛ وعلى فكرة الحكم حتلاقية واخد رشوة على راى عم سعد الشرقاوى ؛ :mdr:وارى ان تقام المبارة فى ارض محايدة (سويسرا مثلا ) او يستضيف المبارة استاذنا الكبير ابو زهده فى كندا
مجهود جميل يا فنان والاختلاف فى الراى ظاهرة صحية ؛ وقد تكون ميزة اضافية فى منتدانا الحبيب سماعى الذى نال احترام الجميع؛ وصار مثلا تحلم به جميع المنتديات
منتظر صافرة البدا لابداع جديد
الصديق القريب للنفس و القلب علاء أبوكريم (مش حسن شحاته)
قد تعرفنى يا صديقى أنا على أتم الإستعداد للإختلاف فى الرأى مع سكان مصر جميعاً دون أن يتأثر ودهم داخلى قيد أنملة فى ذات الآن، فاحترام من يختلف معك مقدم على مجرد كسب جولة فى نقاش حول موضوع أو فكرة أو رأى يمضى لحاله و يبقى من تختلف معه أبقى و أحق بكسبه هو فلا مكاسب فردية فى حوار بنَّاء ساعة إذٍ تكون المكاسب جماعية و للطرفين على حدٍ سواء
أما المباراة الفاصلة فنحن على أتم إستعداد للعبها فى أى مكان ماعدا جنوب إفريقيا و أبو دويدار فاهم ليه;)
Tarek Elemary
06/08/2009, 07h33
حمــــداً لله على الســلامة



الله يسلم حضرتك و كل مصر فى كل ربوعها حملتنى لكم السلام و التحية يا أهل السماعى:emrose::crazy:
Tarek Elemary
06/08/2009, 07h39
بص يا طاروقة

؛؛؛؛؛
أنا مش عايز مدرس جغرافيا
؛؛؛؛؛
انا كان قصدى أن ده كله مجهود
رهيب فى اللف والدوران
؛؛؛؛؛
انا لسه مصمم أن الأرابيسك
اللى أنت عامله ممكن كل رباعية
تبقى إحتفالية بالبلد اللى بتتكلم عنها
؛؛؛؛؛
وواضح جـــداً أنك لافف وعارف
لكن بصراحة أنا أكتر حاجة عجبانى
أنك فعلاً بتتكلم على مُدن وبلاد أنت فعلاً
أنك شفتها وعارفها
؛؛؛؛؛
على العموم دى ضربة جزاء
أنا شوطتها نكمل الخمسة ولا واحدة وواحدة
؛؛؛؛؛
تقبل تحياتى وإحترامى وتقديرى

و الله يا عم بالغيظة فيك ما أنا مختلف معاك .... و لا هانولهالك أبداً
أنا أحبك يا تاجر الكراسى و عاشق الإنزواء
و دعنى أصحح لك ده مش مدرس جغرافيا بل هو مهندس رى بيدور مع الترع الرياح (هو جمع ريَّاح أيه بالمناسبة)
ثانى تصحيح هناك فرق يقيناً لا يجب أن يخفى على أبو الكباتن بين ضربة الجزاء و ركلة الترجيح و سلملى على على زيوار
إحنا هنا بنعلم كورة و لغة (فاكرها دى:mdr:) ..... أغششك؟ بالأمارة إسمه فالساو مش فالكاو 1982 أسبانيا
معك كل الحق هى تحتاج لإعادة صياغة و غزل و تعشيق بس الخام موجود و لم يصبه التلف و أعدك بذلك
عاوزين نشوفك بقى ......;)
سعدالشرقاوى
06/08/2009, 09h34
حبيب روحى/طارق العمرى
دوّختنى وراك كعب داير
اسمع أمّا أقول لك

( سيبنى أحلم ياطارق )

علـّمتنا نحلم ونحقق الاحلام
والحلم يسرح معانا سنين كتير قدّام
واللىّف خيالنا سنة عشرين فوق الألفين
شايفينه بالعين ,وبتشهد بيه الأيّام
,,
م البرج للسّد مالقيت حدّ أمثالك
زينة كلام العرب حكمك وأمثالك
معجون بحبّ الوطن,شايل هموم الناس
والدنيا تنداس لو مافيهاش أمثالك
,,
لفـّيت وراك كام بلد على ضفاف النيل
فرحان بحسّى مع نفسى بقول مواويل
وان غابت الشمس أسمع همس أشعارك
تهلّ أنوارك تنوّرلى ظلام الليل
,,,
قبال دفينا تمام ح تلاقى كفر الخير
سمّيها بورصة سمك سمّيها عشّ الطير
سمّيها خضره اللىّ عاشت تنتظر عمرى
فى طارق العمرى اللىّ جاى يبدر تقاوى الخير
,,,
على اليمين تتلفت ح تلاقى نخل وتوت
والطير عليه يلمحك تلقاه سمع وسكوت
والزرع لاخضر بيتمايل مع الموّال
والجوّ عمّال بيضحكلك منين ماتفوت
,,,
ح تلاقى ريحة غيطان ح تلاقى بنـّوته
ح تلاقى أهل الغرام بيقولوا حدّوته
ح تلاقى نسمة عصارى بتحضن الغالى
وأنا وعيالى بنشرب شاى حدا التوته
,,,,,,,
وهنا نتعانق بلهفة........
سيبنى أحلم بلاش تصحّينى......
Tarek Elemary
06/08/2009, 11h02
إن كان ... و ده وارد ... يبقى الشــرف لينا
يا غصن زيتون يا وردة جميلة ف جنــــينة
يا عَزم الأمة يا هِمة يا ساعد من سواعدها
يا شرقاوى يا كفراوى و شهد النيل بيروينا
***
يزيدنا لقاك يا عــــــــــم الكل تشريفة
و نفسى ألقاك بدون واسطة و تعريفة
و لا كارتة و لا فوازير و توك توك
يا فاكهة مصر بعد العصر تــــوليفة
:emrose::emrose:
كوكتيل يعنى:mdr::mdr:
NAHID 76
07/08/2009, 19h18
بسم الله الرحمن الرحيم
الشعر الثائر المحب لمصر ومن فيها
مبدئيا أنا مع الأستاذ ناصر دويدار أن العنوان أوحى لي أنى حقرأ عن مسجون عاد لبلده كعب داير أو عسكرى أو أى شيئ من هذا القبيل
العنوان كان يكون أحلى لو قلنا مثلا ده كله فى الحلوه مصر
ده مجرد رأى شخصى قصير البصيره بالنسبه ليى
أما رائعتك جميله جدا وبها مجهود كبير
بس فين المنصور ة اللى اسرت لويس التاسع :(
تحياتى
Tarek Elemary
07/08/2009, 20h05
بسم الله الرحمن الرحيم
الشعر الثائر المحب لمصر ومن فيها
بس فين المنصور ة اللى اسرت لويس التاسع


أهه يا مدام ناهد
زاد الحنين و صرخ شبرا
منصورة يا محلة يا كبرى
دسوق تروق تنده فوه
و الشيخ فى كَفْرُه كتب أوبرا
ناصر دويدار
08/08/2009, 00h03
يابن اللذينة يا طارق دمك زى العسل
بس أنا بالعند فيك مختلف معاك لأنه ما طلعشى
على زيوار ده اللى ورطه أبنه
عمل فيها فالح وعنده(لغات)
فا عمله الكمين ده
؛؛؛؛؛
أما بقى حكاية مهندس الرى
فأنت كده دخلتنا فى الحوار
الثلاثى
والسباعى
بتاع مية النيل
؛؛؛؛؛
أحسن حاجة هتفصل بينى وبينك
ف الحوار ده
ماتش ملاكمة
وأنا عارف أنك بتحوم زى الفراشة
وبتلدغ كالنحلة يعنى
انا اتهزمتلك بالقاضية يا معلم
خلى علاء قدرى يرتاح
؛؛؛؛؛
الجميل طارق العمرى انا بحبك جداً
وأتمنى لك كل توفيق يا مشمهندس
طـــــــارق
محمودسعد
08/08/2009, 02h27
[QUOTE=Tarek Elemary;345980]أسوان و إدفو يا سمارة
الأقصر معابد و حضارة
كوم أمبو و أبو سمبل أجمل
من النجوم الدوارة
***
و نجع حمادى يا أبطال
سلام لكل بطل شغال
أفوت على الغردقة و أرجع
أقول لقنا الشوق بطال
***
سوهاج تصبح على طهطا
بحب مش شغل أونطه
من البلينا الهوى جارف
واصل لبحرى فى السنطه
***
لا باخبى حبى و لا بادارى
من تانى راجع يا بدارى
أبدر على أسيوط حبى
و اطفى اشواقى ونارى
***
يا منفلوط شوفى قوصية
ديروط شباب مية المية
من ملوى لحد أبو قرقاص
المنيا هنا مستنية
***
صفت اللبن يا سمالوطى
مغاغة وافقت بشروطى
الفشن مال ع الدبابية
يا سويفى مانتش بمبوطى
***
من اللاهون رحت الفيوم
سواقى دايرة يوم ورا يوم
م الواسطى على جرزا نعدى
دهشور تبان فى نهاية اليوم
***
الصف لف شمال و يمين
عنيه تبص على التبين
حُط الرحال نرتاح حبة
حلوان تعدى للبدرشين
***
القلعة لبست فى الخانكة
الوايلى شارك بالشبكة
فى السيدة و مصر عتيقة
حلِّت على الخلق البركة
***
أنا جيت يا عتبة فى معادى
ويايا أزهار الوادى
روض الفرج حَضَن الساحل
حلى الضفاير يا معادى
***
ورد الحدايق كان رايق
ماهو كلنا أخوة شقايق
مصر الجديدة خدت نزهة
يا شبرا أنا دايماً عاشق
***
و شوقى زاد بقى تل كبير
آهين يا ناس من هوى أبوكبير
و قلبى فى الزقازيق زقزق
و الشمس من ميت غمر تغير
***
من السويس قلت يا فايد
يا بور فؤاد حبك زايد
فى بورسعيد شفت تاريخى
لقيتنى للقنطرة عايد
***
من السويس للأدبية
الفنجرى غالية عليَّا
و الطور تشاور تلاقينى
ع الباب و مهرها فى إيديَّا
***
رفح تقولَّك يا زويِّد
أنا فى العريش باشا و سيِّد
يا طابا طلى على نويبع
قابلينى فى الشرم نعيِّد
***
قليوب يا ماشية على قناطر
باسوس و برقاش و الحاجر
بهتيم لبلبيس بتنادى
فى طوخ ملوك جبر الخاطر
***
من بركة السبع قويسنا
و شبين تصبح على إسنا
بسيون على الفجر تجينا
تلاقينا مع طنطا نعسنا
***
زاد الحنين و صرخ شبرا
منصورة يا محلة يا كبرى
دسوق تروق تنده فوه
و الشيخ فى كَفْرُه كتب أوبرا
***
نسيت دموعى مع العياط
من كفر سعد أروح دمياط
شربين فى جمصة بتتعايق
الجربى على راس بره بساط
***
شربين ترجعنى لنبروه
و منوف فى قلب شبين هاتتوه
تلا تروح كفر الزيات
عاشق يا ناس ع الهوى دِلِّوه
***
تيه البارود ياأم الأدهم
يا كوم حمادة النار أرحم
من شوق لحوش عيسى كاوينى
فى شبراخيت صاحى و باحلم
***
رشيد يا بانية المجد قصور
عصفور و شقشق يا دمنهور
إدفينا إدكو مع البيضا
فى الطابية واقفين جنب السور
***
شال السيوف ع المعمورة
سيدى بشر ظهرت فى الصورة
يامندرة خبى عيونك
دى اسكندرية شمندورة
***
سموحة سيدى جابر حاير
يا رشدى و النورس طاير
الشاطبى ع المرسى يمسى
قبارى يا أحلى عشاير
***
عامرية مكس على العجمى
كوبرى التاريخ حافظ إسمى
حمام يا ضبعة و علمينك
هنا التاريخ شاهد رسمى
***
مطروح بتحضن فى السلوم
يا سيوة نادى بصوت مكتوم
على الفرافرة و على سينا
بلح باريس يحلى مع الصوم
***
أهى دى نجومك يا بلادى
زهور و مبدورة فـ وادى
يحلى الغنى مع بلدينا
يحلى الندا لما تنادى


تصدق ؟
هاتصدق انشاء الله
نفسي اسمع اللحن اللي انت لحنته وانت بتكتب الكلمات دي ؟
والنعمه ياعمري انت مغنيها
حتي صوتك بيرن في ودني وانا بقراها وكنت عاوز اتصل بمحمد منير واقولله الكلام اللي هنا ده ؟ بس مش معايا تليفونه ؟
بس برضه اللحن اللي في داخلك قولهولي والنبي
Tarek Elemary
08/08/2009, 11h09
تصدق ؟ هاتصدق انشاء الله
نفسي اسمع اللحن اللي انت لحنته وانت بتكتب الكلمات دي ؟
والنعمه ياعمري انت مغنيها حتي صوتك بيرن في ودني وانا بقراها وكنت عاوز اتصل بمحمد منير واقولله الكلام اللي هنا ده ؟ بس مش معايا تليفونه ؟
بس برضه اللحن اللي في داخلك قولهولي والنبي

حبيبى يا عم محمود و الله
طبعاً مصدق جداً كمان .... بس أنا نفسى تغنيها إنت زى ما تطلع معاك
المهم تكون عجبتك يا فنان يا مبدع
رائد عبد السلام
08/08/2009, 23h16
برضه العربية عملتها معايا....وجيت في الآخر
بس ملحوقة إن شاء الله

رائعة مشاعرك ياشاعر ياجميل
:emrose:
بس بااتفق مع علاء قدري حبيبي
وكمان مع الفارس : أبو مندور
والمصري القراري : ناصر دويدار

الموسيقي بتخللي الشعر لوحة راقصة
مش بس ألوان جميلة..

يسلم إبداعك يا ابن النيل
الشهير بطارق العمري:emrose:
Tarek Elemary
10/08/2009, 01h39
عم رائد .......... إنت تيجى فى أى وقت، البيت بيتك :emrose: تيجى العاشرة مساءاً :emrose:و تفضل تسعين دقيقة :emrose:أو 48 ساعة كأى واحد من الناس
براحتك يا عم ما هو إنت رئيس التحرير و بتكتب بقلم رصاص:mdr: